KULOLA, KUPIKANA NI KOLA WUMI: BUKU 6

SIDE A: YAKUMMANYISYA
Ali uli wosope!

Myiche ni mpochele mwalimu Jwamkulungwa mnope jwa achiƁalimu wosope.

Lina lyakwe ni Isa Mesiya.

Mjigale buku ja buluwujo nipo naga mkupikana kusona kuti [Ngo], mlole chiwulili chakuyichisyacho.

CHIWULILI 1: ISA MESIYA ƃAJIGANYISYE ƃANDU Mateyo 5
Pachiwulilichi, Isa Mesiya akwajiganya Ɓandu ya Mlungu.

Isa Mesiya Ɓatyochele kwa Mlungu nipo ligongo lyakuti ali Mesiya jwamsaguche jwa Mlungu, akusamanyilila yosope ya Mlungu.

Ligongo Ɓandu akusaganisyaga nganisyo syakusakala ni kutendaga yangalumbana, Ɓalekangene ni Mlungu.

Mlungu Ɓatupanganyisye uwe wosope ni akusiƁanonyela Ɓandu wosope.

Isa Mesiya Ɓayiche kutyochela kwa Mlungu kuti Ɓajiganye Ɓandu kuti ammanyilile Mlungu.

Mpikanichisye! Nipo chinamsalile Ɓanganyamwe yele Isa Mesiya yiƁajiganyisye Ɓandu.

Ayi chiyimkamuchisye kuti mmanyilile ya usyesyene ni Mlungu jwachijumi.

CHIWULILI 2: NYUMBA SIƁILI Mateyo 7:24-27
Isa Mesiya ƁaƁechete chitagu cha Ɓandu ƁaƁili Ɓali pachiwulilipa.

Mundu jumo jwataƁile nyumba jakwe palwala. Aji jaliji pa yilimbilimbi yakulimbangana.

Pachayiche chiwula nyumba jila nganijigwa.

Nambo mundu jwine jula jwataƁile nyumba jakwe pamsanga.

Pachayiche chiwula, nyumba jila jagwile.

Isa Mesiya Ɓatite mundu jujwataƁile nyumba jakwe palwala jula jwalunda.

Tukwenela kutaƁa wumi mwakulimbangana mpela palwala.

Isa Mesiya Msyene ali lwala lwetu lwakulimbangana ni tukwenela kupikanila majiganyo Gakwe.

Naga tukumpikanila, Jwalakwe chachitukamuchisya uwe kuti tumkane Shetwani ni nganisyo syetu syakusakala ni yitendo yetu yangalumbana.

Isa Mesiya tachiƁa machili getu nipo chachitulongolela uwe ndaƁi syosope, atamose myakusawusya ya wumi wetu naga yitusimene.

CHIWULILI 3: LILANGUKA LIKWENELA KUWONEKA Mateyo 5:14-16
Mlole, Ɓandu Ɓali pachiwulilipa akwete nyali.

Ana nyali masengochi naga kulikwana chipi?

Mundu jumo pachiwulilipo anyakwile nyali jakwe mwinani kuti jipeleche lilanguka lyakwe kwa jwalijose jwali mnyumbamo.

Mundu jwinejo jwakuloƁela. ƃajiƁisile nyali jakwe mkati mwachiwiga.

Isa Mesiya ali lilanguka lyamchilambo nipo akusatulosya uwe litala lyakuja kwa Mlungu.

Naga mlikukulupilila mwa jwalakwe, kupikanila MaloƁe gakwe ni kutamaga malinga ni lisosa Lyakwe Ɓane mpaka aliwone lilanguka lya Isa Mesiya mwetuwe.

Isa Mesiya Ɓatite: "Lilekani lilanguka lyenu liƁalile pa Ɓandu, kuti mwine atakuyiwona yitendo yenu yambone ni kwalumba Atati wenu Ɓa kwiwunde."

CHIWULILI 4: MLOMA ĀAMPUTILE MYUDA Mateyo 5:38-42; Aloma 12:19
Isa Mesiya paƁaliji mkutama mchilambo cha Ayuda, Aloma Ɓachilendo Ɓaliji mkwalamulila Ɓanganyawo.

NdaƁi sine Aloma Ɓaliji mkwatamika Ayuda mwakwakalalisya mpela yamkuti pakuyiwona pachiwulilipo.

Msilikali asumwile chakuwala chamsyene.

Ana msyenejo atende chichi?

Isa Mesiya Ɓasalile Ɓandu kuti: Mkasimum'wuchisya jwakumtendela yangalumbanajo.

Naga jwine akumputa pejeje, mkundeni ampute lijeje linelyo.

Naga jwine akumsumula malaja genu, mkundeni ajigale soni mkanjo wenu.

Tukaliwuchisyaga kwa Ɓele Ɓakutuwulasya, pakuƁa Mlungu Ɓatite: ā€žChinjim'wuchisya; Tinjimlipilila."

Mlungu tachapa chilango wosope Ɓakupitilisya kutenda yangalumbana.

