unfoldingWord 28 - Аса дәулетті бай жігіт
Kontur: Matthew 19:16-30; Mark 10:17-31; Luke 18:18-30
Skript nömrəsi: 1228
Dil: Kazakh
Tamaşaçılar: General
Məqsəd: Evangelism; Teaching
Features: Bible Stories; Paraphrase Scripture
Vəziyyət: Approved
Skriptlər digər dillərə tərcümə və qeyd üçün əsas təlimatlardır. Onlar hər bir fərqli mədəniyyət və dil üçün başa düşülən və uyğun olması üçün lazım olduqda uyğunlaşdırılmalıdır. İstifadə olunan bəzi terminlər və anlayışlar daha çox izahat tələb edə bilər və ya hətta dəyişdirilə və ya tamamilə buraxıla bilər.
Skript Mətni
Сол кезде аса дәулетті бай жігіт Исаға келіп: “Ізгі Ұстаз, мәңгілік өмірге ие болу үшін не істеуім керек?” — деген сұрақ қойды. Иса оған: “Мені неге ізгі дейсің? Тек Құдай ғана ізгі. Мәңгілік өмірге ие болу үшін Оның өсиеттерін орындайтын бол!” — деп жауап берді.
Әлгі жігіт: “Өсиеттердің қайсыларын орындауым керек?” — деп сұрады. Иса: “Кісі өлтірме; неке адалдығын бұзба; ұрлық жасама; жалған куәлік берме; ата-анаңды сыйла!” және “Өзіңді қалай сүйсең, маңайыңдағы адамды да солай сүй!” — деді.
Жас жігіт: “Мен бұл өсиеттердің барлығын бала күнімнен орындап келемін. Мәңгілік өмір сүру үшін тағы не істеуім керек?” — деді. Иса оған сүйіспеншілікпен қарап:
“Егер кемелді болғың келсе, бар да, барыңды сатып, ақшасын кедейлерге тарат. Сонда қазынаң көкте болады. Содан кейін қайтіп келіп, Менің артымнан ер.” — деді.
Исаның сөзін естіген кезде жігіт қатты қапаланып, Оның қасынан кетіп қалады. Себебі ол аса бай болатын және бар байлығынан айырылғысы келмеді.
Сонда Иса шәкірттеріне: “Байлардың Құдай патшалығына кіруі тым қиын! Байдың Құдай патшалығына кіруінен гөрі түйенің ине көзінен өтуі оңай.”
Исаның сөзін естіген шәкірттері қатты таңғалып: “Ендеше кім (Құдайдың қаһарынан) құтқарыла алады?” — деп сұрады.
Иса шәкірттеріне қарап, былай деп жауап берді: “Адамдар өздерін құтқара алмайды. Бірақ Құдайға мүмкін емес нәрсе жоқ”
Сонда Петір Исадан: “Біз, шәкірттерің болып, бәрін тастап, Сенің соңыңнан еріп жүрміз. Сонда біздің сиымыз қандай болмақ?”
Иса былай деп жауап берді: “Маған бола үй-ішін, бауырларын, ата-анасын, бала-шағасы мен дүние-мүлкін тастаған әркім жүз есе артығымен алады. Сонымен бірге ол мәңгілік өмірге ие болады. Алдыңғы қатардағылар соңғылар болады, ал соңғылар алдыңғы қатарға шығады”.