KULOLA, KUPIKANA NI KOLA WUMI: BUKU 7

SIDE A: YAKUMMANYISYA
Achimjangu, ana Jwele jwakuƁilanjidwa kuti Isa Mesiya yisyene yakuti ali Isa Mesiya jwa Mlungu nipo ana mpaka atupe uwe wumi wangamala?

Kupagwa kwa Isa Mesiya, yakusimonjesya yiƁatendaga Isa Mesiya, wumi Wakwe, kwimuka kwakwe kutyochela kuƁawe ni maloƁe Gakwe, yikulosya kuti ali Mesiya jwa Mlungu.

Pimkupikanila kasetijo mloleje m'buku ja pinkijo.

Naga mkupikana kusona kuti [Ngo] m'wunukule kusyeto.

PIKICHA 1: KUPAGWA KWA ISA MESIYA Yahaya 1:1-14; Luka 2:1-11
Mlole papikichapo pana lichinga, mwelemo ni muƁasungaga yilango.

Pana likandi ni Ɓakongwe, mamagwe likandilyo, jwamlume juƁamtomele ni Ɓandu Ɓane Ɓatatu, wuƁaliji Ɓakuchinga. Akumlola mwanache.

Lina lyakwe Isa Mesiya.

Mundu jumo jwatindiƁele pijwaliji mwanachejo Isa Mesiya, ligongo lyakwe chichi atesile myoyo?

Ligongo lyakwe ni lyakuti Isa Mesiya ali Mwanache jwakusosekwa mnope jukinapagweje kala kose.

Isa Mesiya mkinapagwe pachilambo pano, Jwaliji kalape ni Mlungu kwiwunde nipo yindu yosope yapanganyikwe kupitila mwa Isa Mesiya.

Mlungu ali Msimu; nambo jwalilosisye Msyene mwa Isa Mesiya, mamagwe mkinaƁe gona ni jwamlume jwalijose. Ayi yakomboleche ni machili ga Msimu wa Mlungu.

Msimu wuwowo watamaga mwa Isa Mesiya. Yosopeyi yigopolela kuti Isa Mesiya ali yalumope ni Mlungu pangali kulekangana.

Isa Mesiya Ɓayiche kukutukulupusya uwe kutyochela ku ulemwa wetu ni kutulosya yichitujile kuti tuƁe Ɓanache Ɓa Mlungu.

PIKICHA 2: ISA MESIYA NI ƃASANDWISYE MESI KUƃA FINYO Yahaya 2:1-11
Isa Mesiya ali akusile, lisiku line Ɓaliji pachindimba cha ndowa.

ƃakulijiganya Ɓakwe ni Maliyamu mamagwe, Ɓalongene ni Isa Mesiya.

Maliyamu waliji mkumanyilila kuti Isa Mesiya jwaliji mwanache jwa Mlungu, myoyo pajwamasile finyo Ɓamsalile Isa Mesiya.

Maliyamu Ɓasalile soni ƁaƁatendaga masengo kuti:

Yiliyose yichamsalile Jwalakweju myitende!

Syapali wulo 6 syekulungwa sya mesi pakuƁandika.

Isa Mesiya Ɓasalile Ɓamasengowo kuti: "Mgumbasye wulosi ni mesi"

ƃanganyawo Ɓayitesile.

Papopo watite: Sambano mpungule nipo jine mkampe msyene chindimbachi.

Mesigo galiji gali gasandwiche finyo jwambone mnope!

ƃakulijiganya Ɓakwe Ɓatandite kuyiwona kuti Isa Mesiya Ɓakwete machili gakutyochela kwa Mlungu, ni Ɓakulupilile mwa Jwalakwe.

PIKICHA 3: ISA MESIYA ƃAƃECHETE NI NIKODIMO Yahaya 3:1-36
Nikodimo jwaliji jwamkulungwa nambo soni mwalimu jwa Isilayeli.

Jwapikene kuti Isa Mesiya mpaka atende yakusimonjesya.

Jwamanyilile kuti Isa Mesiya akwenela kuƁa jwakutyochela kwa Mlungu.

Lisiku line jwapite kwa Isa Mesiya chilo kukuƁechetana ya Mlungu ni yakusimonjesya yele Isa Mesiya yiƁaliji mkuyitenda.

Isa Mesiya Ɓatite kwa jwalakwejo kuti: Ngumsalila yisyene, pangali jutachiwuwona Uchimwene wa Mlungu akaƁe apagwe soni kwaƁili. Nikodimo Ɓawusisye kuti: "Ana mundu mpaka apagwe chamtiwuli soni ali akusile kalape?"

Isa Mesiya Ɓamjanjile achitiji: Naga mwanache ali apali mwa achikulugwe, ali ni ndamo ja wumundupe.

Myoyo mundu akwenela kupagwa mu Msimu wa Mlungu kuti aƁe ni Wumi wa Usimu.

Ayi yigopolela kuti jwalijose jwakulupilile ni kwapikanilaga Ambuje Isa Mesiya, apali kaƁili.

