KULUMULULA
Kolenu enu amabwambu. Inzenu mutiyi iyi nsaƱu yayaiwahi. Talenu hamukanda wanyevulu nakutiyilila chakashinshi. Chimwatiya chivuminu neyi ichi, (gingle) hela kamina bakulenu mwevulu wunalondeli mumukanda wanyevulu.

Mwevulu wamuchimu: Hendhu kuleƱa kanda
Hatachi henohu yuma yejima kanda ayileƱi kwadiƱi hohu Nzambi. Nzambi waleƱeli iseki cheƱi wahosheli nindi chejeji chitoƱeki muloƱa hadiƱi mwidima. Neyi chimunamoni mumwevulu watachi, Nzambi wambwili menji akwishina na menji a muluzwizu. Menji amwishina hituloƱa na majiya (kulaƱawiji), menji ahewulu diwu mavu mwekalaƱa menji. Nzambi waleƱeli (mwaana) iteni kulonda kuyula namwana ni kakweji kulonda kuyula na wufuku. Nzambi himwahi waleƱeli yuma yejima cheni nawa wayulaƱa yuma yejima.

Mwevula wamuchiyedi: Nzambi hakuhosha
Mukanda wudi aha hamwevulu diwu Mukanda waNzambi. Hizu da Nzambi datulejaƱa nsaƱu ja Nzambi ninjila jindi. Nzambi wakeƱa antu ejima nankashi. Etu twakeƱa kwila yuma mwafwilaƱa kwila nyichima yetu dichi chuma chatwambulaƱa na Nzimbi. Mukanda wa Nzambi watwinyikilaƱa njila yimu hohu yitunatweshi kudinuƱa na Nzambi. Awa mazu alala ejima wunakutiya katataka anafumi mumukanda wa Nzambi.

Mwevulu wamuchisatu: KuleƱa
Nzambi nezu dindi waleƱeli yuma yejima chachiwahi. WaleƱeli iseki nijimpidi nikaluƱalwiji nituloƱa nawa. Nkumininaku waleƱeli yuma yejima yahandaƱa, anshi ekala mumenji, atuda ashakamaƱa munyitondu niatunyama ejima. Nzambi watiyihi kuwaha nayuma yejima yaleƱeliji, muloƱa yuma yejima yadiƱi yayiwahi nankashi.

Mwevulu wamuchiwana: Adama na Eva
Nzambi nawa waleƱeli iyala watachi Adama ni mumbanda watachi Eva. Wayinkeli Ʊovu ni wanta kulonda kuyula yuma yejima yaleƱeli Nzambi hanu heseki. Antu wenawa adiƱi amabwambu jaNzambi nawa ahanjikileƱa nindi mwitempa mwashakami neƱawu.

Nzambi wayitejeli kuda nyikabu yejima ilaƱa kufumishahu hohu nyikabu yamutondu wumu wayilekesheliji. Mumwevulu wakuchimunswa munamoni hiyakudikana na Nzambi nakuda nyikabu yamutondu wayilekesheliyi. Avulumwini nikukundaƱana naNzambi kwamanini. Mwevulu wakuchidilu wunamwekeshi Nzambi chababesheliyi Adama na Eva nakuyihaƱa afumi mwitempa Kufuma mpiniji yenoyu antu atachikilikuzata naƱovu kulonda amoni yakuda, atachikili nawa kutiya yivuku, yikatu, nikumona kufwa.

Mwevulu wamuchitanu: Kena na Abeli
Adama na Eva avweli anyana amayala ayedi akena na Abeli. Kena wamutiyilili Abeli ichimadichi ifuku dimu wamujahili Abeli. Nzambi wamubabesheli kena hanaƱu yanshidi yindi neyi chayibabesheliyi a Adama na Eva. Etu tudi anyana ka Adama na Eva dichi wejima wetu nawa tunavulumuni. Nshidi yatwambulaƱa etu na Nzambi. Etu twatelela kubabesha muloƱa wa nshidi yetu.

Mwevulu wamuchitanu nawumu: Watu wa nowa
Yaka yayivulu chiyamanini anyana ka Adama avulili. Antu awa niwena avulumwini nakudi kaƱa naNzambi. Nshidi yawantu yaswejeli hamakutoha dichi Nzambi watoƱojokeli kujilumuna antu na dibaji damenji amavulu. KwadiƱi iyala wumu hohu wakeƱeli Nzambi nakumwovwahila. Ijina dindi wadiƱi Nowa. Nzambi walejeli Nowa nindi atuƱi watu weneni kulonda yena nichisaka chindi akapulukilumu. Nowa wataƱishileƱa kuloƱa kwa Nzambi yaka yejima yatuƱileƱayi watu. Antu hiyakuhweleli mazu aNzambi kulonda afumi munshidi jawu akayamwini kudibajiku.

