unfoldingWord 11 - पसह
রূপরেখা: Exodus 11:1-12:32
লিপি নম্বর: 1211
ভাষা: Surgujia
শ্রোতা: General
ধারা: Bible Stories & Teac
উদ্দেশ্য: Evangelism; Teaching
বাইবেলের তালিকা: Paraphrase
সামাজিক মর্যাদা: Approved
অন্যান্য ভাষায় অনুবাদ এবং রেকর্ড করার জন্য স্ক্রিপ্টগুলি মৌলিক নির্দেশিকা। প্রতিটি ভিন্ন সংস্কৃতি এবং ভাষার জন্য তাদের বোঝার জন্য এবং প্রাসঙ্গিক করে তোলার জন্য তাদের প্রয়োজনীয় হিসাবে উপযোগী করা উচিত। ব্যবহৃত কিছু শর্তাবলী এবং ধারণাগুলির আরও ব্যাখ্যার প্রয়োজন হতে পারে বা এমনকি সম্পূর্ণরূপে প্রতিস্থাপন বা বাদ দেওয়া যেতে পারে।
লিপি লেখা
परमेसवर हर फिरौन ला कहीस अगर ओ इसराईली मन ला जाए नई देहि तो, ओमन कर जम जेठ बेटा मन ला अऊ जेठ बछवा मन ला मार दार ही। ऐ गोईठ ला सुन के फिरौन हर परमेसवर कर ऊपरे बिसवास नई करीस न ओकर आगियां ला मानिस।
परमेसवर हर एक ठे उपाय बनाईस की, जम घराना में एकठे शुद्ध मेमना ला निमारके पूजहीं, जे कोई ओमे बिसवास करही ओहर अपन जेठा ला बचाए लेहि।
परमेसवर हर इसराईली मन जग कहीस कि “ओ मेमना कर लहू ला लेके अपन दुरा कर चौखट में लगाए देइहा अऊ बिना अमटावल रोटी कर संगे मेमना कर मांस ला भुन्जके हालू हालू खईहा। परमेसवर हर ऐ भी कहीस कि मिस्र ला छोडके जाए बर तियार होएके ओला खईहा।
इसराईल मन ओ जम जाएत ला वैसने करिन, जेकस परमेसवर हर ओमन ला कहे रहीस। आधा राती परमेसवर हर जेमेच मिस्र कर जेठा लईका मन ला मार दारिस।
जम इसराईली मन कर घर कर दुरा कर चौखट में लहू लगावल रहीस, तेकर ले परमेसवर हर ओमन कर घर ला छोड़ देहीस। मेमना कर लहू कर चलते ओमन बांएच गईन अऊ घर कर भीतरी जम जन सुघरे सुघर रहीन।
लेकिन मिस्र कर आदमी मन परमेसवर कर ऊपर बिसवास नई करिन, अऊ न ओकर आगियां ला मानीन। एकरले परमेसवर हर ओमन कर घर मन ला नई छोडीस। परमेसवर हर जम मिस्री कर जेठा लईका मन ला मार दारीस।
जम मिस्री मन कर जेठा लईका मन मर गईन, फिरौन कर जेठा लईका ले लेके जेहल में हुरकल कैदी मन कर जेठा लईका मन तक मर गईन। मिस्री मन ढ़ेरे दूख कर चलते, बिलक बिलक के रोवत रहिन।
ओही रात के, फिरौन हर मूसा अऊ हारून ला बलुवाईस अऊ कहिस इसराईल मन ला मिस्र ले हालू निकाल के ले जा अऊ मिस्र कर आदमी मन भी इसराईल मन ला हालू हालू निकले बर कहीन।