Tara, Puratena & Hupa Embo 2 Omurumendu Omunamasa Wandjambi

Garis besar: Jacob, Joseph, Moses. 24 sections. It has a picture book to go along with the recording.

Nomor naskah:419
Bahasa:Herero
Tema:Law of God; Multiple themes
Pengunjung:General
Gaya:Monolog
Jenis:Bible Story
Kecanggihan:General
Tujuan:Teaching
Kutipan Alkitab:Paraphrase
Status:Publishable

Isi Naskah

Omatjiukisiro

Mamu minikwa. Mamu tjiwa Ndjambi Umwe wOuatjiri? Kurama mbi mu raere ohunga nomurumendu umwe ngwe Mu tjivirwe. Tara koviperendero mbi ri membo eorindja ngunda a mo puratene koteipa. Tanaura kotjiperendero tjarwe tji wa zuu ombosiro.

Otjiperendero 1: Ovazandu Omwangu Nerumbi

Otjiperendero 1: Ovazandu Omwangu Nerumbi

Genesis 25:21-34, 27:1-29

Ovazandu vevari omwangu nerumbi mba mbe ri motjiperendero hi mave tyasana. Ingwi omunene ngwa ri nena Esau wa ri omuyeve omunene. Jakob ngwa ri omwangu womukwao wa terekere ovikurya oviwa. Esau tja za mokuti wa ri a tondjara tjinene na ningire ovikurya ku Jakob. Jakob wa tja nai ku Esau: " Rutenga randisa ousemba wourumbi woye ku ami." Eye wa vanga eta nda sere okuyenda kerumbi re Esau. Esau kari na ko na tja neta. Eye we ripura nondjara ye uriri. Eye otja randisa ousemba we wourumbi kotjiyaha tjimwe tjovikurya. Ena ra Jakob mari hee kutja omunavineya neye mongarero ye aruhe aa tjiti ovineya kovandu varwe. (Kombunda Jakob wa tjita ovineya ku ihe wina)

Otjiperendero 2: Oruroto Rwajakob

Otjiperendero 2: Oruroto Rwajakob

Genesis 28:10-22

Esau wa tondere Jakob nu wa vanga okumuzepa, okutja Jakob wa tupuka okuzapo ponganda yawo. Eye wa muna Ndjambi meyuru novaengeli va Ndjambi amave heruka pehi. Ndjambi wa tja nai ku Jakob, "Ehi ndi mu wa rara me ri yandja kove na kozondekurona zoye. Ozondekurona zoye maze teki poruuma rwehi." "Ovandu avehe kombanda yehi mave serwa ondaya mena roye nozondekurona zoye. Ami me kara puna ove, nu me ku tjevere akuhe ku mo i. Nu Ami me ku kotora mehi ndi, nu himee ku esa nga tji mba yenenisa avihe, mbi mbe ku raera." Ndjambi wa tjivirwe kutja Jakob omuworise nungwari Ndjambi wa suverere Jakob nu iya vanga okumutanaura. Punao Ndjambi ope mu pera omakwizikiro omahimise ngo.

Otjiperendero 3: Jakob Na Laban

Otjiperendero 3: Jakob Na Laban

Genesis 29:1 - 31:55

Jakob wa kara ama tjiti ovineya kovakwao, nungwari ovandu varwe wina rumwe aave mu tjiti ovineya. Jakob wa ya okukaungura pongundwe, Laban. Eye wa vangere okukupa Omuatje wa Laban ingwi omwangu wena Ragel. Eye we mu ungurira ozombura hambombari okumuna Ragel otja otjisuta. Laban we mu tjita ovineya ne mu kupisa kuna omuatje ingwi omunene. Laban wa ungurisa Jakob ozombura zarwe hambombari okumupa Ragel. Jakob wa tjita ovineya ku Laban. Eye wa kambura ovinamuinyo avihe imbi oviwaviwa morupanda rwaLaban. Kuzambo Ndjambi otja raera Jakob nai, Yaruka kehi rooiho na kovazamumwe voye nami me kara puna ove.

