Үз, сонс амьдар 4-р ном Бурханы зарц нар

Удиртгал

Сайн байна уу?. Ах дүү нараа Бурханд үйлчилж үгийг нь дуулгавартай дагадаг хүмүүсийг Тэр хайрлаж, халамжилдаг билээ. Та дохио дуугарах бүрд дараагийн зурагруугаа шилжихээ мартуузай

Зураг 1: Өлсөглөнгөөс дүрвэгч гэр бүл

Рут 1:1-5

Бурхан хүн төрлөхтнийг бүтээсэн авч, хэн ч Түүнийг хүндэтгэн дагасангүй. Ингээд Эзэн Бурхан Израилийн ард түмэнд өөрийгөө таниулж, тэднээр хүндлүүлэх гэж сонгожээ. Тэгтэл Израиль ч мөн Бурханы эсрэг тэрсэлж, хуурамч бурхад, хиймэл шүтээнүүдийг шүтэх боллоо. Тэднийг өөрлүүгээ эргүүлж авчрахын тулд Бурхан энэ нутагт өлсөглөн, дайн дагжиныг зөвшөөрөв. Энэ үед Израилийн нэгэн гэр бүл хоол унд олохыг тулд Моаб нутагруу дүрэвжээ. Харь нутагт 10-н жил амьдарч байтал аав нь нас барав.Хоёр хүү нь Моаб эмэгтэйчүүдтэй гэрлэснийхээ дараахан нас барцгааж гэнэ. Ингээд ээж нь зөвхөн бэр охидуутайгаа л үлдэв.

Зураг 2: Наоми Рут хоёр Израильруу буцсан нь

Рут 1:6-22

Тэдний ээжийг Наоми гэдэг ба Моаб гаралтай бэр охидыг нь Рут, Орпа гэдэг ажээ. Наоми Израиль нутагруугаа буцах гэхэд 2 бэр нь түүнийг дагалаа. Гэтэл Наоми
- Буцагтун охид минь, яагаад та нар надтай хамт явах ёстой билээ?. Одоо та нарны нөхөр болчихоор хөвгүүдийг би төрүүлнэ гэж үү?. Эзэн Бурхан миний эсрэг байсан юм гэлээ. Ингээд Орпа хадам эхээ үнсээд төрлөх гэрлүүгээ буцлаа. Харин Рут Наомид наалдаж
- Таныг орхихыг надад бүү ятгаач. Учир нь таны явах газар руу би явна. Таны ард түмэн миний ард түмэн, таны Бурхан миний Бурхан гэв. Ингээд Рут Наоми хоёр Израилийн Бэтлехэм рүү явлаа.

Зураг 3: Рут тариан талбайд ажилласан нь

Рут 2:1-23

Наоми, Рут хоёр маш ядуу байжээ. Тиймээс нэг өдөр Рут
- Намайг тариан талбайруу явуулна уу. Би хаягдал тариаг түүе гээд тариан талбайд очсонд тариачид арвай буудай хурааж байлаа. Энэ тариан талбайн эзнийг Боаз гэдэг ажээ. Тэр зарц нараасаа талбайд нь ажиллаж байгаа эмэгтэйг хэн болохыг асуухад, зарц нар нь
- Тэр эмэгтэй бол Наомитай ирсэн Моаб эмэгтэй гэж хариулав. Мөн Боаз Рут хадам эхийгээ орхилгүй, сайн хандсан тухай мэджээ. Ингээд тэр Рутад
- Тариа хураалт дуустал, энд миний ажилчидтай ажилаарай гэж хэлээд зарц нартаа түүнийг гомдоохгүй, түүх тариа зориуд үлдээхийг захилаа. Тэр орой нь Рут гэртээ хариад энэ бүхнийг хадам эхдээ хэлэв. Үүнийг сонсоод Наоми
- Бурхан Эзэн энэ хүнийг ивээх болтугай! Тэр бол манай ойрын хамаатан билээ гэв.

