Languta, Yingisa, Hanya Buku 6

Balangkas: From Matthew and Mark. 24 sections. It has a picture book to go along with the recording.

Bilang ng Talata:423
Wika:Tsonga
Tema:Life of Christ; Multiple themes
Tagapakinig:General
Istilo:Monolog
Klase:Bible Story
Antas ng kaalaman:General
Layunin:Teaching
Kawikaan mula sa Bibliya:Direct
Katayuan:Publishable

Salita ng Talata

Manghenelo

Xewani! (Xewani vanghana) Tanani hi ta hlangana ni Mudyondzisi-nkulu. Vito ra Yena i Yesu Kriste. Teka buku leyi ya rihlaza loko utwa mpfumawulo (xikombiso), pfula xifaniso lexi xi landzaka.

Xifaniso 1: Yesu u dyondzisa vanhu

Xifaniso 1: Yesu u dyondzisa vanhu

Mateo 5

Eka xifaniso lexi, Yesu Kriste u dyondzisa vanhu timbaka ta Xikwembu. Hosi Yesu u huma eka Xikwembu, hikuva a ri N'wana wa Xikwembu, u tiva hinkwaswo hi Xikwembu. Hikuva vanhu va ri nimiehleketo yo biha ni mintirho yo biha, va ti hambanisile ni Xikwembu. Xikwembu xa va rhandza. Hosi Yesu u tile a huma hi le tilweni e ka Xikwembu ku ta dyondzisa vanhu leswaku va ta tiva Xikwembu. Yingisani! Ndzi ta mi byela leswi Hosi Yesi a dyondziseke vanhu swona. Leswi swi ta mi pfuna leswaku mi tiva Xikwembu lexi xi hanyaka xa ntiyiso.

Xifaniso 2: Ta tindlu timbirhi

Xifaniso 2: Ta tindlu timbirhi

Mateo 7:24-27

Eka xifaniso lexi, Hosi Yesu u byerile vanhu hi ta va vanuna va mbirhi. Wanuna wu n'wana u akile yindlu e ribyeni. (tamba) E ribye leri, imasungulo la ma tiyeke. Loko timpfula ni mabubutsa swi ta, yindlu leyi a yi wangi. Loyi un'wana wa nuna u akile e saveni. Loko timpfula ni mabubutsa swita, yindlu ya yena yi wa yi ku-kuriwa hi mimoya.Hosi Yesu a ku wa nuna loyi a akeke yindlu ya yena e ribyeni, inuna wo tlhariha. Na hina hi fanele ku aka ti yindlu ta hina e ka masungulo la ma tiyeke. Hosi Yesu hi byakwe, imasungulo la ma tiyeke ya hina hi fanele ku yingisa tidyondzo ta Yena. Loko hi n'wi yingisa, U ta hi pfuna ku hlula Sathan, ni miehleketo yo biha ni mintirho yo biha evuton'wini bya hina. Hosi Yesu u ta va Matimba ya hina, a hi rhangela minkarhi hinkwayo ni loko hi kuma eswiphiqo u vuton'wini bya hina.

Xifaniso 3: Ku vonakala a ku vonakale

Xifaniso 3: Ku vonakala a ku vonakale

Mateo 5:14-16

Vona, vavanuna la va la xifanisweni va khomile timboni (makhandlela). Munhu u endla yini hi rivoni exinyameni? Wa nuna loyi la exifanisweni u tlakusele rivoni ra yena e henhla leswaku rivoningela hinkwavo endlwini. Wa nuna un'wana a nga tlharihanga. U tumbetile rivoni ra yena ehansi ka xirhundzu. Hosi Yesu i ku vonakala ka misava. U hi komba ndlela ya ku ya ka Xikwembu. Loko hi n'wi tshemba, hi yingisa Rito ra Yena, hi hanya hi ku ya hi Rona (Rito), va n'wana va nga vona ku vonakala ka Hosi Yesu e ka hina. Hosi Yesu u te: "Ku vonakala ka n'wina a ku voningise vanhu sweswo, va ta vona mintirho ya n'wina leyo saseka va dzunisa Tata wa n'wina l'a nge tilweni."

Xifaniso 4: MuRoma u ba muYuda

Xifaniso 4: MuRoma u ba muYuda

Mateo 5:38-42, Rom. 12:19

Loko Hosi Yesu a hanya e tikweni ra vaYuda, vaRoma vambe a va fuma e henhla ka vona. Hi minkarhi yo tala masocha ya va Roma a ya va khoma hi tihanyi, tani hi leswi u vonaka exifanisweni lexi. Socha leri ri tekile ni jazi ra nuna loyi. Wa nuna loyi u ta endla yini? Hosi a byela vanhu aku: "U nga ti rihiseli eka munhu loyi a ku dyohelaka. Loko munhu aku makala rhama ra xinene, n'wi nyike ni rhama ra ximatsi a ri makala na rona. Loko munhu a teka hembe ya wena, a teke na rona jasi ra wena. Hi nga tshuki hi ti rihisela ka lava va hi vengaka va hi xaniseke/vaviseke, hikuva Xikwembu Xi te: I ku rihisela e ka mina, ndzita rihisela." Xikwembu xi ta ba hinkwavo lava va endlaka swo biha. Ku biwa (phanixa) loku, ku nga ha ava ku ri la vuton'wini lebyi kumbe endzhaku ka rifu. Kambe Xikwembu xi hi byela leswaku a hi hakeleni leswo biha hi ku endla leswo lulama e ka valala va hina. Xikwembu Xi ta tsaka hi swona sweswo.

