unfoldingWord 07 - Yoyqooba Anjetethaa
Esquema: Genesis 25:27-35:29
Número de guió: 1207
Llenguatge: Gofa
Públic: General
Propòsit: Evangelism; Teaching
Features: Bible Stories; Paraphrase Scripture
Estat: Approved
Els scripts són pautes bàsiques per a la traducció i l'enregistrament a altres idiomes. S'han d'adaptar segons sigui necessari perquè siguin comprensibles i rellevants per a cada cultura i llengua diferents. Alguns termes i conceptes utilitzats poden necessitar més explicació o fins i tot substituir-se o ometre completament.
Text del guió
Nayti diccidosona; Yayqoobi ba aayera son de7iya asi, shin Eesawey shankka eriya bazzo ase gidis. Irbbiqi, Yayqooba dosawusu, shin Yisaaqi, Eesawe dosees.
Issi wode Eesawey shankkafe simmidi yishe daro koshattis. Eesawey Yayqooba, “Tana koshi wodhees, hayyana, ne kathida kathaafe taw immarkkii” yaagis. Yayqoobi, “Koyro taw ne bayratetha bayza” yaagis. Yaatin Eesawey, ba bayratethaa Yayqoobas immis; hessafe guye, Yayqoobi ba kathida kathaafe immis.
Yisaaqi, Yayqooba anjjanaw koyis; shin hessi hananaappe sinthe Irbbiqaranne Yayqoobara, Yisaaqa cimmidosona. Yisaaqi, cimin, ayfey demmonna gisho, Yayqoobi, Eesawe daanidi, Yisaaqakko shiiqis. Yayqoobi, Eesawe ma7uwa ma77idi, deesha ite ba kushiyaaninne ba qoodhiyan ma77idi, Yisaaqakko shiiqidi, cimmis.
Yayqoobi, Yisaaqakko yidi, “Taani ne bayra na7aa Eesawe, tana anjja” yaagis. Yisaaqi deesha itiya bochi be7idi, ma7uwa singgidi, Eesawe gidi, eronna Yayqooba anjjis.
Yayqoobi bayratethaanne anjjuwa cimmidi ekkida gisho, Eesawey Yayqooba morkkis. Ta aaway hayqqanaw matis, I hayqqiko, taani Yayqooba wodhana gidi qoppis.
Gidoshin, Irbbiqa, Eesawe qofaa si7asu. Hessa gisho, Irbbiqiranne Yisaaqara zoretidi, ba dabbota matan daana mela Yayqooba haaho biitta yeddidosona.
Yayqoobi daro laythi aadhana gakkanaw Irbbiqa dabbota matan de7is. Yan macho ekkidi, tammanne nam7u adde na7anne issi macca na7a yelis. Xoossay iyaw daro shalo immis.
Kanaanen laatamu laythi de7idaappe guye, Yayqoobi ba soo asaa, ba oosanchotanne ba mehiya ubba ekkidi, Kanaane biitta baanaw qofa qachis.
Eesawey, tana wodhonna aggena gidi qoppida gisho Yayqoobi babbis. Hessa gisho, iya cimmanaw daro mehe imota Eesawes yeddis. Mehiya laaggidi ehida Yayqooba aylleti, “Ha mehiya ne aylley Yayqoobi new yeddis; ikka mata wode yaana” yaagidosona.
Shin Eesawey, Yayqoobas atto gida gisho, iyara gahettanaw daro laamotis. Yayqoobi Kanaane biittan saro de7is. Hessafe guye, Yayqoobi hayqqin, Yayqoobaranne Eesawera bantta aawa moogidosona. Xoossay Abrahaames gelida qaala ubbay, Yisaaqappe Yayqoobakko aadhis.Geeshsha Maxaafa taarikey eketiday, Medhetetha 25:27-33:20