unfoldingWord 26 - Jisu Isor Laga Kam Suru Kurise
![unfoldingWord 26 - Jisu Isor Laga Kam Suru Kurise](https://static.globalrecordings.net/300x200/z42_Lk_04_13.jpg)
Περίγραμμα: Matthew 4:12-25; Mark 1-3; Luke 4
Αριθμός σεναρίου: 1226
Γλώσσα: Nagamese
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z42_Lk_04_09.jpg)
Saitan pora Jisu ke porikha kura pichete, tai Galilee te wapas jaise. Jisu itu jagate thakisile. Pobitro Atma tai ke bisi takot di thakise aru Jisu sob jagate beraikene manukhan ke Isor kotha hikai thakise. Sob manu tai laga bhal kotha he koise.
![](https://static.globalrecordings.net/300x200/z42_Lk_04_10.jpg)
Jisu Nazareth laga taun te jaise. Tai bacha thakia homeote itu bosti te thakise. Sabbath laga din te, tai puja kura laga jagate jaise. Ta-te laga cholautakhan tai ke bhaubadi Isaiah pora likha kotha laga kakoj dise. Taikhan Jisu ke itu pora puribole dibole mon thakise. Itu nimite Jisu utu kakoj khulise aru ta-te pora ekta bhag purise.
![](https://static.globalrecordings.net/300x200/z42_Lk_04_11.jpg)
Jisu purise: “Isor pora tai laga Aatma amike dise, jun nimite ami gorib manukhan ke susamachar prochar kuribo. Bandikena rakha manukhan ke charidibole nimite, andha manukhan sabo paribole aru dhurikena thaka khan ke charidibole tai amike pathaise. Aji, itu laga homoe ase jitia Isor amikhan ke tai laga morom dibo aru modot koribo.”
![](https://static.globalrecordings.net/300x200/z42_Lk_04_13.jpg)
Tetia Jisu bohise. Taikhan sob manukhan tai phine sai asile. Jisu pora Isor laga kotha likhikena thaka pura hunikena itu toh Masiha laga ase koikena tai khan bujise. Jisu koise: “Itia ami apunikhan logote ki purise, itu itia hoi ase.” Sob manukhan asurit hoise. Taikhan ekjon dusra jonke hutise: “Itu Joseph laga chokora ase nohoi?’’
![](https://static.globalrecordings.net/300x200/z42_Lk_04_15.jpg)
Tetia Jisu pora koise; “Itu hosa ase, ekta bhaubadi ke tai nijor taun laga manukhan kitiabi bhal nalagibo. Bhaubadi Elijah laga somoi te, Israel desh te mota morijua maikikhan bisi thakise. Aru tin-sal nimite borkhon pani girianae, Israel te thaka mota morijua maiki ekta ke modot koribole Isor tai ke pathanae. Ulta, tai Elijahke dusra alag desh te mota morikene thaka ekta maiki ke modot kuribole pathaise.
![](https://static.globalrecordings.net/300x200/z42_Lk_04_17.jpg)
Jisu aru koi thakise: “Aru bhaubadi Elisha laga homoete, Israel te bisi manukhan ke chamara bemar asile. Hoilebi Elisha taikhan kunkebi bhal kuranai. Tai khali Namaan ke bhal kurise, jun Israel laga dusman laga senapati asile. Ta-te kunkhan tai laga kotha huni thakise Jehudikhan asile aru tai itu kotha koa-a pichete bisi manu tai ke bisi khong kurise.
![](https://static.globalrecordings.net/300x200/z42_Lk_04_18.jpg)
Nazareth laga manukhan Jisu ke dhorise aru mandir laga bahar te anise. Tai khan Jisu ke pahar uporte loijaise aru ta-te pora tai ke phelaikena murabole kurise. Hoilebi Jisu manukhan laga majotpora beraikena Nazareth taun charikena jai jaise.
![](https://static.globalrecordings.net/300x200/z42_LK_04_22.jpg)
Tate pora Jisu Galilee laga jaga sob jagate beraise, aru manukhan bisi tai logote ahi thakise. Tai logote bimar manu aru gao-te napunchakhan bisi loikene ahise. Kunba andha, kunba berabole napara, kunba hunibole napara aru kunba kotha kobole napara sob ke anise, aru Jisu tai khan sob ke changai kurise.
![](https://static.globalrecordings.net/300x200/z41_Mk_09_22.jpg)
Aru, bisi manukhan junkhan ke Saitan laga bia-atma bhitorte ghusikene asile, utukhan loikene anise. Jisu bia-atmakhan ke manu laga gao pora baharte ulaijabi koikene hokom dise aru tai khan itu hunikene ulaijaise. Bia-atma khan hala kurikena Jisu ke ineka koise: “Apuni Isor laga Chokora Ase!” Utu jagate thaka sob manukhan aschurit hoise aru Isor laga nam ucha korise.
![](https://static.globalrecordings.net/300x200/z40_Mt_10_01.jpg)
Aru Jisu barota manukhan ke basi se aru taikhan ke tai laga apostles matise. Tai khan Jisu logote sob jagate safar korise aru tai logote pora bisi hikise.