unfoldingWord 29 - Akun Anecne Iye Dukan Yokam Wainta
![unfoldingWord 29 - Akun Anecne Iye Dukan Yokam Wainta](https://static.globalrecordings.net/300x200/z40_Mt_18_07.jpg)
Περίγραμμα: Matthew 18:21-35
Αριθμός σεναρίου: 1229
Γλώσσα: Gadsup
Κοινό: General
Είδος: Bible Stories & Teac
Σκοπός: Evangelism; Teaching
Απόσπασμα της Βίβλου: Paraphrase
Κατάσταση: Approved
Τα σενάρια είναι βασικές οδηγίες για μετάφραση και ηχογράφηση σε άλλες γλώσσες. Θα πρέπει να προσαρμόζονται όπως είναι απαραίτητο για να είναι κατανοητές και σχετικές με κάθε διαφορετική κουλτούρα και γλώσσα. Ορισμένοι όροι και έννοιες που χρησιμοποιούνται μπορεί να χρειάζονται περισσότερη εξήγηση ή ακόμη και να αντικατασταθούν ή να παραλειφθούν εντελώς.
Κείμενο σεναρίου
![](https://static.globalrecordings.net/300x200/z40_Mt_18_01.jpg)
Mana nurami Pita Jisasin andaemi, "Iyeno, tentifac ten numoc andauc usinkarukaci nacuman yakaci utuc ankantekafuno? 7 yakaci utucankanuno?" Jisasi tamemi, "Micnuman yakaino, 70 yakaci 7 yakic ure micnono!" Micni tentimi ikeunamac umacden yamuc ena utuc yinkar andawac dukano wani temi. Micni tiremi Jisasi mana wayani tiyimemi.
![](https://static.globalrecordings.net/300x200/z40_Mt_18_02.jpg)
"Akona yokam wainta akon noyan ankaren kumandemi tamemi, 'Nanayuke wanakaci enic monici marekuna yewekec ameno.' Micni tewan indemi mini yokam wainta iye indimi akona yokam wainta pakaman karafusic urami wenic monic ayac uman kipano wani demi."
![](https://static.globalrecordings.net/300x200/z40_Mt_18_04.jpg)
"Akona yokam wainta akon noyan ankaren kumandemi tamemi, 'Nanayuke wanakaci enic monici marekuna yewekec ameno.' Micni tewan indemi mini yokam wainta iye indimi akona yokam wainta pakaman karafusic urami wenic monic ayac uman kipano wani demi."
![](https://static.globalrecordings.net/300x200/z40_Mt_18_05.jpg)
"Mini yokam wainta kin okankac akon noyan ankaren kumandemi temi, 'Amankakac nanayukanakaci mini umaacden monici marekuna yewekec amentekafuno. 'Kimi wenic yokam wainta akun aruankaremi wenic dinauc mareninuc payanic uremi ecami yererem wemi."
![](https://static.globalrecordings.net/300x200/z40_Mt_18_03.jpg)
"Afo mini yokam wainta kin yere ankarem mapac oren akona yokam wainta wenka eriyewan ikona amankac wam monici mandukakenimi afakemi. Akona yokam wainta pakaren tamemi, 'Tentic monici mareona oweke makeukan timi!'"
![](https://static.globalrecordings.net/300x200/z40_Mt_18_07.jpg)
"Mini yokam wainta akon noyan ankaren kumanden temi, 'Nanayukanakaci enic monikuc marekunauc umaacden yewekec ameno.' Mini manam payanic uremi mini wainta mandeken karafusikin karucdami wemi marenim monikuc yeweken amewami.'"
![](https://static.globalrecordings.net/300x200/z40_Mt_18_09.jpg)
"Ena yokam waintauc micnenin onareni anon umani mandeni maro kimi weni eninuc umacden tameno."
![](https://static.globalrecordings.net/300x200/z40_Mt_18_10.jpg)
"Kimi mini wainta araremi tamemi, 'Manda yokam wainta! Tenkaci tindaonaci afo tesic monici iyem marantekon tireci enic numouc utucankecumpo, naciraraci wemac iye micnuanke? Kimi mini manda yokam wainta aran amiremi karafusikin karucdami wenic monikuc yeweken aminowani demi."
![](https://static.globalrecordings.net/300x200/z40_Mt_18_11.jpg)
Micnukami Jisasi tiyimemi, "Tentifo Kocti inarumpac weni umacdemi mini manan uwan yinkantemino ikeya iken yifac yiwanan iye yinduntinke utucyinkami."