Зураг 4: Рут Боаз хоёр үтрэм дээр уулзсан нь

Рут 3:1-18

Израильд эр хүн нас барвал хамгийн ойрын хамаатан эхнэртэй гэрлэдэг ажээ. Нэг өдөр Наоми Рутад
- Би чамд хань болох хүн олж өгөх ёстой. Тэгээд чи өөрийн гэсэн гэр
оронтой болно. Боаз бол бидний ойрын хамаатан. Тиймээс чи өнөө орой хамгийн гоё хувцсаа өмсөөд үтрэмрүү оч Боаз тариа цохиж байх болно. Түүнийг хэвтэхэд хэвтэж буй газрыг нь ажиглаад, хөлнийх нь ойролцоо хэвт гэж Наомиг хэлэхэд Рут хэлсэн ёсоор нь үйлдэв. Боаз сэрээд, Рут хөлнийх нь ойролцоо хэвтэж байгааг хараад өөртэй нь гэрлэхийг хүсч байгааг ойлгов. Ингээд Боаз Рутад
- Би чиний хүссэн бүгдийг хийнэ. Учир нь бүх хүн чамайг онцгой сайн эмэгэтэй гэдгийг мэднэ гэж хэллээ.

Зураг 5: Боаз ба Бэтлехэм хотын ахмадууд

Рут 4:1-22

Боаз Бэтлехэм хотын дааман хаалган дээр ахмадуудыг дуудаж цуглуулав. Тэдний бас нэг хамаатан Руттай гэрлэх эрхтэй байсан ажээ. Гэтэл бүгд санал нэгтэй Боазд гэрлэхийг зөвшөөрөв. Израилийн заншил ёсоор хамаатан нь үүний бэлэгдэл болгож Боазд гутлаа өглөө. Ингээд Боаз Рутыг эхнэрээ болгон авчээ.Төдөлгүй Рут хүү төрүүлж, хүүгээ Обед гэж нэрлэв. Израилийн эмэгтэйчүүд Наомид
- Эзэн Бурхан магтагдах болтугай, таньд хайртай бэр тань хүү төрүүлж өглөө. Рут таньд долоон хөвгүүнээс ч илүү дээр билээ гэцгээв. Найзуудаа, Рут Бурханд болон түүний хүмүүст, үйлчилснээр жинэхэн баяр баясгаланг олсон. Түүний хүү Обед Израилийн агуу хаан Давидын өвөг эцэг болжээ.

Зураг 6: Мариа ба Бурхан тэнгэр элч

Лук 1:26-38

Рутын цаг үеэс олон жилийн дараа, Бурхан нэг эмэгтэйг өөртөө үйлчилүүлэхээр сонгосон байсан ба Иосеф гэдэг залуутай гэрлэхээр төлөвлөсөн байжээ. Гэтэл нэг өдөр Бурханы тэнгэр элч үзэгдэж
- Мариа бүү ай. Чи Бурхан Эзэний ивээлийг олжээ. Чи хэвлийдээ үртэй болж хүү төрүүлнэ. Түүнийг чи Есүс гэж нэрлэ. Тэр хүү аугаа нэгэн болох ба хамгийн дээдийн хүү гэж дуудагдана гэхэд Мариа
- Эзэний шивэгчин надад хэлсэн үгийн дагуу биелэх болтугай гэлээ. Бурхан Ариун Сүнс ирж Мариа жирэмсэн болжээ. Тэгээд тэр хүү төрүүлэв. Ингэж Мариа Бурханы хүү Есүсийн эх болсон билээ.

Зураг 7: Ханна Бурхан Эзэнд залбирсан нь

1 Самуел 1:1-20

Рут бүсгүйн амьдарч байсан үеийн дараахан Израилийн нутаг Ханна нэртэй нэг эмэгэтй амьдарч байжээ. Нөхөр нь түүнд их хайртай боловч тэдэнд үр хүүхэд заяагаагүй аж. Тэд жил бүр Шилод байдаг Бурхан Эзэний өргөөрүү тахил өргөхөөр ирдэг байлаа. Ханна Эзэний өргөөнд орж
- Бурхан минь, хэрэв та намайг санан дурсаж хүү өгвөл би хүүгийнхээ амьдралыг Таньд өргөх болно гэж уруулаа өмөлзүүлэн зүрх сэтгэл дотроо чимээгүйхэн залбирдаг байлаа. Тэгэхэд тэнд байсан Ели тахилч түүнийг хараад согтуу байна хэмээн боджээ. Харин Бурхан Эзэн Ханнагийн залбиралд хариулан, төдий л удалгүй тэд хүүтэй болж, хүүгээ Самуел гэж нэрлэв.