Otjiperendero 4: Jakob Ma Hakaene Na Ndjambi

Otjiperendero 4: Jakob Ma Hakaene Na Ndjambi

Genesis 32:1-32

Jakob iya vanga okuyaruka konganda nungwari eye iya tira Esau mena rokutja auhe ngu tjita ovineya uhupa mondira yokutja omundu ingwi owarwe u nongore na ye. Outuku umwe Omundu umwe we ya ku Jakob, eye ngunda ari mondjira okuyenda konganda. Omurumendu ngwi wa kondja kuna Jakob outuku auhe. Eyuva tji ri ri pokupita omurumendu ngwi wa pihura ondo yaJakob. Jakob opa mwina kutja Omurumendu ngwi oNdjambi. Jakob ka yenenene okurwa rukwao komeho na tja: "Ami himee Ku esa, ngunda au hiye ndji sera ondaya." Nomurumendu wa tja ku Jakob, "Ena roye kari tji nakurira Jakob rukwao, nungwari Israel. " Israel mari heye kutja wa kondja na Ndjambi." Ndjambi we ya okuyekungundiparisa Jakob ingwi omunavineya kutja ma yenene okumutanaura. Israel wa y aruka komuhoko we mohange. Eye wa rira ihe yomuhoko omunene wovandu mbe karera Ndjambi. Mapanga, ete aruhe tu kara notjirwa kuna ozondjira zaNdjambi tji matu tjiti ovineya kovakwetu, nungwari Ndjambi wa hinda Omundu ngu ma yenene okututanaura. Eye onguri Muhona Jesus Kristus.

Otjiperendero 5: Oruroto Rwajosef

Otjiperendero 5: Oruroto Rwajosef

Genesis 37:1-11

Jakob, ngwa karira Israel, wa ri novanatje ovazandu omurongo navevari Josef wa ri omuatje we omuingona. Jakob wa yandja ombanda ombwa ku Josef. Omarumbi wa Josef ya teruru na ye. Outuku umwe Josef wa rota. Tjazumba otja raera omarumbi ve, "Purateneye oruroto ndu mba roto. Tareye, atuhe twa ri mehi romakunino amatu kutu omikuta vyovikokotwa. Nomukuta imbwi owandje wa kurama oseka, nu imbi ovyenu vya kurama okukondoroka imbwi owandje navi ripete ku wo." Omarumbi ve va pindika tjinene. Oruroto ndwi maru hee kutja owo va sere okurikotamena komwangu wawo? Owo va tondere Josef nu iyave paha omuano mbu mave mu hihamisa nawo.

Otjiperendero 6: Josef Wa Randisiwa

Otjiperendero 6: Josef Wa Randisiwa

Genesis 37:12-36

Omarumbi wa Josef vari amave risa ozonyanda zawo kokure nonganda. Jakob wa tja nai ku Josef, "Twende u katare omarumbi woye kutja ve ri nawa nozonyanda, nu u kotoke okundjiraera." Omarumbi ve tji ve mu muna ame ya ku wo, otji va tya okumuzepa. Owo ve mu yeka ombanda ye ndji ombwa nave mu yumbu mondjombo ndji hina meva. Oruveze ndo pa kapita ovarande. Umwe womarumbi ve wa tja, Matu mwine po tjike mokuzepa omwangu wetu? Ngatu mu randise. Omarumbi ve opu ve mu randisira koviselveri omirongo vivari. Kuzambo va tunda ombanda yaJosef mombindu yongombo nave i twara ku ihe. Jakob we ripura kutja Josef wa ta i yovipuka vyokuti. Eye wa rira omuzandu we noruhoze orunene.