Mvewulu wamuchitanu nachiyedi: Dibaji
Nowa wapompesheli nakwiƱija atuda niatunyama hamuchidi hamuchidi muwatu neyi chamulejeluwu kudi Nzambi. Dichi Nowa niƱodindi nawanyanawu amayala asatu hamu niaƱodi jawu eƱlili muwatu. Nzambi wenzeli chenzelu. Watemesheli nvula yenenei hama nimenji kufuma kwishina damaseki enzesheli hamaseki. Mpinji yatela kwamwina muntu yadiƱi yamana dehi mwaka. Nowa ni chisaka chindi mukachi kawatu ahandili, ilaƱa antu ejima hanji yawatu ajilumukili nadibaji. Nowa amwamwinini muloƱa nanochu chamuku hweleliyi Nzambi nakumwovwahila nawa.

Mwevulu wamuchitanu nachisatu: Abrahama, Sara niIsaka
MakiƱu ninyaka yayivulu yahitili ninyana ka Nowa yekalili nyichidi yayivulu. Abrahama wadiƱi iyala wakeƱeli Nzambi nakumwovwahila. Nzambi wamukanini. Abrahama nindi anyanindi amba kekala munza wawuneni. Abrahama na Ʊodindi Sara hiyadiƱi nanyanaku, ilaƱa Abrahama wakuhweleli chikaninu chaNzambi. Mwevulu weniwu wunakumwekesha nawu avweleli mwana weyala henohu ekala dehi atushinakaji amutumba niijina nawu Isaka. Mwanta Yesu Kristu wenjili nakwamwina mpata yinu wasemukili kufuma kudi Abrahama naIsaka. Wena mazu ansaƱu ja Yesu tukuyileja kunbidi iku hakadi kuleha.

Mwevulu wamuchitanu nayiwana: Mosi na nshimbi ja nzambi
Anyana ka Abrahama aswejeli kuvula ekala ni munza watenenuwu nawu a Isarela. Mosi niyena wadiƱi mwana ka Abrahama. Mosi wamukuhweleli Nzambi nakumwovwahila nawa. Ifuku dimu Nzambi wamutambikilili Mosi kumpidi, kwenoku Nzambi wamwinkeli nshimbi jindi nindi ayitaƱishi antu. Iwu mwevulu wunamwekeshi Mosi nakusuluka hampidi nasendi ninshimbi jaNzambi jakusoneka helola dawubasa. Nzambi wakeƱa muntu himuntu ovwahili nshimbi jindi.

Mwevulu wamwikumi: Nshimbi ikumi
Iji diji nshimbi ja Nzambi jikwawu jenkeliyi Mosi. JatulejaƱa kukeƱa nakwovwahila Nzambi wumu hohu walala. Kutachika kuchimunswa kwiwulu tunamoni mwevulu wunakushimuna nawu bayi tudifukula kudi ankishi hela awanyama hela ayuma yacheƱi. Etu twatela kudifukula kudi Nzambi walala nleƱi hohu. Mumwevulu wunalondumu, tata ni mama ni nyana anakudifukula kudi Nzambi wejima wawu. Antu ejima atela kwikala nefuku dimu hachalumingu hachalumingu dakudifukula nakuhameka Nzambi. Chuma chikwawu anyana chiƱa ovwahili nakulemesha anvwali jawu. Kwishina da wevulu kuchimunswa nshimbi yaNzambi nawu kujaha muntu chinjila. Wunalondumu nawu kwila wuvumbi naƱoda mukwenu chinjila. Mwevulu wakukumisha nawu kwiyahela kufwila chuma chamukwenu chinjila. Nzambi nindi etu chiƱa tuhembi nshimbi jindi.

Mwevulu wamwikumi nawumu: Mulambu wanshidi
ChelileƱa neyi muntu navulumuni nakujaha nshimbi jaNzambi chiƱa ahana mulambu wamwana kamukoku kudi Nzambi. Mwana kamukoku wafwili kulonda ekali kajahishewa kamukwanshidi. Yena mwana kamukoku wandiƱi hichinjikijila chakwinyika mwana ka Nzambi, Mwanta Yesu Kristu. Yesu wenjili nakufwa ekali mulambu kudi Nzambi wawantu ejima munu mumpata. Mwanta Yesu watufwililetu.Diyi Mwana kamukoku waNzambi wafumishaƱa nshidi yawakwampata yaheseki. Yesu wadiƱi mulambu wanshidi yetu chafwiliyi hakulusu hana hamutondu wakusempashana. Mwitiyenu Yesu Kristu, lubulenu nshidi jenu kudi yena, balumukenu munyichima kulonda Nzambi anyanakeni nshidi jenu jejima.