Xifaniso 5: Ta ku khongela Xikwembu

Xifaniso 5: Ta ku khongela Xikwembu

Mateo 6:5-15

Eka xifaniso lexi, va vanuna va mbirhi va khongela va vulavula ni Xikwembu. U n'wana u yimile mitsendzeleni a bokoloka swikhongelo swo leha. U lava leswaku u n'wana na u n'wana a n'wi vona a ta n'wi dzunisa. Xikwembu a xi hlamuli swikhongelo swo tano. Kambe hi fanele hi fana ni wa nuna loyi un'wana e ka xifaniso lexi a khongelaka a vula vula ni Xikwembu endlwini ya yena laha a nga tweki hi munhu, a twaka a vonaka hi Xikwembu ntsena. Wa ti tsongahata ni ku tshembeka loko a vulavula ni Xikwembu. Xikwembu xi yingisa no hlamula swikhongelo swa muxaka wolowo. Hosi Yesu uri: "Loko u khongela, nghena endlwini, u pfala rivanti u khongela Tata wa wena l'a nga le matilweni (Xikwembu). Kutani Tata wa wena loyi a vonaka leswi swi endliwaka exihundleni, u ta ku hakela." (swivoniwa hi hinkwavo)

Hosi Yesu u tlhele aku, Xikwembu xi tiva leswi hi swi pfumalaka hi nga si kombela eka Yena. A hi fanelanga ku n'wi byela xilo xin'we minkarhi hinkwayo hi vuyelela kumbe hi vula vula .... tani hi leswi vanhu va endlisaka xi swona, la va va nga tiveki Xikwembu.

Hosi Yesu u te: "Khongerisani xi leswi: "Tata wa hina la nge matilweni, vito ra wena a ri hlawuleke. A ku te ku fuma ka wena, ku rhandza ka wena a ku endliwe misaveni ta nihi loko ku endliwa tilweni. U hi nyika namuntlha vuswa bya hina bya siku rin'wa na ni rin'wana. U hi rivalela swidyoho swa hina ta nihi loko na hina hi rivalela lava hi dyohelaka. u nga hi yisi emiringweni kambe u hi ponisa eka lowo biha." (Pg Bible for Today's Family, Testamente le yi ntshwa Mateo 6:9-13) (Tata wa hina la nge matilweni, (repetition as above)

(Hikuva ku fuma, ni matimba ni ku twala, i swa wena hi masiku ni masiku. Amen.)

Xifaniso 6: Lowo biha ubyala mfava

Xifaniso 6: Lowo biha ubyala mfava

Mateo 13:24-30; 13:36-43

Nala u byala mfava emasin'wini la ma ma ha ku byariwaka. Vanhu lava (va va nuna lava) i valala va n'wini wa nsimu (Mfava lowu, wu fanana ngopfu ni mbewu le yi nene). N'wini wa nsimu a nga swikotanga ku tsuvula mfava hikuva a ta tsuvula ni mavele manene. U rindzile ku ko ku fika nkarhi wa ntshovelo. Kutani u hlengeletile mfava a ya wu hisa, endzhaku ka swona u hlengeletile ntshovelo wa mavele la manene.

Vanghana, Xikwembu xi fana ni n'wini wa nsimu Sathan inala - hi lowo biha. Laha misaveni Sathan u byarile vanhu vo biha exikarhi ka vanhu va Xikwembu. Loko nkarhi wu fikile, Yesu u ta vuya na kambe. U ta hambanyisa la vo biha e ka lava va tshembaka no yingisa Xikwembu. Hosi Yesu u ta teka va Yena va va na Yena hi laha ku nga heriki. Kambe la vo biha va ta tekiwa na Sathan va cukumetiwa e tiheleni la ha va ta ka xaniseka hi la ku nga heriki, va ta va ku le ni Xikwembu.

Xifaniso 7: Ta Yesu ni vana

Xifaniso 7: Ta Yesu ni vana

Mateo 18:1-6, 19:13-15

Vona! Siku rin'wana vanhu va tisile vana eka Yesu, Va navele leswaku Hosi Yesu a va katekisa a tlhela a va khongelela. Va landzeri (vadyondzisiwa va Hosi Yesu) va ringetile ku arisa vana ku ya ka Yena.. Hosi Yesu a nga tsakisanga hi vadyondzisiwa va Yena loko va hlongola vana lava, kambe a ku ka vona: "Tshikani vana va ta ka Mina minga va siveri (aleli) hikuva ku fuma ka matilo e ka la vo fana ni lava." A tlhela a ku Hosi Yesu e ka vadyondzisiwa va Yena "Ndzi tiyisile loko mi nga hundzuki mi fana ni vana lava la va ntsongo (vatsongwana), a mi nga ngheni e ku fumeni ka matilo. (Xikwembu) Vanhu la va va nga va kulu e ku fumeni ka Xikwembu hi la va va titsongahataka ku fana ni vana lava. Vanghana! La va va ti kukumu aka (vo matikukumuxi) va e hleketa leswaku i va kula ku tlula va n'wana a hi va landzeri va Hosi Yesu va ntiyiso.

