KULOLA, KUPIKANA NI KOLA WUMI: BUKU 1

SIDE A: YAKUMMANYISYA
ƃakunonyelwa achalongo. Ayiche ni alijiganye ya Ɓandu Ɓane Ɓandanda wuƁatamaga pa chilambo. Yilinganyo ya Mlungu mwa Ɓanganyawo yikutujiganya yejinji yakwamba Mlungu Msyesyene jumpepe. Mlole yitusitusi yayili mubuku jechejewujo pamkupikanila kasetijo. Jikwete majiganyo gakutyochela mu buku ja Tawuleta ni Injili. Naga mkupikana kusona kuti [Ngo], m'wunukule kusyeto kwachikalakalacho.

CHITUSITUSI 1: ADAMU NI YINYAMA Genesisi 1:1 - 2:14
Pandanda pene Mlungu jika jwapali, chachijumi chilichose nganichipagwa.

Pana Mlungu jumpepe basi jwali Msimu. Mlungu jwana machili gosope.

Jakumanyilila yindu yosope nipo Jwalakwe ali posepose.

Chilambo mpela yatukuti pakuchimanyilila lelo nganichipagwa.

Mlungu Ɓapanganyisye yosope yapachilambo ni yakwinani.

Papopo mawunde ni soni chilambo chapasi.

ƃasigaƁanyisye nyasa kutyochela kumalo gamajumu nipo mbeju syatandite kumela. Mlungu ƃapanganyisye soni lyuƁa, mwesi ni ndondwa.

Nipo Mlungu Ɓapanganyisye yawumi yosope pa chilambo ni ya mnyasa.

Mundu jwali pachitusitusipa ni Adamu.

Jwalakweju ni mundu jwandanda.

Mlungu Ɓampanganyisye kutyochela mluwundu lwa pa chilambo.

Mlungu Ɓampele munduju Msimu Wakwe kuti ammanyile Mlungu.

Nganisyo ni yitendo ya mundu yosope yaliji mkwilana ni ya Mlungu, nipo jwalakwe Ɓajendaga ni Mlungu.

Nipo Mlungu Ɓayiweni kuti yosope yiƁapanganyisye yaliji yambone.

CHITUSITUSI 2: ƃAMKWAWO ADAMU Genesisi 1:27-28, 2:15-25
Mlungu Ɓam'Ɓisile Adamu mumgunda Ɓakusalala, lina lyakwe Yedeni, ni kumsalila kuti awusamalileje.

Yapali yitela yamtundu wuliwose, konjechesya chitela cha Wumi.

Adamu Ɓakwete yisogosi yamtundu wuliwose yakulya.

Mlungu Ɓamkundile Adamu kuti ayisosele mena yinyama ni yijuni yosope.

Yawumi yapali yayilume ni yamikolo yakwe yosope nganiyimjogopaga mundu nambo soni ngamtenda kandu.

Adamu nganakola wamkwawo.

Iyoyo Mlungu Ɓaganisisye yakupanganya jwamkongwe kuti aƁe wamkwawo Adamu.

Mlungu Ɓamtendekasisye Adamu kuti agone lugono lwamnope.

ƃamjigele luƁalati kutyochela mwa Adamu. Kutyochela mlum'walatilo Mlungu Ɓapanganyisye jwamkongwe.

Mlungu Ɓajigalile jwamkongwe kwa jwamlume.

Jwamlume ni jwamkongwe waliji Ɓamakonope, nambo nganadandawulaga. ƃaƁechetanaga ni Mlungu mpela mundu ni mjakwe nipo kwaliji kwangali lipowo, chiwa kapena yakusakala kumalo gakusangalasyago.

CHITUSITUSI 3: LIJOKA MUMGUNDA Genesisi 2:16, 3; Yesaya 14:12
Mlungu Ɓamlamwile mundu jula Adamu: "Mlamulidwe kulya chitela chilichose mumgundamu, nambo mkasilya ya chitela chakupeleka lunda lwakumanyilila yambone ni yakusakala, pakuƁa naga chimlye chelecho nditu timchiwa."

Nambo Shetwani Ɓalambwisye Ɓamkwakwe Adamu.

Pandanda pene Shetwani Ɓaliji lilayika lya Mlungu, nambo Ɓamjimuchile Mlungu juƁampanganyisye jwalakwe.

Jwasachile kuƁa jwamkulungwa kupunda Mlungu.

Myoyo Mlungu Ɓamtopwele mchilambo ni jwaƁele mmagongo jwa Mlungu.

Shetwani, jwakusakala jula, jwayiche kwa jwamkongwe mpela lijoka lyangalumbana lyakunyenga.

Shetwani Ɓamnyenjelele jwamkongwejula kuti alye chisogosi chiƁamkanyisye.

ƃamsalile kuti ngasawa naga akulya chisogosicho.

Jwamkongwe jwalile chine chisogosi ni Ɓampele Adamu.

PaƁagambile kulya Ɓasisimwiche ali makonope.

ƃalipanganyichisye yakuliwunichila ya masamba nipo Ɓalinjile kumjuƁa Mlungu.

