unfoldingWord 06 - Pathianin Isaaka a ngaihsak
![unfoldingWord 06 - Pathianin Isaaka a ngaihsak](https://static.globalrecordings.net/300x200/z01_Ge_25_01.jpg)
Omrids: Genesis 24:1-25:26
Script nummer: 1206
Sprog: Mizo
Publikum: General
Genre: Bible Stories & Teac
Formål: Evangelism; Teaching
Bibel citat: Paraphrase
Status: Approved
Scripts er grundlæggende retningslinjer for oversættelse og optagelse til andre sprog. De bør tilpasses efter behov for at gøre dem forståelige og relevante for hver kultur og sprog. Nogle anvendte termer og begreber kan have behov for mere forklaring eller endda blive erstattet eller helt udeladt.
Script tekst
![](https://static.globalrecordings.net/300x200/z01_Ge_24_03.jpg)
Abrahama chu a lo upa ta hle a, a fapa Isaaka pawh puitling a rawn ni ta a. Tin, Abrahaman a chhiahhlawhte zînga pakhat chu a fapa Isaaka nupui tur rawn hawn sak turin a laichînte awmna lamah a kal tir ta a.
![](https://static.globalrecordings.net/300x200/z01_Ge_24_08.jpg)
Abrahama laichînte awmna lam pana zinkawng thui tak a zawh hnu chuan, Pathianin chhiahhlawh chu Rebeki hnênah a hruai thleng ta a. Rebeki chu Abrahama unaupa tunu a ni.
![](https://static.globalrecordings.net/300x200/z01_Ge_24_11.jpg)
Rebeki chuan a chhûngte kalsan chu rem a ti a, Isaaka chenna in lamah chhiahhlawh nen chuan an haw ta a. A thlen veleh Isaaka chuan nupui atan a nei tâ a.
![](https://static.globalrecordings.net/300x200/z01_Ge_25_01.jpg)
Hun rei tak hnuah chuan, Abrahama a thi ta a, a hnena Pathian in thuthlung ngeia thu a tiam zawng zawng chu Isaaka hnena hlan chhawn a lo ni ta a. Pathianin Abrahaman chithlah chhiarsen loh a neih tur thu a lo tiam tawh a, nimahsela, Rebekin fa a nei thei lova.
![](https://static.globalrecordings.net/300x200/z01_Ge_25_02.jpg)
Isaaka chuan Rebeki tan a ṭawngṭaisak a, tichuan, Pathianin phir a pai a remti ta a. Naute pahnihte chu Rebeki pum chhûnga an la awm lai in an insual a, Rebeki chuan Pathian hnenah thil awmzia a zawt a.
![](https://static.globalrecordings.net/300x200/z01_Ge_25_03.jpg)
Pathianin Rebeki hnenah, “I pumchhunga fapa phirte atangin hnam chihnih an la rawn chhuak dawn a ni. An innghirngho ang a, a upa zawk chuan a naupang zawk rawng a la bawl ang,” a ti a.
![](https://static.globalrecordings.net/300x200/z01_Ge_25_04.jpg)
Rebekin nau a hrin chuan, a upa zawk chu a sena sen thur, hmul thupin a lo chhuak a, a hmingah Esauva an sa a. Tin, a naupang zawk chu a u Esauva keartui chelh reng chungin a rawn chhuak a, tichuan, a hmingah Jakoba an sa a.