unfoldingWord 25 - ຊາຕານທົດລອງພຣະເຢຊູ
Контур: Matthew 4:1-11; Mark 1:12-13; Luke 4:1-13
Номер на скрипта: 1225
език: Lao
Публика: General
Жанр: Bible Stories & Teac
Предназначение: Evangelism; Teaching
Библейски цитат: Paraphrase
Статус: Approved
Сценариите са основни насоки за превод и запис на други езици. Те трябва да бъдат адаптирани, ако е необходимо, за да станат разбираеми и подходящи за всяка различна култура и език. Някои използвани термини и понятия може да се нуждаят от повече обяснения или дори да бъдат заменени или пропуснати напълно.
Текст на сценария
ທັນທີທີ່ພຣະເຢຊູໄດ້ຮັບບັບຕິສະມາ ພຣະວິນຍານບໍລິສຸດເຈົ້າກໍນຳພຣະອົງເຂົ້າໄປໃນຖິ່ນແຫ້ງແລ້ງກັນດານ ໃນບ່ອນນັ້ນພຣະອົງຊົງຖືສິນອົດເປັນເວລາ 40 ມື້ 40 ຄືນ. ຈາກນັ້ນຊາຕານກໍມາທົດລອງພຣະເຢຊູເພື່ອໃຫ້ພຣະອົງຕົກຢູ່ໃນຄວາມບາບ.
ຊາຕານທົດລອງພຣະເຢຊູໂດຍເວົ້າວ່າ, “ຖ້າທ່ານເປັນພຣະບຸດຂອງພຣະເຈົ້າ ຈົ່ງປ່ຽນກ້ອນຫີນເຫຼົ່ານີ້ໃຫ້ເປັນເຂົ້າຈີ່ເບິ່ງດຸ ເພື່ອເຈົ້າຈະສາມາດກິນມັນໄດ້!”
ພຣະເຢຊູຊົງຕອບວ່າ, “ມີຄຳຂຽນໄວ້ໃນພຣະຄຳພີວ່າ, ‘ມະນຸດຈະບໍ່ລ້ຽງຊີວິດດ້ວຍອາຫານພຽງແຕ່ສິ່ງດຽວ ແຕ່ຈະລ້ຽງດ້ວຍພຣະຄຳທຸກຂໍ້ທີ່ອອກມາຈາກພຣະໂອດຂອງພຣະເຈົ້າ.’”
ຈາກນັ້ນຊາຕານໄດ້ພາພຣະເຢຊູຂຶ້ນໄປເທິງຈຸດສູງສຸດຂອງພຣະວິຫານແລະກ່າວວ່າ, “ຖ້າທ່ານເປັນພຣະບຸດຂອງພຣະເຈົ້າ ຈົ່ງໂດດລົງເບິ່ງດຸ ເພາະມີຄຳຂຽນໄວ້ໃນພຣະຄຳພີວ່າ, ‘ພຣະເຈົ້າຈະສັ່ງເທວະດາຂອງພຣະອົງມາຮັບທ່ານ ເພື່ອຕີນຂອງທ່ານຈະບໍ່ຕຳຫີນ.’”
ແຕ່ພຣະເຢຊູຊົງຕອບຊາຕານດ້ວຍຖ້ອຍຄຳຂອງພຣະເຈົ້າວ່າ, ‘ໃນພຣະຄຳຂອງພຣະເຈົ້າກ່າວວ່າ ‘ຢ່າທົດລອງອົງພຣະຜູ້ເປັນເຈົ້າຜູ້ເປັນພຣະເຈົ້າຂອງເຈົ້າ.’”
ຫຼັງຈາກນັ້ນຊາຕານກໍສະແດງໃຫ້ພຣະເຢຊູເຫັນອານາຈັກແລະສະຫງ່າລາສີຕ່າງໆໃນໂລກນີ້ ແລະກ່າວວ່າ, ‘ເຮົາຈະມອບສິ່ງເຫຼົ່ານີ້ໃຫ້ແກ່ເຈົ້າຖ້າຫາກເຈົ້າຂາບໄຫວ້ແລະນະມັດສະການເຮົາ.’
ພຣະເຢຊູຊົງຕອບວ່າ, ຈົ່ງໜີໄປຈາກເຮົາເສຍ ມານຊາຕານ! ໃນພຣະຄຳຂອງພຣະເຈົ້າຊົງບອກໄວ້ວ່າ, ‘ຈົ່ງນະມັດສະການອົງພຣະຜູ້ເປັນເຈົ້າພຣະເຈົ້າຂອງພວກເຈົ້າ ແລະຮັບໃຊ້ພຣະອົງພຽງຜູ້ດຽວ.’”
ພຣະເຢຊູບໍ່ໄດ້ຍອມແພ້ຕໍ່ການທົດລອງຂອງມານຊາຕານ ແລ້ວຊາຕານກໍໜີຈາກພຣະອົງໄປ. ແລ້ວຝູງເທວະດາກໍມາບົວລະບັດພຣະເຢຊູ.