Зураг 8: Бурханы өргөөн дэх бяцхан Самуел

1 Самуел 1:24-23, 2:12-17, 3:1-21

Самуелыг балчир насанд хүрэхэд Ханна түүнийг Эзэнд өгөхөөр Эзэний өргөөрүү дагуулан иржээ. Хүүгээ Шилод буй Эзэний тахилч Элитэй хамт амьдруулахаар авчирсан нь энэ аж. Елитахилч хоёр хүүтэй байжээ. Тэд тахилчийн үүрэг гүйцэтгэдэг авч олиггүй муу хүмүүс байв. Тийм учраас Бурхан тахилчдаараа дамжуулан ард түмэнтэйгээ ярихаа больжээ. Нэг шөнө Самуел Эзэний өргөөнд унтахаар хэвтэж байтал Гэнэт Эзэн Бурхан Самуелыг нэрээр нь дуудахад тэр Элирүү гүйн очин
- Та намайг дуудсан тул би энд байна гэж өгүүлэв.
Харин Ели
- Би дуудаагүй. Буцаж яваад хэвтэгтүн гэсэнд Самуел буцаж яваад
хэвтэв. Ийнхүү энэ явдал гурван удаа давтагдахад балчир хөвгүүнийг Эзэн дуудаж байжээ гэдгийг Ели ойлгов. Ели Самуелд
- Хэрэв Бурхан чамайг дуудвал Эзэн минь айлдаж хайрла. Боол тань сонсож байна гэж хэлээрэй гэв. Тэр цагаас хойш Бурхан Самуелтай яриж болж, тэр Израильд агуу удирдагч болсон юм.

Зураг 9: Самуел Израилийн төлөө залбирсан нь

1 Самуел 4:10-11, 7:2-14

Израильчууд тэдний дайсан филистчүүдэд ялагджээ. Елигийн хоёр хүү
Бурхан шийтгэж тэд дайнд алагдав. 20 гаруй жил филистчүүд Израилийг
дарлан байсан тэр үед Самуел ард түмэндээ
- Та нар бүх зүрхээрээ Эзэнрүү эргэж, харийн бурхадаа зайлуулан,
зөвхөн Бурханд л үйлчил. Тэр та нарыг филистчүүдээс аварна гэхэд Израильчүүд Самуелын хэлснийг дагалаа. Ингээд тэд бүгд цугларч Самуел Бурханд тахил өргөн Израилийн төлөө залбирлаа. Тэр үед филистчүүд Израильтай тулалдахаар дөхөж ирмэгц, төгс хүчит Бурхан тэдний дээрээс аянга буулгаж хиар цохив. Ийнхүү филистчүүд ялагдаж, Израилийн газарлуу дахин халдаж орж ирсэнгүй.

Зураг 10: Самуел Саулыг тосолж томилсон нь

1 Самуел 8:1-9, 9:15 - 10:1

Бурхан Эзэн Израильчуудын жинхэнэ хаан байсан ба Самуел Бурханы
хүмүүсийг удирддаг байв. Харин Израильчууд бусад улс орон шиг
өөрсдийн гэсэн хаантай болохыг хүсчээ. Самуел энэ тухай сонсоод
таашаасангүй. Гэтэл Бурхан
- Тэд чамайг үл хэрэгсэж байгаа шиг намайг л эсэргүүцэж байгаа юм.
Тэгэхлээр одоо тэдний дууг сонсогтун. Тэднийг захирах хааныг өгье гэв. Израиль нутаг Саул нэртэй өндөр сайхан залуу байлаа. Нэг өдөр Саул Самуелтэй уулзахаар иржээ. Самуел Саулыг ирж байгааг хараад, зогсож байтал Бурхан түүнд
- Энэ хүн бол миний ард түмнийг удирдах хүн гэж айлдав. Иймээс Самуел Саултай уулзаад толгойг нь тослов. Түүнийг хаанаар сонгосон гэдгийг бэлэгдэж ингэсэн аж. Тэр цагаас хойш Саул 40 жил Израилийг захирчээ.