ƃakulupililewo akwete wumi wangamala, ligongo Msimu wa Mlungu ukusatamaga mwa Ɓanganyawo. Nambo jwalijose jwangakulupilila mwa Isa Mesiya, tachiƁa Ɓakutalikangana ni Mlungu mpaka kalakala nipo ngasajinjila kumbepo kose.

PIKICHA 4: SULUTANI JWATINDIƃELE PAWUJO PA ISA MESIYA Yahaya 4:46-54
Ana mpaka mtende wuli naga mwanache jwenu ali mkulwala mnope?

Mundu jukum'wona pa pikichajo jwajesile ulendo welewu mnope kuti mpaka ampate Isa Mesiya.

Jwalakweju jwaliji jwakulamulila jwakusosekwa mnope nambo Ɓamsosile Isa Mesiya achitiji:

"Bwana, kwende akamlole mwanache jwangu mkinaƁe kuwa."

Isa Mesiya Ɓamjanjile kuti "Mjawuleje, mwanache jwenu chalame."

Mundujo wamkulupilile Isa Mesiya ni jwapite kunyumba.

Pajwaliji chiƁela pawulendo wakwe wakuwujila kumangwakwe, jwamasengo jwakwe Ɓamchingamile.

ƃamsalile kuti mwanache jwenu jula alamile.

Atatigwe Ɓamanyilile kuti pakatema kele Isa Mesiya Ɓatite, "Mwanache jwenu chalame", kupwetekwako kwalesile mwa mwanachejo. Myoyo mundu jweleju ni ƁamwiƁasa mwakwe wosope Ɓakulupilile mwa Isa Mesiya.

PIKICHA 5: MUNDU JWAKULWALA PETAMANDA LYAMESI Yahaya 5:1-47
Mumsinda wa Yelusalemu mwapali litamanda lya mesi.

ƃandu Ɓaliji mkukulupilila kuti pa ndaƁi jine jakwe, naga akwinjila mwitamandamo naga mesi galigamakondoganye, mundu jwandanda kwinjila mmesimo jwaliji mkulama.

Mundu jwine jwaliji mkulwala kwa yaka 38.

Isa Mesiya Ɓam'weni ali mumbali mwalitamandalyo ni Ɓatite:

"Ana mkusaka kuti mlame?"

Nambo mundujo jwajanjile kuti: "nganingola jwakungamuchisya kunjinjisya mmesi naga galigamakondoganye."

Isa Mesiya Ɓatite: "Jimukani jigalani wugono wenu mjende!"NdaƁi jijojo mundu jula jwalamile.

ƃandu Ɓane yanyaleye ligongo Isa Mesiya Ɓamposisye mundu lisiku lya Sabata.

Lyeleli lyaliji lisiku liƁapumulaga Ayuda masengo gawo ga lisiku ni lisiku kuti akamlambileje Mlungu.

Mundujo jwapite kukwasalila Ayuda kuti Isa Mesiya ni juƁamposisye, nambo nginasaka kuti akulupilile mwa Isa Mesiya.

Kaposye Kakwe Ɓakulwala yalosisye kuti Isa Mesiya Ɓakwete ulamusi ni machili ga Mlungu gakuposya pa lisiku lililyose nambo soni pa Sabata.

PIKICHA 6: ISA MESIYA ƃAJIKUTISYE ƃANDU ƃAKUPUNDA 5000 Yahaya 6:1-15, 25-28, 35; Mateyo 14:19; Maliko 6:41
ƃandu Ɓajinji Ɓapikene kuti Isa Mesiya mpaka aposye wulwele, nipo lisiku line Ɓandu Ɓajinji Ɓamkuyiye Jwalakwejo mchipululu. Panyuma pakwe ndaƁi ja musi, Isa Mesiya wawusisye Ɓakulijiganya Ɓakwe kuti: "Ana mpaka tusume kwapi yakulya kuti Ɓandu wosopeƁa akwane kulya?"

Jumo jwa Ɓakulijiganya Ɓakwe jwajanjile kuti: "Apa pana kanyamata, kakwete mikate jamwana jiƁili ni tusomba tuƁili, nambi mpaka siyiche mpaka kwapi ni Ɓandu Ɓajinji imyi?"

Isa Mesiya Ɓasalile Ɓandu wosope kuti atame pasi. ƃajigele mikate ni tusomba tula ni Ɓatogolele kwa Mlungu. Nipo ƁagaƁenyegaƁenye mikate ni tusomba tula. ƃapele Ɓandu wosope muƁasachilaga.

KundaƁi kwakwe Ɓanduwo Ɓamkuyiyepe Isa Mesiya. Nipo Jwalakwe watite kwaƁanganyawo:

Ngumsalila yisyene, mkusosasosa Une ngaƁaga ligongo lyakuti myiƁeni yimanyisyo ni yakusimonjesya nambo ligongo lyakuti mlile ni mjikwite." Isa Mesiya Ɓatite soni kwa Ɓanganya kuti: "Mkasimtendelaga masengo yakulya yakuti mpaka yijonasiche, nambo yakulya yakupeleka wumi wangamala wele Mwanagwawo Mundu wunchape Ɓanganyamwe."

