unfoldingWord 43 - بداية الكنيسة
Esquema: Acts 1:12-14; 2
Número de guió: 1243
Llenguatge: Arabic, Sudanese: Khartoum
Públic: General
Propòsit: Evangelism; Teaching
Features: Bible Stories; Paraphrase Scripture
Estat: Approved
Els scripts són pautes bàsiques per a la traducció i l'enregistrament a altres idiomes. S'han d'adaptar segons sigui necessari perquè siguin comprensibles i rellevants per a cada cultura i llengua diferents. Alguns termes i conceptes utilitzats poden necessitar més explicació o fins i tot substituir-se o ometre completament.
Text del guió
بعد ما يسوع رجع لسماء، التلاميذ قعدوا في اروشليم زي ما يسوع امرهم. كان المؤمنيين دايما بتلموا سوا عشان يصلوا.
في كل سنة، بعد ٥٠ يوم من عيد الفصح، ، اليهود كانوا بحتفلوا بيوم مهم اسمو عيد الخمسين. عيد الخمسين ده الزمن اليهود كان بحتفلوا فيه بحصاد القمح. اليهود بجوا من كل مكان في العالم لاورشليم عشان يحتفلوا سوا بعيد الخمسين، السنة دي، عيد الخمسين جاء بعد حوالي اسبوع من صعود يسوع للسماء.
لمن المؤمنيين كانوا كلهم مع بعض، فجاءة البيت الكانوا قعدين فيه اتملا بهواء تقيل. بعد داك حاجة زي لهيب نار ظهر علي رووس كل المؤمنيين. كانوا كلهم اتملوا بالروح القدس ومجدوا الله بلغات تانية. دي اللغات الروح القدوس خلاهم يتكلموا بيها.
لمن الناس في اروشليم سمعوا الازعاج ده. جوا سوا في مجموعة كبيرة عشان يشوفوا ده شنو الكان بحصل. سمعوا المؤمنيين كانوا بعلنوا عن الحاجات العظيمة الله عملوا. كانوا مستغربين لانو هم سمعوا الحاجات دي بلغاتهم المحلية.
بعض من الناس ديل قالوا انو التلاميذ كانوا سكرانين. لكن بطرس وقف و قال ليهم: "اسمعوني! الناس ديل ما سكرانين بالعكس، الحاجة الانتو شايفنوا ده القالو يؤئيل النبي انو حيحصل، الله قال: في الايام الاخيرة انا بسكب روحي".
يا رجال اسرائيل، يسوع كان الزول العمل حاجات كتيرة عجيبة عشان يوري انو هو منو. هو عمل حاجات كتيرة عجيبة بقوة الله. انتو بتعرفوا، لانو انتو شوفتوا الحاجات دي. لكن صلبتو!
"يسوع مات، لكن الله قومو من الموت. ده خلا الحاجة الكتبو النبي يكون حقيقة: انت ما بتخلي قدوسك يتعفن في القبر. نحن شهود انو الله قوم يسوع للحياة تاني".
"هسى الله الاب اكرم يسوع و بقاه جالس عن يمينه. ويسوع رسل الروح القدس لينا زي ما هو وعد بيهو. الروح القدس ياهو المسبب الحاجات الانتوا شايفنوا و سامعينوا هسى.
انتو صلبتوا الزول ده، يسوع لكن اعرفوا تماما انو الله خلاهو يكون اتنين سوا اله كل شي و المسيا!
الناس الكانوا سامعين لبطرس اتاثروا شديد بالحاجات الهو قالو. عشان كده سالوا بطرس و التلاميذ، " يا اخوة، نحنا نعمل شنو؟"
بطرس جاوبهم، " كلكم محتاجين عشان الله يغفر خطاياكم. عشان كده توبوا و اتعمدوا كلكم باسم يسوع المسيح. بعد داك الله بديكم الروح القدس كهدية".
تقريبا ٣٠٠٠ نفر امنوا بكلام بطرس وبقوا تلاميذ. عمدوهم وبقوا جزء من الكنيسة في اروشليم.
المؤمنيين استمروا يسمعوا زي ما الرسل علموهم. دايما كانوا بتقابلوا مع بعض، بياكلوا و بصلوا سوا. كانوا بمجدوا الله و بشاركوا كل حاجة عندهم مع بعض. اي زول في المدينة فكر كويس عنهم . كل يوم ناس كتار ببقوا مؤمنيين.