unfoldingWord 49 - ພຣະສັນຍາໃໝ່ຂອງພຣະເຈົ້າ
![unfoldingWord 49 - ພຣະສັນຍາໃໝ່ຂອງພຣະເຈົ້າ](https://static.globalrecordings.net/300x200/z43_Jn_20_05.jpg)
Περίγραμμα: Genesis 3; Matthew 13-14; Mark 10:17-31; Luke 2; 10:25-37; 15; John 3:16; Romans 3:21-26, 5:1-11; 2 Corinthians 5:17-21; Colossians 1:13-14; 1 John 1:5-10
Αριθμός σεναρίου: 1249
Γλώσσα: Lao
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z42_Lk_01_11.jpg)
ເທວະດາຕົນໜຶ່ງໄດ້ບອກຍິງພົມມະຈາລີຄົນໜຶ່ງຊື່ ມາຣີວ່າ, ນາງຈະໃຫ້ກໍາເນີດບຸດຂອງພຣະເຈົ້າ. ໃນຂະນະທີ່ນາງຍັງເປັນຍິງພົມມະຈາລີຢູ່ນັ້ນ, ພຣະວິນຍານບໍລິສຸດໄດ້ປົກຄຸມລາວ ແລະລາວໄດ້ຕັ້ງທ້ອງ. ນາງໄດ້ໃຫ້ກໍາເນີດບຸດຊາຍຄົນໜຶ່ງຊື່ວ່າ ເຢຊູ. ດ້ວຍເຫດນັ້ນ ພຣະເຢຊູຈຶ່ງເປັນທັງພຣະເຈົ້າ ແລະ ມະນຸດ.
![](https://static.globalrecordings.net/300x200/z41_Mk_06_24.jpg)
ພຣະເຢຊູໄດ້ເຮັດການອັດສະຈັນ ເພື່ອພິສູດວ່າ ພຣະອົງຊົງເປັນພຣະເຈົ້າຄື ພຣະອົງໄດ້ຊົງຍ່າງເທີງໜ້ານໍ້າ, ເຮັດໃຫ້ພະຍຸຫງຽບສະຫງົບລົງ, ຢຽວຢາຮັກສາຄົນເຈັບປ່ວຍໃຫ້ຫາຍດີ, ຂັບໄລ່ຜີມານຮ້າຍໃຫ້ອອກໜີ, ເຮັດໃຫ້ຄົນຕາຍຄືນມາມີຊີວິດ , ທັງປ່ຽນເຂົ້າຈີ່ຫ້າກ້ອນ ແລະ ປານ້ອຍສອງໂຕ ໃຫ້ພຽງພໍລ້ຽງຄົນຫຼາຍກ່ວາຫ້າພັນຄົນ.
![](https://static.globalrecordings.net/300x200/z42_Lk_10_09.jpg)
ພຣະເຢຊູເຈົ້າຍັງເປັນອາຈານຜູ້ຍິ່ງໃຫຍ່ ແລະ ພຣະອົງກ່າວດ້ວຍລິດອໍານາດ, ເພາະພຣະອົງຊົງເປັນບຸດຂອງພຣະເຈົ້າ. ພຣະອົງໄດ້ສອນວ່າ, “ພວກເຈົ້າຈົ່ງຮັກຄົນອື່ນເໝືອນກັບຮັກຕົວຂອງເຈົ້າເອງ.”
![](https://static.globalrecordings.net/300x200/z42_Lk_18_11.jpg)
ພຣະອົງຍັງໄດ້ສອນອີກວ່າ, “ພວກເຈົ້າຕ້ອງຮັກພຣະເຈົ້າຫຼາຍກ່ວາຮັກສິ່ງອື່ນໃດ ລວມທັງຄວາມຮັ່ງມີຂອງພວກເຈົ້າດ້ວຍ.”
![](https://static.globalrecordings.net/300x200/z40_Mt_13_18.jpg)
ພຣະເຢຊູເຈົ້າຊົງກ່າວຕື່ມອີກວ່າ, “ຣາຊອານາຈັກຂອງພຣະເຈົ້າມີຄ່າກ່ວາສິ່ງອື່ນໃດໃນໂລກນີ້.” ສິ່ງສໍາຄັນທີ່ສຸດຄື ຢາກໃຫ້ທຸກຄົນເປັນຄົນຂອງຣາຊາອານາຈັກພຣະເຈົ້າ. ເພື່ອຈະໄດ້ເຂົ້າໄປໃນຣາຊາອານາຈັກພຣະເຈົ້າ ພວກເຈົ້າຕ້ອງຖືກຊ່ວຍໃຫ້ພົ້ນຈາກບາບຂອງພວກເຈົ້າ.