CHITUSITUSI 4: ADAMU NI HAWA KUSA KWA MGUNDA Genesisi 3:14-24
Apa pana chitusitusi tukuyiwona yiyamtendekwele Adamu paƁalesile kumpikanila Mlungu.

Mlungu Ɓampele chilango ligongo lya wungapikanila lilamusi Lyakwe.

Nambo chandanda Mlungu Ɓalisalile lijoka "Ligongo lyakutenda yeleyi, mli Ɓakulwesedwa kupunda yilango yosope ni yosope yinyama yamwitinji."

Kutyochela jele ndaƁijo Shetwani jwaƁele mmagongo jwa Mlungu ni Ɓandu.

Mlungu soni jwasalichisye ya chisukulu cha Adamu ni Ɓamkwakwe, kuti Mesiya, tachimgonjesya Shetwani.

Mlungu Ɓamsalile jwamkongwe: "Tinjijonjechesya yipotesi mli ni chitumbo ni pakuƁeleka."

Mlungu Ɓamsalile Adamu kuti pakuƁa mwapikanile Ɓamkwenu ni mlile ya mchitelachi, chinalilwese litaka.

Myoyo jwalakwe tachitenda masengo mwakulimba kuti alitendekasye litaka kuti lisogosye yakulya yakumkwanila jwalakwe ni liƁasa lyakwe mpaka kuwa.

Mlungu Ɓamkopwesye Adamu kusa kwa mgunda.

Adamu Ɓampele lina lyakuti Hawa, gopolela kuti "wumi."

Jwamkongwejo jwakwete Ɓanache ni jwalakwe.

Waliji achambuje Ɓa Ɓandu wosope.

Ligongo lyakuti Adamu ni Hawa nganampikanila Mlungu, ulemwa wayiche mchilambo muno. Myoyo ƃandu wosope Ɓapanyuma pawo ali Ɓakulemwa nipo ulemwa welewu ukwatalikanganya ƃanganyawo ni Mlungu nipo soni mundu ni mjakwe.

Wosope nganitumpikanila Mlungu. Wungampikanila Mlungu uli ulemwa.

Tukusawa ligongo twalwemwisye.

Nambo pana chikulupi. Mpela Mlungu Ɓalangene ni Adamu ni Hawa kuti Mesiya tachiyika, kutukulupusya uwe kumachili ga ulemwa ni Shetwani.

CHITUSITUSI 5: NOWA NI CHOMBO CHEKULUNGWA Genesisi 6:1 - 7:5
ƃanache wa Adamu ni Hawa ni mitundu jijapali panyuma jaƁele jejinji mnope.

ƃanganyawo Ɓakuyiye matala ga Shetwani ni Ɓatendaga ya ulemwa.

Mlungu jwaliji jwakudandawula kuti jwapanganyisye Ɓandu.

Mundu jumope ni jujwaliji kumsangalasya Mlungu. Lina lyakwe Nowa.

Lisiku line Mlungu ƁaƁechete ni Nowa watite: "Ngusaka kuƁika mbesi ja Ɓandu wosope, pakuƁa chilambo chigumbele ni yawusakwa ligongo lya Ɓanganyawo.

Mlilinganyichisye mwasyene chombo.

Chindumisye chikumba pachilambo kuti chijonanje cha wumi chilichose.

Nambo chimbanganye chilanga ni mmwejo.

Mjinjile mchombomo mmwejo ni Ɓamkwenu, Ɓanache wenu Ɓachilume ni achiƁamkwawo. Mjigalile mchombomo yinyama ya mikambako ni yamikolo, yijuni yamtundu wuliwose kuti yisunjiche ni wumi."

Mlungu Ɓamsalile Nowa yisyesyene yichajile pakulinganya chombocho.

Nowa Ɓayitesile yosope mpela muƁaƁechetele Mlungu.

ƃapanganyisye chombocho, Nowa Ɓalimbichile kwatetela Ɓandu kuti Mlungu chiƁajonanje Ɓanganyawo wosope, nambo nganaleka yitendo yawo yangalumbana.

CHITUSITUSI 6: CHIKUMBA CHACHIKULUNGWA Genesisi 7:6-23
Mlungu Ɓayisunjile yilanga yakwe yosope.

Nowa ni liƁasa lyakwe ni yinyama yosope Ɓajinjile mchombo.

Yosope payamasile kwinjila Mlungu Ɓawugele mlango.

Palipapite moƁa msano ni gaƁili wula jatandite kugwa.

Janyele kwa moƁa makumi mcheche musi ni chilo chakwe.

Mesi gatumbulile gakopweche pasi nipo chilambo chosope chagumbele ni chikumba chekulungwa mnope.

Mundu jwalijose, yijuni ni yinyama yosope yiyaliji kusa kwa chombo yawile.

ƃandu nganasinda. Akwete chiƁela ulemwa wachipago, Ɓakumkuya Shetwani ni kuleka kumkuya Mlungu.

CHITUSITUSI 7: MLUNGULUNGU NI CHILANGA CHA MLUNGU Genesisi 7:24 - 9:17
Nowa ni liƁasa lyakwe Ɓaliji mchombo mula ni yinyama yosope kwachaka chamtundu.

