unfoldingWord 13 - Tepejanjiong NuꞌAlataꞌala Concoono Tetoo-too NuꞌIsrael
![unfoldingWord 13 - Tepejanjiong NuꞌAlataꞌala Concoono Tetoo-too NuꞌIsrael](https://static.globalrecordings.net/300x200/z02_Ex_20_01.jpg)
Περίγραμμα: Exodus 19-34
Αριθμός σεναρίου: 1213
Γλώσσα: Tajio
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z02_Ex_19_01.jpg)
Lasiambulang touk nesuvung lamai teMesir, teꞌAlataꞌala nomimpin siira nalabat tetana sanu jio pinomoiai nutoo. Siira umaꞌo eibuut sanu tinope teBuut nuSinai. Eini tebuut sanu selio-lio eipaio siMusa neꞌita terui sanu naꞌarampunong. Tetoo-too nongoroa tetenda-tenda eipuu nubuut heꞌua.
![](https://static.globalrecordings.net/300x200/z02_Ex_19_10.jpg)
TeꞌAlataꞌala nonjarita eisiMusa ane eitoo-too nuꞌIsrael, “Ane siꞌemiu monuruk Siaꞌu ane tepejanjiongU, siꞌemiu kana majari tebangsa sanu Upilei, tepomarenta nuꞌimam-imam, ane tebangsa sanu mapacing.”
![](https://static.globalrecordings.net/300x200/z02_Ex_19_02.jpg)
Tolueleo lamai heꞌua, touk tetoo-too mesiapo teambok niira, teꞌAlataꞌala nenyau eiBuut nuSinai concoono tegorung, teꞌilat, teobol ane tesuara nutorompet sanu noporos. Boi siMusa sanu vinee nolalaꞌe eibuut heꞌua.
![](https://static.globalrecordings.net/300x200/z02_Ex_19_09.jpg)
Lamai heꞌua teꞌAlataꞌala nogutu tepejanjiong concoono siira ane nonjarita, “Siaꞌumo teSiopu, teꞌAlataꞌala niꞌemiu, sanu nonyalamata siꞌemiu lamai tepevotuanong eiMesir. Inyaa monyomba tedewa ntaninya.”
![](https://static.globalrecordings.net/300x200/z02_Ex_19_12.jpg)
“Inyaa mogutu tebarhala antau monyombanya, karna Siaꞌu, teSiopu, teꞌAlataꞌala sanu meꞌirihati. Inyaa momake tetopeꞌU tecara sanu jio inoongkoi. Molambot ane monjagai teꞌapacing eiEleo nuPengondok. Gauka jojoo tepokarajaaong niꞌoo eilalong onoeleo, karna eieleo pepitu heꞌua teeleo siꞌemiu mengondok untuk molambot Siaꞌu.”
![](https://static.globalrecordings.net/300x200/z02_Ex_00_03.jpg)
“Poꞌongko eisiamamu ane eisiinamu. Inyaa momate. Inyaa monyaapi. Inyaa mongangga. Inyaa mongakal. Inyaa meꞌeseilua telapi nutagumu, tevonuanya, atau tesapa umai eisiia.”
![](https://static.globalrecordings.net/300x200/z02_Ex_20_02.jpg)
Lamai heꞌua teꞌAlataꞌala nonulis Sompulu teParenta-Nya, eiromboꞌa tevatu ane nombeenaꞌonya eisiMusa.
![](https://static.globalrecordings.net/300x200/z02_Ex_27_02.jpg)
TeꞌAlataꞌala nonuju tetoo-too nuꞌIsrael mogutu sobua tetenda sanu kusus. Heꞌua notope teTenda nuPejajaoꞌong. TeTenda nuPejajaoꞌong umai rokamar, inontoi tekaing ntinoena sanu mooge. Boi teꞌImam sanu Mooge sanu maala mentama eisabata nukaing heꞌua sontoung sangkaning, karna eilalong nukamar sanu mapacing heꞌua inembea tepejanjiong nuꞌAlataꞌala eisobua tepeti sanu mapacing tinope tepomoiaong nuꞌAlataꞌala.
