unfoldingWord 22 - యోహాను జననం
План-конспект: Luke 1
Номер текста: 1222
Язык: Telugu
Aудитория: General
Жанр: Bible Stories & Teac
Цель: Evangelism; Teaching
Библейская цитата: Paraphrase
статус: Approved
Сценарии - это основные инструкции по переводу и записи на другие языки. Их следует при необходимости адаптировать, чтобы сделать понятными и актуальными для каждой культуры и языка. Некоторые используемые термины и концепции могут нуждаться в дополнительном пояснении или даже полностью замещаться или опускаться.
Текст программы
గతంలో, దేవుడు తన ప్రవక్తలతో మాట్లాడాడు కాబట్టి వారు తన ప్రజలతో మాట్లాడగల్గారు. అయితే 400 సంవత్సరాలు గడచిపోయాయి, ఈ కాలంలో ఆయన వారితో మాట్లాడలేదు. అప్పుడు దేవుడు జెకర్యా అనే యాజకుని వద్దకు ఒక దేవదూతను పంపాడు. జెకర్యా అతని భార్య ఎలిజబెత్ దేవుణ్ణి ఘనపరచారు. వారు బహుకాలం గడచిన వృద్ధులు. వారికి పిల్లలు లేరు.
దేవదూత జెకర్యాతో ఇలా అన్నాడు, “నీ భార్యకు కుమారుడు పుడతాడు, అతనికి యోహాను అను పేరు పెడతారు. దేవుడు అతనిని పరిశుద్ధాతతో నింపుతాడు, మెస్సీయను స్వీకరించడానికి యోహాను ప్రజలను సిద్ధపరుస్తాడు! జకర్యా ఇలా స్పందించాడు, “నేనునూ, నా భార్యయూ బహుకాలం గడచిన వృద్దులం, మాకు పిల్లలు కలగడం అసాధ్యం, నీవు సత్యం చెపుతున్నట్టు నాకు ఏవిధంగా తెలుస్తుంది?”
దేవుని దూత జకర్యాతో ఇలా జావాబించ్చాడు, “ఈ శుభవార్త నీకు చెప్పడానికి దేవుడు నన్ను పంపాడు, ఈ మాటలు నీవు నమ్మలేదు కనుక నీకు కుమారుడు జన్మించేంత వరకూ మాట్లాడక మౌనివైయుంటావు.” వెంటనే జకర్యా మాట్లాడలేక మౌనంగా ఉండిపోయాడు. అప్పుడు దూత జకర్యాను విడిచి వెళ్ళాడు. జకర్యా తిరిగి తన ఇంటికి వెళ్ళాడు, అతని భార్య గర్భవతి అయ్యింది.
ఎలిజెబెత్ ఆరు నెలల గర్భవతిగా ఉన్నప్పుడు గబ్రియేలు దూత ఎలిజెబెత్ బంధువు వద్దకు వచ్చాడు. ఆమె పేరు మరియ. ఆమె కన్యక. యోసేపు అను పురుషునితో ప్రధానం చెయ్యబడింది. దేవుని దూత మరియతో ఇలా చెప్పాడు, “నీవు గర్భం ధరిస్తావు, నీకు ఒక కుమారుడు జన్మిస్తాడు. ఆయనకు యేసు అను పేరు పెడతారు. ఆయన సర్వోన్నతుడైన దేవుని కుమారుడు అనబడతాడు, ఆయన యుగయుగములు రాజ్య పాలన చేస్తాడు.”
మరియ ఇలా జవాబిచ్చింది, “ఇది ఎలా జరుగుతుంది, నేను పురుషుని యెరుగని దానను కదా?” దేవుని దూత ఇలా వివరించాడు, “పరిశుద్ధాత్మ నిన్ను కమ్ముకొంటాడు, దేవుని శక్తి నీ మీదకు వస్తుంది.” దేవుని దూత చెప్పినదానిని మరియ విశ్వసించింది.
ఇది జరిగిన వెంటనే, మరియ ఎలిజబెతు వద్దకు వెళ్లింది. మరియ ఆమెకు వందన వచనం చెప్పగానే, ఎలిజెబెత్ గర్భంలోని శిశువు ఆనందంతో గంతులు వేశాడు. వారి పట్ల దేవుడు చేసిన ఘనమైన కార్యాలను బట్టి వారు కలిసి ఆనందించారు. మరియ అక్కడ మూడు నెలలు ఉన్నతరువాత తిరిగి తన స్వగ్రామానికి తిరిగి వెళ్లింది.
ఎలిజెబెత్ కు కుమారుడు పుట్టిన తరువాత జకర్యా, ఎలిజెబెత్ లు దేవుని దూత వారికి ఆజ్ఞాపించిన విధంగా ఆ బాలునికి యోహాను అని పేరు పెట్టారు. అప్పుడు దేవుడు జకర్యాకు మాటను ఇచ్చాడు. అప్పుడు జకర్యా ఇలా చెప్పాడు, “దేవునికి స్తోత్రం, సహాయం చెయ్యడానికి ఆయన తన ప్రజలను జ్ఞాపకం చేసుకొన్నాడు! నా కుమారుడా నీవు సర్వోన్నతమైన దేవుని ప్రవక్తవు అవుతావు. ప్రజలు తమ పాపాలకు క్షమాపణ పొందడం గురించి నీవు ప్రజలకు తెలియజేస్తావు!”