Isa Mesiya ƁaƁechetaga ya Msyene Jikape. ƃatite Mlungu Atati Ɓaliji mkunonyelwa ni Jwalakwe mnope. Kwaligongo lyeleli Isa Mesiya nombe Ɓatite: "Une ndili Mkate wa Wumi, jwalijose jwakwisa kwa Une, Isa Mesiya, ngasijimkola sala."

PIKICHA 7: ISA MESIYA ƃAJESILE PACHANYA PA MESI Yahaya 6:16-21; Mateyo 14:22-32
Isa Mesiya paƁamasile kwalisya Ɓandu wala, Ɓasalile kuti ajawuleje. Nipo Jwalakwe wapite kwitumbi jikape, kukupopela kwa Mlungu.

ƃakulijiganya Ɓakwe Ɓakwesile liboti ni Ɓajombokaga nyasa jekulungwa. Papopo Isa Mesiya Ɓayiche kuƁaliji Ɓanganyawo, alimkwenda pachanya pamesi.

ƃanganyawo Ɓaganisyaga kuti chaliji chimsimu ni wakamwile woga mnope.

Nambo Isa Mesiya Ɓatite: Mkasimjogopa, Une." ƃakwesile mwibotimo ndaƁi jijojo chimbungo chalesile. Achimjangu, yeleyi yalosisye yamanyisye Ɓakulijiganya Ɓala nowe Ɓakwe kuti machili ga Mlungu gatendaga masengo kupitila mwa Isa Mesiya.

PIKICHA 8: ISA MESIYA ƃAMPOSISYE MUNDU JWANGALOLA Yahaya 9:1-49, 8:12
Jwapali mundu jine jujwaliji jwangalola chipagwile. ƃakulijiganya Ɓakwe waganisyaga kuti jwapali jwangalola ligongo lyakuti jwalakwejo kapena achinangolo Ɓakwe Ɓamlemwechesye Mlungu. Nambo Isa Mesiya Ɓasalile Ɓanganyawo kuti mundu jweleju jwapali ali jwangalola, kuti agawone machili ga Mlungu galimkutenda masengo muwumi wakwe. Isa Mesiya Ɓasunile pasi ni wawunyile litakalyo kuti liƁe matope. ƃagajigele matopego ni kumpakasya jwangalola jula mmeso.

Papopo Isa Mesiya Ɓatite kwa jwalakwe: "Mjawuleje, mkachape mlusulo lwa Siloyamu." Kuti ku Siloyamu yigopolela kuti "Jwakutumidwa."

Mundujo jwampikanile Isa Mesiya. Jwapite ni jwachapile ni jwawusile kunyumba ali mkulola.

Achimjangu, Ɓajinji Ɓetuwe tuli Ɓangalola mu nganisyo syetu yamatala ga Mlungu.

Isa Mesiya Ɓatite: "Une ndili Lilanguka lya pachilambo. Jwalijose jwakunguya Une, ngasajenda kose mchipi, nambo tachikola Lilanguka lya Wumi."

PIKICHA 9: ISA MESIYA ƃAM'ƃILASILE LASALO KUTYOCHELA KUCHIWA Yahaya 11:1-45
Mundu jwine lina lyakwe Lasalo jwaliji mkulwala. Achalumbugwe ƁaƁili Maliyamu ni Malita, Ɓatumisye utenga kwa Isa Mesiya, wakuti.

"Ambuje, jwele jwakumnonyelaga jula akulwala."

Isa Mesiya paƁapikene wutengawo, Ɓatite: "Kulwalako ngakumalila kuchiwa.

Iyayi, yeleyi yili ya Lumbili lwa Mlungu kutendela kuti Mwanagwawo akachimbichikwe kupitila myeleyo."

Isa Mesiya Ɓaliji mkumnonyela Lasalo ni achalumbugwe ƁaƁili Ɓala.

Nambo Isa Mesiya nganajawula mwa ndaƁi jijojo kwa Ɓanganyawo.

Palipapite moƁa gaƁili Isa Mesiya Ɓatite kwa Ɓakulijiganya Ɓakwe: "Lasalo awile nambo kwalisosa lyenu Ɓanganyamwe Une ngukondwa kuti nganimba kweleleko; kutendela kuti jemanja mkulupilile (mwa Une). Nambo kwende tujawuleje kweleko sambano."

PaƁayiche kweleko, Lasalo Ɓaliji ali amsichile kalape mwilembe moƁa mcheche gali gakwanile.

Achalumbugwe Ɓaliji mkudandawula ligongo Isa Mesiya nganayika chitemape kukumposya.

Nambo Isa Mesiya Ɓatite: "Mlumbugwenu tajimuche soni."