Xifaniso 8: Ta Murisi na Ti Nyimpfu

Xifaniso 8: Ta Murisi na Ti Nyimpfu

Mateo 18:12-14

Siku rin'wana Hosi Yesu u dyondzisile vadyondzisiwa va Yena a ku: "Loko munhu ari na dzana (100) ra tinyimpfu, kutani yin'we yi fambele kule yi lahleka, a nga ka a nga tshiki le ta makume nkaye-nkaye (99) a ya le tintshaveni ku ya lava yin'we le yi yi lahlekeke xana? Kutani loko a yi kumile, u tsaka ku tlula le tiya ta 99 le tiya a ti nga lahlekanga.

Swi tano ni le ka Tata wa n'wina wa le matilweni (Xikwembu) a nga lavi leswaku vanhu va Xona va n'wi lahlekela." Xikwembu Xi endlile vanhu hinkwavo va misava leyi. I va Xona Xikwembu. Loko u n'wana a landzela Sathan, u fana na nyimpfu leyi lahle ke ke. Hosi Yesu u vuriwa Murisi Lo Nene (muhlayisi wa tinyimpfu) hikuva u tile ku ta "Lava no Ponisa" lava va lahlekeke e ka Xikwembu. Ni sweswi Hosi Yesu u ha lava la va lahlekeke no va ponisa.

Xifaniso 9: Nandza loyi a nga rivaleriki

Xifaniso 9: Nandza loyi a nga rivaleriki

Mateo 18:21-35

Enandza u kolotile hosi mali yo tala ngopfu, kutani a nga swi kotanga ku tlherisela mali leyi. Hosi yi lerisa leswaku nandza loyi ni ndyangu wakwe va fanele ku khomiwa va ta xavisiwa, va va mahlonga. Nandza u komberile swinene eka hosi leswaku yi nwi khomelanyana (lehisela mbilu swi tsanana) a ta kondza a kota ku hakela mali leyi. Hosi yi twela nandzu loyi vusiwana.

Hosi yi surile nandzu, a n'wi tshika a famba. Kutani nandza loyi, loko a huma a kuma nandza kulibye loyi ingi a ri nanandzu na yena, wa mali yi tsongo, leyi a nga kota ngiki ku yi hakela.

A sungula a n'wi khoma a n'wi tlimba mikolo a ku humesa mali ya mina. Hikuva nandza-kubbye loyi anga swi kotanga ku n'wi tlherisela mali ya yena hi ku hatlisa, hi loko a n'wi hoxa e khotsweni ku kondza loko a ta va a hakerile mali ya yena hinkwayo.

Malandza ma n'wana ma byerile hosi leswi swi endlekeke. Hosi yi karihe swinene yiku 'Nandza lowo biha' "Wu fanele ku rivalela nandza-kuloni, tani hi leswi na mina ndzi ku rivaleleke." Kutani hosi yi hoxa nandza loyi wo bi ha e khotsweni a kondza a hakela mali ya yena. Vanghana, hi fanele ku rivalela lava va hi dyohelaka. Hakona, Xikwembu Xi ta hi rivalela milandzu ya hina le yi hi yi endleke loko hi kombela e ka Yena ni loko hi ti vula hi timbilu ta hina hinkwato hi hlundzukela swidyoho swa hina.

Xifaniso 10: Vatirhi va kuma Hlakelo

Xifaniso 10: Vatirhi va kuma Hlakelo

Mateo 20:1-16

N'wini wa muti loyi a humeke ku ya rhamba vatirhi ku ta tirha e nsin'wini ya yena ya vinya. U pfumelelane na vona leswaku hakelo ku ta va denani (cheleni) yin'we hi siku.

E ku heteleleni ka siku, vatirhi lava, va tile ku ta kuma hakelo ya vona. Wo sungula wo hakeriwa hi loyi a ngata nidzhenga wa madyambu. U tirhile ntirho wu tsongo. Kambe n'wini wa nsimu a lunghile (tintswalo), a n'wi nyika denari. A yiri mali ya siku.

Wa vumbirhi - u tirhile xiphemu xikulu xa siku (hafu). U n'wana u tirhile dyambu hinkwaro. Kambe vatirhi hinkwavo va kumile hakelo yo ringana. Mutirhi loyi a nga tirha siku hinkwaro, a vilela, a lava mali yo tlula van'wana. Kambe n'wini wa vinya aku: "Nakulorhi, a ndzi ku dyelelangi, hi twanane ku tirhela denari hisiku. Ndzi ni nfanelo ya ku endla leswi ndzi swi lavaka hi mali ya mina. Wa kariha loko ndzi hanana? Vanghana, Xikwembu Xi fana ni n'wini nsimu. Xikwembu Xilulamile minkarhi hinkwayo. Xi ni tintswalo Xi tlhela Xi hanana. Xi nyika nyiko yo fanana ya vutomi lebyi nga heriki e ka hinkwavo la va va yingisaka Hosi Yesu. I Nyiko ya Mahala le yi ku nga riki ya mintirho yo saseka leyi vanhu va yi endlaka la misaveni.

