unfoldingWord 24 - Yesuusa Xammaqetethaa
![unfoldingWord 24 - Yesuusa Xammaqetethaa](https://static.globalrecordings.net/300x200/z40_Mt_03_08.jpg)
Περίγραμμα: Matthew 3; Mark 1; Luke 3; John 1:15-37
Αριθμός σεναρίου: 1224
Γλώσσα: Gofa
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z40_Mt_03_01.jpg)
Zakkaryaasinne Elssabeexa yelida na7ay diccidi nabe gidis. Iyaw duussay bazzo biitta gidis; I, miya kathay degera eessinne boole; I, ma77ey gimale ikiseppe oosetida ma7o.
![](https://static.globalrecordings.net/300x200/z40_Mt_03_02.jpg)
Daro asay, Yohaannisa si7anaw bazzo biitta yidosona. I “Xoossaa kawotethay matida gisho hintte nagaraappe simmite” yaagidi sabbakis.
![](https://static.globalrecordings.net/300x200/z40_Mt_03_03.jpg)
Asay Yohaannisa kiita si7ida wode, bantta nagara paaxin, Yohaannisi entta xammaqis. Daro Ayhude cimati xammaqetanaw Yohaannisakko yidosona; shin bantta nagara paaxibookona.
![](https://static.globalrecordings.net/300x200/z40_Mt_03_04.jpg)
Yohaannisi, Farisaawetanne Saduqaaweta, “Ha iita shooshato, yaana Xoossaa hanquwafe baqatana mela hinttena zoriday oone? Lo77o ayfe ayfonna mitha ubbay qanxettidi taman yegettana” yaagis. Yohaannisi, “Ne ogiya ne sinthan giigsiya ta kiitanchuwa neeppe sinthe kiittana” gidi nabeti odida qaala polis.
![](https://static.globalrecordings.net/300x200/z42_Lk_03_06.jpg)
Issi issi Ayhude cimati, Yohaannisa, “Neeni Kiristtoose?” gidi oychidosona. Yohaannisi zaaridi, “Taani Kiristtoosa gidikke; shin taappe guyera issi asi yees; I, taani iya caammaa wodoruwa billanaw bessonna wolqqaama asi” yaagis.
![](https://static.globalrecordings.net/300x200/z43_Jn_01_04.jpg)
Wonttetha gallas, Yesuusi, Yohaannisan xammaqetanaw yis. Yohaannisi iya be7ida wode, “Hekko, alamiya nagara quchiya Xoossaa Dorssa hayssa be7ite!” yaagis.
![](https://static.globalrecordings.net/300x200/z40_Mt_03_07.jpg)
Yohaannisi, Yesuusakko, “Taani nena xammaqanaw bessiya asi gidikke. Taani nenan xammaqettanaw koshshishin neeni taakko yay?” yaagis. Shin, Yesuusi, “Oothanaw bessiya ooso gidiya gisho, neeni tana xammaqanaw bessees” yaagis. Yesuusi, nagara oothibeenna; shin Yohaannisi, Yesuusa xammaqis.
![](https://static.globalrecordings.net/300x200/z40_Mt_03_08.jpg)
Yesuusi xammaqetidi, haathaafe keyda wode, Xoossaa Ayyaanay holleda benttishe yidi, iya bolla uttis. He wode, “Ta dosiya na7ay nena; neeni tana daro ufayssadasa” yaagiya Xoossaa qaalay saloppe yis.
![](https://static.globalrecordings.net/300x200/z40_Mt_03_05.jpg)
Xoossay, “Xoossa Ayyaanay wodhdhidi, neeni xammaqiya uraa bolla uttana. He neeni xammaqiya uray Xoossa na7a” gidi kase Yohaannisas odis. Issi Xoossa xalaali de7ees; shin Yohaannisi, Yesuusa xammaqida wode, Xoossaa aaway odetishin si7is; Xoossaa na7aa Yesuusa be7is; Geeshsha Ayyaanay saloppe wodhdhishin be7is.