unfoldingWord 36 - Jisasin Ontinken namac Wenic Wadosapaten Anon Kayakami Kemi

Zusammenfassung: Matthew 17:1-9; Mark 9:2-8; Luke 9:28-36
Skript Nummer: 1236
Sprache: Gadsup
Zuschauer: General
Zweck: Evangelism; Teaching
Features: Bible Stories; Paraphrase Scripture
Status: Approved
Skripte dienen als grundlegende Richtlinie für die Übersetzung und Aufnahme in anderen Sprachen. Sie sollten, soweit erforderlich, angepasst werden, um sie für die jeweilige Kultur und Sprache verständlich und relevant zu machen. Einige der verwendeten Begriffe und Konzepte müssen unter Umständen ausführlicher erklärt oder sogar ersetzt oder ganz entfernt werden.
Skript Text

Mana nurami Jisasi wenic kandac manawac disaipoliuc yiwikemi Pita, Jaimsi Jonin acnami.(Jisasin nom marankanin Joni waino, eno ino). Anon anufaci intantirani yeyan ureno.

Jisasi kukandemi inantewami, wen ontake kakani ac amanken imi wenic wacdofaten efaric emi kayakami kemi. Mana makakac wenin efar andandauc waci aruremi efarikukam memi.

Micnimi Mosesiuc profet Ilaisa kandan afotafic eno. Mini wainta kanda peyukan amucna orande yankakani wakeyouni afotafic eno. Yekanda Jisasinic pukin Jerusalemic makusin inaninani teno.

Mosesiuc Ilaisa kanda Jisasin namac waya tami Pita Jisasin tamemi, "Manakac wanami ayokufic mintemino. Yic kandac manawac wayu mac uwarano. Mana eninda uwarec, Mosesin inda uwarec ena Ilaisan inda uwarano." Pita wayani indiren iyen temino.

Pa Pita waya tewami efan konan yemi yeukuimi mikinken wayani indemi temi, "Mini ten Tikac ino, Tiyikarac ewana Intaino. Wen nanana timoyewana intai ino. Wen awayanana wac indecko." Mini indeni kandac manawac disaipoliuc pekeni yuni makakimi ayofeno.

Jisasi yemi yiruaremi temi, "Iye pekec ukukako." Yeni ona yeukomi Jisasi weyacomi wami.

Jisasi mini kandac manawac disaipoliuc namac yeweken anufate kumemi. Jisasi yemi tiyimemi, "Onekon andanda iyewakac tiyimeko. Te pucec ukukaonakaci wanta anasi tiyimeko."