Mwevulu wamwikumi nayiyedi: KaƱelu, Mariya na Yosefa
Katataka twayenu tutiyenu chasemukiliyi YesuKristu. Hanyakoho, Nzambi wakanini kutemesha chamwinu, mukwakutwamwina etu kunshidi jetu. Mumwevulu kuchimunswa wunatweshi kumona kaƱelu wenjili kudi chaƱadima wamubanda Mariya kufuma mwiwulu. Mariya wadiƱi kanda adimonaƱahu dehi neyala dichi amoteli nakumukana kumusumbula kudi Yosefu. KaƱelu wamulejeli nindi Spiritu yaNzambi wakenza hadi yena niyena wakekala nevumu. Mukeki akamutena nawu Yesu, mwana ka Nzambi. Mumwevulu wakuchidilu, kaƱelu wadimwekesheli kudi Yosefu nakuhosha nindi mukulota.

Wamulejeli Yosefu nindi kanda wutiya woma wakutambula Mariya ekali iƱodeyuku. Wudi nevumu da Ʊovu ya Spiritu Wajila waNzambi. Izhina da mukeki dakekala Yesu, kulumbulula nawu chamwinu. Wakamwina antu indi kunshidi jawu. Yosefu wovwahilili Nzambi, hadimweni na Mariyaku chiƱa mukeki nasemuki dehi.

Mwevulu wamwikumi nayisatu: Kuvwalika kwa Yesu
Yosefu na Mariya endeli nakuya kumukala wa Betelemi. Chelili mukala wejima wenzeli nawantu hikwadiƱi iluƱa mwakukama wenaku. Akamini mwitaƱa dawaƱombi mwenomu Mariya hakuvwala mukeki Yesu. Nimpinji yinu Mariya wadiƱi kanda adimonaƱahu dehi neyala havwalikili Yesu. Wufuku wenowu kaƱelu wadimwekesheli kudi amayala, atubiƱa, ahembeleƱa nyikoku mwiha kukamwihi. Wayilejeli kuvwalika kwa Yesu mu Betelemi. Dichi atuƱelu amavulu amwekeni mwiwulu anakwimba nikuhameka Nzambi. Awa amayala hohenohu ayili nakumona yena Chamwinu Yesu.

Mwevulu wamwikumi nayiwana: Yesu NtaƱishi
Mumwevulu kuchimunswa, tunamoni Yesu wudi nayaka ikumi na yiyedi (12). Nakuhosha nsaƱu ja Nzambi nawankuluƱaƱa nawanlomboli awaIsarela, nikutiyilila nakwihula malwihu. Ahayamini chasewejeli Yesu kwiluka nsaƱu jaNzambi. Mwevulu wamuchiyedi wunamwekeshi Yesu chakuliliyi nakwikala iyala hakutaƱisha antu ninsaƱu ja Nzambi. Amakwawu etiyili kuleja kwindi hiyakumwovwahila. Amakwawu hiyamwitiyiluku hiyakumutadikisha. Nzambi nakeƱi etu tumwitiyi nakumukuhwelela nakulondela ni Yesu.

Mwevulu wamwikumi nayitanu: Nyidimu yayihayamisha ya Yesu
Nyevulu iyi yinamwekeshi Ʊovu jeneni jaNzambi Tata jamwinkeliyi Yesu kulonda kukoƱa nachi yihayamisha. Mumwevulu kuchimunswa Yesu wakwatili iyala wasemukili mputamensu kulonda atweshi kumona. Mwevulu wahakachi wunamwekeshi Yesu nakusaƱula mwana wafwili iku tata yindi namama yindi anemani nakutala.

Nkumininaku tunamoni Yesu nakwenda hamenji. Nakwendela hewulu damenji nakuya kudi atumbanji (amabwambu) adiƱi muwatu hejiya.

Mwanta Yesu welili yihayamisha yayivulu neyi iyi kulonda kumwekesha nawu yena hiMwana kaNzambi. Ʊovu ja Yesu jinatweshi kutukwashaku ninetu nawa.

