unfoldingWord 06 - الله يوفر لاسحاق
Grandes lignes: Genesis 24:1-25:26
Numéro de texte: 1206
Langue: Arabic, Sudanese: Khartoum
Audience: General
Genre: Bible Stories & Teac
Objectif: Evangelism; Teaching
Citation biblique: Paraphrase
Statut: Approved
Les scripts sont des directives de base pour la traduction et l'enregistrement dans d'autres langues. Ils doivent être adaptés si nécessaire afin de les rendre compréhensibles et pertinents pour chaque culture et langue différente. Certains termes et concepts utilisés peuvent nécessiter plus d'explications ou même être remplacés ou complètement omis.
Corps du texte
لمن ابراهيم كبرشديد ، ولدو اسحاق كبر وبقى راجل . عشان كدا ابراهيم رسل واحد من خدامه للارض الساكن فيه اقرباءه عشان يجيب مراة لولدو اسحاق .
بعد رحلة طويلة للأرض الساكن فيه اهل ابراهيم، الله قاد خادم الى رفقة. وهي كانت بت ولد اخو ابراهيم .
و رفقة وافقت تخلي اسرتها, و ترجع مع الخادم الى بيت اسحاق . اسحاق اتزوجها طوالي لمن هي وصلت .
بعد زمن طويل، ابراهيم مات . الله بارك ولد ابراهيم ، اسحاق ، عشان العهد الكان عمله بينه و بين ابراهيم . واحد من وعود الله في العهد داك انو ابراهيم حيكون عنده نسل ما بتحسب . لكن زوجة اسحاق ، رفقة ، ما كان عندها عيال.
اسحاق صلى من اجل رفقة ، و الله سمح ليها تكون حامل بتيمان . الطفلين كانوا بيتصارعوا مع بعضهم البعض وهم لسع في رحم رفقة ، عشان كدا رفقة سالت الله ده شنو القاعد يحصل ده .
الله كلم رفقة ،"انتي بتلدي اولاد اتنين . و نسلهم بيكون اتنين امة مختلفين . هم بتصارعوا مع بعضهم البعض . لكن الامة البتجي من ولدك الاكبر حيطيعوا الامة البتجي من ولدك الاصغر".
لمن عيال رفقة اتولدو ، الولد الكبيرطلع لونه احمر و عنده شعر ، و سموه عيسو . اما الولد الاصغر طلع ماسك كعب عيسو ، و سموه يعقوب .