![](https://static.globalrecordings.net/300x200/z40_Mt_13_01.jpg)
ພຣະເຢຊູຊົງສອນວ່າ, ບາງຄົນທີ່ຕ້ອນຮັບເອົາພຣະອົງ ກໍຈະໄດ້ພົ້ນ, ແຕ່ຄົນອື່ນໆ ທີ່ບໍ່ຮັບເອົາພຣະອົງກໍຈະບໍ່ໄດ້ພົ້ນ. ພຣະອົງຍັງກ່າວອີກວ່າ, “ບາງຄົນກໍເປັນເໝືອນດິນດີ. ພວກເຂົາຮັບເອົາຂ່າວດີນັ້ນເລື່ອງຂອງພຣະເຢຊູ ແລ້ວກໍໄດ້ພົ້ນ. ຄົນອື່ນໆເປັນເໝືອນດີນຕາມທາງຍ່າງ ຊຶ່ງທີ່ເມັດພືດກໍຄືພຣະທຳພຣະເຈົ້າເຂົ້າໄປບໍ່ໄດ້ ແລະບໍ່ມີຜົນຫຍັງໃຫ້ເກັບກ່ຽວ,ຄົນເຫຼົ່ານີ້ປະຕິເສດຖ້ອຍຄຳຂອງພຣະເຢຊູເຈົ້າແລະບໍ່ໄດ້ເຂົ້າໄປໃນຮາຊອານາຈັກຂອງພຣະເຈົ້າ”.
![](https://static.globalrecordings.net/300x200/z42_Lk_15_06.jpg)
ພຣະເຢຊູຊົງສອນວ່າ ພຣະເຈົ້າຊົງຮັກຄົນບາບຫຼາຍ ພຣະອົງຕ້ອງການຍົກໂທດໃຫ້ພວກເຂົາ ແລະຢາກໃຫ້ພວກເຂົາມາເປັນລູກຂອງພຣະອົງ.
![](https://static.globalrecordings.net/300x200/z66_Re_21_01.jpg)
ພຣະເຢຊູເຈົ້າຍັງບອກພວກເຂົາວ່າ ພຣະເຈົ້າກຽດຊັງການຜິດບາບ.ເມື່ອອາດາມແລະເອວາເຮັດບາບ,ມັນກໍເປັນຜົນຕາມມາເຖີງເຊື້ອສາຍທັງໝົດຂອງພວກເຂົາ.ສົ່ງຜົນຄືທຸກໆຄົນຢູ່ໃນໂລກນີ້ເປັນຄົນຜິດບາບ ແລະຖືກຕັດຂາດຈາກພຣະເຈົ້າ .ເຫດສະນັ້ນທຸກໆຄົນຈື່ງກາຍມາເປັນສັດຕູຕໍ່ພຣະເຈົ້າ.
![](https://static.globalrecordings.net/300x200/z40_Mt_16_11.jpg)
ແຕ່ພຣະເຈົ້າຊົງຮັກທຸກໆຄົນໃນໂລກນີ້ຫຼາຍ ຈົນພຣະອົງໄດ້ປະທານບຸດທີ່ຮັກອົງດຽວຂອງພຣະອົງເພື່ອທຸກຄົນທີ່ເຊື່ອໃນພຣະເຢຊູເຈົ້າຈະບໍ່ໄດ້ຖືກລົງໂທດ ຕໍ່ບາບກຳຂອງເຂົາ,ແຕ່ຈະຢູ່ກັບພຣະເຈົ້າຕະຫຼອດໄປເປັນນິດ.
![](https://static.globalrecordings.net/300x200/z41_Mk_15_11.jpg)
ເພາະບາບຂອງພວກເຈົ້າ,ຊື່ງບາບນັ້ນພວກເຈົ້າສົມຄວນຕົກນະຣົກ,ແລະພຣະເຈົ້າຄວນໂກດຮ້າຍໃສ່ພວກເຈົ້າ,ແຕ່ພຣະອົງປ່ຽນເອົາຄວາມໂກດຮ້າຍຖອກເທໃສ່ພຣະເຢຊູແທນ,ຄືພຣະເຢຊູໄດ້ຕາຍຢູ່ເທີງໄມ້ກາງແຂນແລະຮັບການລົງໂທດແທນພວກເຈົ້າ.