Mwevulu wamwikumi nayitanu nawumu: Yesu hiyakumukabisha
Yesu wakoƱeli yuma yakuhamisha yayivulu dichi niantu amavulu amulondelelaƱa. Yesu wadiƱi nawushona. Wokili akata nakutaƱisha mazu a Nzambi. Wejili nakwamwina ajimbala antu akwanshidi. Hela chochu antu atama aheleli Yesu chataƱishileƱayi nindi hiyakwanshidi. Anlomboli jawantu amutiyilili Yesu ichima. Hiyamwitiyili nawu Yesu wadiƱi mwana ka Nzambuku. Amukwatili, amutwambilili nakumweta nawa. Ashili chibaƱula chanyiƱa kumutu windi, amufwijilili mazeƱi nakumuseha. IlaƱa Yesu hayikaƱesheluku. Welukili nindi yumiyi chiƱa yimwekana hadi yena. Wayitejeli antu atama kumukatisha nakumujaha. Wenjili nakufwa ekali mulambu kudi Nzambi wakufumisha nachi kubabesha nikuzuwa muloƱa wanshidi jawantu ejima.

Mwevulu wamwikumi nayitanu nayiyedi: Hiyakujaha Yesu
Mwanta Yesu amupopeleli kumutondu wakusempashana. Kulusu yeniyi ayimikili mwiwulu yinafumi heseki iku Yesu anamukudiki ninochu chafwiliyi. Ambanji ayedi niwena ayipopeli nakuyikudika munjila yeniyi chimu na Yesu. Mumafukowu chadiƱi chaaku chakujahaƱa ambanji munjila yeniyi yasweja kutama nikukala. IlaƱa Yesu helili chuma nichimu chatamaku. wabalumukili kwikala mulambu wakufweta nshidi jawantu ejima. Wejima wetu tunavulumuni nawa twatelela kufwa muloƱa wanshidi jetu. Yesu watambwili kubabesha kwanshidi kutwateleleli etu kutambula. Neyi tukwiteja netu tudi akwanshidi nakubalumuka chalala kufuma mu nshidi, Nzambi wukutwanakena nakututookesha kunshidi yetu. Mwitiyenu nakumutambula Mwanta Yesu Kristu yena wukuyamwina.

Mwevulu wamwikumi nayitanu nayisatu: KusaƱuka
Ayilumbu ja Yesu atoƱojokeli nawu anamukisaƱani dehi, ilaƱa komana hidimuku! Chafwiliyi Yesu ha kulusu, amabwambu jindi anoneni mujimba windi wafwa nakuwujiika mwiyeƱu. Hiyakwenzela kuchinsu cheyeƱu nelola dadineni. Mafuku ayedi chiya hitiluwu, hefuku damuchisatu Yesu wasaƱukili mukufwa. Chenjiluwu ambanda kwijamu aweni ilola dakulaƱumuna ni Yesu wafumamu dehi waya dehi. AtuƱelu ayedi adiƱi kwenoku ayilejeli nawu Yesu wamumi. Hadi munuku. NasaƱuki. ChasaƱukiliyi Yesumukufwa chalumbulukili chikupu nawu hiNzambi. Yesu wuchidi wamumi nilelu cheƱi wudi naƱovu jakubadika Satana ni kufwa.

Mwevulu wamwikumi nayitanu nayiwana: Tomasi hakwitiya
ChasaƱukiliyi Yesu mukufwa amabwambu jindi amavulu amumweni, ahosheli nindi adili nindi nawa. Tomasi, ibwambu da Yesu hetiyili nindi Yesu chalala wasaƱuki mukufwa wudi wamumiku. Wahosheli nindi, ChiƱa nimona yibata yambwambu nikwatamu, neyi nehi hinukwitiya kwamuku. Tunamoni mumwevulu Yesu wenjili nakudimwekesha kudi Tomasi nakumuleja niyibata yindi. Tomasi hajinokeli nawa cheƱuku. Wadumbilili kunyendu yaYesu nakuhosha nindi, Eyi Mwanta wami eyi Nzambi. Yesu mindi Anakoleki ana anankuhweleli chakadi kunmona.

Mwevulu wamumakumi ayedi: Yesu hakuya mwiwulu
Mumafuku makumi awana kufuma hasaƱukiliyi Yesu, wadimwekesheli kudi antu amavulu mpinji jajivulu. Antu amavulu amumweni nawu wamumi. Mpinjoyu Yesu wadiloƱesheli kulonda kufunta cheƱi kudi Tata yindi mwiwulu. Wamanishili mudimu wenjililiyi.

Yesu wayilejeli atumbanji twindi kuleja antu iyi nsaƱu yayiwahi. Atumbanji adiƱi nakumutala Yesu yileƱayi mwiwulu. AtuƱelu ayedi amwekeni alejeli atumbanji nawu ifuku dimu iwu Yesu atweluwu mwiwulu wakenza neyi chochenochu chamumwenuwu nakuya mwiwulu. Henohu mpinji yakufunta kanda Yesu washakama mwiwulu. NkauloƱesha iluƱa danawa anamwitiyi awa anakumulonda. Indochi eyi mukwetu Ʊahi? Wukumwitiya nakumulonda Yesu? WunadiloƱeshi kuya nakuhumaƱana nindi?