Panyuma pakwe wula jalesile nipo mesi gajumwile pa chilambo, wosope Ɓakopweche mchombo mula.

Papopo Nowa ƁataƁile pakutajila mbopesi ja Mlungu, mpela yimkuti pakuyiwona apa.

Ɓapeleche yinyama yine kwa Mlungu pakuyitinisya pa malo gakutajilago.

Mlungu Ɓasangalele najo mbopesijo nipo ƁaƁisile mlungulungu kwinani ni Ɓasimichisye kuti ngasatenda soni konanga yawumi yosope ni chikumba.

Mlungulunguwo uli chimanyisyo chakuti chakutukumbusya uwe ya chilanga cha Mlungu.

Mkumbuchileje yilanga ya Mlungu, nambo soni mkumbuchileje kuti Mlungu tachichilamula chilambo soni.

NdaƁi jelejo tachichijonanga chilambo chino ni moto.

Kwa wele Ɓakumkulupilila ni kumpikanila Mlungu ngakwenela kogopa yele yiyichitendekwayo.

Mumpikanileje Mesiya jwa Mlungu nipo ngasimjonasika.

CHITUSITUSI 8: SANJA JA BABILO Genesisi 11:1-9
ƃanache Ɓachilume Ɓatatu Ɓa Nowa ali achambuje Ɓa Ɓandu wosope.

Mlungu Ɓasalile Ɓanganyawo kuti akole Ɓanache Ɓajinji ni akatame pachilambo posope.

Pakatema keleka Ɓandu ƁaƁechetaga chiƁecheto chimope nipo nganasakaga kuti ajenele pachilambo posope.

Nganampikanilaga Mlungu nipo Ɓaganisisye kulinganya msinda wa sanja jakwika kwinani.

Mlungu Ɓawuweni msinda ni sanja jila. Jwalakwe Ɓawuweni wangapikanila ni kulinonyela kwawo.

Papopo Mlungu watite: "WosopeƁa ali Ɓandu Ɓampepe nipo akuƁecheta chiƁecheto chimpepe. Kwende tukasokonesye chiƁecheto chawocho, kuti akapikangana jwine ni mjakwe."

Pachitusitusichi Ɓandu nganapikanganaga soni jwine ni mjakwe.

Myoyo Ɓalesile kutaƁa msinda wula nipo Ɓapite kukutama malo gakulekangana leĀ­kangaĀ­na.

Ligongo lya wungapikanila wawo sambano tukwete yiƁecheto yejinji.

Naga ngatukumpikanila Mlungu tulemwisye, nipo ulemwawo ukusamlekanganya mundu ni Mlungu, nipo soni kwalekanganya Ɓandu jwine ni mjakwe.

Kwende tumpikanile Mlungu ni kukulupilila matala Gakwe.

CHITUSITUSI 9: YOBU AKULAMBILA MLUNGU Yobu 1:1-12
Apa tukum'wona mundu lina lyakwe Yobu. Jwalakweju alimkupeleka mbopesi ja kutinisya kwa Mlungu.

Yobu Ɓaliji mkulambila Mlungu msyesyene jumpepe nipo nganakuyaga matala ga Shetwani.

Yobu Ɓakwete Ɓanache msano ni ƁaƁili Ɓachalume ni Ɓachikongwe Ɓatatu ni Ɓaliji mkulinganya yakupeleka mmalo mwa Ɓanache Ɓakwe.

ƃaliji mkuƁenda chikululuko kwa Mlungu naga ali amlemwechesye Mlungu mwitala lililyose.

Mlungu Ɓaliji mkunonyelwa ni Yobu.

ƃampele wupile ni Ɓamtendekasisye kuƁa jwakusimana chenene.

Yobu Ɓakwete yilango yejinji nambo soni Ɓamasengo Ɓajinji.

Lisiku line Mlungu Ɓamsalile Shetwani kuti waliji mkunonyelwa mnope ni Yobu. Nambo Shetwani jwatandite kumchonjela Yobu pameso pa Mlungu. Jwatite Yobu akwambaga kulambila Mlungu kuti asichile. Shetwani jwasalile Mlungu kuti: "Naga akujigala yosope yiƁakwete Yobu, ni kuti jwelejo chiƁalwese Walakwe."

Nambo Mlungu Ɓamanyilile kuti Shetwani ali jwawunami nipo kuti Yobu ali mundu jwambone jwakusaka kumsangalasya Mlungu.

Myoyo Mlungu Ɓamkundile Shetwani kuti ajigale yosope yiƁakwete Yobu kuti amlinje Yobu.

CHITUSITUSI 10: YOBU MUWULANDA Yobu 1:13-22
Chitusitusi achi chikulosya lisiku lya wulanda wekulungwa wa Yobu.

ƃamasengo Ɓakwe Ɓayiche ni ngani jakogoya kwa jwalakwe.

Jwamasengo jwandanda jwayiche alimkuwutuka kukumsalila amagongo Ɓawuleje Ɓamasengo wa Yobu nipo ajiƁile ng'ombe syosope ni achibulu wakwe.