Chilango chakwe chakupochela mwine muwumi awuno kapena panyuma pachiwa. Nambo akutusalila kuti tum'wuchisye jwangalumbanajo pakumtendela yambone.

Mlungu tachisangalala nayo yeleyo.

CHIWULILI 5: KUPOPELA KWA MLUNGU Mateyo 6:5-15
Pachiwulilichi Ɓandu ƁaƁili akupopela kwa Mlungu.

Jwine aji mumsewo, akuwilisya wilisya mapopelo gamalewu.

Jwalakweju akusaka kuti jwalijose am'wone ni amlapilileje.

Mlungu ngakusajangaga lipopelo lyamtundu welewu.

Nambo tukwenela kuƁa mpela mundu jwinejo jwakuwoneka pachiwuliliju jwakupopela kwa Mlungu mkati mwanyumba jakwe.

Mwelemo jwalijose ngakum'wona nambo Mlungu jikape.

Jwalakweju jwalitulwisye ni kusongonaga paƁaliji mkuƁechetana ni Mlungu.

Mlungu akusapikanilaga ni kwanga lipopelo lyamtundu welewu.

Isa Mesiya Ɓatite: ā€žNaga mlikupopela, mjinjileje kulusasa kwenu, m'wugale litanga ni mpopele kwa Mlungu. Pelepo atati wele Ɓakusalola yele yayikutendekwa mwa asili, tachimpa mbote mwakulolechela."

Isa Mesiya ƁaƁechete soni kuti Mlungu akusamanyililaga yayikutusoƁa mkanituƁe mkumwenda Jwalakwe.

Ngatukwenela kuwilisyawilisya maloƁe gampepe lisiku lililyosye.

Isa Mesiya Ɓatite: "Mkwenela kupopela myi: Atati wetu Ɓakwiwunde, Lina Lyawo lichimbichikwe. Ni twaƁende kuti atutalichisye uwe kutyoka kwa Shetwani ni matala gawo gakusakala."

CHIWULILI 6: JWAKUSAKALA JULA AKUSAMISA MAKONDE Mateyo 13:24-30, 36-43
ƃandu Ɓangalumbana akumisa makonde mumgunda wepande mwasampano.

ƃanganyawo ali amagongo Ɓamsyene mgundawo.

Makondego galiji mkulandana ni mbeju sisyapandidwesyo.

Msyene mgunda nganatyosya makondego pakuƁa naga atyosye makondego tajonanjile kumo mbeju syambone sila.

ƃajembecheye mpaka ndaƁi jagowola.

Papopo Ɓatupulenye makonde gala ni kugawunjika kuti agajoche moto nipo panyuma pakwe Ɓagowele mbeju jambone jila.

Achimjangu, Mlungu ali mpela msyene mgunda jula nipo Shetwani ali jwangalumbana jula.

Mchilambo Shetwani apandile Ɓandu Ɓangalumbana sikati ja Ɓandu Ɓa Mlungu.

Naga ndaƁi jilijikwanile, Isa Mesiya tachiyika soni.

Tachalekanganya Ɓangalumbana Ɓala ni Ɓele Ɓakumkulupilila ni kumpikanila Mlungu.

Isa Mesiya tachajigala Ɓandu Ɓakwe kuti aƁe ni Jwalakwe mpaka kalakala.

Nambo Ɓangalumbana Ɓala pampepe ni Shetwani tachatopolela ku moto, kumalo gayipwetesi yangamala ni gakwatalikanganya Ɓanyawo ni Mlungu.

CHIWULILI 7: ISA MESIYA NI KAMWANACHE Mateyo 18:1-6, 19:13-15
Mlole! Lisiku line Ɓandu Ɓane Ɓayiche ni Ɓanache wawo kwa Isa Mesiya.

ƃasakaga kuti Isa Mesiya Ɓajaliwasye Ɓanachewo ni kwapopelela kwa Mlungu.

ƃakulijiganya Ɓa Isa Mesiya Ɓalinjile kwatopola Ɓanachewo.

Nambo Isa Mesiya ngasangalala nayo yiƁatesile Ɓakulijiganya Wakwe ni Ɓatite:

Mwalekani Ɓanache ayiche kwangune mkasimwalekasya, pakuƁa Uchimwene wa Mlungu wuli ƁaƁele Ɓali mpela Ɓanache.

Isa Mesiya Ɓasalile Ɓakulijiganya Ɓakwe kuti: "Naga ngamkugalawuka ni kuƁa mpela mwanache jwamwana, ngasimjinjila mu Uchimwene wa Kwinani.

ƃandu Ɓali achakulungwa mu Uchimwene wa Mlungu ali Ɓakulitulusya mpela mwanache.

Achimjangu, Ɓandu Ɓakulinonyela ni Ɓakuliganichisya kuti ali Ɓakwapunda Ɓane, nginaƁa Ɓakumkuya Isa Mesiya mu usyesyene.