Xifaniso 11: Vavasati va Ntlhanu e handle ka nyangwa

Xifaniso 11: Vavasati va Ntlhanu e handle ka nyangwa

Mateo 25:1-13

Hosi Yesu u va byerile xitori xa vanhwanyana va khume. Vanhwanyana lava, a ava rindzerile muteki leswaku nkhuvo wa vukati wu ta sungula. Vanhwanyana va ntlhanu a va tlharihile kambe va ntlhanu, la ma swi vona, a va nga tlharihanga. Loko muteki a fika exikarhi ka vusiku, lava va ntlhanu va nga tlhariha a va lunghile ku hlanganisa muteki. Va lulamisile mafurha emavonini ya vona, va nghena ni muteki enkhubyeni. Kambe la va ntlhanu va swiphukuphuku a va nga ri na mafurha etimbonini ta vona, kutani va famba ku ya xava mafurha. Loko va ha fambile nyangwa wu pfariwa.

Loko va vuya ku xaveni vaku: "Hi pfuleleni" ("pfulani nyangwa hi nghena") Kambe muteki aku: "Ha kunene ndzi mi byela ntiyiso, andzi mi tivi." Vanghana, Hosi Yesu u le matilweni sweswi, I Muteki wa le matilweni. Kambe siku rin'wana U ta vuya kambe la ha misaveni. A hi swi tivi leswaku rini. Hi fanele ku tshama hi rindzile sweswi hi masiku hinkwawo ku ta hlangana na Yena. Hikuva Hosi Yesu u ta teka hinkwavo lava va n'wi rhandzaka va n'wi yingisaka ku va na vona e matilweni, kambe la vo tala, ku fana na swiphukuphuku swa ntlhanu swa vanhwanyana va ta siyiwa ehandle.

Xifaniso 12: N'winyi wa muti ni malandza ya Yena

Xifaniso 12: N'winyi wa muti ni malandza ya Yena

Mateo 25:14-30

U nga swi endlisa ku yini ku rindzela ku vuya ka Hosi Yesu? Yingisa. N'wankumi/Xifumi lexi xa nkoka u xi vonaka la xifanisweni xi ha ku vuya e kaya xi huma erendzweni ro leha swinene. Loko a lava ku ta famba, u vitanile malandza ya yena, a veka xuma xa yena e mavokweni ya vona. Ka un'wana nandza n n'wi nyikile ntlhanu (5) wa titalenta (timali). Nandza loyi u bindzurisile a kuma tin'wana ta ntlhanu timali (talente).

Wa vumbirhi nandza u n'wi nyikile ti talente timbirhi kutani na yena a ya bindzurisa a kuma tin'wana timbirhi. Loko n'wini wa vona a ya vuya, u va nkhensile hi ku ringana, hi ku tshembeka ka vona. Nandza wa vunharhu u nyikiwile talenta yin'we, a yi teka a yi celela, a yi tumbeta, a nga endlanga nchumu hi yona ku bindzurisa.

N'wini wakwe u n'wi kariherile ngopfu e ka nandza loyi wa ku loloha. U tekile mali ya yena e ka nandza loyi kutani a n'wi hlongola endlwini. Vanghana, Yesu in'wini, nkulukumba wa mu Kriste. U yile tilweni kambe u ta tlhela a vuya misaveni, U lerisile malandza ya Yena leswaku va sala va n'wi hanyela va byela va n'wana hi Yena. U nyikile ni Moya lowo kwetsima leswaku u va pfuna ku endla leswi. Swi sasekile ku endla hinkwaswo ku kurisa no tlakusa. Yena, hikuva u hi tshembisile ku hakela lava va n'wi tirhelaka hi ku tshembeka.

Manghenelo

Yesu u dyondzisile vanhu hi timhaka ta Xikwembu na swona a komba leswaku Yena u na matimba la makulu la ma ma humaka e ka Xikwembu. Languta swifaniso leswi, u pfula lexi landzaka loko utwa mpfumawulo lowu.

Xifaniso 13: Ta Yesu loko a khuva riwa

Xifaniso 13: Ta Yesu loko a khuva riwa

Mareka 1:4-11

E ka xifaniso lexi, hi vona Hosi Yesu (anga si sungula ku dyondzisa). Wa nuna loyi a nga na Yena (e nambyeni) i Yohane (mukhuvuri). Yohane u tivile khale leswaku Hosi Yesu u ta ta a huma hi le ka Xikwembu. Yohane a karhi a tshin ya va Yuda leswaku va fanele va tshika tindlela ta vona to biha va landzela Yesu. Lava va nga pfumela e ka mahungu hi Yohane la ma humaka ka Xikwembu, va khuvuriwile hi mati (enambyeni wa Yordaan). Nkhuvulo wa Yohane a wu ri mfungo wo komba leswaku va lava ku hundzuka etindleleni ta vona va hanya ku tsakisa Xikwembu. Yohane aku: "Wa ta u n'wana endzhaku ka mina, loyi a ndzi tlulaka hi matimba ...... mina ndzi khuvula hi mati kambe Yena u ta mi khuvula hi Moya lowo kwetsima lowu humaka ka Xikwembu." Kutani Yesu a ta ka Yohane. Yesu a nga tshamanga a dyoha (ku nga tsakisa Xikwembu) kambe u lavile ku khuvuriwa. Loko Yesu a ri karhi a huma e matini, ku humelela xihlamariso xo karhi. Matilo ma pfuleka ni Moya lowo kwetsima wu xikela e henhla ka Yena wu fana na tuva Kutani rito ri huma hi le tilweni riku: "U N'wananga la rhandzekaka, loyi ndzi n'wi tsakelaka."