ƃasalile Ɓandu kuti atyosye liganga liƁawugalile pamlango wa mbanga jiƁamsichilejo. Papopo Isa Mesiya ƁaƁilasile kuti Lasalo, kopokani!" nipo Lasalo Ɓakopweche, alichiƁela jwamum'wijilile ni nguwo ja sanda.

MkinaƁe Isa Mesiya kumjimusya Lasalo ku chiwa, watite kwa Malita: "Une ndili Jwele jungusajimusyaga Ɓawe ni kwapa wumi. Jwalijose jwakukulupilila mwa Une, tachikola wumi wangamala atamose awe.

PIKICHA 10: ISA MESIYA ƃAWILE PAMSALABA Yahaya 18:1, 19:42
Isa Mesiya Ɓalisimichisye msyene, pakutenda yakusimonjesya, kuti ali Mesiya jwa Mlungu.

Nambo Ɓakulongolela wa Ayuda Ɓaliji ni wiwu mumitima jawo. ƃasachile kuti am'wulaje. Isa Mesiya Ɓasalile Ɓakulijiganya Ɓakwe kuti Jwalakwe akwenela kuwa ligongo lya ulemwa wa Ɓandu wosope.

Lyeleli ni lilyaliji litala lyakwe basi, lyakuti Jwalakwe Ɓajigalile achalume Ɓanache ni achakongwe wakwe kwa Mlungu.

Yudasi jumo jwa Ɓakulijiganya Ɓakwe Ɓampeleche Isa Mesiya kwa Ayuda ni silifa makumi gatatu. ƃayiche ni ƁamtaƁile Isa Mesiya.

Petulo ni Ɓakulijiganya Ɓane Ɓala Ɓatisile ligongo lya woga.

ƃakulongolela Ɓa chiYuda Ɓamjigalile Isa Mesiya kunganya jamagambo, nambo nganakola chisimichisyo chisyesyene chakulemwa Kwakwe.

Nambo Ɓalimbichile gumila achitiji: "Akomelwe, akomelwe."

Panyuma pakwe Isa Mesiya Ɓayiche Najo kwa Ɓandu. Nombe nawo Ɓagumisile achitiji: "Kwende Nawo! Kwende Nawo! Amkomele!"

Myoyo Ɓandu Ɓam'wuleje Mwanache jwa Mlungu jwangalemwa.

ƃachiswamba ƁaƁili nombe Ɓawile pamo ni Jwalakwe. ƃanganyawo Ɓapochele chilango ligongo lya kulemwa kwawo, nambo Isa Mesiya Jwele jumkinalemweje, Ɓawile mpela mbopesi ja ulemwa wenu ni Ɓangune.

Isa Mesiya Ɓaliji mbopesi jijojopejo jele Mlungu jiƁajipochele pa ulemwa wetu.

PIKICHA 11: MALIYAMU NI ISA MESIYA KUMBANGA Yahaya 19:38; 20:18; Mateyo 27:60
Jumo jwa Ɓakumkuya Isa Mesiya lina lyakwe Yusufu, jwaƁendile mtembo wa Isa Mesiya. Ɓampele nipo Yusufu Ɓawugoneche mtembo wa Isa Mesiya mu mbanga ja sambano jele jiƁalipanganyichisye syenejo kuti chamsiche naga ali awile.

Yusufu ƁaƁisile liganga lyekulungwa mnope pamlango walikabulilyo.

PalyuƁa lyachitatu Maliyamu Magadala Ɓapite kumbanga kula. ƃalisimene liganga lila lili lyetyosye pamlangopo.

Maliyamu Ɓatandite kulila. ƃajineme kuti alingule mumbangamo. Mtembowo mwaliji mwangali.

Malayika gaƁili gatemi piwaliji mtembo wa Isa Mesiya.

Papopo Maliyamu Ɓagalawiche ni wam'weni mundu ali ajimi pelepo, nambo nginammanyilila kuti jwaliji Isa Mesiya.

Isa Mesiya Ɓam'wusisye Maliyamu kuti: "ƃakongwemwe, ligongo chichi mkulila? Ana wani wimkwasosa?"

Maliyamu Ɓaganisyaga kuti Jwalakwejo jwaliji jwakulima ni Ɓam'wusisye kuwaliji mtembo wa Isa Mesiya.

Papopo Isa Mesiya watite: "Maliyamu!" Maliyamu Ɓamanyilile kuti Jwalakwejo jwaliji Isa Mesiya. Ali chijumi!

Isa Mesiya Ɓamsalile kuti: ā€žMjawule kwa achimijangu ni mkasalile kuti ndili Ɓumi."

Chiwa nginichipakombola kumkamulila Mwanache jwa Mlungu Jwachijumi.

PIKICHA 12: ISA MESIYA ƃAWONECHELE KWA ƃAKULIJIGANYA ƃAKWE Yahaya 21:1-19
Isa Mesiya mkinawujile kwinani, Ɓatesile chakusimonjesya chine.

Chilo chine Ɓakulijiganya Ɓakwe Ɓapite kukuwulaga somba, nambo ngapagwa chiƁapatile.