CHIWULILI 8: JWAKUCHINGA NI NGONDOLO SYAKWE Mateyo 18:12-14
Lisiku line Isa Mesiya Ɓajiganyisye Ɓakulijiganya Ɓakwe ni Ɓatite:

Naga mundu akwete ngondolo 100 nipo jimo jikusokonechela, ana ngaleka ngondolo 99 ni kwawula kumatumbi kukujisosa jimpepe jisokonechele jila?

Nipo naga akujipata, jwalakwe akusasangalala mnope ligongo lya ngondolo jimope kulekangana ni ngondolo 99 sikinisisokonechela sila.

Yalumope ni Atati wenu Ɓakwiwunde ngakusasaka kuti Ɓandu asokonechele kutyoka kwa Jwalakwe.

Mlungu Ɓapanganyisye Ɓandu wosope Ɓa pachilambo.

Nipo ali Ɓakwe.

Naga jwine akumkuya Shetwani, jwelejo ali mpela ngondolo jijasokonechele jila.

Isa Mesiya akumkolanga kuti Jwakuchinga Jwambone ligongo Ɓayiche "kukusosasosa ni kulupusya" wele wali Ɓakusokonechela kwa Mlungu.

Isa Mesiya alichiƁela kusosasosa ni kukulupusya Ɓakusokonechela.

CHIWULILI 9: JWAMASENGO JWANGAKULULUCHILA Mateyo 18:21-35
Jwakutumichila jwine Ɓamkongwele mwenye mbiya syejinji ni Ɓalepele kuwuchisya ngongolejo.

Myoyo mwenyejo Ɓalamwile kuti jwamasengojo ni liƁasa lyakwe Ɓasumisye mpela achikapolo.

Jwamasengojo jwam'wendile mwenyejo kuti ampe ndaƁi jakuti awuchisye mbiyasyo.

Mwenyewo Ɓamtendele chanasa jwamasengojo.

ƃamkululuchile ni Ɓamlesile kuti ajawuleje.

Jwamasengojo jula Ɓasimene ni jwamasengo jwine jwele juƁamkongwele mbiya syamnono siƁalepelaga nombe kuti am'wuchisye.

ƃamkwenyile ni kum'wulasya kuti am'wuchisye.

Nambo jwamasengo jwinejo jwalepele kuti ajiwusye ngongolejo ndaƁi jijojo, Ɓam'Ɓisile mundujo muwukayidi mpaka lisiku liƁawuchisye ngongolejo.

Jwamasengojo Ɓamlondechesye mwenye jula yiyatendekwe. Mwenye yamsakalisye ni jwatite kwa jwamasengo jwangalumbana jula kuti:

Mkwenela kumtendela chanasa jwamasengo mjenuju, mpela munamtendele une chanasa mmwejo.

Mwenyejo Ɓam'Ɓisile jwamasengo jwangalumbana jula muwukayidi mpaka paƁalipile ngongole jakwe.

Achimjangu, tukwenela kumkululuchila jwalijose jwakututendela uwe yangalumbana.

Pelepo Mlungu chachitukululuchila yakusakala yosope yitwaliji mkutenda naga tukum'Ɓenda Jwalakwe, pakwitichisya ulemwa wetu kwa Jwalakwe.

CHIWULILI 10: ƃAMASENGO ƃAPOCHELE MALIPILO GAWO Mateyo 20:1-16
Mundu jwine jwakusichila jwasakaga Ɓaganyu kuti akatende masengo mumgunda mwakwe.

ƃakamulene yakwalipila mbiya syakwanila pamasengo ga lisiku lyamtundu.

Pakwaswele wosope Ɓayiche kuti apochele malipilo gawo.

Jwandanda kupochela mbiyasyo ni juƁamlembile chakwigulo.

Jweleju jwatesile masengo panandipe. Nambo mundu jwakusichilajo jwaliji jwambone mtima.

ƃampele mundujo malipilo gagaliji galisiku lya mtundu.

Mundu jwaƁili jwatesile masengo kutyochela musi, jwine jwatesile masengo lisiku lyamtundu.

Nambo wosope Ɓana Ɓatatu Ɓapochele malipilo gakulandana.

Mundu jujwatesile masengo lisiku lyamtundu jula jwatandite kudandawula. Jwasakaga kuti amjonjechesye mbiya sine.

Nambo jwakusichilajo Ɓatite: ā€žAchimjangu nganinamlemwechesya Ɓanganyamwe.

Mwajitichisye kuti chimtende masengo ni malipilogelega.

Ngwete ulamusi Ɓakutenda yingusaka ni mbiya syangu.

Ana mkudandawula ligongo lyakumtendela yeleyi?"

Achimjangu, Mlungu ali mpela mundu jwakusichila.

Mlungu ndaƁi syosope ali jwagolosya. Nambo soni ali jwakusalala mtima.

Akusapeleka wumi wangamala kwa wosope Ɓandu wele Ɓakumkulupilila Isa Mesiya.

Welewu uli MTUKA WALULELE,

nipo wangalipila ligongo lya masengo gambone gakusatenda Ɓandu pachilambo.

CHIWULILI 11: ACHAKONGWE MSANO KUSA KWAMLANGO Mateyo 20:1-16
Isa Mesiya ƁaƁechete chitagu cha Ɓali likumi.

