unfoldingWord 33 - Деҳқон ҳақидаги ҳикоя
![unfoldingWord 33 - Деҳқон ҳақидаги ҳикоя](https://static.globalrecordings.net/300x200/z40_Mt_13_01.jpg)
Περίγραμμα: Matthew 13:1-23; Mark 4:1-20; Luke 8:4-15
Αριθμός σεναρίου: 1233
Γλώσσα: Uzbek
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z40_Mt_13_06.jpg)
Бир куни Исо кўлнинг бўйида эди. У оломонга таълим берарди. Уни тинглаш учун жуда кўп одам йиғилди. Шунинг учун У сувдаги қайиққа тушиб, одамлар уни бемалол эшитишлари ва кўришлари учун, бироз сузиб кетди. Қайиққа ўтириб, У одамларни ўқита бошлади.
![](https://static.globalrecordings.net/300x200/z40_Mt_13_01.jpg)
Исо Уни тинглаётган одамларга шундай ҳикоя сўзлаб берди: “Бир деҳқон уруғ экишга чиқди. У уруғ сепаётганида, уруғнинг бир қисми тасодифан йўл бўйига тушди. Қушлар келиб, уруғларни чўқиб кетишди.
![](https://static.globalrecordings.net/300x200/z42_Lk_08_02a.jpg)
Бошқа уруғлар тупроқ кам бўлган тошлоқ ерга тушди. Тошли ердаги уруғлар тезда униб чиқди, аммо уларнинг илдизлари тупроққа чуқур кира олмади. Қуёш кўтарилиб, иссиқ бўлганида, ниҳоллар қуриб, нобуд бўлди.
![](https://static.globalrecordings.net/300x200/z42_Lk_08_03a.jpg)
Тиканли буталар орасига тушган уруғлар ҳам бор эди. Бу уруғлар униб чиқа бошлаганди, аммо тиканлар уларни бўғиб қўйди. Шунинг учун тиканлар орасида ўсган ўсимликлар ҳеч қандай дон ҳосил қилмади.
![](https://static.globalrecordings.net/300x200/z42_Lk_08_04.jpg)
Яхши тупроққа тушган уруғлар ҳам бор эди. Улар ўсиб, экилганидан 30, 60 ва ҳатто 100 баравар кўп уруғ келтирди. Ким Худога эргашишни хоҳласа, Менинг гапларимга эътибор берсин!”
![](https://static.globalrecordings.net/300x200/z42_Lk_08_05.jpg)
Шогирдлар бу ҳикояни тушунмадилар, аммо Исо улар билан ёлғиз қолганда унинг маъносини тушунтирди: “Уруғлар — бу Худонинг Каломи. Йўл — бу Худонинг каломини эшитадиган, лекин уни тушунмайдиган одам. Шу сабабли шайтон одам ишонмаслиги ва нажот топмаслиги учун ундан Сўзни ўғирлайди.
![](https://static.globalrecordings.net/300x200/z41_Mk_10_12.jpg)
Тошлоқ ер — шундай одамки, у Худонинг Сўзини эшитади ва уни севинч билан қабул қилади. Бироқ қийинчилик келганида ёки бошқа одамлар уни азоб чекишга мажбур қилганида, у Худодан қайтади. Худога ишонч билдирмай қўяди.
![](https://static.globalrecordings.net/300x200/z41_Mk_04_06.jpg)
Тиканакли ер — шундай одамки, у Худонинг Сўзини эшитади. Аммо у турли нарсалар ташвишига тушиб, кўпроқ пул топишга ҳаракат қилади ва анча нарсага эга бўлишга уринади. Бир оздан сўнг у Худони севмай қўяди. Худонинг Сўзидан ўрганганлари эса Худони мамнун қилишга ёрдам бермай қўяди. Бундай одам дони бўлмаган буғдой поясига ўхшайди.
![](https://static.globalrecordings.net/300x200/z42_Lk_06_14.jpg)
Яхши тупроқдаги уруғлар эса шундай одамки, у Худонинг Сўзини эшитади, бу Сўзга ишонади ва шу сабабли ҳосил келтиради”.