unfoldingWord 24 - يوحنا يعمد يسوع
![unfoldingWord 24 - يوحنا يعمد يسوع](https://static.globalrecordings.net/300x200/z40_Mt_03_08.jpg)
Omrids: Matthew 3; Mark 1; Luke 3; John 1:15-37
Script nummer: 1224
Sprog: Arabic, Sudanese: Khartoum
Publikum: General
Genre: Bible Stories & Teac
Formål: Evangelism; Teaching
Bibel citat: Paraphrase
Status: Approved
Scripts er grundlæggende retningslinjer for oversættelse og optagelse til andre sprog. De bør tilpasses efter behov for at gøre dem forståelige og relevante for hver kultur og sprog. Nogle anvendte termer og begreber kan have behov for mere forklaring eller endda blive erstattet eller helt udeladt.
Script tekst
![](https://static.globalrecordings.net/300x200/z40_Mt_03_01.jpg)
يوحنا، ولد زكريا و اليصابات، كبر و بقى نبى. سكن فى البرية، بياكل عسل البرية و الجراد و بلبس ملابس عملوها من صوف الجمل .
![](https://static.globalrecordings.net/300x200/z40_Mt_03_02.jpg)
ناس كتير خرجوا للبرية عشان يسمعوا ليوحنا. هو بشرهم وقال ليهم : "توبوا، لان ملكوت الله قريب!"
![](https://static.globalrecordings.net/300x200/z40_Mt_03_03.jpg)
لمن الناس سمعوا رسالة يوحنا، كتار منهم تابوا من خطاياهم و يوحنا عمدهم. كمان كتير من القادة الدينين جوا عشان يشوفوا يوحنا، لكن هم ما تابوا ولا اعترفوا بخطاياهم.
![](https://static.globalrecordings.net/300x200/z40_Mt_03_04.jpg)
يوحنا قال للقادة الدينين: "انتو دبايب سامة! توبوا و غيروا سلوككم . الله حيقطع اي شجرة الما بتجيب ثمر كويس، حيرميها فى النار" . يوحنا تمم القالوا الانبياء، "شوفوا ، انا قريب برسل رسولى قدامك، البجهز طريقك" .
![](https://static.globalrecordings.net/300x200/z42_Lk_03_06.jpg)
بعض من القادة الدينين سالوا يوحنا لو كان هو المسيا. يوحنا جاوب "انا ما المسيا لكن هو جاى بعدى . هو عظيم شديد حتى انا ما بستحق افك رباط نعاله".
![](https://static.globalrecordings.net/300x200/z43_Jn_01_04.jpg)
فى اليوم التاني، يسوع جاء ليوحنا عشان يعمدو، لمن يوحنا شافو قال: "شوفوا! ياهو داك حمل الله البشيل خطايا العالم" .
![](https://static.globalrecordings.net/300x200/z40_Mt_03_07.jpg)
يوحنا قال ليسوع: "انا ما بستحق عشان اعمدك. انت المفترض تعمدنى بدل ده ". لكن يسوع قال: "انت المفروض تعمدنى . لانو ده الحاجة الصح عشان تعمله". يوحنا عمده رغم انو يسوع ما عمل خطية ابدا .
![](https://static.globalrecordings.net/300x200/z40_Mt_03_08.jpg)
لمن يسوع طلع من الموية بعد ما عمدو، روح الله ظهر فى شكل حمامة و نزل و استقر عليهو . فى نفس الزمن، الله اتكلم من السماء. وقال: " انت ابني ، انا بحبك و انا فرحان بيك شديد" .
![](https://static.globalrecordings.net/300x200/z40_Mt_03_05.jpg)
الله كلم يوحنا: "الروح القدس حينزل ويستقر علي زول انت عمدتو . الزول ده هو ابن الله". فى الله واحد بس . لكن لمن يوحنا عمد يسوع، هو سمع الله الاب بتكلم، شاف الله الابن، هو يسوع، و شاف الروح القدس.