WanganyaƁa Ɓaliji mkwembecheya kuti msyene ndowa ayiche ni chitande chisangalalo chandowajo.

ƃali msano Ɓaliji Ɓalunda, nambo msano Ɓaliji ƁakuloƁela.

PaƁayiche msyene ndowa chilo mwakusisimuchila, Ɓali msano Ɓalunda Ɓala Ɓaliji Ɓakoseche kuti amchingamile msyene ndowa jula.

ƃatasile mawuta munyali syawo ni Ɓajinjile mchindimba mula.

Nambo Ɓali msano ƁakuloƁela Ɓala nganapata mawuta ga nyali syawo, myoyo Ɓapite kuti akasume.

Nambo paƁatyosile, litanga lyawugalidwe.

PaƁawusile Ɓagumisile achitiji: Awugule litanga tujinjile.

Msyene ndowajo Ɓajanjile achitiji: "Ngumsalila yisyene ngangummanyilila Ɓanganyamwe."

Achimjangu, Isa Mesiya sambano ali kwiwunde.

Nambo lisiku line tachiyika soni mwachisisimuchila pa chilambo pano.

Ngatukumanyilila lisiku yakwe. Nambo mm'Ɓe tuwe Ɓakoseka kuti tumchingamile.

PakuƁa Isa Mesiya tachajigala wosope Ɓakumnonyela ni kumpikanila Jwalakwe kuti akaƁe nawo kumbepo nambo Ɓajinji, mpela Ɓali msano ƁakuloƁela, tachaleka kusa.

CHIWULILI 12: BWANA NI ƃAMASENGO ƃAKWE Mateyo 25:14-30
Ana mpaka mkoseche chamtiwuli kuti m'wujile kwa Isa Mesiya?

Apikane, Mwenye jwele jukum'wonajo agambile kuwuja kwene kutyochela kuwulendo wakwakutalichila. MkinaƁe kutyoka ulendo wakwewo Ɓayipeleche yine mwa yindu yawo kwa Ɓamasengo Ɓakwe. Kwa jwamasengo jumpepe Ɓampele mbiya syakwana 500. Jwamasengojo Ɓasitendele malonda ni Ɓapatile mbiya sine msano.

Jwamasengo jwine Ɓampele 200. Jwapatile sine 200 sya mmbujegwe.

Pijwawusile mwenyejo, jwandanda jula Ɓamtesile kuƁa sulutani jwa misi 10 jwaƁili jwakwe kuƁa mwenye jwa misi 5. Nambo jwamasengo jwatatu Ɓapochele 100 ni Ɓasisunjile pamalo gambone. Pangali yijwatesile nasyo nganaƁika atamose ku banki. najo yamnyaleye ligongo jwamasengo jweleju jwaliji jwawulesi. ƃamwilasisye mbiyasyo ni Ɓamtopwele mnyumba mwakwe.

Achimjangu, Isa Mesiya ali Bwana jwa Ɓandu wali mwa Mesiya.

ƃapite kwiwunde nambo tachiwuja soni pachilambo. AkusiƁakulupilila Ɓakutumichila Ɓakwe kuti atameje ni Jwalakwejo ni kwasalila Ɓane yakwamba Jwalakwe. Isa Mesiya awupeleche soni msimu Wakwe Weswela kuti Ɓakamuchisye kutenda yeleyi. (NYIMBO)

SIDE B: YAKUMMANYISYA
Isa Mesiya Ɓajiganyisye Ɓandu yakwamba Mlungu, nambo Ɓalosisye soni Ɓanganyawo kuti Jwalakwe Ɓakwete machili gamakulungwa mnope gakutyochela kwa Mlungu.

Mloleje pachiwulilipo ni m'wunukule chiwulili chakuyichisya naga mkupikana kusona kuti.

CHIWULILI 13: ISA MESIYA ƃABATISIDWE Maliko 1:4-11
Pachiwulili chelechi tukum'wona Isa Mesiya mkinaƁe kutanda kwiganya.

Mundu jwali najo mlusulojo ni Yahaya m'batisi.

Yahaya jwaliji mkumanyilila kuti lisiku line Isa Mesiya Mesiya tachiyika kutyochela kwa Mlungu.

Yahaya ƁaƁele alimkwatetela Ayuda kuti akwenela kuleka yitendo yawo ya ulemwa ni kumpikanila Mlungu.

Wosope Ɓele ƁaƁakulupilile utenga wa Yahaya wa Mlungu, Ɓabatisidwe ni mesi mlusulo lwa Yolodani.

Ubatiso wa Yahaya chaliji chimanyisyo chakuti Ɓanganyawo akusaka kuleka yitendo yawo yangalumbana ni kutamaga mwakwilana ni Mlungu.

Yahaya Ɓatite "Panyuma pangu akwIsa Mesiya Jwine jwamachili mnope kumbunda une.... Une ngum'batisya ni mesi nambo Jwalakwe tachimbatisya ni Msimu Weswela nambo soni moto.