MkinaƁe kumalisya kuƁecheta, jwine jwamasengo jwayiche.

Jwatite moto wasyungulile ngondolo ni Ɓakuchinga wosope ni awile.

Jwayiche jwamasengo jwatatu kukumsalila Yobu kuti Ɓamwatumile Ɓaswambile nipo ajiƁile ngamila syenu syosope.

Jwamasengo jwine jwayiche ni ngani jakupunda syosope jwatite: "ƃanache wenu Ɓaliji mkusangalala pampepe pachindimbapo chayiche chimbungo chakogoya ni kujigwisya nyumbajo pasi ni awile wosope Ɓene."



Yobu Ɓamyosile mumtwe ni Ɓaligwisisye pasi mwaligogo ni watite, "Ambuje Ɓapeleche nipo Ambuje ajigele."

Atamose yakusakala yosopeyi yatendekwe, Yobu nganalemwa pakuganichisya Mlungu.

CHITUSITUSI 11: YOBU ƃALASILE Yobu 2:1 - 41:34
Shetwani Ɓayiweni kuti Yobu Ɓaliji chiƁela kumchimbichisya Mlungu, myoyo Shetwani jwamsalile Mlungu: "Naga mkuchinyalayisya chilu cha Yobu, chamlwese Mmwejo."

Mlungu Ɓamkundile Shetwani kuti amlinje Yobu soni. Shetwani jwayiche ni wulwele wayilonda wakogoya kwa Yobu.

Yobu Ɓakopweche kusa ni Ɓalimwajile yilondayo ni kalupale kampika wekasiche. Ɓamkwawo Yobu ƃatite: "Mulwese Mlungu ni mgambe kuwa!"

Nambo Yobu Ɓajanjile achitiji: "Ana uwe tupocheleje yambonepe kutyochela kwa Mlungu nambo ngaƁaga yakusawusya?"

Achimjawo Yobu Ɓatatu Ɓayiche kukuƁechetana nawo kwa moƁa gamajinji.

ƃalinjile kusosasosa magongo malinga ni malagasyo gosope ga Yobu.

ƃatite mwine mwakwe Ɓatesile chine chakwe chakulemwa nipo Mlungu jwaliji mkumpa chilango.

Nambo Yobu nganajitikana nayo yiƁaƁechetagayo yakwamba jwalakwe.

Papopo jwaliwusisye yamatala ga Mlungu, nambo nganagalawuka kumleka Mlungu.

Pelepo Mlungu Ɓamlosisye wukulungwa Wakwe ni lunda lwa yosope kwa Yobu.

CHITUSITUSI 12: YOBU ƃAWUJILE MUƃAƃELELE Yobu 42:1-17
Apa pana chitusitusi cha Yobu alichenene nipo ali asichile soni.

Chinamsalile muyatendekwele yeleyi.

Mlungu paƁaƁechete ni Yobu, jwalakwejo ni paƁamanyilile wukulungwa Wakwe wa Mlungu nipo jwapesisye.

Yobu Ɓapopelele achimjakwe Ɓala nipo Mlungu Ɓalipochele lipopelolyo.

Panyuma payeleyi Mlungu Ɓamtesile Yobu kuti aƁe chenene ni kuƁa jwakusichila soni.

Achimjakwe Yobu ni achalongo achimjakwe Ɓayiche kukumtulasya jwalakwejo. Nipo Ɓalile ni kusangalala pampepe ni jwalakwe nipo Ɓampele mituka.

Mlungu Ɓampele Yobu Ɓanache Ɓachalume msano ni ƁaƁili nipo Ɓachikongwe Ɓakusalala Ɓakwana Ɓatatu. Jwalakwe jwatemi jwakulimbangana kwayaka yejinji kuti ayiwone yisukulu yakwe yayijinji ni Ɓawile ali jwamkalambale mnope.

Mlungu akusasakaga kuti uwe tumkulupilileje Jwalakwe nipo kuti tuƁeje Ɓakulimba mtima naga tukusimana ni malagasyo.

Mlungu akusamanyilila chatukulajila muwumi awuno.

Jwalakwe akusajongolelaga yindu yosope yayikutendekwa.

Tukumbuchileje kuti Mlungu akusatunonyelaga nipo akusiƁasosela yambone wele Ɓakumchimbichisya Jwalakwe.

SIDE B: YAKUMMANYISYA
Achimjangu, ngusaka namsalile ya mundu jwine lina lyakwe Ibulamu.

Jwalakweju Ɓampikanilaga Mlungu nipo kupitila mwa jwalakwe Ɓandu wosope ajaliwe.

Mm'Ɓe Ɓakoseka kuwunukula chitusitusi chakuyichisya naga mkupikana kusona kuti.

CHITUSITUSI 13: IBULAMU ƃATYOSILE KU MANGWAWO Genesisi 12:1 - 13:4
Pachiwulili achi akum'wona mundu lina lyakwe Ibulamu, Ɓamkwakwe Sala, mwanache jwa mpwakwe Loti ni Ɓamasengo wawo. ƃanganyawo ali pawulendo ligongo Mlungu ƁaƁechete ni Ibulamu achitiji "Mchileche chilambo chenu, Ɓandu wenu ni wosope Ɓamnyumba ja baba wenu ni mjawule kumalo gatinalanjisye. Chinamtendekasye mmwejo mtundu wekulungwa mnope nipo tinamjaliwasye mmwejo ni Ɓandu wosope pa chilambo tachijaliwa kupitila mwa mmwejo."