Mwevulu wamakumi ayedi nawumi: Kulusu
Yesu wafwililidi hakulusu? Yesu wafwili kulonda kwamwina akwanshidi kuwuloku wanshidi. Anukenu, mashi a Yesu Kristu, Mwana ka Nzambi atutookeshaƱa kunshidi jejima. Yesu havulumwiniku, ilaƱa wafwili kulonda asendi nshidi yatwam yatwambulaƱa na Nzambi. Kulusu yatwanukishaƱa nawu Yesu wadiƱ wakadi ihuji, wajila, wakadi nshidi, wutooka, mwana kamukoku waNzambi walambwiliyi hadetu. Chitukumwitiya Yesu nakubalumuka mumchina nakufutalela nshidi, nshidi jetu akutwanakena kudi Nzambi. Yesu watubalumunaƱa, kwikala anyana kaNzambi. Nyevulu yinalondeli yikuyikwasha mwiluki chichalumbuluka kwikala mukwakwitiya hela mukwaKristu.

Mwevulu wamakumi ayedi nayiyedi: Njila Jiyedi
Yesu wataƱishili nindi kwekala njila jiyedi. Muntu wejima chakusemukayi wekala munjila yabwambwaƱana yanshidi yaya kukujilumuka mukaluƱa. Etu ejima tukweti muchima wanshidi twatambwili kudi Adama. Yesu naƱi etu kwiƱila munjila yanyanya yaya kudi Nzambi mwiwulu. Neyi muntu, muwumi wunu etiya Yesu nakumulonda, natambuli wumi wahaya nyaka. Muntu owu nafumi munjila yabwambwaƱana neƱili munjila yanyanya yaya kwiwulu. Hikwekala kusompesha hamuloƱ wanshidi kudowu adi munjila yanyanyaku.

Chuma chiwukutonda: Neyi wunakeƱi kumulonda Yesu, hoshaku kudi Nzambi neyi: Nzambi, neteji nami nimukwanshidi. Netiyi nami Yesu wafwili hakulusu kulonda kufweta wuloku wanshidi yami. Ʊanakeni nakuntookesha nimuchima wami wuƱilishi kwikala mwaneyi. NakeƱi kulonda Yesu nakumuhandila muwumi windi, kufuma mukufwa nakashakami naneyi mwiwulu. Nakusakilili eyi Nzambi.

Neyi wunetiyi chalala nakulomba chochenichi, wuneƱili munjila yanyanya yoyinjila yamuzaƱalu nakuwunda naNzambi.

Mwevulu wamakumi ayedi nayisatu: Anyana kanzambi
Yesu namwekani nakutambwila antu akunyichidi, akunyunza na madimi eƱi na eƱi. Anamukuhweleli nakwikala anyana kaNzambi. Adi munjila yanyanya yaya kwiwulu. Antu aNzambi ekala neyi chisaka ejima adinuƱa hamu mudi Mwanta Yesu.

Mwevulu wamakumi ayedi nayiwana: Kuvwalika chachiha
Ifuku dimu nawufuku nkuluƱaƱa yawa Yudeya Nikodemu wayili kudi Yesu nakudiza yuma ya Nzambi. Yesu wamulejeli nindi yowu wukukeƱa kukundama kuchisaka chaNzambi hela kuya mwiwulu chiƱa ekala nawumi wawiha. Chidi neyi kuvwalika kamuchiyedi. Hitwekala naƱovu jakudibalumuna etu awenuku. Spiritu Wajila waNzambi watwinkaƱa wumi wawiha chitukwitiya nakumulonda Yesu. TwekalaƱa antu amaha, antu/anyana kaNzambi.

Mwevulu wamakumi ayedi nayitanu: Kwinza Spiritu Wajila
Awa mayala hiyamabwambu ja Yesu (atumbanji). ChayileƱayi Yesu mwiwulu wakanini kutemesha Spiritu Wajila hadi wena. Chafuntili Yesu mwiwulu mwahitili mafuku ikumi iku atumbanji twindi anadikuƱulwili hamu mwiluna dimu.

Hakadi kuleha Spiritu Wajila waNzambi wenjili nakuyinzesha wejima wawu neyi chayikaniniyi dehi. Awa antu atambwili Ʊovu jakuhosha mumadimi acheƱi nakulejam akwawu yuma yayiwahi yayilililiyi Nzambi. Spiritu yaNzambi washakamaƱa mudi akwakwitiya ejima alala niakwakumulonda Yesu nakuyinkaƱa Ʊovu jakumukeƱa nakumwovwahila Yesu.