Otjiperendero 7: Josef Nomukaizendu Omuvi

Otjiperendero 7: Josef Nomukaizendu Omuvi

Genesis 39:1-20

Ovarande va karandisa Josef mehi raEgipte. Eye wa karira omukarere womukazendu waPotifar. Potifar wa ri omuungure omunene wombara yaEgipte. Ndjambi wa kara puna Josef nu wa kara nondoneno mu avihe mbiya ungura. Kombunda yoruveze orusupi Josef wa pewa otjihako tjokombandambanda mondjuwo yaPotofar aihe. Josef wa ri omurumendu woviungura oviwa. Omukazendu waPotifar wa nanukirirwe i Josef. Eye wa kondja okuninikiza Josef kutja ve rare pamwe. Josef wa tjivirwe kutja ka sere okutjita otjina otjivi ho, okutja wa panda. Eye wa tupuka okupita mondjuwo nungwari omukazendu waPotifar wa hakana ombanda ye. Eye wa twara ombanda ndji komurumendu we na kuminine Josef kutja wa hara okumutjera. Potifar otja hitisa Josef mondorongo.

Otjiperendero 8: Josef Motjovakamburwa (Ondorongo)

Otjiperendero 8: Josef Motjovakamburwa (Ondorongo)

Genesis 39:20 - 40:23

Ndjambi wa kara pu Josef nandarire kutja eye wa ri motjovakamburwa. Karure Josef wa pewa otjihako tjokombanda yovakwao. Omukarere wombara ngwa ri omuhambune womavinu wombara nomutereke wozomboroto wombara wina va umbwa motjovakamburwa. Outuku umwe owo aveyevari va rota. Owo ve ripura kutja kapena umwe ngu ma yenene okumangurura oturoto twawo. Josef we ve raera nai, "Omamangururiro katjiungura tjaNdjambi are? Ndji raereye oturoto twenu." Ovakarere mba otji va raera Josef, "Moruroto rwandje mba munu omuvite mbwa ri notutavi. Ami e tiza otjinwino tjafarao ne nikora inga omapunda ne ye kamene motjinwino, narire tji mba yandja ku Farao." Josef otje mu raera omaheero woruroto, a tja, "Kombunda yomayuva yetatu Farao me ku yarura motjiungura tjoye rukwao." Omutereke wina wa serekarera Josef oruroto rwe, nungwari eye wa raerwa kutja ma tu kombunda yomayuva yetatu. Omuhambune wa pitisiwa nungwari omutereke wa zepewa otja Ndjambi pa raisa ku Josef: nungwari Josef wa sewa motjovakamburwa oure wozombura mbari.

Otjiperendero 9: Oruroto Rwombara

Otjiperendero 9: Oruroto Rwombara

Genesis 41:1-40

Kombunda ombara yaEgipte ya kara noruroto. Wa muna ozongombe ozondendu hambombari nda nuna munda mbwina nondondu. Ozongombe hambombari ozondendu za za mondondu na ze ri inda ohambombari ozondune. Kapena umwe ngwa yenena okuraera ombara omaheero woruroto rwe. Kuzambo omukarere ohongora wombara otja raera ombara ohunga na Josef. Ombara wa pitisa Josef mondorongo. Josef wa raera ombara omaheero woruro na tja: "Ndjambi wa raere ku Farao imbi mbi ma tjiti. "Mamu kara ozombura hambombari zondjoura novikokotwa ovingi moEngipte. Kombunda yanao mamu kara ozombura hambombari zourumbu. Toorora omurumendu omunazondunge nonongo nu u mu twe po okutjevera ehi raEngipte. Nu Farao wina nga zike ovatjevere vehi kutja ve wonge ovikurya ngamwa avihe moure wozombura nda ozombwa ndu maze ya, nu ve pwike ovikokotwa movihuro nokuvitjeverera ozombura nda hambombari zourumbu." Ombara ya muna kutja Ombepo yaNdjambi i ri mu Josef, otje mu zika otja omutjevere wehi arihe Engipte.

