unfoldingWord 06 - Xoossay Yisaaqas Macho Giigsuwa
Esquema: Genesis 24:1-25:26
Número de guió: 1206
Llenguatge: Gofa
Públic: General
Propòsit: Evangelism; Teaching
Features: Bible Stories; Paraphrase Scripture
Estat: Approved
Els scripts són pautes bàsiques per a la traducció i l'enregistrament a altres idiomes. S'han d'adaptar segons sigui necessari perquè siguin comprensibles i rellevants per a cada cultura i llengua diferents. Alguns termes i conceptes utilitzats poden necessitar més explicació o fins i tot substituir-se o ometre completament.
Text del guió
Yisaaqi bana eridi machanaw gakkiya wode Abrahaamey cimis. Hessa gisho, Abrahaamey ba aylletappe issuwa, Yisaaqas macho oychidi ehana mela ba dabbotakko yeddis.
Abrahaame aylley adussa oge hemetidi Abrahaame dabboti de7iya biitta gakkis. Xoossay, Abrahaame aylliya Irbbiqikko kaalethis. Irbbiqi, Abrahaame ishaa na7aa na7a.
Irbbiqa ba soo asaa aggada, Abrahaame na7aa Yisaaqa gelanaw ero gasu. Bada Yisaaqa gelasu.
Daro wodeppe guye Abrahaamey hayqqin, Xoossay Abrahaamera caaqqida caaqo ubbay Yisaaqa gakkis. Xoossay, iya zerethay salo xoollintto mela gidana gidi, Abrahaames qaala gelis. Gidoshin, Irbbiqi Yisaaqas na7a yelabuukku.
Yisaaqi, Irbbiqas woossin, Xoossay, I ulon mentte na7a wothis. Mentte nayti Irbbiqa ulon de7ishe, issoy issuwa sugoosona. Ba ulon hanishe de7iyabay aybeekko eranaw, Irbbiqi Xoossaa oychasu.
Xoossay Irbbiqakko, “Ne ulon de7iya nam7u naytappe nam7u kawotethati keyana. Entti, issoy issuwara oletana; bayray kaaluwas kiitetana” yaagis.
Irbbiqas yelo wodey gakkiya wode, I ulon mentte adde nayti de7oosona. Bayra na7ay aarisenne beelalara de7ees; iya sunthaa “Eesawe” gidi sunthidosona. Kaaloy, ba kushen Eesawe ginddiya oykidi keyis; iya sunthaa “Yayqooaba” gidi sunthidosona.