unfoldingWord 25 - Gitintal si Jesus ni Satanas
Přehled: Matthew 4:1-11; Mark 1:12-13; Luke 4:1-13
Císlo skriptu: 1225
Jazyk: Cebuano
Publikum: General
Žánr: Bible Stories & Teac
Úcel: Evangelism; Teaching
Citát z Bible: Paraphrase
Postavení: Approved
Skripty jsou základní pokyny pro preklad a nahrávání do jiných jazyku. Mely by být podle potreby prizpusobeny, aby byly srozumitelné a relevantní pro každou odlišnou kulturu a jazyk. Nekteré použité termíny a koncepty mohou vyžadovat více vysvetlení nebo mohou být dokonce nahrazeny nebo zcela vynechány.
Text skriptu
Pagkahuman ni Jesus mabawtismohi, gidala dayon siya sa Balaang Espiritu dito sa kamingawan aron makapuasa ug kwarenta (40) ka adlaw ug kwarenta (40) usab ka gabii. Unya miabot si Satanas ug gitintal niya si Jesus aron makasala.
Gitintal niya si Jesus ug miingon, “Kung Anak ka sa Dios, himoang pan kining mga bato aron makakaon ka!”
Mitubag si Jesus, “Nasulat sa pulong sa Dios nga nag-ingon, ’Dili lang pagkaon ang gikinahanglan sa mga tawo aron mabuhi, kondili nagkinahanglan usab sila sa matag pulong nga isulti sa Dios!”
Unya gidala si Jesus ni Satanas sa kinatas-ang bahin sa templo ug giingnan, “Kung ikaw ang Anak sa Dios, ambak sa ubos kay nasulat man kini, ’Sugoon sa Dios ang iyang mga anghel aron sa pagsalo kanimo aron dili mabunal sa mga bato ang imong mga tiil.”
Apan gitubag ni Jesus si Satanas, pinaagi sa pagkutlo sa Kasulatan. Miingon siya, “Ang pulong sa Dios, nagsugo sa mga tawo nga nag-ingon, ‘Ayaw tintala ang Ginoo nga imong Dios.’”
Unya gipakita ni Satanas kang Jesus ang tanang gingharian sa kalibotan ug ang tanang bahandi ug himaya niini. Ug miingon siya, “Ihatag ko kining tanan kanimo kung moyukbo ka kanako ug imo kong simbahon.”
Mitubag si Jesus, “Palayo kanako Satanas! “Ang pulong sa Dios nagsugo sa mga tawo nga nag-ingon, ‘Ang Ginoo lang nga imong Dios maoy simbaha, ug siya lang ang imong alagaran.’”
Wala gayod matintal si Jesus ni Satanas, busa gibiyaan nalang siya ni Satanas. Unya miabot ang mga anghel ug giatiman nila si Jesus.