![](https://static.globalrecordings.net/300x200/z41_Mk_15_13.jpg)
ພຣະເຢຊູເຈົ້າບໍ່ເຄີຍເຮັດບາບ,ແຕ່ພຣະອົງເລືອກຮັບແບກບາບແລະການຕາຍທີ່ເປັນຄ່າໄຖ່ບູຊາທີ່ສົມບູນແບບ ເພື່ອຮັບເອົາຄວາມບາບຂອງພວກເຈົ້າແລະບາບກຳຂອງທຸກໆຄົນໃນໂລກນີ້ອອກໄປ,ເພາະພຣະເຢຊູເຈົ້າໄດ້ຖວາຍຕົວເອງເປັນເຄື່ອງບູຊາ.ເພາະພຣະເຈົ້າສາມາດຍົກໂທດບາບກຳໄດ້ເຖີງວ່າບາບນັ້ນຈະໜັກພຽງໃດກໍຕາມ.
![](https://static.globalrecordings.net/300x200/z41_Mk_16_02.jpg)
ການເຮັດດີບໍ່ສາມາດໃຫ້ພວກເຈົ້າພົ້ນຈາກບາບໄດ້ ບໍ່ມີສິ່ງໃດທີ່ພວກເຈົ້າເຮັດເພື່ອມີຄວາມສຳພັນກັບພຣະເຈົ້າໄດ້, ມີແຕ່ພຣະເຢຊູເຈົ້າເທົ່ານັ້ນທີ່ຈະລ້າງຄວາມຜິດບາບຂອງພວກເຈົ້າໄດ້.ພວກເຈົ້າຕ້ອງເຊື່ອວ່າພຣະເຢຊູເຈົ້າຊົງເປັນບຸດຂອງພຣະເຈົ້າພຣະອົງໄດ້ຕາຍທີ່ໄມ້ກາງແຂນແທນພວກເຈົ້າແລະເຊື່ອວ່າພຣະເຈົ້າໃຫ້ພຣະອົງເປັນຄືນມາມີຊີວິດອີກ.
![](https://static.globalrecordings.net/300x200/z40_Mt_08_05.jpg)
ພຣະເຈົ້າຈະຊ່ວຍທຸກໆຄົນທີ່ເຊື່ອໃນພຣະເຢຊູເຈົ້າແລະຜູ້ທີ່ຕ້ອນຮັບພຣະອົງເປັນເຈົ້ານາຍຂອງເຂົາໃຫ້ພົ້ນ ພຣະອົງຈະບໍ່ຊ່ວຍຄົນທີ່ບໍ່ເຊື່ອໃນພຣະອົງໃຫ້ພົ້ນ,ເຖີງແມ່ນວ່າພວກເຈົ້າຈະເປັນຄົນຮັ່ງມີ ຫຼື ທຸກຈົນ,ເປັນຊາຍຫຼືຍີງ,ເຖົ້າຫຼືໜຸ່ມຫຼືຢູ່ທີ່ໃດກໍຕາມ,ພຣະເຈົ້າຊົງຮັກພວກເຈົ້າແລະຕ້ອງການໃຫ້ພວກເຈົ້າເຊື່ອໃນພຣະເຢຊູເຈົ້າເພື່ອພຣະອົງສາມາດມີຄວາມສຳພັນຢ່າງໃກ້ຊິດກັບພວກເຈົ້າໄດ້.
![](https://static.globalrecordings.net/300x200/z43_Jn_20_05.jpg)
ພຣະເຢຊູເຈົ້າເຊື້ອເຊີນພວກເຈົ້າໃຫ້ເຊື່ອໃນພຣະອົງ ແລະ ໃຫ້ຮັບບັບຕິດສະມາ. ພວກເຈົ້າເຊື່ອບໍ່ວ່າ ພຣະເຢຊູ ແມ່ນ ພຣະເມຊີອາ, ພຣະບຸດອົງດຽວຂອງພຣະເຈົ້າ? ພວກເຈົ້າເຊື່ອບໍ່ວ່າ ພວກເຈົ້າເປັນຄົນບາບ ແລະ ຄວນຈະຖືກພຣະເຈົ້າລົງໂທດ? ພວກເຈົ້າເຊື່ອບໍ່ວ່າ ພຣະເຢຊູເຈົ້າໄດ້ຕາຍທີ່ໄມ້ກາງແຂນ ເພື່ອຮັບເອົາຄວາມຜິດບາບຂອງພວກເຈົ້າໄປ.