Зураг 11: Саул Самуелын хормойноос зуурсан нь

1 Самуел 15:1-29

Амалекчууд бас Израилийг хорлохыг санаархдаг муу хүмүүс юм. Иймээс Самуел Хаан Саулд
- Бурхан ингэж айлдаж байна. Амалекчуудыг алж тэдэнд харъялагдах бүгдийг устга гэж хэлжээ. Бурхан Саулд тусалсан учир түүний цэргүүд Амалекчуудыг ялав. Гэвч тэд Бурханы үгийг дагалгүй, Амалекчуудын хааныг амьд үлдээж, малаас нь Бурханд тахил болгон өргөв. Тэгэхэд Самуел Саул дээр ирж
- Чи Эзэний үгнээс татгалзлаа гээд Самуел явахаар эргэтэл Саул Самуелын дээлийн хормойноос зуурч урав. Самуел түүнд
- Эзэн өнөөдөр таниас Израилийн хаанчлалыг буцаан авч түүнийг таниас илүү сайн хүнд өгнө гэжээ. Найзуудаа Саул хэдийгээр Бурханд тахил өргөж байсан ч Түүний үгийг дуулгавартай дагаагүй юм. Бурханыг дуулгавартай дагах нь тахил өргөхөөс ч илүүгээр түүнийг баярлуулдаг.

Зураг 12: Есүс Бурханы өргөөнд ирсэн нь

Лук 2:41-50

Самуелын үеэс олон жилийн дараа Есүс гэдэг хүү Израиль нутагт амьдарч байлаа. Ээжийг нь Мариа гэдэг ба аав нь Бурхан Эзэн байсан. Есүс 12 настайдаа Мариа, Иосеф хоёртой Иерусалимруу явжээ. Гэтэл Есүс алга болчихов. Мариа, Иосеф хоёр түүнийг хайн хотоор явлаа. Гурав хоногийн дараа Есүсийг Бурханы өргөөнд байхад нь олов. Тэр Еврейн хуулийн багш нартай Бурханы тухай ярилцан байв. Мариа Есүсд хэлсэн нь
- Бид санаа зовоод чамайг ирж хайлаа гэхэд , Есүс
- Би эцэгийнхээ гэрт байх ёстой хэмээн хариулав.
Тэр Самуел шиг бяцхан хүү байсан боловч Бурхан Эзэнд үйлчлэх хэрэгтэй гэдгийг мэддэг байлаа. Есүс бүх хүмүүсийг Цорын ганц Үнэн ба бүхнийг удирдагч Бурханруу хөтлөн дагуулахаар энэ дэлхийд ирсэн.

Удиртгал 2

Урьд цагт Бурханы зарч гэгдэх агуу хүмүүс амьдарч байсан. Тэд яаж агуу болсоныг дараах түүхэнд өгүүлнэ. Та дохио дуугарах бүрт дараагийн хуудасруугаа шилжихээ мартуузай.

Зураг 13: Давид зоригтой хоньчин

1 Самуел 16:1-3, 17:35-36

Саул Израилийн анхны хаан байсан боловч Бурхан Эзэнээс тэрсэлсэн юм. Иймээс Бурхан түүнийг орхиж, түүнд туслахаа больсон. Тэр нутагт нэгэн хүү байсныг Давид гэдэг байжээ. Тэр амьд Бурханд итгэдэг байсан учраас аюулаас айлгүй аавынхаа хонийг хариулдаг байлаа. Нэг өдөр Арслан хоньруу нь дайрахад, Давид мөнөөх арсланг алж сүргээ аюулаас аварчээ. Тэр бас чадварлаг хөжимдөн Бурхан Эзэнийг магтан дуулдаг байлаа. Давид Бурханы хүссэн сайн хүн байсан учир Бурхан Саулын оронд хаан болгохоор сонгов.