Mlungu alangene ni uwe ya wumi wasambano ni malo gakwiwunde.

Mpela Ibulamu tukwenela kumkulupilila Mlungu, kuti tukapakombole kuyipochela yele Jwalakwe yapangene ni uwe.

CHITUSITUSI 14: IBULAMU NI LOTI Genesisi 13:5-18
Ibulamu ni Loti Ɓatamaga pampepe ku Kenani nipo Ɓakwete yilango yejinji. Kweleko nganiyipagwa yakulya yakwanila nambo soni yakuti yilye yilango yawo pamalo gampepe gelega.

Myoyo Ɓakuchinga Ɓa Ibulamu ni Ɓa Loti Ɓatanditekukangana.

Papopo Ibulamu Ɓamsalile Loti: "Kwende tukakangana mmwejo ni une nambo soni Ɓakuchinga wenu ni Ɓa une, pakuƁa uwe pawulongo."

Ibulamu Ɓamsalile Loti kuti asagule malo galigose giƁasakaga.

Loti Ɓasakaga malo gambone kuti gaƁe gakwe ni soni yilango yakwe, myoyo Ɓasagwile malo galilambo lya lusulo lwa Yolodani kweleko japali soni misinda jakuti mpaka atame.

Loti Ɓajile kukutama pakuƁandikana ni msinda wakuƁilangwa Sodomu.

ƃandu Ɓa muSodomu Ɓaliji Ɓa ulemwa mnope. Nganamsangalasyaga Mlungu.

Ibulamu Ɓatamaga mchilambo cha Kenani nipo kweleko Mlungu ƁaƁechete ni jwalakwe soni.

Mlungu Ɓatite: "Malo gosope gamkugawonaga, chinampe mmwejo nambo soni Ɓapanyuma penu mpaka kalakala."

CHITUSITUSI 15: IBULAMU ƃASIMENE NI MCHIMWENE JWA MTENDELE Genesisi 14:1-24
Alimkutama Loti mchiƁata mula, ngondo jatandite.

Loti ni liƁasa lyakwe Ɓakamwilwe pampepe ni Ɓandu wosope Ɓa mu Sodomu.

Myoyo Ibulamu ni asilikali Ɓakwe Ɓapite kukumkulupusya Loti.

ƃawinile amagongo Ɓala ni Ɓakulupwisye Ɓanduwo ni yosope yiƁakwete.

PaƁawujaga kungondo Ɓasimene ni mchimwene mpela yimkuti pakuyiwona pachitusitusipa

Mchimweneju lina lyakwe Melekesedeki.

Jwalakweju jwaliji mchimwene jwamsinda wakuƁilangwa Salemu, ngopolelo syakwe "Mtendele."

Jwayiche ni yakulya ni soni yakumwa kwa Ibulamu.

Ibulamu ƁatindiƁele pawujo pa Melekesedeki nipo nombe Ɓampele mituka.

Mchimwene jwa kuSodomu jwasakaga nombe kumpa Ibulamu mituka ligongo lyakwakulupusya Ɓandu, nambo Ibulamu nganapochela kandu kalikose kutyochela kwa mchimwene jwakusakalaju. Ibulamu ali Ɓakulupwisye loti ni Ɓandu wosope, Loti Ɓawujile kuSodomu.

CHITUSITUSI 16: IBULAMU NI NDONDWA Genesisi 15:1-21; 17:1, 5, 8, 15
Pelepo Mlungu watite kwa Ibulamu: "Mkasimjogopa Ibulamu, Une ndili chakulichenjelela chenu, mbote jenu jekulungwa mnope."

Mlungu Ɓamsalile soni Ibulamu kuti Jwalakwe tampe malo gelega kuti ajigale yosope yamwelemo.

Mlungu Ɓaliji mkuƁecheta ya chilambo cha kenani.

Nambo Ibulamu Ɓaliji mkudandawula ligongo Mlungu nganampa mwanache.

Palyele ligongoli Mlungu Ɓajigalile Ibulamu kusa ni Ɓatite: "Mlole, mlinje kuƁalanga ndondwasyo. Tichikola yisukulu yejinji mpela ndondwasyo."

Ibulamu Ɓakulupilile chilanga cha Mlungu, atamose Ibulamujo Ɓaliji mkinakole mwanache.

Mlungu Ɓalijimkunonyelwa ni Ibulamu.

CHITUSITUSI 17: MWANACHE ISUMAYELI Genesisi 16; 17
Mlole pa chiwulili. Ibulamu Ɓakwete mwanache jwamlume.

Ibulamu Ɓatemi mchilambo cha Kenani kwa yaka likumi, nambo Ɓaliji chiƁela kwembecheya chilanga chiƁapangene ni Mlungu, pakuƁa Salayi Ɓamkwakwe waliji jwamchekulupe nipo nganakola mwanache.