![](https://static.globalrecordings.net/300x200/z02_Ex_29_02.jpg)
Tetoo sanu jio monuruk tehukum nuꞌAlataꞌala kanaboi mongomung tebinaatang eiporampunong tepombee sanu eitolo nuTenda nuPejajaoꞌong untuk mombee tepombee eiꞌAlataꞌala. Sotoo teꞌimam otugas monyambale sambaang tebinaatang noꞌomung ane norampuni eiporampunong tepombee heꞌua. Teraa nupombee heꞌua tepombayar tehukuman nudosa nutoo sanu mombeena tepombee heꞌua ane mogutu siia melivas eimata nuꞌAlataꞌala. TeꞌAlataꞌala nomile tesiaꞌa niMusa, siHarun, ane tebijanya majari teꞌimam-imam-Nya.
![](https://static.globalrecordings.net/300x200/z02_Ex_20_01.jpg)
Tetoo-too nuꞌIsrael nonarima tepejanjiong nuꞌAlataꞌala ane seilu monuruk tehukum sanu vineena nuAlataꞌala eisiira, boi monyomba teꞌAlataꞌala, ane majari tetoo-too sanu pinilei-Nya. Tapi jio neende touk siira nojanji untuk nomarcaya eiꞌAlataꞌala, siira odosa majaat tututuu.
![](https://static.globalrecordings.net/300x200/z02_Ex_32_01.jpg)
Apampulueleo, siMusa umai eiBuut nuSinai netepojaok concoono teꞌAlataꞌala. Tetoo-too nuꞌIsrael mabasa metaang siMusa metencile. Karna heꞌua siira nongomung tebulaan eisiHarun ane nomongi mogutua tebarhala untuk siira!
![](https://static.globalrecordings.net/300x200/z02_Ex_32_03.jpg)
SiHarun nogutu tebarhala lamai tebulaan sima teunga nusapi. Tetoo-too nuꞌIsrael nompamulamo nonyomba ane nombee tepombee eibarhala heꞌua! TeꞌAlataꞌala nongoungkul tututuu karna tedosa niira ane morancanaa momate siira. Tapi siMusa nongganea siira, ane teꞌAlataꞌala nomoꞌinepea teganenya ane jio nomate siira.
![](https://static.globalrecordings.net/300x200/z02_Ex_32_05.jpg)
Watu siMusa nenyau lamai tebuut ane neꞌita tebarhala heꞌua, siia nongoungkul tututuu ane siia nopoꞌorua romboꞌa tevatu eipaio teꞌAlataꞌala nonulis Sompulu teParenta-Nya.
![](https://static.globalrecordings.net/300x200/z02_Ex_32_06.jpg)
Lamai heꞌua siia nopoꞌorua tebarhala heꞌua jaok najari teavu, norampaka teavu heꞌua eilalong nuogo ane nomajujut tetoo-too nuꞌIsrael nenginung teogo heꞌua. TeꞌAlataꞌala nonjaoka tepees eitoo-too heꞌua ane nabari sanu naate.
![](https://static.globalrecordings.net/300x200/z02_Ex_32_04.jpg)
SiMusa nogutu romboꞌa tevatu sanu vuou mombolosi sanu pinoꞌoruanya. Lamai heꞌua siMusa nolalaꞌeonye tebuut ane nonggane eiꞌAlataꞌala antau mongampuni tetoo-too heꞌua. TeꞌAlataꞌala nomoꞌinepea siMusa ane nongampuni siira. SiMusa nenyauonye lamai tebuut concoono Sompulu teParenta nuꞌAlataꞌala eiromboꞌa tevatu sanu vuou. Lamai heꞌua teꞌAlataꞌala nomimpin tebangsa nuꞌIsrael nompamula tepelampa lamai teBuut nuSinai umaꞌo eiTana sanu Jinanjia. TeꞌAlataꞌala nombee valii mabari tehukum ane teꞌaturan ntaninya sanu kanaboi noturuꞌi. Ane tetoo-too heꞌua monuruꞌi tehukum-hukum eini, teꞌAlataꞌala nojanji Siia kana mombarakai ane monjagai siira. Ane siira jio monuruꞌi tehukum-hukum heꞌua, teꞌAlataꞌala kana mohukum siira.