unfoldingWord 36 - Hmêl Danglamna
Zusammenfassung: Matthew 17:1-9; Mark 9:2-8; Luke 9:28-36
Skript Nummer: 1236
Sprache: Hmar
Zuschauer: General
Zweck: Evangelism; Teaching
Features: Bible Stories; Paraphrase Scripture
Status: Approved
Skripte dienen als grundlegende Richtlinie für die Übersetzung und Aufnahme in anderen Sprachen. Sie sollten, soweit erforderlich, angepasst werden, um sie für die jeweilige Kultur und Sprache verständlich und relevant zu machen. Einige der verwendeten Begriffe und Konzepte müssen unter Umständen ausführlicher erklärt oder sogar ersetzt oder ganz entfernt werden.
Skript Text
Nikhat chu Isun a thruoihruoihai mi pathum, Peter le Jakob le Johan hai a thruoi a. (Hi Johan hi Isu baptisma inchangtirtu Johan kha an nawh) An khatin tlâng insângtak a an hang kai a.
Isu hmêl chu nisa angin a hung var ta a, a silfênhai chu vûr angin a hung vâr ta a, hnuoia tukhawm a an sawp var thei naw ding khawp rauvin a hung vâr a.
Chun Elija le Mosie, kum za tamtak lo liem taa lo umta hai kha, an hung inlâr a. Isu le chun Jerusalem a a thi vak ta ding chanchin chu an hril tlâng a.
Elija le Mosie chu Isu le an inbiek zing lai chun, Peterin, “Isu, hi taka ei um zing hi a thra. Puonin pathum zar ei ta, I ta dingin pakhat, Elija ta dingin pakhat, Mosie ta dingin pakhat,” a ta. Peter chun a hril hre lovin a trong a nih.
Peter a trong zing lai chun sûm a hung zinga, anni a hung hlie ta a, sûma inthok chun rawlin, “Hi hi ka Naupa dittak chu a nih. A chungah Ka lawm em em a nih. Ama thu ngai ro” tiin. Thuoihruoi pathumhai chu an tri ta em ema, hnuoiah an bokkhup ta a.
Chun Isu chun anni chu a them a, “Tri naw ro, tho ro,” a ta. An hang dâk vêl chun, isu chau naw chu tukhom an hmu ta naw a.
Tlâng chunga inthoka an trum thla lai chun, Isu’n an kuoma, “Mithi laia inthoka ka tho nawk hmakhat chu hi taka thil tlung hi tukhom hril naw ro,” tiin thruoihruoi pathumhai kuoma chun thu ân cha a.