Salayi Ɓakwete jwamasengo, lina lyakwe Hajila.

Salayi Ɓasakaga kuti Hajila akole mwanache ni Ibulamu ni chamjigale mwanachejo kuƁa jwakwe.

Welewu Ɓaliji msyungu wamasiku gelego.

Myoyo Hajila Ɓakwete chitumbo cha Ibulamu, nipo Salayi Ɓatandite kumtendela jwakwejo wiwu.

ƃatandite kumlagasya, yamti mpaka jwalakwe jwatisile.

Nambo lilayika lya Mlungu lyamyichilile ni kumlimbisya. Lyamsalile kuti takole mwanache jwamlume tachiwilangwa Isumayili, gopolela kuti Mlungu "Jwakupikana." Mlungu Ɓamsalile kuti tachimjaliwasya Isumayili.

Isumayeli tachimenyanaga ni Ɓandu Ɓane wosope. Isumayeli Ɓapali nipo panyuma pakwe jwaliji nangolo jwa Ɓalabu.

Palipapite yaka likumi ni yitatu Isumayeli ali apali, Mlungu Ɓamlagulile Ibulamu ni yisukulu yakwe chilambo cha Kenani mpaka kalakala, nambo Ibulamu ni yisukulu yakwe Ɓaliji mkwenela kupikanila MaloƁe ga Mlungu.

CHITUSITUSI 18: SALA ƃASECHILE Genesisi 18:1-15
Lisiku line, Ibulahima paƁaliji ni yaka 99, achalendo Ɓatatu Ɓakuchimbichika Ɓayiche kwisakasa lyakwe.

Ibulahima Ɓamsalile Sala kuti alinganye yakulya, ni jwalakwe chagaƁanye.

Papopo Ɓandu Ɓala Ɓam'wusisye Ibulahima kuti "ƃamkenu Sala ali kwapi?"

Ibulahima Ɓajanjile kuti "Ali amo mwisakasamo."

Jumo jwa Ɓanduwo Ɓatite kwa Ibulahima: "Une nditu tinjiwuja kwenumwe ndaƁi mpela jino chaka chamalaƁi nipo Sala Ɓamkwenu tachiƁa ni mwanache jwamlume.

Sala paƁapikene yaleyi Ɓasechile ligongo waliji ni yaka 90.

Nginamkulupilila mundujo. Papopo Mlungu ƁaƁechete ni Ibulahima watite:

"Ligongo chichi Sala Ɓasechile ni kuti, une yisyene mpaka ngole mwanache, pakuƁa sambano ngalambele?

Ana pana yampaka kulepeleka ni Ambuje?... Sala chakole mwanache jwamlume."

CHITUSITUSI 19: IBULAHIMA ƃAJIPOPELELE SODOMU Genesisi 18:16 - 19:29
Apapa tukum'wona Ibulahima ni achalendo Ɓatatu.

Mlungu Ɓaliji mkuganisya yakonanga misinda ja Sodomu ni Gomola ligongo Ɓandu Ɓa mwelemo Ɓatendaga yakusakala pameso pa Mlungu pakutenda chikululu achalume ni achakongwe.

Ibulahima Ɓamkumbuchile Loti ni Ɓatite kwa Ambuje: ā€žAna tachijonanga Ɓakulupilila pampepe ni Ɓa ulemwa? Ana mkulamula jwa chilambo kisalamula chilambo mwakwilanya?"

Ibulahima Ɓatandite kumchondelela Mlungu kuti akajijonanga Sodomu.

Nipo mpaka Mlungu Ɓatite nganajijonanga Sodomu naga muli mwana likumipe Ɓakumtumichila Mlungujo.

Nambo nganakwana atamose likumi Ɓakumtumichila Mlungu mu Sodomu.

PaƁayiche Ɓamtenga wa Mlungu ku Sodomu, Ɓakuweni kupelembela kwakukulungwa kwa Ɓanduwo. Mundu jwagoloka kweleko Ɓaliji Loti jikape. Malayika gamlamwile Loti ni liƁasa lyakwe kuti akopoche atile mu Sodomu nipo akagalawuka kulola panyuma.

Pelepo Mlungu Ɓatumisye moto kutyochela kwinani nipo Sodomu ni Gomola pampepe ni Ɓandu wosope wa ulemwa waƁatamaga mwelemo Ɓawile.

PaƁaliji mkutila Loti ni liƁasa lyakwe, Ɓamkwawo Loti Ɓalolite panyuma nipo Ɓasandwiche lisugulu lya njete.

Ibulahima Ɓakamusyanile ni Mlungu kwakulupusya Ɓandu wagoloka wosope.

Loti jikape, ni Ɓanache Ɓakwe Ɓachikongwepe ni wuƁakulupwiche.

CHITUSITUSI 20: MBOPESI JA IBULAHIMA Genesisi 21:1 - 22:19
Sala paƁaliji ni yaka 90, ƁaƁeleche mwanache jwamlume, mpela muƁamsalilile Ibulahima.

ƃampele lina kuti Isaki, gopolela kuti "Ɓasechile."