Mwevulu wamakumi ayedi nayitanu nawumu: Kwenda mu chejeji
Henohu muntu kanda amwitiyi Yesuku, wekala neyi iwu iyala mumwevulu wakuchimunswa wunakwenda mumwidima. WahukanaƱa nakudimbuka munshidi muloƱa hakweti chejeji chakumulombolaku. Chitukumukuhwelela yesu Kristu twekalaƱa neyi iwu iyala wunakwenda munjila yoloka mwifuku damwaana. Yesu nindi, Yami chejeji champata yinu. Neyi muntu wukunlonda hakwenda nawa mumwidimaku. Nzambi wahanaƱu Spiritu yindi wajila kulonda kukwasha nakutaƱisha akwakwitiya ejima njila jawumi windi.

Mwevulu wamakumi ayedi nayitanu nayiyedi: Kwovwahila izu da Nzambi
Mukwakwitiya/mukwaKristu wekala mudi Yesu Kristu himuntu wamuha cheƱi wovwahilaƱa izu daZzambi. WasakililaƱa nindi Nzambi namwanakeni nshidi yindi. Mukwakwitiya helaƱa wuvumbuku hazuƱaƱa hela kubobola nawakwawuku, heyaƱaku hela hapeshaƱa akishiku hela anzambi acheƱi hela akwakuzakukaku. Spiritu Waliji wenkaƱa mukwakwitiya Ʊova yakufuma kuyuma yatama nakwila yuma yayiwahi.

Mwevulu wamakumi ayedi nayitanu nayisatu: Chisaka chawa kwaKristu
Talenu ichi chisaka chinakwenda munjila ya Nzambi. Iyala wakeƱa iƱodindi nimumbanda walemeshaƱa nfumwindi neyi chinahoshi izu da Nzambi. AdikwashaƱa nakudikolesha wumu na mukwawu nakutaƱisha anyanawu kukeƱa Nzambi, kudiza mazu indi nakuyovwahila. Chisaka chawakwaKristu atela kulomba nakukalakela Nzambi hamu.

Mwevulu wamakumi ayedi nayitanu nayiwana: KeƱenu ayilumbu Jenu
Yesu walejeli atumbanji twindi kukeƱa antu ejima ni ayilumbu jawu. Twatela kukwasha muntu wejima wudi mukukala niantu amuchidi wacheni. Yesu washimwini nsaƱu ye yala wumu eteluwu nakumubuwa kudi amakombi. Muntu wakmuchidi wacheƱi waweni iwu muntu akatishiluwu chatama. Yena wamukwashili nakumuhemba ona iyala akatishiluwu muloƱa wadiƱi mukukala. Hamulombeli wufwetuku. Yesu nindi ninetu twatela kwilaƱa yuma yayiwahi neyi yeniyi nawa.

Mwevulu wamumakumi asatu: Yesu nkawindi diyi wasweja Ʊovu
Awa amayala anakwocha ankishi ni malembu ayitumbu. Hatachi akuhweleli yumiyi henohu kanda amukuhweleli nakumulonda Yesuku. IlaƱa akwaKristu chiƱa ashiya yuma yejima yakundama kudi Satana nawa spiritu atama. Mwanta Yesu wasweja Ʊovu jakubadika Satana, aspiritu atama, akishi, nimalembu ayitumbu. Etu akwakwitiya hitwatela kumutiya Satana womaku. Twatela kulomba Nzambi nkawindi kulonda atukwashi nakutuhemba.

Mwevulu wamumakumi asatu nawumu: Kufumisha aspiritu atama
Muniwu mwevulu tunamoni iyala wenzala nakuyulewa kudi a spiritu atama. Hiyatwesheli kumukasa nanyonji nimaleƱiku muloƱa aspiritu atama (andemoni) adiƱi mudi yena aswejeli Ʊovu. Yesu wayilejeli aspiritu atama adiƱi mudi yena kufuma niwena amufuma nikumufuma. Ovwahilili Yesu nanochi chamubadikayi Satana Ʊovu niwena nawa. Iwu iyala amufumishili aspiritu atama, aya ninakuleja amabwambu jindi yuma yamwilililiyi Yesu. Yesu wasweja Ʊovu kubadika diyabolu niaspiritu indi atama ejima, dichi chiyatela kumwovwahilawu yena. Chuma wukutonda: Neyi akukabishaƱa kudi a spiritu atama lejaku akwakwitiya wulombi nawu akulombeleli.

