unfoldingWord 42 - Исо осмонга қайтади
![unfoldingWord 42 - Исо осмонга қайтади](https://static.globalrecordings.net/300x200/z42_Lk_24_22.jpg)
Περίγραμμα: Matthew 28:16-20; Mark 16:12-20; Luke 24:13-53; John 20:19-23; Acts 1:1-11
Αριθμός σεναρίου: 1242
Γλώσσα: Uzbek
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z42_Lk_24_08.jpg)
Худо Исони ўликдан тирилтирган куни, Унинг икки шогирди қўшни шаҳарга кетиб борарди. Йўлда улар Исо билан нима содир бўлгани ҳақида, улар Исо Исроилни қутқарадиган Масиҳ деб умид қилганлари, лекин бунинг ўрнига У ўлимга дучор бўлгани ҳақида сўзлаб кетардилар. Шу орада аёллар У яна тириклигини айтдилар. Шогирдлар энди қай бирига ишонишни билмасдилар.
![](https://static.globalrecordings.net/300x200/z42_Lk_24_12.jpg)
Бу икки шогирд гаплашиб кетаётганида, уларнинг олдига Исо келди ва улар билан юрди. Улар нима ҳақида гаплашаётганларини Исо сўради. Улар эса Уни Қуддусдаги воқеалардан бехабар чет эллик инсон деб ўйлаб, шу кунлар давомида Исо билан содир бўлган воқеаларни сўзлаб бердилар.
![](https://static.globalrecordings.net/300x200/z42_Lk_24_14.jpg)
Шунда Исо уларга Худонинг Каломида Масиҳ ҳақида нима ёзилганини тушунтира бошлади. Азалдан пайғамбарлар ёвуз инсонлар Масиҳни азоблаб, Уни ўлдиришлари ҳақида айтганлар. Пайғамбарлар Масиҳ учинчи куни тирилишини ҳам айтганлар.
![](https://static.globalrecordings.net/300x200/z42_Lk_24_17.jpg)
Шогирдлар тунамоқчи бўлган шаҳарга етиб борганларида, кеч бўлган эди. Шунинг учун улар Исога қолишни таклиф килдилар ва У улар билан бирга уйга кирди. Улар кечки овқатга ўтирганларида, Исо нонни олиб, Худога раҳмат айтди ва нонни синдирди. Шу пайт шогирдлар У Исо эканлигини тушундилар. Лекин Исо шу лаҳзадаёқ уларга кўринмайдиган бўлиб қолди ва ғойиб бўлди.
![](https://static.globalrecordings.net/300x200/z42_Lk_24_18.jpg)
Кейин бу шогирдлар бир-бирларига дедилар: “Бу Исо эди! Шунинг учун У бизга Худонинг Каломини тушунтирганида, биз завқ билан тингладик!”. Ва улар дарҳол Қуддусга отландилар. Шогирдлар у ерга етиб борганларида, қолган шогирдларга дедилар: “Исо тирик! Биз уни кўрдик!”.
![](https://static.globalrecordings.net/300x200/z42_Lk_24_19.jpg)
Шогирдлар ҳали гапириб турганларида, тўсатдан хонада Исо пайдо бўлди. У уларга мурожаат қилди: “Сизга тинчлик бўлсин!”. Шогирдлар Уни арвоҳ деб ўйладилар, лекин Исо: “Нега қўрқасиз? Нега бу Мен эканлигимга ишонмаяпсиз? Қўлларим ва оёқларимга қаранг. Арвоҳларнинг танаси борми?” — деди. Уларга арвоҳ эмаслигини исботлаш учун Исо улардан овқат сўради. Шогирдлар Унга бир парча балиқ бердилар, Исо уни еди.
![](https://static.globalrecordings.net/300x200/z42_Lk_24_20.jpg)
Шундан сўнг Исо деди: “Мен сизга Худонинг Каломида Мен ҳақимда ёзилган ҳамма нарса амалга ошиши кераклигини айтган эдим ва бу амалга ошди”. Кейин Исо улар тушуниши учун Худонинг Каломини очибди. У шундай деди: “Қадим замонлардан бери пайғамбарлар Мен, Масиҳ, азоб-уқубатларни бошдан кечиришим, ўлишим ва учинчи кун тирилишим ҳақида ёзганлар.
![](https://static.globalrecordings.net/300x200/z42_Lk_24_21.jpg)
Пайғамбарлар шунингдек Менинг шогирдларим Худонинг хабарини эълон қилишларини ҳам ёзганлар. Улар одамларни тавба қилишга ундайдилар. Шунда Худо одамларнинг гуноҳларини кечиради. Менинг шогирдларим бу хабарни ҳамма жойда эълон қиладилар ва Қуддусдан бошлаб барча халқларга борадилар. Сиз Мен айтган, бажарган ва Мен билан содир бўлган ҳамма нарсаларнинг гувоҳисиз”.
![](https://static.globalrecordings.net/300x200/z40_Mt_28_08.jpg)
Кейинги 40 кун давомида Исо кўп бора Ўз шогирдларига зоҳир бўлар эди. Бир куни У оломонга зоҳир бўлди, у ерда беш юздан ортиқ одам бор эди! Исо яна кўп маротаба Ўзининг тириклиги тўғрисида шогирдларига далиллар келтирди, ва уларга Худонинг Шоҳлиги тўғрисида таълим берди.
![](https://static.globalrecordings.net/300x200/z44_Ac_16_19.jpg)
Исо шогирдларига деди: “Худо Менга осмондаги ва ердаги ҳокимиятни берган. Шунинг учун сизларга айтяпман, бориб, барча халқлардан шогирд орттиринглар. Уларни Ота, Ўғил ва Муқаддас Руҳ номи билан сувга чўмдиринглар. Мен сизларга айтганларимга амал қилишни уларга ўргатишингиз керак. Мен доим сизлар билан бўлишимни унутманглар”.
![](https://static.globalrecordings.net/300x200/z42_Lk_24_22.jpg)
Исо тирилганига қирқ кун бўлганида, У шогирдларига деди: “Отам сизларга куч бермагунича, Қуддусда қолинглар. Отам Муқаддас Руҳини юбориб, буни амалга оширади”. Шундан сўнг Исо осмонга кўтарилди ва булут Уни шогирдларидан яширди. Энди Исо осмонда, Худонинг ўнг томонида, тахтда ўтириб, бутун борлиқ устидан ҳукмдорлик қилмоқда.