Зураг 14: Давид Голиат хоёр

1 Самуел 17:1-54

Филистчүүд Израильтай тулалдахаар иржээ. Филистийн цэргийн армид Голиат нэртэй аврага хүн байв. Тэр Израильчуудруу гарч ирээд
- Өөрсдөөсөө нэг хүнийг сонгож надруу явуулагтун, хэрэв тэр хүн надтай тулалдан намайг албал бид та нарын боол болъё. Харин би түүнийг ялж албал та нар бидний боол бол гэв. Үүнийг сонсоод бүх Израиль зориг нь мохож, хэн ч тулалдах гэж гарч ирсэнгүй.
Тэгэхэд залуу Давид
- Бурханыг мэддэггүй филист хүнийг хараач. Энэ хүн Амьд Бурханы
армийг заналхийлэх ёсгүй гэв. Бурхан Эзэн түүнд туслан гэдгийг мэдэж байсан учир Давид ер айсангүй. Ингээд Давид нэг чулуу аван дүүгүүрээр дүүгүүрдэж аврага хүнийг духыг.
Чулуу духруу нь зоогдоход тэр нүүрээрээ газар шаан унасанд Давид түүний илдийг хуйнаас нь сугалан авч толгой нь тас цавчив. Ингээд Израильчууд Филитчүүдийг яллаа.

Зураг 15: Саул Давидыг алахаар завдсан нь

1 Самуел 18:6 - 23:29

Давид Израилийг аварсан учраас Саул хаан эхэндээ түүнийг таашааж байлаа. Израилийн ард түмэн Давидыг хүндэтгэн хайрлах болж тэр цэргийн агуу удирдагч болов. Иймээс Саул Давидад атаархан, түүнийг алахыг санаархах болжээ. Нэг өдөр Саулын өмнө Давид ятгаа авч тоглох мөчид Саулд муу сүнс шүглэж, жадаа шүүрэн авч Давидруу шидсэнд түүнийг онолгүй хананд зоогджээ. Үүнээс хойш Саул Давидыг олон удаа алахаар завджээ. Саулын хүү Ионатан болон олон Израильчууд Давидад туслаж, тэр Саулаас зугтан цөлрүү явжээ.

Зураг 16: Давид Саулын амийг өршөөсөн нь

1 Самуел 26:1-25

Саулын цэргүүд Давидыг барихаар цөлрүү явлаа. Шөнө дунд Саул болон цэргүүд нь унтан байх үед Давид Абишаан найзтайгаа Саулын майханруу гэтэж очлоо. Абишай унтаж байгаа Саул хааныг алах гэтэл
Давид зогсоон,
- Бурхан Эзэний сонгосон хааныг хороовол тэр шийтгэх болно гээд Саулын дэргэд байсан жад, савтай ус 2-г авав. Ингээд тэд майхнаас гарлаа.
Давид хүмүүсийг сэрээж,
- Та нар хаан Эзэнээ хамгаалсангүй харагтун энэ бол хааны жад, гээд Өнөөдөр би таны амийг аварсан шиг Бурхан миний амийг ершөөх болтугай гэж хэллээ. Үүнээс хойш Саул дахиж Давидыг алъя гэж бодохгүй болжээ.