Isaki pajwaliji mnyamata Mlungu Ɓamlinjile Ibulahima.

Mlungu Ɓasakaga kuti am'wone Ibulahima naga champikanile.

Mlungu Ɓamsalile jwalakwe kuti: Jigalani mwanache jwenujo Isaki, jwakumnonyela, ni mumpeleche mpela mbopesi kwa Une.

Ibulahima Ɓampikanilaga Mlungu. Ibulahima Ɓakulupilile kuti naga Isaki awe Mlungu tachijimusya Isakijo kuƁa jwawumi soni.

ƃamkosechele Isaki kuti ampeleche mpela mbopesi kwa Mlungu mpela yimkuti pakuyiwona pa chitusitusipa.

Ibulahima paƁagambile kunyakula chipula kuti am'wulaje Isaki lilayika lya Mlungu lyamsalile jwalakwe, lyatite: "Ibulahima, mkasimuwulaga mwanachejo. Sambano ngumanyilila kuti mkumjogopa Mlungu, ligongo nganimkanya mwanache jwenuju mkumpeleka kwa Une.

Papopo Ibulahima Ɓakaweni kangondolo pewukutu.

ƃakajigele ni kukapeleka mpela mbopesi kwa Mlungu mmalo mwa mwanache jwakwe.

Myoyo Mlungu Ɓatite kwa jwalakwe: "Ligongo lyakupikanila maloƁe Gangu, mwakusimichisya tinjimjaliwasya mmwejo nipo kupitila mwa mmwejo Ɓandu Ɓangosyo syosope pachilambo tachijaliwa."

CHITUSITUSI 21: IBULAHIMA NI JWAMASENGO JWAKWE Genesisi 24:1 - 25: 26
Ibulahima ali akalambele mnope Ɓam'Ɓilasile jwamasengo jwakwe ni watite :

ā€žMusimichisye une kuti tichijawula ku chilambo changu ni kwa achalongo achimjangu, ni kujigala jwamkongwe jwa mwanache jwanguju Isaki."

Ibulahima nganasakaga kuti Isaki atyoche mchilambo chiƁalagulile Mlungu, kapena kulombela jwamkongwe jwa muKenani winginamtumichilaga Mlungu.

Jwamasengo jula jwampikanile Ibulahima ni jwapite ku msinda wa Nahulu.

Kweleko jwam'wendile Mlungu kuti amlongole, kuti apate mwali jwakuƁajilwa jwa Isaki.

Mwali jwine lina lyakwe Labeka jwakopweche mumsindamo, kuti akateche mesi pachisima.

Jwaliji jwakusangalala kuti amtechele jwamasengo jwa Ibulahima mesi nambo soni ngamila syakwe likumi.

Jwamasengo jula jwamanyilile kuti Mlungu Ɓamlongolele jwalakwe kwa jwamkongwe jweleju nipo kuti jwaliji jwamkongwe juƁaliji mkusosa.

ƃawuchisye chenene ni jwapikene kuti jwaliji mwanache jwa mpwakwe Ibulahima.

Jwakutumichilajo Ɓamlambile Mlungu juƁamjanjile lipopelo lyakwe nipo juƁamlongwele kwa achalongo achimjawo mmbuje gwawo.

Nipo labeka ƁaƁele Ɓamkwakwe Isaki.

Ibulahima Ɓawile ali akwete yaka 175 ali akalambele mnope.

Wumi wakwe wosope Ɓaliji mkukulupilila Mlungu ni kusungaga yilanga Yakwe, ni myoyo Mlungu Ɓamochele ni kumjaliwasya.

Mlungu ali chiƁela kwajaliwasya Ɓandu wosope Ɓakumkulupilila Jwalakwe mpela Ibulahima.

CHITUSITUSI 22: KUPAGWA KWA ISA MESIYA Agalatiya 4:4,5; Mateyo 1:18-25
MaloƁe ga Mlungu gali gasyesyene. (Mlungu jwangalambusya).

Mlungu Ɓamsalile Adamu kuti tachimtumisya Isa Mesiya kuti tamgonjesye Shetwani.

ƃamtetele Nowa kuti Jwalakwe tachajonanga wosope Ɓakulemwa.

Mlungu Ɓamlosisye Yobu kuti Jwalakwe akusatusosela uwe yele yayili yambone.

Nipo Ɓamlosisye Ibulahima kuti Jwalakwe akusasungaga yilanga Yakwe ndaƁi syosope.

Achi ni chitusitusi chakupagwa kwakwe kwa Isa Mesiya.

(Mpela mu ndaƁi jakwe) Jwalakwe jwapali mchilambo cha Isilayeli, chichawilanjidwaga kuti Kenani pandanda.

Lina lya mamagwe Ɓaliji Maliyamu wuƁaliji chisukulu chakutyochela mwa Ibulahima ni Isaki.

Maliyamu Ɓaliji mwalimwalipe pa ndaƁi jiƁaƁeleche Isa Mesiya.

Lina lyakwe Isa Mesiya Mesiya. Lina lya Isa Mesiya ligopolela kuti (Mkulupusyo). Isa Mesiya nganakola babagwe Ɓapachilambo. Jwalakwe wapali mwakusimonjesya kupitila mmachili ga Msimu Weswela.