Pikwatandaga kucha, Mundu jwine jwayiche mungulugulu nyasa. Jwasalile kuti aponye likokalyo chakunlyo kwa libotilyo nipo chim'wulaje somba. ƃapikanile nipo Ɓawuleje somba syejinji.

ƃakulijiganyawo Ɓamanyilile kuti Mundu jujwaliji mkuƁecheta ni Ɓanganyawo jwaliji Isa Mesiya.

ƃayiche nasyo somba syosope pamkuli. Pelepo Isa Mesiya waliji ali amasile kwalinganyichisya Ɓanganyawo yakulya.

PaƁamasile kulya Isa Mesiya ƁaƁechetene nawo. Pasikati pawo Ɓapali Petulo.

Jwalakwe jwatisile pampepe ni Ɓakulijiganya Ɓane Ɓala katema kiƁamtaƁile Isa Mesiya panyuma pakwe Ɓamkanile Ɓatite ngangummanyilila Isa Mesiya.

Sambano Isa Mesiya watite kwa Petulo: "Munguye une" Jwalakwejo Ɓamsalile Petulo kuti Ɓajiganye Ɓandu wa Mlungu kuti agaƁaneje Utenga Wambone wa Isa Mesiya nipo Ɓasamaleje.

Achimjangu, Mlungu akusaka kuti Ɓandu apikaneje Utenga wa Isa Mesiya ni yakusimonjesya Yakwe kutendela kuti akulupilile kuti jwalakwe ali Mesiya jwa Mlungu.

Mumkuye Jwalakwe nipo timchipochela wumi wangamala.

Mgalawusye kasetijo kuti mpikane yayikusatendekwa naga tukwitichisya Isa Mesiya mpela Mkulupusyo jwetu.

SIDE B: YAKUMMANYISYA
Achimjangu, Isa Mesiya ali Mkulupusyo jwamkulungwa mnope.

ƃatukulupwisye uwe kutyochela ku ulemwa wetu ni yangalumbana, nipo Jwalakwe Ɓatukulupwisye kuti tukole Wumi wangamala.

Mpikanile majiganyo gane ga Isa Mesiya ni mlole papikicha chakuyichisya naga mkupikana kusona kuti.

PIKICHA 13: ISA MESIYA ƃAJIGANYISYE ƃAKULIJIGANYA ƃAƃILI Luka 24:13-35
Ayuda Ɓajinji Ɓaganisyaga kuti Isa Mesiya chiƁakulupusye kutyochela kwa Ɓakulamulila Ɓa chiLoma.

Nambo lyelelyo nganiliƁa ligongo liƁayichile Isa Mesiya pachilambo.

Panyuma pakwe Ayuda ƁaƁendile Ɓakulamulila wa chiLoma kuti am'wulaje Isa Mesiya pakumkomela pamsalaba pele piƁawilile.

Lisiku line, Isa Mesiya ali awile nipo ali ajimwiche kutyochela kuƁawe, Ɓakulijiganya Ɓakwe ƁaƁili Ɓajawulaga kumangwawo.

Mwakusisimuchila, Isa Mesiya msyene Ɓawonechele kwa Ɓanganyawo.

Jamanjawo Ɓaganisyaga kuti ali mlendo.

Myoyo Ɓamsalile yiyatendekwe. Papopo Isa Mesiya Ɓajiganyisye yele Musa ni minabiyi josope ja Mlungu yijatite yakwamba Jwalakwejo Mmalemba yaka yejinji yipite.

Minabiyijo jatite Isa Mesiya tachilaga mnope ni kuwulajidwa.

Jatite soni, Jwalakwejo tachijimuka kutyochela kuchiwa kuti akatame kumkono wamlyo wa Atatigwe.

Kweleko tachilamulila mu Uchimwene wa Mlungu kwangamala.

Kuli kuswele Isa Mesiya Ɓatemi kuti alye nawo Ɓakulijiganya ƁaƁiliwo.

PaƁagaƁanyaga mkate ni kwapaga, meso gawo gawunukwiche ni Ɓammanyilile kuti Isa Mesiya.

Papopo Isa Mesiya Ɓagambile kusoƁa ngawoneka soni.

ƃanganyawo Ɓawujile ku Yelusalemu kukwasalila Ɓane kuti am'weni Isa Mesiya nipo kuti ali wumi.

Kwende tupikane yele Isa Mesiya msyene akutujiganya kutyochela Mmalemba.

PIKICHA 14: MCHANDA SIKATI JA MAGULUƃE Luka 15:11-19
Isa Mesiya Ɓalondechesye chitagu cha mundu jwine jujwakwete Ɓanache ƁaƁili Ɓachalume. Jwamnondi jwatite kwa atatigwe....

