unfoldingWord 07 - परमेसवर हर याकूब ला आसीरवाद देहीस
![unfoldingWord 07 - परमेसवर हर याकूब ला आसीरवाद देहीस](https://static.globalrecordings.net/300x200/z01_Ge_33_02.jpg)
Περίγραμμα: Genesis 25:27-35:29
Αριθμός σεναρίου: 1207
Γλώσσα: Surgujia
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z01_Ge_25_06.jpg)
लईका मन बड़खा होअत गईन, याकूब घर में रहे बर करत रहीस। एसाव खेदा करे बर पतीयावत रहीस। रिबिकाह याकूब ला मया करत रहीस अऊ इसहाक एसाव ला मया करत रहीस।
![](https://static.globalrecordings.net/300x200/z01_Ge_25_14.jpg)
एक दिन एसाव खेदा करके फिरीस, ते घरी ढ़ेरेच भूखे होअत रहीस। एसाव हर याकूब जग कहीस “तोर रान्धल साग भात ला महूके दम अकन खाए बर दे”। याकूब हर कहीस “अपन बड़े बेटा होए कर हक ला मोके दे”। एसाव हर अपन जेठा होएकर हक ला दे देहीस। फेर याकूब ओके चटिक अकन खाए बर देहीस।
![](https://static.globalrecordings.net/300x200/z01_Ge_27_04.jpg)
इसहाक अपन आसीरवाद एसाव ला देहे बर करत रहीस। लेकिन एकस करे कर आगू रिबिकाह अऊ याकूब हर इसहाक ला ठगिन अऊ याकूब इसहाक जग गईस अऊ कहीस “मैं एसाव लागो”। इसहाक हर बूढाये गए रहीस अऊ धून्धरा देखत रहीस। तेकरले याकूब हर अपन हाँथ मन में अऊ ढेटू मन में छेरी कर चाम ला पहिरके एसाव कर ओढना ला पहिर लेहीस।
![](https://static.globalrecordings.net/300x200/z01_Ge_27_06.jpg)
याकूब इसहाक जग आएके कहीस “ मैं एसाव लागो। मैं एकर बर आए हो की तैं मोके आसीरवाद दे”। जे घरी इसहाक हर छेरी कर चाम ला छुईस अऊ ओढना ला सुन्घीस त ओके लागीस की ए एसाव हवे अऊ ओके आसीरवाद देहीस।
![](https://static.globalrecordings.net/300x200/z01_Ge_27_11.jpg)
एसाव हर याकूब ला नई पतियावत रहीस काबर कि याकूब हर ओकर जग ले जेठ बेटा होएकर हक ला छिन लेहीस अऊ आसिरवाद ला भी छिन लेहीस। तेकरले अपन दाऊ कर मरेकर पाछू याकूब ला मारेबर करत रहीस।
![](https://static.globalrecordings.net/300x200/z01_Ge_27_12.jpg)
लेकिन रिबिकाह हर एसाव कर ए गोईठ ला सुनीस की एसाव हर याकूब ला मारेबर करत हवे। एकेरले इसहाक अऊ रिबिकाह हर याकूब ला अपन जाएत सागा मन कर संगे रहे बर दुरिहां भेज देहीस।
![](https://static.globalrecordings.net/300x200/z01_Ge_30_04.jpg)
याकूब रिबिकाह कर जाएत सागा मन कर संगे ढ़ेरेच बछर ले रहीस। ओही घरी ओकर बिहाव होए गईस। ओकर बारहठे बेटा अऊ एकठे बेटी रहीस। परमेसवर हर ओके ढ़ेरेच बड़खा धनी बनाईस।
![](https://static.globalrecordings.net/300x200/z01_Ge_31_01.jpg)
कनान कर अपन घर ले दुरिया जाये कर बीस साल कर पाछू याकूब अपन परिवार सेवक सेविका अऊ जम भेड़ बकरी मन कर संगे अपन घरे फेरके आए गईस।
![](https://static.globalrecordings.net/300x200/z01_Ge_32_03.jpg)
याकूब ढ़ेरेच डरावत रहीस काबर की ओ सोचत रहीस की एसाव हर अझर ले मोके मारे बर करत होहीं। तेकरले डगरे में ओहर एसाव बर ढ़ेरेच बगरा भेड़ बकरी मन ला सन्देस कस भेजीस। जे सेवक मन जानवर मन ला लानीस ओमन एसाव जग कहीन “तुँहर सेवक याकूब हर ए भेड़ बकरी मन ला तुँहर जग सन्देस भेजीस हवे, ओ हालू आवथे”।
![](https://static.globalrecordings.net/300x200/z01_Ge_33_02.jpg)
लेकिन एसाव याकूब ला क्षमा कर देहे रहीस अऊ ओमन एक दूसर ला देखके ढ़ेरेच फुरमा होईन। फेर याकूब कनान में सुघरे सुघर रहे लागीस। तेही घरी इसहाक मर गईस। याकूब अऊ एसाव दुनों झे ओके माटी देहिन। जे बात जबान ला परमेसवर हर अबराहम जग करे रहीस ओहर अब इसहाक जग ले याकूब जग पहुंचिस।