unfoldingWord 09 - الله نادى موسى
রূপরেখা: Exodus 1-4
লিপি নম্বর: 1209
ভাষা: Arabic, Sudanese: Khartoum
শ্রোতা: General
উদ্দেশ্য: Evangelism; Teaching
Features: Bible Stories; Paraphrase Scripture
সামাজিক মর্যাদা: Approved
অন্যান্য ভাষায় অনুবাদ এবং রেকর্ড করার জন্য স্ক্রিপ্টগুলি মৌলিক নির্দেশিকা। প্রতিটি ভিন্ন সংস্কৃতি এবং ভাষার জন্য তাদের বোঝার জন্য এবং প্রাসঙ্গিক করে তোলার জন্য তাদের প্রয়োজনীয় হিসাবে উপযোগী করা উচিত। ব্যবহৃত কিছু শর্তাবলী এবং ধারণাগুলির আরও ব্যাখ্যার প্রয়োজন হতে পারে বা এমনকি সম্পূর্ণরূপে প্রতিস্থাপন বা বাদ দেওয়া যেতে পারে।
লিপি লেখা
بعد ما يوسف مات ، كل اقارب يوسف سكنوا في مصر . هم و نسلهم استمروا عايشين هناك لسنين كتيرة و بقوا عندهم عيال كتير. سموهم اسرائيليين .
و بعد مئات السنين، عدد الأسرائيليين بقت كتير شديد . المصريين بقوا ما بقدروا يوسف على حاجات الكتير العمله عشان يساعدهم . هم بقوا خايفين من الاسرائيليين لانو هم بقوا اكتر منهم . بعد داك الفرعون الكان حاكم مصر في الزمن داك خلى الاسرائيليين عبيد للمصريين.
المصريين اجبروا الأسرائلين عشان يبنوا مباني كتيرة و حتى كل المدن . الشغل الصعب خلى حياتهم تعيسة ، لكن الله باركهم ، و بقوا عندهم عيال كتير .
فرعون شاف الأسرائيليين كانوا عندهم اطفال كتار، عشان كده هو امر شعبه عشان يقتلوا كل الاطفال الذكور الأسرائيلين و يرموهم في نهر النيل .
ولدت مراة اسرائيلية ولد . هي و راجلها دسوا الطفل لفترة طويلة ممكنة .
لمن ابوه و امه ما قدروا يدسه اكتر ، ختوه في قفة عائمة بين القصب على طرف نهر النيل عشان ينقذه من الموت . و اخته الكبيرة كانت بتراقب عشان تشوف شنوالممكن يحصل ليه.
بت فرعون شافت القفة و عاينت جواها . لمن شافت الطفل ، شالته زي ولدها . اجرت مراة اسرائيلية عشان ترضعه بدون ما تعرف انو المرة هي ام الطفل، لمن الولد كبر و بقى ما محتاج للبن امه، رجعته لبت فرعون ، و سمته موسى .
و في يوم من الايام ، لمن موسى كبر، شاف مصري يضرب عبد اسرائيلي ، موسى حاول ينقذ رفيقه الاسرائيلي.
لمن موسى افتكر انو مافى زول شافه ، قتل المصرى ودفنه ، لكن كان فى زول شاف الحاجة العمله موسى .
فرعون عرف الحاجة موسى عمله . حاول يقتله، لكن موسى هرب من مصر الى البرية .عشان عساكر فرعون ما يقدروا يلقوا هناك.
موسى بقى راعي بهائم في البرية البعيدة من مصر . اتزوج مراة من المكان داك و بقى عنده ولدين.
موسى كان يرعى قطيع خرفان نسيبه . في يوم من الايام ، شاف شجرة فيها نار بدون ما تحترق . مشى ليها قريب عشان يتاكد . لمن قرب شديد الله كلمه . قال ليه "موسى، اقلع نعالك . انت واقف في مكان مقدس".
الله قال "أنا شفت تعب شعبي .انا برسلك لفرعون عشان تطلع شعب اسرائيل من العبودية في مصر . انا بديهم ارض كنعان ، الارض انا وعدت بيها ابراهيم ، اسحاق ، و يعقوب".
موسى سأل، "شنو لو ناس دايرين يعرفوا ده منو الرسلني ، انا اقول ليهم شنو؟" الله قال ، "انا هو هو . قول ليهم ، هو رسلني . و كمان قول ليهم ، انا يهوه ، اله جدودكم ابراهيم ، اسحاق ، و يعقوب . ده ياهو اسمي للابد".
موسى كان خايف وما داير يمشي لفرعون لانو هو فاكر انو ما حيقدر يتكلم كويس عشان كده الله رسل هارون اخو موسى ، عشان يساعده.