AngaƁile mbuƁa jachipanje chawo. Myoyo atatigwe Ɓala Ɓagawenye Ɓanache ƁaƁiliwo chipanjecho. Jwamnondi jula jwatyosile ni jwapite kuchilambo chakutalika. Jwajonasile mbiya syakwe syosope mwangaliganichisya. Sala jakogoya jayiche mchilambo chelecho. Mnyamata nganakola chilichose. Myoyo jwapite kwamundu jwine kukutenda masengo, kweleko Ɓamtumisye kwilambo kukulisya maguluƁe. Mchandajo jamkwete sala mpaka jwasachile kulya yakulya yamaguluƁego.

Papopo jwatandite kuganisya.

Atati Ɓangu akwete yakulya yejinji, ni une ndenda kuwa ni sala. Jwalakwe chamumtima jwatite: Chimbujile kwa atati Ɓangu ni chingajile: "Atati, namlemwechesye Mlungu nambo soni Ɓalakwe.

Ngangwenela kuƁilanjikwa soni mwanagwenu. Andende mpela jumo jwa Ɓaganyu Ɓawo." Myoyo jwanyakwiche ulendo kwa atatigwe.

PIKICHALA 15: MWANACHE JWAKUSOKONECHELA JWAUSILE Luka 15:20-32
Mchanda jwaujilaga kwa atatigwe. Nambo paƁaliji pakutalichila atatigwe Ɓam'bweni. Atatigwewo Ɓamwutuchile kuti akawonegane najo. ƃamkumbatile mchanda jula. ƃaƁilasile wamasengo Ɓawo kuti ajigale yakuwala ni yakulya yambone, ni Ɓatite kwende tusangalale mwananguju Ɓawile nambo sano ali umi soni. Jwalakweju jwasokonechele nambo jawoneche.

Achimijangu, Isa Mesiya Ɓatusalile m'we kuti Mlungu ali mpela atati Ɓa machanda juƁasokonecheleju. M'we tuli mpela mwanache juƁalemwechesye atatigwe ni kwawula kwakutalika. Nambo Mlungu akusatunonyela m'we. Akusasakaga kuti tuleche yitendo yetu yangalumbana. Jwalakwe akusaka kuti atukululuchile m'we. Isa Mesiya Ɓayiche kukutukulupusya m'we ku ulemwa ni chiwa. Jwalakwejo ni Litala lyakuwujila kwa Mlungu Atati Ɓetu.

PIKICHA 16: YIPANJE YA MUNDU JWAKUSICHILA Luka 12:13-24
Isa Mesiya Ɓalisalile soni likuga lila chitagu chine cha mundu jwakusichila jujwakwete yakulya yejinji mumgunda mwakwe.

Jwaganisisye yakulinganya ngokwe kuti ayisunje yosope ni jwachisalile chilu chakwe kuti: ā€žMkwete yosope yimkuyisosa, kwayaka yejinji. Mm'Ɓe Ɓangalagasika, m'mweje ni kulya ni msangalaleje."

Nambo Mlungu jwatite: "ƃakuloƁela mwe! Chilo chalelo chim'we.

Ana nduni juchajigale yosope yimgoweleyi?"

Achimjangu, Isa Mesiya Ɓatite: "Ayi ni yichiyichitendekwa kwa jwalijose jwakulisunjila msyene yindu, nambo ali mkinaƁa jwakusichila pameso pa Mlungu"; ayitu yikwamba kupikangana kwetu ni Mlungu ni chikulupi chetu mwa jwalakwe.

PIKICHA 17: JWAKULAGA NI MUNDU JWAKUSICHILA Luka 16:19-31
Isa Mesiya ƁaƁechete soni chitagu chine cha mundu jujwakwete yosope jiƁasosaga.

Jwalakweju nginasamalaga ya mundu jwine jujwatamaga pamlango wa nyumba jakwe.

Lisikini lyakulaga lila lyawile ni lyapite kumbepo. Kweleko jwatemi pambali pa Ibulahima.

Jwakusichila jula nombe pijwawile, jwapite kumalo gayipwetesi yakogoya ku moto.

Ali kweleko jwagumisile kum'Ɓilanga Ibulahima achitiji: Mundumichisye lisikinilyo liyiche ni mesi akuno.

Nambo Ibulahima watite: ā€žSikati jenumwe ni uwe pana lisimbo lyekulungwa. ƃakusaka kwika kweleko kutyochela akuno, ngakomboleka: Kapena jwalijose jwakutyochela kweleko kwisa kuno, ngakomboleka."

Achimjangu, kumoto kwangali jwampaka kukukamuchisya nipo pangali kwakutilila. Wosope wene Ɓakwawula kweleko, talajeje mpaka kalakala. Chinga tuli Ɓakusichila kapena Ɓakulaga tukwenela kugakuya matala ga Mlungu mu wumi awuno, naga tukusaka kwinjila kumbepo panyuma pa chiwa. Myoyo mkulupilile mwa Ambuje Isa Mesiya sambano nipo cha mkulupusye kuti mkajawula ku moto.

