unfoldingWord 05 - जबान कर बेटा
![unfoldingWord 05 - जबान कर बेटा](https://static.globalrecordings.net/300x200/z01_Ge_22_07.jpg)
Контур: Genesis 16-22
Номер на скрипта: 1205
език: Surgujia
Публика: General
Жанр: Bible Stories & Teac
Предназначение: Evangelism; Teaching
Библейски цитат: Paraphrase
Статус: Approved
Сценариите са основни насоки за превод и запис на други езици. Те трябва да бъдат адаптирани, ако е необходимо, за да станат разбираеми и подходящи за всяка различна култура и език. Някои използвани термини и понятия може да се нуждаят от повече обяснения или дори да бъдат заменени или пропуснати напълно.
Текст на сценария
![](https://static.globalrecordings.net/300x200/z01_Ge_16_01.jpg)
अब्राम अऊ सारै ला कनान में आये ले दस बछर होए गए रहीस। तबोले ओमन कर एकोठे लईका नई होए रहीस। एकरले अब्राम कर परानी सारै अब्राम जग कहीस, परमेसवर हर अझर ले हम के लईका नई देहीस हवे मैं तो बुढिया होए जाथों। देख तैं मोर नौकरानी हाजिरा जग शादी कर ले, काबर कि ओहर मोके एक ठे लईका दे सकत हवे।
![](https://static.globalrecordings.net/300x200/z01_Ge_16_02.jpg)
एकरले अब्राम हर हाजिरा जग शादी कर लेहिस। हाजिरा कर एक ठे लईका होईस अऊ अब्राम ओकर नाव इसमाएल धरिस। तेकर ले सारै हर हाजिरा ला इसगाये लागीस, जे घरी इसमाएल तेरह बछर कर होए गईस, ते घरी परमेसवर हर अब्राम जग गोठियाईस।.
![](https://static.globalrecordings.net/300x200/z01_Ge_15_04a.jpg)
परमेसवर हर कहीस, मैं सर्व शक्तिमान परमेसवर लागों। मैं तुमन कर संगे एक जबान करत हवो, तब अब्राम भुईया में खाप्पोईया गिरीस। परमेसवर हर अब्राम ला कहीस तैं ढ़ेरे अकन जाति कर दाऊ बनबे। मैं तोके अऊ तोर लईका मन ला कनान देश ला देहूँ, मैं सगर दिन ओमन कर परमेसवर बने रहूँ। तोके अपन घरों भर कर जम पुरुष मन कर खतना करेक परही।
![](https://static.globalrecordings.net/300x200/z01_Ge_17_01.jpg)
तोर परानी सारै, एक ठे लईका जनम देही, ओहर बात जबान कर बेटा हो ही। ओकर नाव इसहाक धरबे। मैं मोर बात जबान ला ओकर जग बनाहूँ, ओ एक बड़खा जाति बन जाही। मैं इशमाइल ला भी एक बड़खा जाति बनाहूँ लेकिन मोर जबान इसहाक कर संगे बने रही। फेर परमेसवर हर अब्राम कर नाव ला बदेल के अबराहम धरीस जेकर अर्थ हवे “जातियों कर मूल पिता” परमेसवर हर सारै कर नाव ला भी सराहा में बदल देहीस जेकर अर्थ हवे “राजकुमारी”।
![](https://static.globalrecordings.net/300x200/z01_Ge_21_02.jpg)
ओ दिन अबराहम हर अपन घर भर कर जम पुरुष मन कर खतना करीस। एक बछर कर पाछु जे घरी अबराहम हर सौ बछर कर रहीस अऊ सराहा नब्बे बछर कर रहीस। सराहा हर अबराहम कर लईका ला जनम देहीस। ओमन ओकर नाव इसहाक धरीन, जेकस परमेसवर हर कहे रहीस।
![](https://static.globalrecordings.net/300x200/z01_Ge_22_01.jpg)
जे घरी इसहाक हर जवान रहीस त परमेसवर हर अबराहम कर बिसवास कर परीक्षा लेहिस। “तैं अपन एकलौता बेटा इसहाक ला मोर बर बली चढ़ा।” अबराहम हर आगियां ला मनीस अऊ अपन बेटा ला बलि चढ़ाये बर तियार होए गईस।
![](https://static.globalrecordings.net/300x200/z01_Ge_22_05.jpg)
जे घरी अबराहम अऊ इसहाक बलि कर जगहा में जात रहीन, त इसहाक हर पूछीस “दाऊ हमर जग बलिदान करे बर लकरी हवे, लेकिन मेमना कहां हवे? अबराहम हर उतर देहीस “बेटा, परमेसवर हर खुद बली करेबर मेमना ला देही।
![](https://static.globalrecordings.net/300x200/z01_Ge_22_07.jpg)
जे घरी ओमन बलि कर जगहा में पहुँचीन, अबराहम हर अपन बेटा इसहाक कर गोड हाथ ला बान्धीस अऊ बेदी में सुताये देहीस। ओहर अपन बेटा ला पूजे बर उगाये रहीस त परमेसवर हर कहीस “रुक जा, लईका ला झईन पूज, मैं जानथों की तैं मोके डरथस काबर कि तैं अपन एकलौता बेटा ला बली करे बर तियार होए गए रहे।
![](https://static.globalrecordings.net/300x200/z01_Ge_22_08.jpg)
ओ जग कर भून्द्रा में अबराहम हर एक ठे बाझल मेमना ला पाईस। इसहाक कर बदले में बली करे बर परमेसवर एगोठ मेमना ला देहीस। अबराहम ढ़ेरेच फुरुमा होए के मेमना कर बली चढाईस।
![](https://static.globalrecordings.net/300x200/z01_Ge_22_11.jpg)
त परमेसवर हर अबराहम जग कहीस, “तैं अपन जम जाएत ला देहे बर तियार होए गये, अपन एकलौता बेटा ला भी, एकरले मैं तोके आशिर्वाद देहत हवों। तोर लईका छउआ मन ला बदरी कर तरइया मन ले भी ढ़ेरे अकन होंही। तैं मोर आगियां ला माने, एकरले भूईया कर जम कुल तोर घराना कर चलते आसिसित होहीं।