Зураг 17: Давид хаан болсон нь

1 Самуел 31:1-6; 2 Самуел 5:1-25, 8:1-15

Филистчүүд дахиад Израильчуудтай тулалдахаар ирлээ. Энэ дайнд хаан Саул болон түүний хүү Ионатан алагджээ. Тэгэхэд бүх ард түмэн Давидыг Израилийн хаанаар өргөмжлөв. Давид Ирусалим хотод ордон бариулжээ. Бурхан Эзэн Давидад
- Би чамайг хонины бэлчээрээс авч өөрийн ард түмний хаан болголоо. Би чамайг энэ дэлхийн агуу хүмүүсийн адил хүчирхэг болгоно гэж айлджээ. Үнэхээр Бурхан Эзэн Давидад Израилийн дайсныг ялах агуу хүчийг өгсөн:

Зураг 18: Давид Батшеба хоёр

2 Самуел 11:1 - 12:20

Нэгэн үдэш Давид гэрийнхээ дээвэр дээрээс угаал үйлдэж буй нэгэн үзэсгэлэнтэй эмэгтэйг харав. Энэ бол Давидын армийн цэрэг Уриагийн эхнэр Батшеба байлаа. Давид түүнийг зүрх сэтгэлдээ мөрөөдөх болов. Энэ үед Уриа Израилийн дайснуудтай тулалдахаар дайнд мордсон байлаа. Тэгээд Давид армийн ахмаддаа Уриаг дайнд амь үрэгдүүл гэсэн захиа илгээжээ. Үүний дараа Давид Батшеба өөрийн эхнэрээ болгон авав. Гэвч Давидыг энэ үйлдэл нь Бурхан Эзэнд ер таалагдсангүй. Төдөлгүй Давид Батшеба хоёрын ууган хүү нас барав. Ингээд Давид өөрийнхөө хийсэн хэрцгий үйлдлийнхээ төлөө Бурхан Эзэнээс өршөөл эргэн уулчлал гуйв.

Зураг 19: Бурханы өргөө

2 Самуел 7:1-29; Хаадын дэээд 22:1-19

Давид хэдийгээр Бурханыг хайрлаж, түүнд үйлчлэхийг хүсдэг байсан авч Бурханы эсрэг гэм нүгэл хийсэн. Давид Бурханыг хүндэтгэн сүрлэг том өргөө барихыг хүсэхэд Бурхан Эзэн
- Үй олон хүмүүсийг алсан учир Надад ордон барьж өгөхгүйв Харин чи
Соломон нэртэй хүүтэй болно. Тэр Надад өргөө барьж ,түүний хаанчлал үүрд цэцэглэн хөгжих болно гэв. Тиймээс Давид үхэхийнхээ өмнө Бурханы өргөөнд хэрэгтэй бүх зүйлийг бэлдэж, хүү Соломон нь барьж дуусгажээ. Энэ өргөөг босгоход долоон жил зарцуулсан ба гайхамшигтай сайхан өргөө болжээ. Олон зуун жилийн турш Израилийн ард түмэн Ирусалим хотод буй энэ өргөөнд ирж Бурхан Эзэнд мөргөн хүндлэл үзүүлэх болжээ Мөн өөрсдийн хаан Давидыг хэзээ ч мартдахгүй билээ.

Зураг 20: Есүс Ирусалимд ирсэн нь

Матай 21:1-11

Давидаас хойш мянгаад жилийн дараа Есүс төржээ. Тэр Давидын удам байв. Түүний эх бол онгон эмэгэтй Мари, эцэг нь Төгс хүчит Бурхан Эзэн юм. Есүс Бурхан Эзэнд үйлчилж, Үнэнийг хүмүүст сургаж, Бурханы хүчээр олон гайхамшигуудыг үйлдсэн. Саул Давид гээд бүгд Бурхаын эсрэг гэм хийсэн боловч ганцхан Есүс л гэмгүй нэгэн байсан. Нэгэн цагт илжиг унан Ирусалим хотруу ороход хүмүүс
- Давидын хүү Хосанна Эзэний нэрээр ирэгч нь ерөөлтэй еэ гэж хашхирч байв. Есүс бол Давидаас агуу нэгэн байсан ба Хаадын хаан Эзэдийн Эзэн юм.