Isa Mesiya ni Jwele jwakusayika ni majali pachilambo pano, pakuƁa Jwalakwe jwayiche kukugumbalichisya yilanga ya Mlungu kuti amgonjesye Shetwani, ni kutuwuchisya uwe kwa Mlungu.

CHITUSITUSI 23: CHIWA CHA ISA MESIYA MESIYA Agalatiya 3:13, 14
Isa Mesiya paƁatamaga pachilambo, Ɓajiganisye Ɓandu matala ga Mlungu.

ƃatesile yakusimonjesya yejinji pakusaka kulosya kuti Ɓaliji Ɓakutyochela kwa Mlungu.

Nambo Ɓandu wangalumbana nganamkulupilila Jwalakwe. ƃam'wuleje Isa Mesiya pakumkomela pamsalaba walitabwa.

Msilikali jwajigele lipanga ni kumtota mumbalati kuti asimichisye kuti awile.

Achimjangu, Mlungu Ɓamsalile Adamu kuti tachiwa naga talye chisogosi.

Wosope twalemwechesye Mlungu nipo tuchiwa mpaka kalakala.

Chimkumbuchile kuti Mlungu Ɓapeleche kwa Ibulahima kangondolo kuti kawulajidwe mpela mbopesi mmalo mwa mwanache jwakwe Isaki.

Mwitala lilyolyo Mlungu Ɓampeleche Isa Mesiya kuti awulajidwe mpela mbopesi mmalo mwa Ɓandu wosope wuƁalemwisye. Ni chiwa chakwe, Isa Mesiya Mesiya, Ɓalipilile ulemwa wetu ni wa Ɓanganyawo.

Ulemwa wetu watulekangenye ni Mlungu. Isa Mesiya ali litala lyakuwujila kwa Mlungu.

Mkumbuchile kuti watite kwa mnabi Adamu kuti tachitamisya Mesiya kukumgonjesya Shetwani.

Isa Mesiya paƁawile pa msalaba ni kwimuka kuƁawe, Ɓamgonjesye Shetwani.

KwaƁele Ɓakumpikanila Mlungu ni kumkulupilila Isa Mesiya Mesiya, machili ga Shetwani gamasile kasika.

Mlungu Ɓapanganyisye chilanga mpela chelechi ni Ibulahima.

Mlungu Ɓatite kupitila lukosyo lwa Ibulahima Ɓangosyo syosope pachilambo tachijaliwa.

Kujaliwa kwakwe ni kwa kutama ni Mlungu mpaka kalakala kukwayiche kupitila mwa Isa Mesiya Mesiya.

Mpaka tupochele kujaliwa kutyochela kwa Mlungu naga tukukulupilila mwa Ambuje Isa Mesiya, ni kumpikanila Jwalakwe.

CHITUSITUSI 24: ISA MESIYA ALI WUMI Yahaya 20:19-29
Achimjawo Isa Mesiya ƁaƁisile mtembo wa Isa Mesiya mwilembe.

Jwalakwe waliji mwilembe kwa moƁa gatatu.

Panyuma pakwe Ɓajimwichi kuƁawe.

Chiwa chalepele kumkamulila Isa Mesiya, jwakutyochela kwa Mlungu.

Isa Mesiya Ɓalilosisye msyene jwamjumi, kwaƁakulijiganya Ɓakwe.

Wosope Ɓaliji mkusimongwa. Jwakulijiganya jumo, lina lyakwe Tomasi, nganapagwa mundaƁi jiƁayiche Isa Mesiya Mesiya kwa Ɓanganyawo.

Tomasi watite kwa Ɓakulijiganyawo: ā€žNaga ngangugawona maƁanga gamisomali mmagasa Mwakwe, ni kupapasya mu mbalati Mwakwe, ngangulupilila kose."

Uli wupite mlungu wumo, Isa Mesiya Mesiya Ɓawonechele soni kwa Ɓanganyawo. Mlole pachitusitusipa.

Isa Mesiya Mesiya Ɓamlosisye Tomasi maƁanga ga misomali mmagasa Mwakwe ni Ɓamsalile Tomasi kuti apapasye ni mkono wakwe mu mbalati mwa Isa Mesiya Mesiya.

Isa Mesiya Mesiya Ɓatite "Mleche kayichila ni mkulupilile." Papopo Tomasi Ɓatite kwa Isa Mesiya: ā€žAmbuje Ɓangu ni Mlungu Jwangu!"

Achimjangu, tukaƁaga mpela Tomasi wiƁamkayichile Mlungu.

Kwende tuƁe mpela Ibulahima juƁakulupililaga yilanga ya Mlungu; ni kumpikanila Jwalakwe.

Yili pakwakulupilila Ambuje Isa Mesiya Mesiya kuti ali Ɓawowopewo Ɓampaka kutukulupusya uwe kuchilango cha Mlungu, ni kumpikanila Jwalakwe, kuti mpaka tummanye Mlungu, ni myoyo tupochele mtuka wakutama ni Mlungu mpaka kalakala.