Mwevulu wamakumi asatu nayedi: Kumulondela Yesu
Iwu mwevulu wunamwekeshi mukwakwitiya anakumutesha kulonda aleki kumulondela Yesu. Satana nakeƱi etu tuvulameni Nzambi tutachiki kutoƱojoka jamali, yakuvwala, makanya, walwa niyuma yikwawu. Satana wahoshaƱa nindi yena yumiyi yikutuzaƱalesha, ilaƱa awa himakudi. Satana himukwakutwamba wesekaƱa kutudimba atukisaƱani. IlaƱa Nzambi nahoshi nindi, DikaƱenu naDiyabolu niyena wukuyitemuka. Nzambi diyi Tata yetu wamwiwulu. Weluka yuma yakeƱa anyanindi dichi nayikani kuyinka yuma yayiwahi wena ana akumulomba. Neyi tunakuhweleli Nzambi nakwovwahila Mwanindi Yesu tukwikala nuƱovu jaNzambi. mumpinji jakututesha nawa.

Mwevulu wamakumi asatu nasatu: Neyi Tunavulumuni
Yesu washimwini iyi nsaƱu nindi: Mukwenzi weyala wafumini hamukala wamu nakuya kwakulehi nakwila yuma yatama. WakisaƱeni mali ejima amwinkeli tata yindi, welili wuvumbi nakushakama chihandilu chatama.

Chamanini mali indi ejima, nzala yakapwendendi yaholokeli mwituƱodu niyena abalumuka nikazweƱi ninzala yimukwata nikumukwata.

WaneƱeli hama nanochi chavulumwiniyi ninochu wafuntili kudi yindi nakulomba nindi amwanakeni. Nanochi chamukeƱeliyi tata yindi nankashi wamutambwili cheƱi mwitala dindi. NsaƱu yinu yinakutuleja nawu neyi tunavulumuni, twatela kutiya kutama, kuditejela nshidi yetu kudi Nzambi nakubalumuka nakuyileka. MuloƱa Nzambi wasweja kutukeƱa nankashi wukutwanakena nshidi yetu nakututambula cheƱi mukukundaƱana nindi yomweni cheƱi.

Mwevulu wamakumi asatu nawana: Yikatu
Iwu iyala namumbanda anamwekani kuhomba muloƱa ntaƱa yawu wakata nankashi. Athu ja Nzambi, atela kwila Ʊahi neyi akata? Atela kulomba kudi Nzambi nakukuhwelela nawu Nzambi wukwila yuma yejima yayiwahi. Nzambi natweshi kuuka iwu iyala wakata neyi dimu munayi muchima windi, hela kumukwasha kuwana yitumbu yatelela. Nzambi watukeƱa nawa wayulaƱa yuma yejima yamwekanaƱa kudi anyanindi. Nzambi wakiƱaƱa mukwakwitiya kudi Satana, dichi hitwatela kumutiya womaku, ilaƱa tukuhwelelenu Yesu kutuhemba. Yesu wudi nanetu kulonda atwinki kuwunda mumpinji jakukala.

Mwevulu wamakumi asatu nayitanu: Kufwa
Wejima wetu tuneluki netu ifuku dimu twamba kafwa. IlaƱa chumanyi chamwekanaƱa kufuma henohu? Neyi mukwakwitiya nafwi, Spiritu (wumi) yindi yayaƱa nakushakama na Mwanta Yesu Kristu. Mukanda waNzambi washimunaƱa nawu twayaƱa nakushakama na Yesu. Amabwambu janowu nafwi niamukeƱa hiyatela kusweja kuneƱaku.

Hitwatela kutiya woma wakufwaku muloƱa tuneluki netu Nzambi watukeƱa nawa natwamwini kunshidi. Abula kwitiya hiyakweti chikuhweleli chachiwahi neyi ichiku, hiyakamona wumi wa Nzambi neyi anafwi dehuku. AyaƱa kwiluƱa dakubabeshela antu. Wakaya kudihi neyi wunafwi?

