unfoldingWord 42 - Isu Vân Tieng A Kîrnawk
Kontur: Matthew 28:16-20; Mark 16:12-20; Luke 24:13-53; John 20:19-23; Acts 1:1-11
Skript nömrəsi: 1242
Dil: Hmar
Tamaşaçılar: General
Məqsəd: Evangelism; Teaching
Features: Bible Stories; Paraphrase Scripture
Vəziyyət: Approved
Skriptlər digər dillərə tərcümə və qeyd üçün əsas təlimatlardır. Onlar hər bir fərqli mədəniyyət və dil üçün başa düşülən və uyğun olması üçün lazım olduqda uyğunlaşdırılmalıdır. İstifadə olunan bəzi terminlər və anlayışlar daha çox izahat tələb edə bilər və ya hətta dəyişdirilə və ya tamamilə buraxıla bilər.
Skript Mətni
Chuni zântieng chun Isu thruoihruoi pahni chu khaw hnai deu pakhata hin an fe a. An fe malam chun Isu thi thu le nuhmei haiin a tho nawk an ti thu an ho hlima. Isu chu Messia a ni ngei a nih thu an ti ti a.
Isu chu a hunga, anni lai a fe ve ta a, nisienkhom ama chu an hriet nawh. An fe malama an ti tina thu kha an dona. Ni tawite liemta sunga thiltlung râpthlâk tak hai thu kha an hril a. Mikhuol a na, chanchin iengkhom hrelovin an ngaia.
Chun Isu’n Pathien thuin Messia chanchin a hril thu kha an kuomah a hrilfie a. Zawlneihaiin Messia chun rinum tuor a ta, thatin uma ta, ni thum hnungin tho nawk a ti an ti thu kha an hriettir nawk a. An fena ding khuo an tlung chun zân a ni vâng el ta a.
Mi pahnihai chun an kuoma um dingin Isu an thlova, a um ve tah a. Bu an fâk hmain Isun bei a lâk a, a khoia, mal a sawma. Isu a ni ti an hriet nghâl a. An hmu hoia a bo el ta a.
Mi pahnihai chun “Pathien thu a kuoma a hrilfie lai khan ei lungril a har huoi hrim an nawm a ni kha!” an ta. Chuongchun Jerusalem khuo tieng an kîr nawk a. Khuo an tlung phing chun, “Isu chu a dama a thonawk tak zet a nih!” ti thu inchûktirhai an hrila.
Isu chu an kuomah a hung inlâr phut el a! Inchûktirhai chun thlarau hmuin an inngai a, nisienlakhom Isu’n, “In chungah thlamuongna um raw se! Ieng dinga in lungzîng am? Ieng dinga in lungrilah ringhlana a um am ana? Ka kut le ka kehai hi en ro. Thlarauhai chun, taksa ka nei ang hi an nei nawh,” a ta. Thlarau an naw ti sukchiengna dingin nga raw hminsa tlin khat a hnia, a fâk ta a.
“Pathien Thua ka chanchin inziek popo hi a tlungkim vong ding a nih, ti ka hril ta cheuva,” tiin Isu’n a hril tawl a. Chuongchun Pathien Lekha Thu an hrietfie theina dingin an lungrilhai a sukvar pêk a. “Messia chun tuor a ta, thatin um a ta, nithum niin a tho nawk ding a nih ti lo ziek lawk vong a ni.”
“Jerusalem khuoa tranin suolhai ngaidamna dinga simna thu khom mihai kuomah puong ding a nih ti khom ziek lawk vong a ni kha. Hieng thuhai hi nangni a hretuhai in nih,” ti a hril tawl a.
Ni sawmli sûng chu a zuituhai le inchûktuhai kuomah Isu an lâr a. Voikhat lem chu mi 500 nêka tamlem kuoma an lâr a. A thonawk ngei a ni ti kong tamtakin an chûktirhai kuomah a hril pei a, Pathien Lalram chanchin an chûktir a.
Ni sawmli a hung bo chun Isun an chûktirhai kuomah, “Hnuoi le vâna thuneina popo ka kuomah pêk an tah. Chuongchun fe unla, hnam tina mi thruoihruoihai dâm siem unla, Pa le Naupa le Thlarau Thienghlim hming chun baptis ro. Thu ka pêk popo cheu pom dingin inchûktir ro,” a ta.
“Kei kum khuon in kuomah um zing ka tih. Chungtienga inthoka thilthawtheina in chang hmakhat chu Jerusalem ah um zing ro,” a ta. Chuongchun thu a hril zo chun, an en zing laiin, vân tieng lâkin a um a, sûmin an hmu phâk lovah a thruoi hmang ta a. Thilsiem popo chunga rorel dingin Isu chu Pathien kut changtieng a hang thrung ta a.