Isa Mesiya Ɓayiche kwa Yahaya.

Isa Mesiya Ɓaliji Ɓangali ulemwa kapena kumtumbilisya Mlungu nambope Ɓasachile kuti abatiswe.

PaƁaliji mkuchuwuka Isa Mesiya mmesi, yatendekwe yakusimonjesya.

Kwinani kwawugwiche nipo Msimu Weswela wa Mlungu wakuwoneka mpela ngunda wamyichilile Isa Mesiya.

LiloƁe lya Mlungu lyapikaniche kutyochela kwiwunde lichitiji:

"Mwejo ni Mwanangu jwangunonyelwa Najo, mwa Mmwejo ngusangalala mnope ."

CHIWULILI 14: ISA MESIYA ƃAƃILASILE ƃAKULIJIGANYA Maliko 1:12-20
Lisiku line Isa Mesiya alimkwenda mungulugulu nyasa ja Galilaya, Ɓam'weni mundu jwine lina lyakwe Simoni ni mpwakwe Andileya alimkuponya likoka, pakuƁa Ɓaliji anyasa.

Isa Mesiya Ɓatite kwa Ɓanganyawo kuti: "Ayiche, anguye Une nipo chinamtende kuƁa Ɓakuposya Ɓandu."

NdaƁi jijojo Ɓalesile likokalyo ni Ɓajawulaga ni Isa Mesiya.

Isa Mesiya Ɓambweni soni mundu jwine ni mpwakwe Yakobo ni Yahaya. ƃaliji mkulinganya makoka gawo.

PiƁagambile kwaƁilanga Ɓamkuyiye Isa Mesiya ndaƁi jijojo.

Isa Mesiya Ɓasagwileso ni Ɓakwana 8.

ƃele Ɓandu 12 Ɓa ni wuƁaƁele Ɓakulijiganya Wakwe, kuti aƁeje ni Jwalakwe ndaƁi syosope nipo kuti alijiganye kutochela kwa Jwalakwe.

ƃele 12 Ɓa panyuma pakwe Ɓaliji Ɓandumetume Wakwe, Ɓele Jwalakwe ƁaƁatumaga.

ƃanganyawo Ɓaliji mkulalichila Utenga Wambone wa Mesiya ni kuposya mawulwele Mlina lya Isa Mesiya.

Panyuma pakwe Isa Mesiya Ɓapele machili Ɓanganyawo kupitila mu Msimu Weswela, kuti ajikoposye misimu jangalumbana.

Nipo Isa Mesiya mkinaƁe kuwujila kwinani, Ɓapeleche lilamusi ali kwa Ɓandumetume Wakwe achitiji:

"Jawulagani mkapanganye Ɓakulijiganya wa ngosyo syosope nipo mkajiganye Ɓanganyawo kuti akapikanileje yosope yinamlamwile Ɓanganyamwe." Yeleyi yigopolela kuti jwalijose jwakusaka kuƁa jwakulijiganya jwa Isa Mesiya lelo jwamlume, jwamkongwe, achanda ni wali aƁeje Ɓakwembecheya kugapikanila malamusi ga Ambuje Isa Mesiya. Akwenela kƁasalila Ɓane utenga wambone wa Isa Mesiya ni kutenda yeleyi mmachili ga Msimu Weswela.

CHIWULILI 15: MUNDU JWAMATANA Maliko 1:40-45
Lisiku line mundu jwine jwamatana jwayiche kwa Isa Mesiya.

JwatindiƁele pawujo pa Isa Mesiya ni Ɓam'wendile kuti:

"Naga akusaka, Walakwe mpaka aswejesye."

ƃandu Ɓane Ɓaliji mkogopa kuti aƁandikane najo ligongo lya matanago, nambo Isa Mesiya Ɓamtendele chanasa.

ƃamkamwile ni Ɓatite: "Ngusaka, swejelani.

NdaƁi jijojo matanago gaposile.

Jwalakwejo jwaliji jwakusangalala nipo jwagambaga kumsalila mundu jwalijose.

Achimjangu, ulemwa uli mpela matana.

Wukusatulekanganya ni Mlungu nambo soni ni Ɓandu.

Nambo naga tukwisa kwa Isa Mesiya, Jwalakwe chachituswejesya uwe kutyochela ku ulemwa wetu.

CHIWULILI 16: MUNDU JWAJINJILILE PAMSAKASA Maliko 2:1-12
Lisiku line waliji mnyumba ali mkwajiganya Ɓandu ya Mlungu.

Jele ndaƁijo Ɓandu 4 Ɓasakaga kumjigalila mundu jwamlemale jwangajenda kwa Isa Mesiya, nambo ligongo lya winji wa Ɓandu Ɓapele kwinjila mkati.

Myoyo Ɓatyosisye mapale pamsakasa ni Ɓamtulwisye mundu jula ni ngonji.

Isa Mesiya Ɓachiweni chikulupi chawo mwa jwajwalakwe.

Nipo Ɓatite kwa mundujo jwakulwala jula: "M'chanda, ulemwa wenu ukululuchikwe."