Xifaniso 14: Ta ku vitaniwa ka Vadyondzisiwa

Xifaniso 14: Ta ku vitaniwa ka Vadyondzisiwa

Mareka 1:14-20

Endzhaku ka loko Hosi Yesu a khuvuriwile, Xikwembu Xi pfumelele Sathane a ringa Hosi Yesu. sathan u homboloxe Rito ra Xikwembu ku ringa Yesu. Kambe Hosi Yesu u hlurile Sathane hi ku vula marito la wa ma humaka a ka matsalwa ya Rito ra Xikwembu hi matimba ya Moya lowo kwetsima. Loko Hosi Yesu a hlurile Sathane, U yisile mahlweni hi ntirho wakwe lowu Xikwembu Xi N'wi rhumeke wona ku wu endla. Xikwembu Xi rhumele N'wana wa Xona Yesu Kriste laha misaveni ku ta Chumayela Mahungu la Manene Ya Xikwembu ku dyondzisa vanhu; ku hanyisa la va va vabyaka ni ku herisa mintirho ya Sathan (nala).

Siku ri n'wana loko Hosi Yesu a famba e lwandle ra Galilea, u vonile vamakwavo va mbirhi ku nga Simon na Andrea va ri karhi va hoxa rikoka ra vona e matini ku phasa tihlampfi hi kuva a vari vaphasi va tihlampfi. Yesu a ku ka vona: "Ndzi landzeni ndzi ta mi endla vaphasi va vanhu." Va hatlisa va tshika tinkoka ta vona va landza Yesu. Yesu a tlhela a vona va makwavo va mbirhi ku nga Yakobe na Yohane, a va bohelela tinkoka ta vona. Na vona va hatlisile va landza Yesu loko a va vitanile.

Hosi Yesu u tlhele a langha va n'wana va nhungu (8) vavanuna lava va khume-na-mbirhi, va vile vandyondzisiwa (valandzeri) va Yesu leswaku va va na Yena va dyondza e ka Yena. Vadyondzisiwa la va va 12 endzhaku ka nkarhi va vuya va hundzuriwa va Apostola va Yesu, le swi swi vulaka leswaku: "Varhumiwa va Yena." Va chumayerile (vurile) Mahungu la Manene ya Kriste va hanyisile va vabyi hi vito ra Yesu.

Yesu u va nyikile matimba ya Moya lowo kwetsima e ka vona leswaku va swi kota ku hlongola mademona ni mimoya yo biha. A nga si tlhelela e Tilweni Yesu, U nyikile Vaapostola lava va khume-n'we (11) nawu, a ku "Fambani miya endla Vadyondzisiwa e ka tinxaka hinkwato, mi va dyondzisa ku yingisa hinkwaswo leswi ndzi mi leriseke swona." Leswi swi vula leswo, wanuna, wansati, mufana, nhwanyana un'wana na wu n'wana u fanele ku tsakela/navela ku yingisa milawu ya Hosi Yesu ni ku byela van'wana Mahungu la Manene ya Yesu ni ku endla/tirha hi matimba ya Moya lowo kwetsima. Kutani Hosi Yesi loyi a pfukeke ku feni u ta famba na vona, Xikwembu Xi ta tirha na vona.

Xifaniso 15: Ta Wanuna wa Nhlokonho

Xifaniso 15: Ta Wanuna wa Nhlokonho

Mareka 1:40-45

Siku rin'wana wa nuna wa nhlokonho u tile ka Yesu. A nkhinsama e mahlweni ka Yena a n'wi khongela akui "Loko U swi rhandza u nga ndzi basisa" Van'wana vanhu a va chava ku tshinela kusuhi ni nuna loyi, hikwalaho ka leswi a ri xi swona hi vuvabyi lebyi. Kambe Yesu a n'wi twela vusiwana, Yesu a n'wi khumba aku: "Ndza swi rhandza, hlantsweka u basa." Kutani hi nomu lo, nhlokonho wa n'wi sukela a hlantsweka. U tsake ngopfu wa nuna loyi, a famba a byeletela vanhu hinkwavo. Vanghana, Xidyoho xi fana ni nhlokonho. Xi hi hambanisa ni Xikwembu na vona vanhu. Kambe loko hi ta ka Yesu, U ta hi hlantswa a hi basisa e swidyohweni swa hinai.

Xifaniso 16: Ta Wanuna wo Nghenisiwa hi Lwango

Xifaniso 16: Ta Wanuna wo Nghenisiwa hi Lwango

Mareka 2:1-12

Siku rin'wana Yesu a ri ndzenika yindlu a dyondzisa vanhu hi ta Xikwembu. Enkarhini wo lowo va va nuna va mune va naverile ku tisa munhu wo khwanyana swirho (munhu loyi anga koteki kufamba) e ka Yesu, kambe hikwalaho ka ntshungu lowu a wu tele endlwini, a va swi kotanga ku nghena.