Otjiperendero 10: Omananeno Wajosef Moengipte

Otjiperendero 10: Omananeno Wajosef Moengipte

Genesis 41:47 - 42:28

Mozombura nda hambombari zondjoura mu Engipte, Josef wa pwika ovikokotwa ovingi. Ozombura zourumbu tji zeya, eye wa randisa ovikokotwa kovandu vaEngipte. Mu Kanaan wina mwa ri nourumbu. Omarumbi omurongo vaJosef wina ve ya okuranda ovikokotwa moEngipte. Owo kavena pu va tjiwa kutja Josef ongu ri omunane moEngipte nungwari Josef we ve zemburuka. Eye we ve kuminina kutja owo ozohoze ne ve twa motjovakamburwa. Kombunda yomayuva yetatu we ve raera nai, "Ene tji mu ri ovandu ovatakame, eterereye ongero yenu ku ami." Wa tizira umwe wawo mondorongo na yandjere imba ovarwe okutwara ovikokotwa komihoko vyawo.

Otjiperendero 11: Josef Me Ritjiukisa Komarumbi Ve

Otjiperendero 11: Josef Me Ritjiukisa Komarumbi Ve

Genesis 43:1 - 45:27

Omarumbi waJosef va tirire okuyaruka koEngipte, nungwari karure owo va hepa ovikokotwa. Owo otji va toora omwangu wawo Benjamin nave i ku Josef. Josef tjingee noho ke ve raerere kutja eye oune. Eye we ve randisa ovikokotwa na raere omukarere we okuveyarurira ovimariva vyawo mozondjatu zawo nokuhoreka ekopi re rosilveri mondjatu ya ingwi ongero yawo. Tjazumbo otja raera omukarere we okuvekuminina kutja va vaka. Omarumbi ve ve rikota okuriheka ku Josef. (Opo pari otja koruroto rwaJosef ohunga nomikuta vyovikokotwa). Josef wa rira tjinene nu kayenenene okurihoreka rukwao. We ve raera kutja, "Owami Josef omwangu wenu, ngu mwa randisa moEngipte." Eye wina wa temisa Benjamin tje mu ririra nokumuhupita na wina omarumbi we we ve hupita. Josef wa yandja oviyandjewa ovingi kuwo na ku ihe. Josef we ve raera kutja ngave kotoke koEngipte nokuyeterera omihoko vyawo naihe. Omarumbi we va yaruka konganda nave karaera ihe. "Josef u nomwinyo. Eye ongu ri omunane moEngipte!"

Otjiperendero 12: Jakob Na Josef Moengipte

Otjiperendero 12: Jakob Na Josef Moengipte

Genesis 45:28 - 50:26

Omukururume Jakob wa tjinda puna omuhoko we auhe na avihe mbya ri na vyo na i ku Engipte. Jakob tja muna omuzandu we Josef wa temwa nowo va rira tjinene. Kombunda eye wa yambeka omake we kovazandu vaJosef aveyevari ne ve sere ondaya nowo va karira ovanane vomihoko vyovaIsrael. Jakob wa tira mu Engipte otjomukurundu. Kombunda yanao omarumbi waJosef va tira mena rokutja va tjita ovina ovivi ku Josef. Nungwari Josef wa tja nai kuwo, "Amu tira. Ene mwe ripura okutjita ouvi ku ami, nungwari Ndjambi wa tanaurira ouvi kouwa kutja a yamene po omiinyo vyovandu ovengi." Mapanga, kuna Umwe meyuru omunene pu Josef. Ena re oMuhona Jesus Kristus. Ovandu ovarunde ve mu zepa. Nungwari Ndjambi wa tanaura ouvi mbwi okurira ouwa kwete na ku auhe ngu ma kambura mu Ye. Jesus wa penduka movakoke. Nambano tji twe rihepura omauvi wetu ku Ndjambi, nga ku inga ngu twa tataiza kovakwetu, Ndjambi ma isire omauvi nga ayehe. Eye u nomasa okuvatera imba mbe takama mu Ye nowo kamaave pewa omberero yondiro yaaruhe. Tanaura okasete munda warwe u zuve ovingi ohunga noviungura vyaNdjambi.

Omatjiukisiro

Pari omurumendu wena Moses ngwa ri nomasa mongamburiro mu Ndjambi nu ngwa yama ovandu vaNdjambi mouhuura mu Engipte. Ihi matji tu vatere kutja tu ripure na Jesus ngu nomasa yokukutura avehe mba kambura mu Ye, okuvekutura ku Satan nozondemone ze. Tara kotjiperendero ngunda amo puratene koteipa. Rongera okutanaura u tare kotjiperendero tji matji kongorere tji wa zuu ombosiro.