ƃakulongolela Ɓadini yasakalisye paƁapikene yeleyi.

ƃatite, Ɓani Ɓampaka akululuchile ulemwa, ngati Mlungu jika?"

Nganakulupililaga kuti Isa Mesiya Ɓatyochele kwa Mlungu.

Papopo Isa Mesiya Ɓansalile jwangajenda jula kuti: "Mjime, nyakulani wugono wenu, jawulagani kumangwenu!"

Mundu jwaposile mwalitala lyeleli, Isa Mesiya Ɓalosisye Ɓanganyawo kuti waliji jwakutyochela kwa Mlungu.

ƃakwete machili gakukululuchila ulemwa, yimpepepeyo Ɓakwete machili gakuposya mawulwele.

Wosope tukusasosaga kuti tuƁe chenene naga tulimkulwala, nambo yili yakusosedwa mnope kum'Ɓenda Isa Mesiya kuti atukululuchile ulemwa wetu, ni kupochela mtuka wa Wumi wangamala kutyochela kwa Jwalakwe.

CHIWULILI 17: ISA MESIYA ƃAPOSISYE MKONO WA MUNDU Maliko 3:1-5
Apa tukum'wona Isa Mesiya mnyumba ja Mlungu, jakuƁilangwa Sunagogi.

ƃakulongolela Ɓadini nombe Ɓaliji mwelemo.

Lyaliji lisiku lyakusosekwa mnope lyele Ayuda liƁaliji mkulambila Mlungu.

Lilamusi lyawo lyaliji lyakuti pangali jwakutenda masengo pa lyele lisikuli.

Mundu jwine jwamkono welemale jwaliji mmomo.

Isa Mesiya Ɓaliji mkusamala ya Ɓandu nipo ali chiƁela kusamala. Nambo Ɓakulongolela Ɓa diniwo nganayitendaga.

ƃasakaga kuti Isa Mesiya akase lilamusi lyawo nipo kuti am'wulaje.

Isa Mesiya Ɓawusisye Ɓakulongolelawo achitiji: "Ana lilamusi lyetu likusatulamulaga kuti tutendeje chichi palisiku lyalelo, kutenda yambone kapena yangalumbana, kukulupusya wumi kapena kuwulaga?

Ayuda nganaƁecheta chilichose pakuƁa mitima jawo jaliji jakulimba.

Myoyo Isa Mesiya watite kwa mundujo: "Mtambasukule mkono wenu!"

Mundujo jwatambasukwile mkonowo nipo wosope wam'weni ali alimbangene chenene.

Achimjangu, tukwenela kumlambila ni kumpikanila Mlungu, nambo tukwenela kwasamalila Ɓandu Ɓane nombe; ligongo mwine mwakwe kulambila kwetu chikuƁe kwangakwanila nipo soni kwangagopolela chilichose.

CHIWULILI 18: ISA MESIYA ƃACHILAMWILE CHIMBUNGO Maliko 4:35-41
Pachiwulilichi tukum'wona Isa Mesiya ni Ɓakulijiganya Ɓakwe ali mwiboti.

ƃaliji mkomboka nyasa jekulungwa mnope.

NdaƁi jijojo chimbungo chakogoya mnope chatandite kupuga.

Mesi gagumbele mwiboti mpaka lyatandite kumilwa.

Isa Mesiya Ɓaliji mlugono chakunyuma kwebotilyo.

Wakulijiganyanya Ɓakwe Ɓamjimwisye achitiji: "Mwalimu, ana ngamkusamala yakuti chitumilwe?"

Isa Mesiya Ɓajimwiche ni watite kumbungojo ni matumbela: "Yigwe bata!"

NdaƁi jijojo chimbungocho chalesile. Isa Mesiya watite kwa Ɓakulijiganya Wakwe: "Ligongo chichi mkogopa? Ana nganimkolepe chikulupi?"

ƃakulijignya Ɓala Ɓasimongwile ni Ɓatite: "Ana nduni jweleju? Atamose mbungo jose ni matumbela yikumpikanila!"

Achijangu, tukumanyilila kuti Isa Mesiya ali Mesiya nipo kuti akwete machili pa Ɓandu wosope, misimu ni yindu yine yosope yaƁayipanganyisye.

Myoyo mpaka tumkulupilile Isa Mesiya kuti atuchinjilichisye ni kutupa mtendele mmasawusyo getu.

CHIWULILI 19: JWAMKONGWE SIKATI JA GULU JA ƃANDU Maliko 5:25-34
Ana mkum'wona jwamkongwe jwali sikati ja Ɓandujo?

Jwelejo jwaliji mkulwala kumwesi kwayaka 12, ni yaliji mkupitilila mnope.

Jwapikene kuti Isa Mesiya mpaka amposye.

Jwamkongwejo jwatite chamumtima: "Naga ngwamba kukwaya yakuwala Yakwe, chindame."

Myoyo jwamkongwe jula jwayiche panyuma pa Isa Mesiya sikati ja Ɓandu ni jwakwayiye yakuwala ya Isa Mesiya.

