unfoldingWord 20 - المنفى و العودة
Zusammenfassung: 2 Kings 17; 24-25; 2 Chronicles 36; Ezra 1-10; Nehemiah 1-13
Skript Nummer: 1220
Sprache: Arabic, Sudanese: Khartoum
Zuschauer: General
Genre: Bible Stories & Teac
Zweck: Evangelism; Teaching
Bibelzitat: Paraphrase
Status: Approved
Skripte dienen als grundlegende Richtlinie für die Übersetzung und Aufnahme in anderen Sprachen. Sie sollten, soweit erforderlich, angepasst werden, um sie für die jeweilige Kultur und Sprache verständlich und relevant zu machen. Einige der verwendeten Begriffe und Konzepte müssen unter Umständen ausführlicher erklärt oder sogar ersetzt oder ganz entfernt werden.
Skript Text
مملكة اسرائيل و مملكة يهوذا كلهم اخطاوا ضد الله . كسروا العهد الكان الله عملو معاهم فى جبل سيناء . الله رسل انبيائه ليحذرهم عشان يتوبوا و يعبدوه تانى ، لكن هم رفضوا يطيعوه .
عشان كده الله عاقب المملكتين و سمح لاعدائهم يدمروهم . الاشوريين كانوا امة تانية بقوا قويين شديد . برضو هم كانوا قاسيين شديد للامم التانية . هم جوا و دمروا مملكة اسرائيل . الاشوريين قتلوا ناس كتار في مملكة اسرائيل ، شالوا اى حاجة دايرنو و حرقوا جزء كبير من البلد .
الاشوريين جمعوا كل القادة ، الأغنياء و الناس البقدروا يعملوا حاجات قيمة . شالوهم لاشور . بس بعض فقراء الإسرائيليين فضلوا فى اسرائيل .
بعد داك الاشوريين جابوا اجانب عشان يعيشوا فى الارض . الأجانب جددوا بناء المدن . اتزاوجوا مع الإسرائيليين الكانوا فضلوا هناك . نسل الشعوب ديل سموهم السامريين .
الشعب فى مملكة يهوذا شافوا كيف الله عاقب شعب مملكة اسرائيل لعدم ايمانهم و طاعتهم ليهو . لكن هم لسه يعبدوا الاصنام ، بيشمل الهة الكنعانيين . الله رسل انبياء عشان يحذرهم لكن هم رفضوا يسمعوا .
بعد حوالى ١٠٠ سنة من دمار الاشوريين مملكة اسرائيل ، الله رسل نبوخذنصر، ملك البابليين عشان يهاجم مملكة يهوذا . البابلية كانت امة قوية . ملك يهوذا قبل عشان يكون خادم لنبوخذنصر و يدفع ليهو كل سنة قروش كتيرة .
لكن بعد سنين بسيطة ، ملك يهوذا اتمرد ضد بابل . عشان كده البابليين رجعوا و هجموا مملكة يهوذا ، احتلوا مدينة اورشليم ، دمروا الهيكل و شالوا كلو ممتلكات المدينة و الهيكل .
ليعاقب ملك يهوذا على التمرد ، جيش نبوخذنصر قتلوا اولاد الملك قدامه و بقوه عميان . بعد داك شالوا الملك بعيد عشان يموت فى سجن بابل .
نبوخذنصر و جيشه تقريبا شالوا كل شعب مملكة يهوذا لبابل ، بس خلوا الناس الفقراء عشان يزرعوا المزارع . فترة الزمن ده لمن شعب الله اجبروهم عشان يخلوا ارض الموعد سموها المنفى .
رغم انو الله عاقب شعبه على خطيتهم عن طريق النفى ، هو ما خلاهم وما نسى وعوده .الله استمر يرعى شعبه و كلمهم من خلال انبياءه و وعد انو بعد ٧٠ سنة حيرجعوا تانى لارض الموعد .
بعد حوالى سبعين سنة ، كورش ملك فارس هزم بابل . عشان كده امبرطورية فارس حكمت شعوب كتيرة بدل امبرطورية بابل ، الاسرائيليين فى الوقت داك سموهم اليهود , كتير منهم عاشوا كل حياتهم فى بابل . بسيط من اليهود العجائز كان بتذكروا ارض يهوذا .
الفرس كانوا قويين شديد ، لكن كان عندهم رحمة على الناس النفوهم . وبعد زمن قصيرمن كورش بقى ملك على الفرس ، ادى اوامر بانو اى يهودى عايز يرجع لليهودية ممكن يخلى فارس ، كمان اداهم قروش عشان يعيدوا بناء الهيكل ! عشان كده بعد سبعين سنة فى المنفى ، مجموعة صغيرة من اليهود رجعوا من مدينة اورشليم لليهودية .
لمن الشعب وصلوا اورشليم ، اعادوا بناء الهيكل و السور حول المدينة . الفرس لسه حاكمينهم ، لكن مرة تانية كانوا عايشين فى ارض الموعد و بعبدوا فى الهيكل .