PIKICHA 18: MJAKWE PAMLANGO Luka 11:5-13
Lisiku line mundu jwine jwapite kwamjakwe pakati chilo ni jwatite mjangu, munjasime mikate jitatu, ligongo mlendo ayiche ni jwangali yakulya yakuti nampe. Mjakwe jujwaliji mnyumba jula jwaliji ali agonile kalape ni Ɓanache Ɓakwe. Nginasaka kuti ajimuche.

Nambo mjakwe jujwaliji kusa jula nganajasa mtima kuti akapitilisya kum'Ɓendako, myoyo mjakwejo jwajimwiche ni kumpa yiƁaƁendagayo.

Isa Mesiya Ɓatite: "ƃendani nipo tichipegwa, sosani nipo timsimane, poposyani nipo mlango tachim'wugulila. PakuƁa jwalijose jwakuƁenda akusapochela, jwakusosa akusasimana nipo jwakupoposya mlango tachim'wugulila."

Isa Mesiya Ɓatite soni kuti ngatukwenela kuƁenda kwa Mlungu. Jwalakwejo ali Atati wetu Ɓambone akusaka kutupa uwe Msimu Wawo Weswela ni kutupa yosope yatukusosa.

Yakusosekwa kuti tutendeje ni kum'Ɓenda Mlungu mmapopelo kuti atukamuchisyeje kuti tupikanileje MaloƁe Gakwe ni kukulupilila mwa Jwalakwe.

PIKICHA 19: ƃANDU ƃAƃILI MNYUMBA JA MLUNGU Luka 18:9-24
Ana Mlungu akusampikanila mundu jwalijose jwakwisa kwa jwalakwe mmapopelo?

Papikichapa tukwawona Ɓandu ƁaƁili Ɓakupopela Mnyumba ja Mlungu. Mundu jwinejo ali jwakuyikamulisya mnope ya dini.

Jwalakwejo soni ali jwakulinonyela. Jwapopesile yakulilumba msyene jikape achitiji: "Mlungu, ngwatogolela kuti une nganimba mpela Ɓandu Ɓane Ɓawiyi, Ɓangalumbana, Ɓachikululu mpela jwamsongoju." Mlungu ngananonyelwa najo mundu jweleju nambo soni lipopelo lyakwe.

Mundu jwinejo jwaliji jwamsongo jwangakulupichika. Jwaliji mkwajiwila Ɓandu mbiya.

Jwamanyilile kuti nginamsangalasyaga Mlungu. Jwaliputile pamtima ni jwajinamile pasi mwachanasa.

Jwapopesile kwa Mlungu achitiji: "Mlungu andendele chanasa une jwa ulemwa!"

Isa Mesiya Ɓatite: ā€žMlungu Ɓalipikene lipopelo lyakwe. ƃamkululuchile ulemwa wakwe."

Achimjangu, Mlungu akusiƁakana Ɓandu Ɓakulinonyela, nambo akusiƁapochela wele Ɓali Ɓakulitulusya mumtima.

PIKICHA 20: MUNDU JWAMISILE MBEJU SYAKWE Luka 8:9-15
Lisiku line Isa Mesiya Ɓajiganyisye Ɓandu Ɓajinji. Watite: Jwakulima jwapite kukumisa mbeju syakwe. Mbeju sine syagwilile mwitala, yijuni yayiche ni kulokotanya. Sine syagwilile palwala, pijamesile michiga jakwe jasoƁile mwakutoƁela ni syawile ligongo lyakusoƁa chinyesi. Sine syagwilile pamawukutu ga miwa, syakusile mwakunyolola ligongo lyakuƁijikana.

Nambo mbeju sine syagwilile petaka lyachajila. Syamesile ni syasogwele chenene misaku 100 kutyochela mu mbeju ja msaku wumope.

Isa Mesiya Ɓasalile Ɓandu kuti: "Jwakwete mawiwi, apikane."

PaƁamasile kuƁecheta yeleyi, Ɓakulijiganya Ɓakwe Ɓam'wusisye Isa Mesiya ngopolelo syakwe syachitaguchi.

PIKICHA 21: MBEJU JAMESILE Luka 8:9-15
Isa Mesiya Ɓagopolele chitagucho watite: Mbejusyo ni MaloƁe ga Mlungu.

Mbeju sisyagwilile mwitala ni Ɓandu Ɓakugapikana MaloƁego. Papopo akwisa Shetwani ni kwasumula MaloƁego, pakuƁa jwalakwejo jwangasaka kuti Ɓanganyamwe mkulupilile mwa Ambuje Isa Mesiya kuti amkulupusye.

Syapalwala sila ni Ɓakugapochela MaloƁe, akusagakulupilila kwakandaƁi, nambo pakulingwa akusawujila panyuma.

Mbeju syapamawukutu syawile ligongo lya kudandawula yawumi ni yayipanje.

Litaka lyambone lyagapochele MaloƁe ni lyasogwesye mbeju jambone.

Achimjangu, ana mpaka mpikane chamtiwuli ni kugapochela MaloƁe ga Mlungu? Ana chim'we Ɓangapikanilape kuti msokonechele? Ana kapena chimkulupilile MaloƁe ga Mlungu, kumpikanila ni kumsangalasya Mlungu?