NdaƁi jijojo kulwala kula kwalesile ni jwalimanyilile mchilu mwakwe kuti alamile.

Isa Mesiya Ɓamanyilile kuti machili Gakwe gakopweche mwa Jwalakwe.

Wajimi ni watite: "Ana wani Ɓakwayiye yakuwala Yangu?"

ƃapali wandu Ɓajinji ƁaƁamsyungulile Isa Mesiya, nambo jwamkongwe jula jwayimanyilile yiyam'wonechele.

Jwayiche mwawoga ni jwatindiƁele pasajo sya Isa Mesiya ni Ɓamlondechesye yosope yijwatite pakulama.

Isa Mesiya watite: "Mwali, chikulupi chenu mwa Une chimposisye.

Jawulagani mumtendele nipo chim'we Ɓangali soni wulwelewo."

Pana Ɓandu Ɓajinji mchilambo muno, nambo Isa Mesiya akummanyilila jwalijose jwetuwe nipo akusatusamalaga.

Akusamsamalila mmwejo. Jwalakwe akumsaka mmwejo kuti myiche kwa jwalakwejo ni kukulupililaga mwa Jwalakwejo.

Malemba ga Mlungu gakutujiganya kuti Isa Mesiya alichiƁela kwaposya Ɓele ƁakuƁika chikulupi chawo mwa Jwalakwe.

CHIWULILI 20: ISA MESIYA NI MWANACHE JWAM'WE Maliko 5:22-24, 35-43
Isa Mesiya Ɓaliji pawulendo wakuja kwamundu jwine lina lyakwe Yayilu.

Yayilu waliji mundu jwakusosekwa mnope mumsikiti wa Ayuda.

Mwanache jwakwe jwaliji mkulwala mnope.

ƃam'Ɓilasile Isa Mesiya kuti ajawule akamposye, nambo Isa Mesiya mkinayiche kumaloko mwanache jula jwawile.

Isa Mesiya Ɓamsalile Yayilu kuti: "Mkasimjogopa, mgambe kulupilila."

Kunyumba ja Yayilu Ɓandu Ɓaliji mkulila mwakudandawula nambo Ɓasalile kuti ajawuleje.

Isa Mesiya Ɓamjigele Yayilu ni Ɓamkwakwe pampepe ni Ɓakulijiganya Wakwe Ɓatatu kuja mnyumba jiƁamgoneche mwanache jwam'we jula.

Isa Mesiya Ɓamkamwile pamkono ni Ɓatite: "Mwali, nguti kwammwejo, jimukani!"

NdaƁi jijojo jwajimwiche ni kutanda kwendajenda ni Ɓampele yakulya kuti alye.

Elo, Isa Mesiya Ɓakwete machili atamose pachiwa.

Kwa Ɓele Ɓakumkulupilila ni kumkuya Isa Mesiya ngakwenela kogopa chiwa.

CHIWULILI 21: ISA MESIYA NI JWAMKONGWE JWACHILENDO Maliko 7:24-30
Lisiku line jwamkongwe jwine jwachilendo jwayiche kwa Isa Mesiya.

Kamwanache kakwe kakakongwe kaliji kana masoka gangalumbana.

Jwalimbichile kum'Ɓenda Isa Mesiya kuti agakoposye masokago.

Isa Mesiya Ɓamsalile kuti Ɓayiche kukwakamuchisya Ɓandu ƁachiYuda kaje.

Isa Mesiya Ɓatite: "Chandanda mwaleche kaje Ɓanache alye yakuti pakusosa, pakuƁa nganiyiƁa chenene kujigala chakulya cha Ɓanache ni kusipa mmbwa."

ƃakongwewo Ɓajanjile achitiji: "Elo, nambotu atamose mmbwa sikusalokota mbakatika sya Ɓanache.

Papopo Isa Mesiya Ɓatite kwa jwamkongwejo kuti: "Ligongo lyakwanga myoyo, komboleka kwawulaga, lisokalyo likopweche mwa mwanachejo."

Jwamkongwe jula jwapite kumangwakwe ni Ɓalisimene lisoka lila lililikopweche mwa mwanache jula.

Isa Mesiya akusiƁanonyela ni kwakamuchisya Ɓandu Ɓamitundu josope ni Ɓayilambo yosope.

Isa Mesiya ali jwakulimbangana kuti atutyosye uwe mu ulemwa ni machili ga Shetwani.

CHIWULILI 22: ISA MESIYA NI MUNDU JWANGAƃECHETA NI JWANGAPIKANA Maliko 7:31-37
ƃandu Ɓane Ɓayiche ni mundu kwa Isa Mesiya.

Jwaliji jwangaƁecheta soni jwangapikana chipagwile.

ƃam'wendile Isa Mesiya kuti amsajiche ligasa mundujo.

Isa Mesiya Ɓajinjisye yala Yakwe mmawiwi mwa mundujo, Ɓamkamwile pa lulimi lwakwe.

