unfoldingWord 24 - Johanan Isua A Baptis
![unfoldingWord 24 - Johanan Isua A Baptis](https://static.globalrecordings.net/300x200/z40_Mt_03_08.jpg)
Περίγραμμα: Matthew 3; Mark 1; Luke 3; John 1:15-37
Αριθμός σεναρίου: 1224
Γλώσσα: Mizo
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z40_Mt_03_01.jpg)
Zakaria leh Elizabeti fapa Johana chu a lo ṭhanglian chho zel a, zawlnei a lo ni ta a. Thlalêrah a khawsa a, khaukhuap leh khawizu a ring a, sanghawngsei hmulin a inthuam a.
![](https://static.globalrecordings.net/300x200/z40_Mt_03_02.jpg)
Mi tam takte chu Johana thusawi ngaithla tûrin thlalêrah an lo kal a. Ani chuan an hnenah thu sawiin, “Sim rawh u, vanrâm chu a hnai tawh e,” a ti a.
![](https://static.globalrecordings.net/300x200/z40_Mt_03_03.jpg)
Mipuiten Johana thuchah an hriat chuan, an zinga mi tam takte chuan an sualte an sim a, Johanan a lo baptis ta a. Sakhaw hruaitu tam takte chu Johana baptis tûrin an lo kal bawk a, nimahsela, anni chuan an sualte an sim lova, an sualte an puang bawk hek lo.
![](https://static.globalrecordings.net/300x200/z40_Mt_03_04.jpg)
Johana chuan sakhaw hruaitute hnenah chuan, “Nangni rûl tûr neite u! Sim ula, in nun dan tidanglam rawh u. Thing rah lo apiang an kit ang a, meiah an paih lût ang,” a ti a. Johana chuan zawlneiten, “Ngai teh, ka tirhkoh chu i kawng buatsaih turin i hmaah ka tir e,” ti a an lo sawi chu a thlen famkimtîr ta a ni.
![](https://static.globalrecordings.net/300x200/z42_Lk_03_06.jpg)
Juda mi ṭhenkhat chuan Johana chu Messia a nih leh nih loh an zawt a. Johana chuan, “Messia ka ni lo ve, nimahsela, ka hnungah lo kal tûr mi pakhat a awm. Amah chu a ropui êm avangin a pheikhawk hrui phelh tlak pawh ka ni lo,” a ti a.
![](https://static.globalrecordings.net/300x200/z43_Jn_01_04.jpg)
A tukah chuan, Isua chu Johana baptis tûrin a lo kal a. Johanan a hmuh chuan, “En teh u! Pathian Berâm No khawvel sual kalpuitu tûr saw,” a ti a.
![](https://static.globalrecordings.net/300x200/z40_Mt_03_07.jpg)
Johana chuan Isua hnênah, “Baptis tûr chein ka tlak love, i mi baptis ka ṭul zawk si a,” a ti a. Nimahsela, Isuan, “Min baptis tûr a ni, hei hi tih tûr dik tak a nih avangin,” a ti a. Tichuan, Isua chu thil ti sual ngai lo ni mahse, Johana chuan a baptis ta a.
![](https://static.globalrecordings.net/300x200/z40_Mt_03_08.jpg)
Isuan baptisma a chan zawha tui ata a lo chhuah laiin, Pathian Thlarau chu ṭhuro anga rawn inlârin a chungah a zu fu a. Chutih lai chuan, van atangin Pathian awin, “Nang ka fapa duhtak, ka lawm êm êma chu i ni,” a rawn ti a.
![](https://static.globalrecordings.net/300x200/z40_Mt_03_05.jpg)
Pathian chuan Johana hnênah, “Thlarau Thianghlim chu rawn chhukin mi tu emaw i baptis chungah a rawn fu ang a. Chumi chu Pathian fapa chu a ni e,” tiin a lo hrilh tawh a. Pathian pakhat chauh a awm. Nimahsela, Johanan Isua a baptis lai khan, ani chuan Pa Pathian rawn ṭawng chu a hria a, Fapa, Pathian Isua chu a hmu a, Thlarau Thianghlim pawh a hmu bawk a ni.