unfoldingWord 07 - Құдайдың Жақыпқа берген батасы
![unfoldingWord 07 - Құдайдың Жақыпқа берген батасы](https://static.globalrecordings.net/300x200/z01_Ge_33_02.jpg)
Περίγραμμα: Genesis 25:27-35:29
Αριθμός σεναρίου: 1207
Γλώσσα: Kazakh
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z01_Ge_25_06.jpg)
Балалар ер жетті. Есау аң аулауды, ал Жақып үйдің маңайында жүруді ұнататын. Ысқақ Есауды жақсы көрсе, Жақып Рабиғаның сүйіктісі болды.
![](https://static.globalrecordings.net/300x200/z01_Ge_25_14.jpg)
Бір күні Есау аң аулап, үйге қарны ашып келеді. Ол Жақыпқа: “Маған пісіріп жатқан тамағыңнан берші” — деп өтінді. Жақып оған: “Сен алдымен маған өзіңнің тұңғыштық жолыңды беремін деп уәде бер” — деді. Есау Жақыпқа тұңғыштық жолын беруге келіседі. Сонда Жақып оған пісірген тамағынан ұсынады.
![](https://static.globalrecordings.net/300x200/z01_Ge_27_04.jpg)
Ысқақ батасын Есауға бергісі келді, бірақ Рабиға мен Жақып оны алдағандықтан, өз батасын Жақыпқа беріп қояды. Жақып әкесіне Есау болғансып келеді. Ол Есаудың киімін киіп, мойыны мен қолын лақтың терісімен орап алады. Ысқақ қартайып көзі көрмегендіктен алданып қалады.
![](https://static.globalrecordings.net/300x200/z01_Ge_27_06.jpg)
Жақып Ысқаққа келіп былай дейді: “Мен Есаумын, батаңызды алуға келдім”. Сонда Ысқақ лақтың терісін сипалап, киімінен Есаудың иісін сезеді де, алдына келіп тұрған Есау екен деп, Жақыпқа батасын береді.
![](https://static.globalrecordings.net/300x200/z01_Ge_27_11.jpg)
Жақып Есауға тиісті батаны алдап алып қойғаны үшін ол Жақыпты жек көре бастады. Сондықтан Ысқақ дүниеден қайтқаннан кейін, Есау Жақыптың көзін құртамын деп шешкен еді.
![](https://static.globalrecordings.net/300x200/z01_Ge_27_12.jpg)
Есаудың ойын біліп қойғаннан кейін, Рабиға мен Ысқақ Жақыпты өзінің алыс жерде тұратын туған-туыстарына жібереді.
![](https://static.globalrecordings.net/300x200/z01_Ge_30_04.jpg)
Жақып сол жерде көп жыл тұрды. Осы уақыт ішінде ол үйленіп, он екі ұл және бір қыз сүйді. Сонымен қатар Құдай оған үлкен байлық сыйлады.
![](https://static.globalrecordings.net/300x200/z01_Ge_31_01.jpg)
Туған үйінен алыс жерде жиырма жыл тұрғаннан кейін Жақып отбасымен бірге, құлдары мен бар мал-мүлкін алып Қанахан еліне қайтуға шешім қабылдайды.
![](https://static.globalrecordings.net/300x200/z01_Ge_32_03.jpg)
Есау мені әлі де өлтіргісі келеді деп ойлап, Жақып одан қатты қорықты. Сондықтан ол Есауға сый ретінде малдардан бірнеше табынды жіберді. Қызметшілер малдарды Есауға алып келіп: “Құлыңыз Жақып осы малдарды сізге сый ретінде жіберді. Ол өзі жақын арада келеді” — деді.
![](https://static.globalrecordings.net/300x200/z01_Ge_33_02.jpg)
Алайда Есаудың Жақыпты өлтіретін ойы болмады. Керісінше ол оны қайтадан көре алатынына қатты қуанды. Татуласқаннан кейін олар Қанахан жерінде бірге тұрып жатты. Әкелері Ысқақ қайтыс болғанда, Жақып пен Есау оны жер қойнына тапсырды. Құдайдың Ыбырайымға келісіммен бекітілген уәделері, енді Ысқақ арқылы Жақыпқа өтті.