Зураг 21: Шувууд Элиаг хооллосон нь

Хаадын дээд 16:29 - 17:6

Давид болон Соломоны үеэс хойш Израилийг өөр нэгэн хаан захирч байсан нь Ахаб хаан байлаа. Түүний эхнэрийг Иезебел гэдэг бөгөөд тэр хорон санаатай муу эмэгэтй байв. Тэр баалын худал Бурхадад мөргө гэж тулган Бурханыг олон хүмүүсийг алжээ. Тэр үед Елиа гэдэг Бурханы агуу зөнч байв. Нэг өдөр тэр Ахаб хаанруу ирж
- Израилийн Амьд Бурханы нэрээр энэ газарт гурван жилийн турш бороо орохгүй гэж хэлэв. Ингээд Бурхан Израилийн газар нутагт агуу их өлсгөлөнг зөвшөөрөв. Бурхан өөрийн зарц Елиаг Черит гэдэг газар авчирч булгаар ундлан өдөр бүр түүнд шувуудаар хоол зөөлгөдөг байлаа.

Зураг 22: Елиа ба Бурханы гал

Хаадын дээд 18:16-39

Өлсгөлөнгийн гуравдах жилд Елиа Ахаб хааныг болон бүх ард түмнийг Кармел ууланд цуглуулав. Тэгээд тэр тэдэнд
- Эзэнэ үнэхээр Бурхан юм бол түүнийг дага эсвэл Баал бурхан юм бол түүнийг дага гэв. Хүмүүс Баалд тахил болгон бух өргөн байжээ.
Тэгээд Елиа Баалын тахилчдад
- Та нар бурханаа дууд, би Бурханаа дуудна хэн нь галаар хариулсан
нь жинхэнэ Бурхан гэдгийг мэдье гэлээ. Баалын тахилчид бүхэл өдөржин Бурханаа дуудав. Тэр тахилаа тойрон бүжиглэж, өөрсдийгөө хутгаар хэрчсэн ч ер гал гарсангүй. Орой Елиа тахилаа бэлдэж усаар дүүргэв. Тэгээд Бурхан Эзэнд хандаж залбирсанд тэр даруй тэнгэрээс гал буун ирлээ. Тахил нь усаар дүүрэн байсан боловч дүрс хийн аслаа. Тэнд байсан бүх хүмүүс Эзэн бол Цорын ганц гэж хашхиралдлаа.

Зураг 23: Елиа тэнгэрлүү өргөгдсөн нь

Хаад дээд 19:1-21; Хаад дэд 2:1-14

Баалын тахилчид олиггүй муу хүмүүс байсан учир Елиа тэднийг алжээ. Тиймээс Иезебел Елиаг алахыг санаархан заналхийлэхэд Елиа айн, цөлрүү зугтлаа. Тэнд Бурхан Елиатай уулзаж, тэр айхаа болив. Ингээд төр Цорын ганц Үнэн Бурханыг хүндэтгэн дагахыг хүмүүст үргэлжлүүлэн уриаллаа. Елиа Елишаг өөртөө туслуулхаар сонгожээ. Нэгэн өдөр тэднийг ярилцсаар явж байтал галт тэрэгнүүд тэднийг салгав. Үүнээс хойш Елиша түүнтэй дахин уулзаагүй билээ.

Зураг 24: Елиа, Есүс Мосе гурав

Лук 9:26-38

Энэ явдлаас хойш долоон зуун жилийн дараа Елиа буун ирж Бурханы зарц Мосе, Есүс, Елиа гурав уулан дээр уулзав. Мөн тэнд тэр гураваас гадна Петр, Иохан, Иокав гурав тэднээс Бурханы алдар цацарч байгааг харж байлаа. Гэтэл тэнгэрээс Бурхан Эзэн
- Энэ бол миний хүү түүнийг сонсогтун гэсэн дуу гарав.
Найзуудаа, Бурхан болон Израилийн бүх агуу хүмүүст зөвхөн Есүс л зааж байсан. Есүс хүн хүрт үйлчилж, бидний гэмийн төлөөсийг төлөхөөр ирсэн. Бидний сүнсийг үүрд амьдруулахын тулд үхэлээс дахин амилсан юм. Иймээс Түүнийг сонсож мөнх амийг хүлээн аваарай.