Otjiperendero 13: Okanatje Moses

Otjiperendero 13: Okanatje Moses

Exodus 2:1-10

Jakob ngwa ri wina Israel, wa ri nondekurona wena Moses. Moses wa kwaterwa mu Engipte ozombura zokombunda yaJosef. Moruveze ndwi Ovaisrael va takavara tjinene nu ombara yaEngipte wa hara ondira kuwo na utu okuvetatumisa tjinene. Eye we ve ninikiza okuungura otjovakarere na yandja erakiza rokutja ovanatje ovazandu vOvaisrael ve te. Moses tja kwatwa, ina we mu horeka. We mu twa motjimbamba ne mu horeke motuu mene yondondu. Omutena kwe Meriam iya kurama mene mbo okutjevera. Omuatje wombara we ya okurikoha pondondu. Wa muna otjimbamba nokanatje Moses. Moses wa uta okurira. Omukazona wombara wa tondjenda nokanatje, otja tya okutoora omuatje ngwi ma rire owe. Moses we kurira mondjuwo youhona. Moses wa hongwa omihingo avihe vyOvaengipte no tja rira omurumendu omunandengu.

Otjiperendero 14: Moses Notjihwa Tji Matji Pi

Otjiperendero 14: Moses Notjihwa Tji Matji Pi

Exodus 2:11 - 4:7

Eyuva rimwe Moses wa muna Omuengipte ngu ma tono omukarere wOmuisrael. Moses wa vanga okuvatera omuhoko we, no tja zepa Omuengipte nu mena ranao wa sere okutaura mena rondira kombara. Oure wozombura omirongo vine wa kakara mokuti ongaango, oruveze ndwa ri nena Sinai. Eyuva rimwe eye otja muna otjina otjikumise tje he i. Wa muna otjihwa tji matji pi nu tji tji hina ku ningirira. Ndjambi wa hungira kuna Moses okuza motjihwa hi na tja "Ami mba munu nawanawa ouzeu wotjiwana tjandje moEngipte, nu wina mba munu oukukutu woninikizire yOvaengipte. Indjo nambano, mbi ku tume ku Farao kutja u kakuture otjiwana tjandje tjOvaisrael moEngipte."

Otjiperendero 15: Moses Ma Yaruka Kombara

Otjiperendero 15: Moses Ma Yaruka Kombara

Exodus 3:11 - 10:29

Moses wa kara nondira nungwari wa kambura mu Ndjambi na yaruka koEngipte. Erumbi re Aaron wa ya puna ye. Va tja nai kombara, "Muhona Ndjambi waIsrael ma tja nai: "Tji esa otjiwana tjandje tji tjinde, tji ke ndji tjitire Omayuva omanene mokuti onguza." Nungwari ombara ya tja: "Omuhona ngo hi mu i, nokutarera Ovaisrael amave tjindi, himee tjiti." Kombunda yanao ombara ya tatumisa Ovaisrael tjinene komeho. Ndjambi wa tja nai ku Moses: "Ovaengipte mave ya pokutjiwa kutja owAmi Ndjambi. Ii, eye ma ninikiziwa i eke enamasa okuveramba kutja ve pite mehi." Ndjambi wina wa tja nai: "Farao tja hungire na ene a tja: "Ritjitireye oveni otjiraisiro otjihimise, indino raera Aaron nu i tja: Toora okati koye nu u ke yumbe pehi momurungu waFarao, indino oko make tjituka onyoka." Aaron wa kara nonduviro, nu ombara ya muna omasa waNdjambi, nungwari ka yandjerere ovandu okutjinda. Ndjambi wa ungura ovihimise ovingi kOvaengipte. Wa tanaura omeva waEngipte mombindu, Ovaengipte otjaave se mene yondondu onene yaNil okumuna omeva. Eye wa eta oviwonga vyovisume, omaze, ozombahu notutjeno kOvaengipte. Ndjambi wa yandjera ozondjai okuungura tjiva vyovihimise mbi, nungwari Ndjambi wa ungura ovihimise ovingi okukapita imbi vyozondjai. Movina mbi Ndjambi omarakizira mo ombara kokutja Eye omunamasa tjinene komeho yozondjai zaEngipte. Nungwari ombara ya panda okuzuva ku Ndjambi nu ka yandjerere Ovaisrael okutjinda.