Mwevulu wamakumi asatu nayitanunawumu: Mujimba wa Kristu
Hanu tunamoni yidi yamujimba yambokamboka. Chidi hi chidi chikweti mudimu wachi chakalakalaƱa. Dinsu dakutala nachi, itu dakutiya nachi, kanwa kakuda nachi nikuhosha nachi. Yidi yamujimba yakalakelaƱa hamu. Neyi chidi chimu chakata hela anachikatishi mujimba wejima wakabakanaƱa (wachitiyaƱa). Nzambi nindi akwawitiya hiyidi yamujimba wumu (watenaƱawu nawu chipompelu). Yesu diyi mutu wamujimbowu. Nzambi wukweti mudimu wamukwakwitiya wejima watela kukalakalayi, wudi neyi kutaƱisha, kuleja yuma yaNzambi, kwimba nakuhameka, kudima kulonda kudisha chisaka hela kuteleka yakuda yawu. Muntu wejima chiƱa akalakeli Mwanta Yesu kulonda kukwasha mujimba wejimu wa Yesu kwikala wakola. Akwakwitiya ejima atela kudikeƱa wumu namukwawu nakuzatila hamu neyi nehi mujimba waKristu wukukabakana.

Mwevulu wamakumi asatu naatanu nayiyedi: Kupompa hamu
Akwakwitiya ejima atela kupompaƱa hamu mafuku ejima nakumuhameka Nzambi. Twatela kudiza mu mukanda wa Nzambi didu izu da Nzambi, kwimba tumina nikulomba. Twatela nawa kuleta yamukunkulu yamudimu wa Nzambi. Nzambi nawa watulejaƱa kwana kanaƱa kufwa kwa Mwanat Yesu kwatufwililiji. Henaha yunamoni akwakwitiya hiyakwa-nzaƱana dinkendi ni yakunwa (vinyu) wejima wawu. Dinkedi datwanukishaƱa mujimba waYesu watufwilili hakulusu. Vinyu yatwinyikilaƱa mashi indi apwekeli kulonda kututookesha nachi nshidi jetu nakutukundamisha kwakwihi na Nzambi. Twanukenu kufwa kwindi hadetu kulonda tumukeƱenu nanyichima yetu yejima.

Mwevulu wamakumi asatu nayitanu nayisatu: Yesu wamba kenza cheƱi
Mumpinji yaNzambi yaloƱeshayi dehi, Yesu wakafunta kufuma mwiwulu neyi chakaniniyi. Wakenza nakusenda akwakwitiya ejima alala (Chisaka chaNzambi). Mwanta Yesu wakasaƱula antu aNzambi ejima afwili dehi nimajamu awu mwakekala mwamukunkulwayi. Antu aNzambi achidi kuhanda amba kayihukula chimu nawu. Akwakwitiya ejima akahumaƱana na Mwanta Yesu muluzwizu cheƱi akashakamaƱa nindi haya nyaka na nyaka. Abula kwitiya akashala hanyima kulonda kumona kusompesha kwazuwa kwa Nzambi. Hituneluki mpinji yamba kafuntayi Yesuku, ilaƱa twatela kwikala adiloƱesha mpinji yejima nakuhembelela. WunadiloƱeshi kuhumaƱana na Mwanta Yesu neyi afunta dalelu, tahindi?

Mvevulu wamakumi asatu nayitanu nayiwana: KusoƱa niykabu
Neyi chiwunakusoƱa mutondu wanyikabu mumwevulu wunu, dichi chatela mukwaKristu kusoƱa nyikabu yaSpiritu wajila. Yesu wahosheli nindi, Ami yami muvinyu. Enu mudi nyitayi. Neyi mushakama mudami ninami mudenu mukusoƱa nyikabu yayivulu. Spiritu Wajila wa Nzambi washakamaƱa nakukalakala mukachi kanyichima yetu kulonda kusoƱa nyikabu ya KukeƱa, MuzaƱalu, Kuwunda, Kukaba-kabe-e, Luwi, Kuwaha, Kushinshika, Kwovwaha ni kudihemba mukuhanda kwetu. Neyi nyitayi yamutondu kusoƱa nyikabu nehi, aiyketulaƱa, yomaƱa ayochaƱa. Akwakumulonda Yesu atela kusoƱa nyikabu yayivulu, yayiwahi yamuchidi neyi iyi tunakutena kukeƱa niyikwawu nawa yalemeshaƱa Nzambi Tata wa mwiwulu twasweja kukeƱa.

Mwevulu wamakumi awana: Kuleja antu amakwawu
Yesu walejeli akwaKristu etiya ejima kuya nakuleja amakwawu nsaƱu yayiwahi yaYesu kulonda niwena ayamwini kunshidi nikaluƱa. Mwevulu iwu wunamwekeshi mukwakwitiya wunakwovwahila Yesu nakuya nakuleja antu amakwawu nsaƱu ja Yesu. Spiritu ya Nzambi Wajila wukutukwasha (nakutwinka Ʊovu) kwikala ayinsahu a Kristu Yesu. Wunatweshi kulumbulwilaku amabwambu jeyi niantu amakwawu yuma yiwunadizi mumukandiwu wanyevulu.