Isa Mesiya Ɓalolite kwinani kwa Mlungu ni Ɓatite "M'wuguche!" MwandaƁi jijojo mundu Ɓapikene ni ƁaƁechete mwakupikanika.

ƃandu Ɓaliji Ɓakusimongwa kuti: ā€žIsa Mesiya akutenda yosope mwakupikanika ni mwaumbone!"

Mpela Isa muƁampochesye mundujula mawiwi kuti apikaneje maloƁe, ni lulimi kuti aƁechetaneje ni Ɓandu. Myoyo Isa Mesiya mpaka atutendekasye kuti tuƁe Ɓakusaka kugapikanila maloƁe ga Mlungu, kuti tumanyilile yakusaka Mlungu mu wumi wetu.

CHIWULILI 23: ISA MESIYA ƃAMTENDEKASISYE MUNDU JWANGALOLA KUTI ALOLE Maliko 8:22-26
Lisiku line Ɓandu Ɓane Ɓayiche ni mundu jwangalola kwa Isa Mesiya kuti amposye.

Isa Mesiya Ɓamkamwile mundujo pamkono ni Ɓamkopwesye kusa kwa musiwo.

ƃamsunile mundu jula mmeso ni Ɓamkamwile mmesomo Ɓam'wusisye kuti "Ana pana chindu chimkuchiwona?"

Mundujo jwajanjile kuti:"Ngwawona Ɓandu. Akuwoneka mpela yitela, akwendajenda."

Isa Mesiya wamkamwile soni kaƁili mmeso mula.

Papopo mesogo gawugwiche, ni jwatandite kulola yosope chenenepe.

Achimjangu, Shetwani ngakusasakaga kuti uwe mpaka tummanyilile Isa Mesiya kapena kuti tugapikanichisye MaloƁe Gakwe.

Naga tukukulupilila mwa Isa Mesiya, chatutendekasye kuti tulole ni kupikanichsya Usyesyene Wakwe chenene, kupitila mmasengo ga Msimu Wakwe Weswela.

Tukusosedwa kuti tupopeleje lisiku lililyose kum'Ɓenda Jwalakwe kuti atendeje myoyo.

CHIWULILI 24: ISA MESIYA WAMPOSISYE MNYAMATA JWANA LISOKA LYANGALUMBANA Maliko 9:14-29
Lisiku line mundu jwine jwayiche ni mwanache jwakwe kwa Ɓakulijiganya wa Isa Mesiya.

ƃaƁendile kuti alikoposye lisokalyo mwa mwanachejo nambo Ɓalepele.

Panyuma pakwe Ɓayiche najo mwanachejo kwa Isa Mesiya.

Lisokalyo palyam'weni Isa Mesiya, lyamtetemelesye mwanachejo ngongolo.

Mwanachejo jwagwile pasi ni galagata, kukamwa kulikwana chiwulo.

Atatigwe Ɓakwete kachikulupi panandipe kuti Isa Mesiya mpaka Ɓakamuchisye Ɓanganyawo, ni Ɓatite kwa Isa Mesiya:

"Nambo mpaka mtutendele kanekakwe, mtutendele uwe chanasa ni mtukamuchisye."

Isa Mesiya Ɓajanjile achitiji: "Naga mpaka mtende, chilichose chikusakomboleka kwa jwele jwakukulupilila (mwa Mlungu).

Babagwe mnyamata jula Ɓajanjile achitiji: "Ngukulupilila; angamuchisye andyochesye wungakulupilila Ɓangu."

ƃandu Ɓajinji paƁaliji mkuwutuchila kuti akalole, Isa Mesiya Ɓalisalile lisoka lyakusakala lila achitiji:

Mmwe lisoka lyangapikana ni lyangalola, ngumlamula mmwe, kopokani mwa jwelejo, nipo mkasimjinjila soni mwa jwalakwejo."

Lisokalyo lyagumisile mnope ni lyakopweche mwa mnyamatajo.

Mnyamatajo jwagambile gona mwangawulukuta nipo Ɓandu Ɓajinji Ɓatiga: "Awile jwelejo"

Nambo Isa Mesiya Ɓamkamwile pamkono ni Ɓamnyakwile kuti ajime nipo jwajimi.

Panyuma pakwe Ɓakulijiganya Ɓakwe wam'wusisye Isa Mesiya kwajikape achitiji: "Ana ligongo chichi uwe tulepele kulikoposya?"

Isa Mesiya Ɓajanjile achitiji: "Yeleyi mpaka yikopoche pakupopela basi."

Kalikapite kandaƁi kamnono yilitendekwe yeleyi, Ɓakulongolela Ɓadini ƁachiYuda Ɓam'wuleje Isa Mesiya.

Nambo pelepo Isa Mesiya ni piƁatesile yakusimonjesya kupunda yosope.

ƃajimwiche kuƁawe. ƃamgonjesye Shetwani ni chiwa mpaka kalakala.

Isa Mesiya ali jwamkulungwa mnope kupunda misimu ni milungu ja mchilambo muno nipo akwete machili payindu yosope yene.

PakuƁa Isa Mesiya ali Mesiya Msyesyene jwa Mlungu.