Kutani va hahlula lwango va endla mbovo, kutani va nghenisa munhu loyi hi mbovo lowu.
Yesu a vona ku pfumela ka vona e ka Yena. Kutani a ku ka wanuna loyi wo vabya: N'wananga, u rivaleriwile swidyoho swa wena."
Kutani vatsari la va a va tshamile kwalaho va vilela loko va twa leswi - va ku: "I mani la nga rivalelaka swidyoho, loko ku ngari Xikwembu ntsena ke?"
A va pfumelanga leswaku Yesu u huma ka Xikwembu. Kutani Yesu a ku eka wo khwanyana swirho: "Pfuka u teka masangu ya wena, u famba u ya kaya."
Wa nuna loyi a hanyile/hanyisiwile! Hi mukhuva lowu, Yesu u va kombile leswaku u huma xa Xikwembu.
U ni matimba ya ku rivalela swidyoho, tani hi leswi a nga ni matimba ya Xikwembu yo hanyisa mavabyi. Hinkwerhu ha lava ku hanyisiwa loko hi vabya, kambe i swa nkoka hi leswaku hi kombela Yesu ku hi rivalela swidyoho, hi ta nyikiwa nyiko ya vutomi lebyi nga heriki hi Xona.

Xifaniso 17: Ta Yesu loko a hanyisa munhu wo khwanyana voko

Xifaniso 17: Ta Yesu loko a hanyisa munhu wo khwanyana voko

Mareka 3:1-5

Laha hi vona Yesu endlwini ya Xikwembu leyi vuriwaka Tempele. Vatsari.Varhangeri va kona kwalano na vona. A ku ri siku ro hlawuleka ra vhiki ra va Yuda ro gandzela Xikwembu. Nawu wa vona hi leswaku a vafanelanga ku tirha hi siku rhero. Wanuna a a ri kona wa voko ro khwanyana ro ka ri nga pfuni nchumu. Va Yuda va langutile ku vona loko Yesu a ta hanyisa munhu loyi. Yesu a hanyisa vanhu nisweswi wa ha hanyisa. Vatsari lava a va nga hanyisa vanhu. Va lavile leswaku Yesu a tlula nawu wa vona va ta kota ku n'wi dlayela sweswo. Yesu a vutisa vatsari aku: "Nawu wa hina wu hi pfumelela ku endla yini hi siku leri, ku endla leswo lulama kumbe leswo biha, ku ponisa kumbe ku dlaya?" Va Yuda a va vulanga nchumu hikuva timbilu ta vona ta nonhon'wa. Yesu a ku ka wa nuna "Tshambuluto voko ra wena!" A ri tshambuluta, ku tani voko ra yena ri tlhela ri ololoka ri lunga ri tiya.

Vanghana, hi fanele ku gandzela no yingisa Xikwembu, ni vanhu va n'wana hi va hlayisa. Loko swi nga ri tano, magandzelo ya hina eka Xikwembu ma ta va swa hava no nga vuli nchumu.

Xifaniso 18: Ta Yesu loko a miyeta Xidzedze

Xifaniso 18: Ta Yesu loko a miyeta Xidzedze

Mareka 4:35-41

Eka xifaniso lexi hi vona Yesu ni vadyondzisiwa va Yena e byatsweni. A va famba naye va pelela ntsungeni. Kutani hi ku hatlisa ku pfuka xidzedze xi kulu. Magandlati a ma nghena byatsweni byi ko byi lava ku bombomela.

Yesu a etlele le ndzhaku e byatsweni. Vadyondzisiwa va Yena va n'wi pfuxile vaku: "Mudyondzisi, xana a hi nchumu ka wena loko hi lava ku nwela/lova ke?" Yesu a pfuka a tshinya mheho ni magandlati aku: "Mivela u ku ntse!" Hi nomu lo, mheho yi va yi miyela. Yesu a ku e ka vadyondzisiwa va Yena: "Hikwala ho ka yini mi ri ni vutoya ke? A mi si va ni ku pfumela xana?" Va hlamrile ngopfu vadyondzisiwa vaku: "I mani loyi? Munhu loyi mheho ni lwandle swi n'wi yingisaka?" Vanghana, Ha swi tiva leswaku Yesu i Xikwembu, na swona u ni matimba ehenhla ka vanhu hinkwavo, mimoya ni hinkwaswo leswi a nga swi endla. Ha kona, hi nga tshemba e ka Yesu leswaku a hi biyelela e makhombyeni a hi nyika ku rhula.

Xifaniso 19: Ta Wansati e Nthsungwini

Xifaniso 19: Ta Wansati e Nthsungwini

Mareka 5:25-34

Wa n'wi vona wa nsati e nthsungwini lowu? Wansati loyi a ri ni vuvabyi bya ngati (swithandla) u vabyile malembe ya khume-mbirhi (12), a swo ya swi karhi swi'nyanya, U swi twile leswaku Yesu wa hanyisa vanhu. A ti byela aku: "Loko ndzo khumba nkhacu (nguvu) ya Yena ntsena, ndzi ta hanyisiwa." Kutani wansati loyi a ta entshungwini hi le ndzhaku ka Yesu a fika a khumba nguvu ya Yena. Hi nomu lo, ngati ya yena yi yima, a swi twa na yena e mirini leswaku u hanyisiwile/horile. Kan'we-kan'we Yesu a ti twa leswaku ku humile matimba man'wana e ka Yena. Kutani a hundzulukela e ka ntshungu a ku: "I mani lakhumbeke nguvu ya mina?"