Otjiperendero 16: Ondjona Ndja Punguhwa

Otjiperendero 16: Ondjona Ndja Punguhwa

Exodus 12:1-36

Ndjambi wa hungira rukwao na Moses, a tja: "Tjiviseye kombongarero aihe yOvaisrael, kutja auhe nga toorore ondjona, etundu arihe ondjona imwe poyaro. Nu ngave toore ombindu, ve i hwe kozombambezero zomivero. Orondu Ami moutuku mbwi me tuurunga ehi raEngipte ne zepa omaveri aehe mu ro. Ami tji me munu ombindu ndji, me kapita pu ene. Nu kape nakukara otjiwonga tjomanyoneno ku ene." Ndjambi wa tjita otja pa heya. Omaveri ovazandu wOvaengipte va ta. Nungwari imba vOvaisrael ka pe tire nangarire umwe. Ombara otji ya hinda ombuze ku Moses a tja: "Ene nOvaisrael hakahaneye okupita, ve eseye ovandu vandje, nu mu kakarere Ndjambi wenu otja tji mwa heya."

Otjiperendero 17: Omakondero Womuronga

Otjiperendero 17: Omakondero Womuronga

Exodus 13:17 - 14:31

Moses wa pitisa Ovaisrael moEngipte. Ndjambi we ve hongorera notjikamba nomuriro. Nungwari Ovaengipte va pindika mena rokutja owo va pandjara ovakarere vawo. Ombara notjimbumba tje tjovita va teza Ovaisrael ve ve kotore. Ovaisrael ve ya pomuronga omunene mbuyave ha yenene okukonda. Ovaengipte va ri kongotwe yawo. Ovaisrael ka vari noruveze pu mave taurire. Moses wa tja nai kOvaisrael, "Amu tira! Zikameye, nu undjeye kondjamo yaMuhona." Ndjambi otja paturura ondjira momuronga nOvaisrael otji va konda mehi ekukutu. Ovaengipte va rora okuvekongorera nungwari omuronga wa kotoka na u ve kutjire. Ovaengipte avehe va niniwa nOvaisrael va yamwa.

Otjiperendero 18: Ovikurya Nomeva Mokuti Onguza

Otjiperendero 18: Ovikurya Nomeva Mokuti Onguza

Exodus 16:1 - 17:7

Moses wa hongorera ovandu mokuti onguza. Ka vari novikurya mbya yenene okurya no tji va unaunina Moses na Aron na Muhona. Ongurova aihe Ndjambi wa hinda ouzera owingi kovandu ve rye. Omuhuka omunene ozomboroto iyaze zu meyuru nave ze wongo pehi. (Ovandu iyave ze isana kutja otjimana.") Tji pe ha ri nomeva, Ovaisrael va unaunina Moses. Moses wa tja kuwo, "Mamu ndji posisire tjike? Mamu rorere tjike Muhona?" Moses wa kumba nu Ndjambi we mu zira. "Toora okati koye, tona oruuwa ndwo nu mamu piti omeva mu rwo kutja otjiwana tjinwe." Koure wozombura omirongo vine Ndjambi wa tjevera na yandja ovikurya kotjiwana tjOvaisrael mokuti ongaango.