![](https://static.globalrecordings.net/300x200/z43_Jn_20_06.jpg)
ຖ້າເຈົ້າເຊື່ອໃນພຣະເຢຊູ ແລະ ສິ່ງທີ່ພຣະອົງເຮັດສໍາເລັດແລ້ວເພື່ອເຈົ້າ ເຈົ້າກໍແມ່ນຄຣິດຕຽນແລ້ວ. ພຣະເຈົ້າ ໄດ້ເລືອກເອົາເຈົ້າອອກຈາກອານາຈັກແຫ່ງຄວາມມືດຂອງຊາຕານ ແລະ ນໍາເອົາເຈົ້າເຂົ້າໄປໃນອານາຈັກແຫ່ງຄວາມສະຫວ່າງຂອງພຣະເຈົ້າ. ພຣະເຈົ້າໄດ້ເອົາສິ່ງເກົ່າໆຂອງເຈົ້າອອກໄປຄື ການກະທໍາແຫ່ງຄວາມຜິດບາບ ແລະ ໃຫ້ພວກເຈົ້າມີທາງໃໝ່ແລະທາງຢ່າງຊອບທຳໃນການກະທຳ.
![](https://static.globalrecordings.net/300x200/z43_Jn_09_10.jpg)
ຖ້າເຈົ້າເປັນຄຣິດຕຽນຄົນໜຶ່ງ ພຣະເຈົ້າໄດ້ຍົກໂທດຜິດບາບຂອງເຈົ້າແລ້ວ, ເພາະພຣະເຢຊູເປັນຜູ້ຕາຍໄຖ່ບາບກຳນັ້ນ. ບັດນີ້ ພຣະເຈົ້າໄດ້ຖືວ່າເຈົ້າເປັນເພື່ອນທີ່ໃກ້ຊິດແທນທີ່ຈະເປັນສັດຕູຕໍ່ພຣະອົງ.
![](https://static.globalrecordings.net/300x200/z42_Lk_07_07.jpg)
ຖ້າພວກເຈົ້າເປັນເພື່ອນຂອງພຣະເຈົ້າ ແລະ ເປັນຜູ້ຮັບໃຊ້ຂອງພຣະອົງ. ພວກເຈົ້າ, ຈະຕ້ອງເຊື່ອຟັງໃນສິ່ງທີ່ພຣະເຢຊູຊົງສອນ. ເຖີງແມ່ນວ່າ ພວກເຈົ້າຈະເປັນຄຣິດຕຽນກໍຕາມ ເຈົ້າກໍຍັງຈະຖືກທົດລອງຕໍ່ບາບນັ້ນ ເໝືອນກັນ ແຕ່ພຣະເຈົ້າຊົງສັດຊື່ແລະຊົງກ່າວວ່າ, “ຖ້າເຈົ້າສາລະພາບຜິດບາບຂອງເຈົ້າ, ພຣະອົງຈະຍົກໂທດໃຫ້ເຈົ້າ, ພຣະອົງຈະປະທານຄວາມເຂັ້ມແຂງໃຫ້ເຈົ້າຕໍ່ສູ້ກັບບາບນັ້ນໄດ້.”
![](https://static.globalrecordings.net/300x200/z44_Ac_09_13.jpg)
ພຣະເເຈົ້າບອກໃຫ້ເຈົ້າພາວະນາອະທິຖານ, ສຶກສາພະຄໍາຂອງພຣະອົງ, ນະມັດສະການພຣະອົງຮ່ວມກັບຄົນທີ່ເຊື່ອອື່ນໆແລະ ບອກຄົນອື່ນໃນສິ່ງທີ່ພຣະອົງໄດ້ກະທໍາເພື່ອເຈົ້າ, ສິ່ງທັງໝົດເຫຼົ່ານີ້ຈະຊ່ວຍເຈົ້າໃຫ້ມີຄວາມສໍາພັນຢ່າງເລິກເຊິ່ງກັບພຣະອົງ.