A ku ri ni vanhu vo tala ngopfu la va rendzele Yesu, kambe wansati loyi u tivile leswi swi endlekeke e ka yena. Kutani nsati loyi hi ku chava lo ku kulu a rhurhumela a ta a fika a nkhinsama e milengeni ya Yesu a n'wi byela hinkwaswo leswi endlekeke ni le swaku u horisiwe ku yini. Yesu a ku ka yena: "N'wananga ku pfumela ka wena e ka Mina ku ku hanyisile. Famba hi ku rhula, ntshunxeka e nhlomulweni wa wena" (vu vabyini byaku). Ku na vanhu vo tala la misaveni leyi kombe Yesu u tiva un'wana ni wu n'wana, a tlhela a n'wi hlayisa. Na wena wa ku hlayisa. Kutani, U lava leswaku wena u ta e ka Yena u n'wi tshemba. Rito ra Xikwembu ri hi dyondzisa leswaku Yesu wa ha swi kota ku hanyisa lava va tshembaka e ka Yena.

Xifaniso 20: Ta Yesu ni n'wana loyi a feke

Xifaniso 20: Ta Yesu ni n'wana loyi a feke

Mareka 5:22-24, 35-43

Enkarhini wu n'wana Yesu a ri ndleleni yo ya endlwini ya wa nuna loyi va ku e Jairus. Jairus a ri murhangeri lonkulu e ti Sinagogenita va Yuda. Kutani n'wana wa yena a vabya ngopfu. U vitanile Yesu ku ta hanyisa n'wana wa yena, kambe a nga si fika e ka Yesu, n'wana wa yena a file. Yesu a ku ka Jairus: "U nga chavi, pfumela ntsena." Endlwini ya Jairus vanhu a va tele va rila va ba nkalanga kambe Yesu a va hlongola. Yesu a teka Yairus ni nsati na vadyondzisiwa va nharu va Yena a nghena na vo ndlwini la ha ku latiweke n'wana loyi a file.

Yesu a khoma nhwanyana hi voko a ku ka yena "N'hwanyana ndzi ri ka wena, pfuka!" Kan'we-kan'we nhwanyana a pfuka a famba-famba kutani ya n'wi nyika swakudya a dya. Ina, Yesu u ni matimba ni le henhla karifu. Lava va pfumelaka va n'wi landzela a va fanelanga va va na ku chava rifu.

Xifaniso 21: Ta Yesu ni wansati wa rixaka rimbe

Xifaniso 21: Ta Yesu ni wansati wa rixaka rimbe

Mareka 7:24-30

Siku ri n'wana wa nsati wa va matiko u tile ka Yesu N'wana wa yena wa nhwanyana a ngheniwile hi moya wa thyaka. Minkarhi hinkwayo a tshama a kombela leswaku Yesu a hlongola moya wa demona e ka n'wana loyi, Yesu a n'wi byela leswaku u tile ku ta pfuna va Yuda ku sungula. Hikuva swi nga fana ni loko u nyika timbyana swa kudya swa vana u nga si nyika vana va wena loko ndzo pfuna vamatiko ndzi nga si pfuna va Yuda..

Yesu aku: "Tshika vana, va rhanga vadya va xurha hikuva a swi sasekanga ku tekela vana swakudya swa vona u nyika timbyana." Wansati a n'wi hlamula a ku: "Ina Hosi, hambi tiri timbyana leti nge hansi ka tafula, ti dya mahlanhla lama wisiwaka hi vana."

Hi loko Yesu a ku ka yena: "Hikwalaho ka rito leri, u nga ri hlamula, famba, demona ri humile eka n'wana wa wena." Wansati a tlhelela kaya a kuma n'wana a etlele esangwini, ni demona ri fambile. Yesu U rhandza no pfuna vanhu va tinxaka hinkwato ni ka matiko hinkwawo. Tanihi leswi swi nga endliwa hi nsati loyi, Yesu u rhandza leswaku hi veka ripfumelo ni ku tshemba ka hina e ka Yesu. Yesu U na matimba ya ku hi ponisa ka swidyoho swa hina ni le ka matimba ya Sathan.

Xifaniso 22: Ta Yesu ni Mbeveve la feke tindleve

Xifaniso 22: Ta Yesu ni Mbeveve la feke tindleve

Mareka 7:31-37

Vanhu va n'wana va tisela Yesu munhu un'wana, Munhu loyi a fe tindleve a tlhela ari mbeveve ku sukela e vutsongwaneni bya yena. Va kombela leswaku a n'wi tlhandleka mavoko. Kutani Yesu a n'wi susa entshungwini a n'wi tekela thlelo. Yesu a nghenisa tintiho ta Yena etindleveni ta nuna loyi. A tshuvutela marha a khumba ririmi ra nuna loyi, Yesu a languta henhla e tilweni e ka Xikwembu a ku: Pfuleka!" Hiloko tindleve ta yena ti hatla ti pfuleka ti twa a tlhela a kota ku vula vula kahle na kambe.