Otjiperendero 19: Moses Kombanda Yondundu Yandjambi

Otjiperendero 19: Moses Kombanda Yondundu Yandjambi

Exodus 19:1 - 20:17; Psalm 19:11; John 14:15

Ovaisrael ve ya kondundu yaSinai. Ndjambi wa heruka pehi ne ya kondundu notututumo notutjeno novikamba nomuriro. Moses wa ya kondundu nu Ndjambi wa hungira kuye na tja, "Owami Ndjambi Muhona woye. Ko nokukara ko noomukuru varwe posi yandje. Ko nokurikotamena kuwo nokuvekarera. Ko nokutambaneka ko ena raMuhona.
Zemburuka okuyapura Esabata
Yozika iho na nyoko.
Ko nokuzepa ko.
Ko nokukatuka ko orukupo. Ko nokuvaka ko. Ko nokuhungira ko omukwenu omahongononeno wovizeze. Ko nokunanukiru ko ondjuwo yomukwenu."
Kombunda yanao, Ndjambi wa tjanga omatwako nga na warwe kombanda yovirei vyomawe nu Moses wa eta ovirei mbi kondundu kovandu avehe okuvehonga. Ndino tu muna omatwako nga mOmbeipela, ndi ri embo raNdjambi.
Ndjambi ma tja mu notjisuta otjinene mokutiza omarakiza we. Nu Jesus wina wa tja, "Tji mwe ndji suvera, tizee omarakiza wandje."

Otjiperendero 20: Onyoka Kotjihende

Otjiperendero 20: Onyoka Kotjihende

Numeri 21:4-9; Deuterononmium 18:18

Ovaisrael va kwizika okukaranonduviro ku Ndjambi nungwari kave tjitire ko nao. Ovandu va uta okuunaunina Ndjambi nohunga novikurya Ndjambi mbye ve pa. Ndjambi we ve vera nokuvehindira ozonyoka ozonawanga. Ovengi vovandu va ta i yomarumatero wozonyoka. Ovandu va ura ku Moses neye we ve kumbira. Ndjambi otja raera ku Moses, "Ungura onyoka nu u i twe kotjihende, nu auhe ngwa rumatwa na tara ku yo ma hupu." Moses opa ungurira onyoka yongoporo ne i twa kotjihende. Nu auhe ngwa rumatwa na tara konyoka yongoporo, wa hupa. Moses wa ri umwe wovanane novaprofete omunenenene mba ri moIsrael. Oure wozombura omirongo vine wa hongorera Ovaisrael mokuti onguza. Ngunda Moses e hi ya koka, Ndjambi wa tja nai ku ye, Ami me ve pendurire omuprofete otja ove mokati kovakwao votjiwana tjawo, nu Ami me mu raere imbi avihe, eye mbi me ve raere.

Otjiperendero 21: Jesus Ma Parura Ovandu

Otjiperendero 21: Jesus Ma Parura Ovandu

Johannes 6:1-58

Oure wozombura ozengi ovandu vaIsrael va undja omuprofete ngu ri otja Moses. Nu kombunda Jesus Kristus wa kwatwa, mehi raIsrael. Eye wa raera ovandu ohunga na Ndjambi otja Moses tja tjitire. Eyuva rimwe ovandu va ire koruveze rwapeke okukapuratena ku Jesus. Owo va tondjara nu kava ri novikurya. Okanatje okazandu ka ri nozomboroto ndano nozohi mbari ozonditi. Jesus wa kambura ozomboroto nozohi na tja okuhepa ku Ndjambi. Kuzambo otja yandja kovandu avehe. Pa ri novandu kombanda yomayovi yetano motjivaro. Ovandu va tja. "Tjiri, ingwi eye omuprofete ngu kwa za me ya mouye." Eyuva rarwe Jesus we ve raera nai, "Owami omboroto yomuinyo. Ingwi ngu me ya ku Ami kamaa tondjara, nu ngu ma kambura mu Ami kamaa tonyota." Ngatu ye ku Jesus nu tu kambure mu Ye

