unfoldingWord 06 - SiꞌIshak Naꞌaala Telapi Ane Rotoo Teunga
Контур: Genesis 24:1-25:26
Номер на скрипта: 1206
език: Tajio
Публика: General
Предназначение: Evangelism; Teaching
Features: Bible Stories; Paraphrase Scripture
Статус: Approved
Сценариите са основни насоки за превод и запис на други езици. Те трябва да бъдат адаптирани, ако е необходимо, за да станат разбираеми и подходящи за всяка различна култура и език. Някои използвани термини и понятия може да се нуждаят от повече обяснения или дори да бъдат заменени или пропуснати напълно.
Текст на сценария
Watu siꞌAbraham neisimo tutuu ane siꞌIshak teunga logaso, siꞌAbraham nonuju sotoo tevotuangnya netencile ipaio teꞌasal nurururusnya untuk maꞌajaok sotoo telapi nuunganya siꞌIshak.
Touk lamai tepelampa sanu maavar tutuu, teꞌAlataꞌala nonujua tevotuang heꞌua eisiRibka, sanu temoꞌupu nusiaꞌa niꞌAbraham.
Siia nosintuvui untuk molinjoꞌi terurusnya ane nonuut tevotuang heꞌua. SiꞌIshak selengaan nolapinya watu siia najaok.
Metoung-toung lamai heꞌua, siꞌAbraham naate ane jojoo tejanji sanu pinogutu nuꞌAlataꞌala eisiia eilalong nupejanjiong heꞌua tinarusa eisiꞌIshak. Tapi telapi niꞌIshak, siRibka, jio umai ounga. Ane siꞌIshak jio umai sotoo teunga langkai siia jio maala majari siama mabari tebangsa.
SiꞌIshak nongganea siRibka, ane teSiopu nombeena siia nolumalo teunga heꞌua nepinga. Rotoo teunga heꞌua negiging eilalong nuꞌoungaong niRibka, jadi siRibka nonjarita concoono teꞌAlataꞌala.
TeꞌAlataꞌala nongulara eisiRibka, “Robangsa kana metuvu lamai rotoo sanu eilalong nuꞌoungaongmu. Siira kana netetenggelong ane tesiaꞌa kanaboi monuruꞌi tetuai.”
Watu siira pinoguungaa, tesiaꞌa mododa ane ovulu, ane siira nonopeinya siꞌEsau. Tetuai nesuvung pepees nondiit tetojung niꞌEsau, ane siira nonopeinya siYakub.