Naga mkutenda myoyo, tichiƁa mpela mbeju jijagwilile petaka lya chajila lila.

PIKICHA 22: CHIKAMUCHISYO CHA MUNDU JWAM'WULALE Luka 10:25-37
Ana mpaka tusimichisye wuli kuti tukumsangalasya Mlungu ndamo jetu jalyuƁa ni lyuƁa?

MaloƁe ga Mlungu gakutujiganya kuti tukwenela kumnonyela Mlungu ni kwanonyela soni Ɓandu wosope.

Nambi Ɓandu Ɓakwe ni Ɓapi Ɓatukwenela kunonyela?

Isa Mesiya akutusalila ya mundu jwine jujwajendaga pa msewo wangapitapita Ɓandu. ƃawiyi Ɓamputile.

ƃamjiwile yosope yiƁakwete ni Ɓamlesile ali akomweche.

ƃandu wa dini mnope wapitaga pelepo. ƃam'weni mundu jwam'wulale jula nambo nganajawula kukumkamuchisya. Papopo jwapitaga mlendo jwine. ƃamtendele chanasa.

ƃamtaƁile mmaƁanga gakwe. Pijwamasile Ɓamkwesisye pa bulu jwakwe ni Ɓan'jigalile kunyumba ja achalendo. Isa Mesiya Ɓatite naga tukumnonyela Mlungu, nowe Ɓakwe tukwenela kulosya chinonyelo chamtiyi, pakumkamuchisya jwalijose jwakulaga.

PIKICHA 23: MSYENE NYUMBA JWAWUSILE KU WULENDO Luka 12:35-48
Ana mkukumbuchila, kuti Isa Mesiya ali awile, Ɓajimwiche kutyochela chiwa?

ƃakulijiganya Ɓam'weni mkinaƁe kuwujila kwiwunde.

Isa Mesiya Ɓasalile Ɓanganyawo kuti Jwalakwe tachiyika soni pachilambo pano. ƃatite kuti wosope wele Ɓakukulupilila mwa Jwalakwe, akwenela kuƁa mpela jwamasengo jwakwembecheya bwana jwakwe kuwuja kuchindimba cha ndowa. Isa Mesiya Ɓatite: "ChiyiƁa yambone kwa Ɓamasengo wele bwanajo akwasimana ali Ɓakosechele....."

Achimjangu, ngatukumanyilila ndaƁi jichachiwujila Isa Mesiya pachilambo pano. Tukwenela kumtendela masengo kuti tumpochele mundaƁi jele jitachiwuja Jwalakwe. Chachijitendekasya ndaƁi jeleji kuƁa jachisangalalo chachikulungwa mnope. Nambo kwaƁangakulupilila chijiƁa ndaƁi ja ligongo lyekulungwa.

Isa Mesiya Ɓatite soni kuti jwalijose jujwaliji kapitawo jwa achimjakwe, akwenela kosechela kuwuja Kwakwe. Naga akusamala yosope yamnyumba chenene ni kwasamala Ɓamasengo Wakwe, Ɓanganyawo tachipochela mboto jekulungwa mnope. Naga akwaputa Ɓamasengowo ni kukolelwaga, chilango chawo tichichiƁa chakogoya mnope.

PIKICHA 24: MUNDU MUMTELA Luka 19:1-10
Isa Mesiya mpaka amkulupusye jwalijose kutyochela ku ulemwa. Apikane ayi.

Sakeyo jwaliji mundu jwakosya msongo jwakusichila. Jwaliji jwangakulupichika nipo jwaliji mkwajiwila Ɓandu mbiya. Jwalakweju jwasachile kuti am'wone Isa Mesiya, nambo jwaliji jwamjipi mnope nipo Isa Mesiya Ɓaliji sikati ja chigulu cha Ɓandu. Myoyo Sakeyo jwakwesile m'chitela.

PaƁapitaga Isa Mesiya, Ɓalolite mwinani ni Ɓatite: "Sakeyo tulukani chitema.

Ngwenela kuƁa mnyumba jenu lelojino." ƃandu Ɓasimonjile.

Sakeyo nginaƁa mundu jwambone. Nambo jwatulwiche ni kumpochela Isa Mesiya mwakusangalala mnope.

ƃamsalile Isa Mesiya kuti jwalakwe chaleche matala gakwe gangalumbana ni kuleka yitendo yakwe yakusakala. Jwalakwe chawuchisye yosope yiƁajiƁile.

Nipo Isa Mesiya watite: "Lelojino ukulupusyo wuyiche mnyumba jino."

Achimjangu, Isa Mesiya Ɓayiche kukusosasosa ni kulupusya jwalijose jwali jwakusokonechela kwa Mlungu. Mkumbuchile, naga nomwe mkusaka kusinda yitendo yenu ni kuleka matala genu, mpela muƁatendele Sakeyo, mpaka mlijilanye ni Mlungu pakumkulupilila ni kumpikanila Isa Mesiya.