Otjiperendero 22: Jesus Ma Hungire Kuna Moses

Otjiperendero 22: Jesus Ma Hungire Kuna Moses

Mateus 17:1-8; Lukas 9:28-36

Moses na Elia aveyevari vari ovaprofete vaNdjambi. Owo va hupire ozombura ozengi tjinene komurungu waJesus ngunda e hi ye ya kombanda youye. Eyuva rimwe Jesus wa hongorera ovahongewa (ovakongorere) ve okuyenda kombanda yondundu oveni okukakumba. Jesus tjima kumbu omurungu we iyau tanauka okuyera nokukenakena. Ozombanda ze iyaze rire ozombapa otjotutjeno. Moses na Elia wina va munika mouyere puna Ye. Jesus iya tjiwa kutja ondiro Ye i ri popezu nu Moses na Elia va hungira kuna Ye ohunga nondiro Ye. Ovahongewa vetatu vaJesus ve ve zuva amave hungire. Kuzambo otjikamba otji tje ya a tji ve kutjire avehe. Ombosiro yaNdjambi ya hungira okuza motjikamba na i tja; Ingwi Eye Omuna wandje omusuverwa Ami mu mbi nonyune, purateneye ku Ye! "Ombosiro tji ya mana okuhungira, ovahongewa va muna Jesus erike.

Otjiperendero 23: Jesus We Tu Tira

Otjiperendero 23: Jesus We Tu Tira

Johannes 3:14-16

Ovandu va pirukira Jesus nave mu zepa. Ovarwe vovita ve mu papera kotjikroise tjomuti. Va zepa ovandu varwe vevari puna ye. Ovandu mba ovevari va ri omarunga novazepe, nungwari Jesus ke na pa tataiza oveta yaNdjambi (poo yomundu, poo yohoromende yehi ma turire.) Nungwari, ami na ove twa teya oveta yaNdjambi. Ete twa pwira omberero yaNdjambi. Nungwari Ndjambi wa suvera ovandu avehe. Eye ka vanga kutja tu humburuke pu ye nokutja tu yende koruveze rwomberero ndu isanewa kutja otjovasengwa. Ndjambi otja hinda Jesus, omuatje we, okutoora omberero yetu. Moruveze rwaMoses, ombindu yondjona yoPaska ya tirahirwa okutjevera Ovaisrael komberero yaNdjambi mehi raEngipte. Jesus, ondjona yaNdjambi ya koka otja ombunguhiro kwete. Ombindu Ye ondji ri otjisuta kozondjo zetu (zandje no zoye). Otja Moses tja turikire onyoka yongoporo ... otjipe sokukara nao. Jesus wa sere okuturikwa kotjikroise kutja auhe ngu ma kambura mu Ye ma pewe omuinyo waaruhe otja otjiyandjewa. "Orondu Ndjambi wa suverere ouye tjinene nai, nga tja yandja Omuna we omukwatwaerike, kutja auhe ngu ma kambura mu Ye a ha pandjara, nungwari ma kare nomuinyo waaruhe."

Otjiperendero 24: Jesus Meyuru

Otjiperendero 24: Jesus Meyuru

Johannes 19:38; Oviungura 1:6-11

Orurova rwaJesus rwa toorwa na ru twarewa keyendo. Nungwari meyuva oritjatatu, Jesus wa penduka movakoke. Ovandu ovengi va hungira kuna Ye, nu omayuva omirongo vine kombunda yombendukiro movakoke, ve mu muna tji ma rondo keyuru, otja tji mo munu motjiperendero hi. Jesus U nomuinyo ngamba. Moses na avehe mba ta ave kambura mu Ndjambi, wina ve nomuinyo. Ve ri meyuru. Moses wa ri omunane nomuprofete waNdjambi, nungwari Jesus Omuna waNdjambi. Eye omunene tjinene pu Moses. Moses wa hongorera Ovaisrael okutuurungira momuronga, nowo va yamwa kOvaengipte. Nungwari Jesus we ya okuyama avehe mbe mu kongorera. Eyuva rimwe Jesus ma kotoka otja tja ronda keyuru. Me ya okuyeta avehe mbe kambura mu Ye, ve kakare puna Ye meyuru. Panga esuverwa. Wa rongera okuyenda puno Jesus? (Ma yenene okuya ndino!) Kambura mu Muhona Jesus Kristus nu mo yamwa.

Keterangan terkait