unfoldingWord 38 - Isu Inmantirna
![unfoldingWord 38 - Isu Inmantirna](https://static.globalrecordings.net/300x200/z40_Mt_26_27.jpg)
Περίγραμμα: Matthew 26:14-56; Mark 14:10-50; Luke 22:1-53; John 18:1-11
Αριθμός σεναρίου: 1238
Γλώσσα: Hmar
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z40_Mt_26_16.jpg)
Isu chun kum thum lai Pathien thu a hril ta a. Kum za tamtak liem ta a, Aigupta rama sala an intâng, Pathienin a sansuokna, Judahaiin an hriet zingna Fekân Ruoithre hun a hung tlung a. A chunga hung tlung ding chu Isu’n a hriet a, that a a umna hmun ding Jerusalem khuoa a fe ding thu a thruoihruoihai kuomah a hril a.
![](https://static.globalrecordings.net/300x200/z40_Mt_26_04.jpg)
Juda thruoituhai, Jerusalem khuoa umhai chun Isu chu Messia a ni ti an ring naw leiin that dingin thu an phierrûk ta a. Juda kha Isu thruoihruoihai laia thrangve a nih a. Thruoihruoihai pawisa bawm koltu a na, pawisa ngaina mi a na, pawisa ân rûk rop hlak. Juda chu Juda thruoituhai kuomah fe a, an kuoma Isu inmantir a tum thu a van tiem a.
![](https://static.globalrecordings.net/300x200/z40_Mt_26_05.jpg)
Juda thruoituhai, thiempu laltak, inrawina hnuoiah Isu an mantir theina dingin tangka sawm thum chu Juda kuoma an va pêk a. Zawlneihaiin an lo hril lawk ang tak khan hi hi a hung tlung a nih. Juda chun a pawma, tangka sawmthum chu a lâk a, Isu an mantir theina ding remchâng zongin a fe hmang ta a.
![](https://static.globalrecordings.net/300x200/z40_Mt_26_14.jpg)
Isu chu a thruoihruoihai leh Fekân Ruoithre chu an hmang a. Bu an fâk lai chun Isu’n bei chu a lâk a, a khoi a, “Hi hi la un la, fa ro. Hi hi ka taksa a nih. In mi hrietzingna dingin hi hi thaw hlak ro,” a ta. Hi ang hin an ta dingin, a taksa chu inthawina dingin a pêk ding a ni ti Isun a hril tawl a.
![](https://static.globalrecordings.net/300x200/z40_Mt_26_15.jpg)
Zânbu an fâk zo chun Isu’n no chu a lâk a, “Hi hi dawn ro, suolhai ngaidamna dinga suok ding, ka thisen Thuthlung Thar chu a nih. In dawn pova in mi hrietzingna dingin hi hi thaw hlak ro,” a ta. Chuongang tak chun an suolhai ngaidamna dingin a thisen a suok ding a nih ti a hril a.
![](https://static.globalrecordings.net/300x200/z40_Mt_26_13.jpg)
Chun Isu’n a thruoihruoihai kuomah, “Nangni laia mi pakhatin min mantir a tih,” a ta. Thuoihruoihai chun a tutakin am chuong thu chu a thaw ding ti an hriet naw a, mak an ti a. Isun, “Bei hlek inchie a, ka pêk chu nîng a tih a min mantirtu ding chu,” a ta. Chun bei chu Juda kuoma a pêk ta a.
![](https://static.globalrecordings.net/300x200/z43_Jn_13_08.jpg)
Judan bei chu a lâk zo phing chun, a sûngah Setan a lût ta a. Isu man dinga Juda thruoituhai thrangpui dingin Juda chu a suok ta a. Zân lai a nih.
![](https://static.globalrecordings.net/300x200/z40_Mt_26_17.jpg)
Zânbu an fâk khop chun, Isu le a thruoihruoihai chu Olive Tlang tieng an lawn a. Isu’n an kuomah, “Vawizân hin inrêngin keia leiin zâm chek vong in tih. “Berampu chu vuong ka ta, beramhai chu indar vong an tih,” ti inziek a ni si a,” a ta.
![](https://static.globalrecordings.net/300x200/z40_Mt_26_18.jpg)
Peterin a dawna, “Midang popovin mâksan hai sienla che khom, kei chun mâksan naw tawp ka ti che!” a ta. Isu’n Peter kuoma, “Setanin hîp vong cheu a nuom a, ana chu, Peter, in ringna a chau nawna dingin ka trongtrai pêk cheu a nih. Chuong sa khom chun, voizan hin âr voihni a khuong hmain nangin voithum min phat i tih,” a ta.
![](https://static.globalrecordings.net/300x200/z40_Mt_26_21.jpg)
Peterin Isu kuoma, “I thina a chun thi ve ding ni lang khom, inphat naw tawp ka ti che!” a ta. Chuongchun thruoihruoi danghai khoma chu ang chun an ti ta seng a.
![](https://static.globalrecordings.net/300x200/z40_Mt_26_23.jpg)
Chun Isu le a thruoihruoihai chu Getsemani huon an ti a chun an fe a. Isu chun a thruoi hruoihai kuoma thlêmna a an lût nawna dingin trongtrai dingin a hril tawl a. Chuongchun ama khata trongtrai dingin a fe a.
![](https://static.globalrecordings.net/300x200/z40_Mt_26_24.jpg)
Isu chu trum thum a trongtai a, “Ka Pa, a thei hrâm chun hi tuorna hi min pumpel tir hrâm rawh. Nisienlakhom mihai suolna ngaidam dingin lampui dang a um naw chun, nangma thu ni lem raw seh,” a ta. Isu chu a lunginzîng ta em em a, a thlan chu thisen far lientak angin a far a. Pathienin ama sukhrat dingin vantirko a hung tir a.
![](https://static.globalrecordings.net/300x200/z40_Mt_26_26.jpg)
Chun a trongtrai zo chun a thruoihruoihai kuoma a hung kîr a, nisienlakhom an lo inlusu vong a. A voithumna a a hung kîr chun, “Tho ro khai! A min mantirtu ding chu hi taka hin a um,” a ta.
![](https://static.globalrecordings.net/300x200/z40_Mt_26_27.jpg)
Juda chu Juda thruoituhai, sipaihai le mipui nasatakhai leh kawlhnâmhai le hembawkhai chawiin an hung a. Juda chu Isu kuomah a hung a, “Chibai, Inchuktirtu,” a ta, a fawp ta a. Hi hi Juda hotuhai ta dinga, tu am man ding ti inchikna a nih. Isu’n a kuoma, “Juda, fawpin in mantir ding a ni maw?” a ta.
![](https://static.globalrecordings.net/300x200/z40_Mt_26_28.jpg)
Sipaihaiin Isu an man phing chun, Peterin a kawlhnam a phawi suok a, thiempu laltak siehlawpa nakawr chu a sâttlâk pêk a. Isu’n a kuomah, “Kawlhnâm kha siehmang rawh! A mi sanhim dingin vân angel ruol, sipaihai ka Pa kuoma, ka ngên thei a nih. Nisienlakhom ka Pa thu chu ka awi ding a nih,” a ta. Chu zo chun Isun chu mipa nakawr chu a sukdam a, inchûktirhai kha an rêngin an tlân hmang ta a.