Vanhu va hlamarisiwile ngopfu hi leswi va ku: "Yesu U endlile hinkwaswo kahle, a tlhela a endla leswaku vo fa tindleve va kota kutwa ni timbeveve ti kota ku vulavula." Vanghana, hinkwerhu hi fanele ku twisisa tidyondzo leti ta Rito ra Xikwembu hikuva Xikwembu xi vulavula na hina hi Rito ra Xona. Ku kota leswi Yesu a horiseke tindleve ta nuna loyi ku ti twa ni ririmi ku ta vulavula e ka vanhu, hakona, Yesu a nga kota ku endla leswaku hi va lava hi tsakelaka ku yingisa Rito ra Xikwembu hi ta tiva ku rhandza ka Xona e vuton'wini bya hina. Yesu U endla leswi hi ku tirha hi Moya lowo kwetsima e ka hina. Tanihi hi mbeveve, hi ta kota ku byela van'wana hi timhaka ta Xikwembu.

Xifaniso 23: Ta Yesu loko a hanyisa lowofe-mahlo (bofu) a vona

Xifaniso 23: Ta Yesu loko a hanyisa lowofe-mahlo (bofu) a vona

Mareke 8:22-26

Ku te esikwini ri n'wana vanhu va tisa eka Yesu munhu lowo-fe-mahlo leswaku Yesu a n'wi khumba a n'wi horisa. Yesu a khoma lowo-fe-mahlo hi voko a n'wi yisa ehandle ka muti. A n'wi tshwutela hi marha ematihlweni a n'wi tlandleka mavoko a n'wi vutisa a ku: "Xana u vona xa nchumu ke?" Munhu loyi a hlamula aku: "Ndzi vona vanhu, ndzi vona va famba famba va fana ni mirhi." Yesu a tlhela a veka mavoko ya yena ematihlweni ya lowo-fe-mahlo. Kutani matihlo ya yena ya honoka (pfuleka) a hanyanyisiwa a vona swilo hinkwaswo swinene.

Vanghana, Sathan a nga swi lavi loko hi ta ka Yesu hi n'wi tiva kumbe ku twisisa Rito ra Yena. Loko hi tshemba e ka Yesu, U ta hi endla hi vona no twisisa ntiyiso swinne hi ku tirha hi Moya lowo kwetsima. Hi fanele ku khongela masiku hinkwawo leswaku Yesu a tirha tani e ka hina.

Xifaniso 24: Yesu loko a hanyisa n'wana loyi a nga ni Moya wa thyaka

Xifaniso 24: Yesu loko a hanyisa n'wana loyi a nga ni Moya wa thyaka

Mareke 9:14-29

Siku ri n'wana wa nuna u tisile n'wana wa yena eka vadyondzisiwa va Yesu. U va komberile leswaku va hlongola moya wa thyaka e ka n'wana wa kwe, kambe a va swi kotanga. Endzaku u tisile n'wana wa yena e ka Yesu. Loko moya (lowa thyaka) wu vona Yesu, wu rhurhumerisa n'wana hi matimba, a wela hansi, a vumbuluka a ri karhifa tlhutlha xikhuvi hi nomu. Tata wa n'wana loyi a ri ni ku tshemba ku tsongo leswaku Yesu anga kota ku va pfuna, kutani aku e ka Yesu: "Kambe loko wo swi kota ku endla xa nchumu, hi twele vusiwana u hi pfuna."

Yesu a hlamula aku: "U ri, loko u swi kota? Hinkwaswo swi nga kota ku endleriwa la va va pfumelaka e ka Xikwembu." Tata wa n'wana a hatla a tlakusa rito a ku: "Ndza pfumela ndzi suse e ku kanakaneni ka mina." (Leswi ntshungu a wu ta hi vunyingi ku ta vona.) Yesu a vulavula ni moya wa thyaka aku: "Wena moya lowu wu nga vulavuriki, lowu nga twiki, ndza ku lerisa ndziri, huma e ka n'wana loyi, u nga ha tlheli u vuya ka yena na siku ni rin'we!" Moya lowu wu huma u karhi wu huwelela, a rhurhumela a wa a va tani hi mufi, la vo tala va ku "U file."

Kambe Yesu a n'wi khoma hi voko, a n'wi pfuxa, kutani a yima. Ku te loko va nghenile e ndlwini vadyondzisiwa va Yesu va n'wi vutisa va ri tlhelo va ku: "Xana hina hi tsandzile hi yini ku hlongola moya lowu ke?" Yesu a hlamula aku ka vona: "Moya lowo tano a wu koti ku huma loko ku ngari hi ku khongela ntsena." Endzhaku ka nkarhi wu ngari wu ngani swilo leswi swi endlekile, vatsari-varhangeri va maYuda va dlayile Yesu.

Kambe hi wona nkarhi lowu Yesu a endleke masingita la makulu e ka hinkwavo. U pfukile e kufeni. U hlurile Sathan ni rifu hi la ku nga heriki. Yesu u ni matimba ku tlula mimoya hinkwayo ni swikwembu hinkwaswo la misaveni. U ni matimba e henhla ka swilo hinkwaswo. Hikuva Yesu, hi Yena Xikwembu Xi ri Xin'we xa Ntiyiso.

Katulad na kaalaman