unfoldingWord 26 - Isu’n Rongbawlna a Tran
![unfoldingWord 26 - Isu’n Rongbawlna a Tran](https://static.globalrecordings.net/300x200/z42_Lk_04_13.jpg)
Περίγραμμα: Matthew 4:12-25; Mark 1-3; Luke 4
Αριθμός σεναρίου: 1226
Γλώσσα: Hmar
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z42_Lk_04_09.jpg)
Setan thlêmnahai Isun a do zo phing chun, a chêngna Galili ram tieng chun Thlarau Thienghlim thilthaw theina hmangin a kîr nawk ta a. Isu chu thuhril le inchûktirin hmuntin a fang vêl a. Mitinin ama chu an inpâk seng a.
![](https://static.globalrecordings.net/300x200/z42_Lk_04_10.jpg)
Isu chu a seilienna Nazareth khuo a chun a fe a. Chawlni chun, Pathien biekna in ah a fe a. Zawlnei Isai lekhabu an pêk a. Isu chun lekhazuol chu a phêt a, a tiem ta a.
![](https://static.globalrecordings.net/300x200/z42_Lk_04_11.jpg)
“Riengvaihai kuoma Chanchin Thra hril dingin Pathienin a Thlarau ka chungah a buok a nih, salhai kuoma suokna thu dâm, mitdelhai kuoma mitvar nei nawkna thu dam, lungina intânghai insuoktirna thu hril ding dâmin. Hi hi Lalpa lungawi kum chu a nih,” ti hi.
![](https://static.globalrecordings.net/300x200/z42_Lk_04_13.jpg)
Chun Isu chu an thrungta a. Mitin mit chu Ama chunga chun a fu ta a. A thu hril chu Messia chanchin a ni ti an hriet a. Isu chun, “Hi Pathien lekha thu hi vawisûn hin in hrieta a hung tlung tah,” a ta. Mi popo chun a thu hril chu mak an ti hle a. “Hi pa hi Josef naupa a ni nawm a nih? an ta.
![](https://static.globalrecordings.net/300x200/z42_Lk_04_15.jpg)
Chun Isun an kuomah, “Thudik ka hril cheu hi, zawlnei tukhom mani khaw min an lawm ngai nawh, zawlnei Elija damlai chun Israel rama hmeithai tamtak an um a. Kum thum le a chanve ruo sûr naw lai khan hnam dang mi hmeithai kuoma chau ti naw chu Israel rama um hmeithai tu kuoma khom Pathienin Elija a tir nawh,” a ta.
![](https://static.globalrecordings.net/300x200/z42_Lk_04_17.jpg)
“Chun zawlnei Elisa damlai khom khan Israel ramah vun natna invoi tamtak an um. Nisienlakhom Elisa’n anni tukhom a sukdam nawh. Israelhai hmêlma hotu, Naaman chau kha a sukdam a,” a ta. Chu thu chu mipuiin an hriet chun an lung a sen ta em em a.
![](https://static.globalrecordings.net/300x200/z42_Lk_04_18.jpg)
Isu chu Nazaret mihaiin inkhawmna ina inthok chun an hnûk suoka, ama an peithlâk theina dingin rawl khova chun an thruoia. Nisienlakhom Isu chu mipui karah a fe thlenga, Nazaret khuo chu a mâksanta a.
![](https://static.globalrecordings.net/300x200/z42_LK_04_22.jpg)
Chu hmun chu Isu’n a mâksana, mipui nasatakin ama chu an zuia, a kuoma an hunga, damnaw popo, mitdel dâm, kebai dâm, nasêt dâm le trongtheinawhai dâm an hung thruoia. Anni chu Isu’n a lo sukdam tawl a.
![](https://static.globalrecordings.net/300x200/z41_Mk_09_22.jpg)
Mi tamtak, ramhuoi zawlhai chu Isu kuoma an hung thruoia. Isu thupêkin ramhuoihai chu mihai sûnga inthoka hung suok dawkin, “Pathien Naupa chu I nih,” tiin an khêka. Mipuihai chun mak an ti a, Pathien an biek ta a.
![](https://static.globalrecordings.net/300x200/z40_Mt_10_01.jpg)
Chun Isu’n mi sawm le pahni, thruoihruoihai an ti chu a thlanga. Thruoihruoihai chu Isu inchûktirhai ti an nih. Ama an zui a, amaa inthokin an inchûk a.