Languta, Yingisa, Hanya Buku 5

Outline: Elisha, Daniel, Jonah, Nehemiah, Esther. 24 sections. It has a picture book to go along with the recording.

Script Number:422
Language:Tsonga
Theme:Multiple themes
Audience:General
Style:Monolog
Genre:Bible Story
Sophistication:General
Purpose:Teaching
Bible Quotation:Direct
Status:Publishable

Script Text

Manghenelo

Xewani! (Xewani vanghana) Buku leyi ya rihlaza ya swifaniso yi hi byela hi vakulukumba va Bibele la va va nga tshemba Xikwembu hi minkarhi ya swiphiqo. Loko u yingisa khasete leyi, pfula ka xifaniso lexi landzelaka loko u twa mpfumawulo lowu.

Xifaniso 1: Naamani u endzela yindlu ya Elisha

Xifaniso 1: Naamani u endzela yindlu ya Elisha

2 Tihosi 5:1-12

Elisha a ri mudyondzisi ni muprofeta lonkula wa Xikwembu e Israyel. Siku rin'wana wa nuna loyi vaku i Naaman u tile endlwini ya yena. Naaman a ri mufambisi wa mavuthu ya le Siriya ni nala wa vaIsrayele. Naaman a ri nhenha ni matimba swinene, kambe a ri ni nhlokomo (vuvabyi bya nhlonge). U tile e Israyel hi ku twa leswaku Elisha wa swi kota ku horisa nhlokomo. Kambe Elisha a nga humelanga ni le handle ku ta n'wi xeweta. Elisha u rhumele nandza wa yena ku byela Naaman leswi: "Famba u ya hlamba enambyeni wa Yordan ka nkombo (7x) kutani u ta tenga eka nhlokono wa wena."

Naaman a hlundzuka (kariha) a ku: "A ndzi ku uta humela eka mina, u ta yima a khongela Xikwembu xa yena, a ndzi khumba hi voko, a hanyisa nhlokono wa mina." Kutani Naamna a tlhela a famba a hlundzuke ngopfu.

Xifaniso 2: Naaman e nambyeni

Xifaniso 2: Naaman e nambyeni

2 Tihosi 5:13-19

Malandza ya Naaman va n'wi khongotela va ku atshike ku kariha ni ku ti kukumuxa. Va n'wi khorwisa leswaku a yingisa xileriso xa muprofeta. Kutani Naaman a ngirimela e Yordan a ti peta ka nkombo (7) a hlamba. Languta xifaniso! Naaman u tsake ngopfu. Nhlokono wa yena a wu basisiwile, u hanyile. Elisha a nga chavi munhu hikuva a tshembe Xikwembu lexi kulu. Aswi tiva leswaku Xikwembu xa yena Xi kota ku endla hinkwaswo. Na swona a swi tiva leswaku un'wana na u n'wana ufanele ku yingisa Rito ra Xikwembu (Bibele). Na hina hi fanele ku kombela Xikwembu Xi hi pfuna ku endla leswinene ni ku Xi tshemba minkarhi hinkwayo.

Xifaniso 3: Elisha ni xigolonyana xa ndzilo

Xifaniso 3: Elisha ni xigolonyana xa ndzilo

2 Tihosi 6:8-17

Enkarhini lowu Siria a yilwa na Israyel. Xikwembu Xi byela nandza wa Xona Elisha minkarhi hinkwayo leswaku vaSiria va ta hlasela Israyel, kutani Elisha a tsundzuxa hosi hi makungu lawa ya vaSiria. Hosi ya Siria yi lerisile masocha ya yona yiku "Fambani mi ya kamba laha Elisha a nga kona, ndzi ta rhuma vanhu va ya n'wi khoma." Siku ri n'wana ni mixo Elisha ni malandza ya yena va pfuka va huma, kutani maswivo tinyimpi ta va Siria tirhendzele muti lowu va tshamaka ka wona. Kutani nandza wa yena a huwelela a ku: "Yo! N'wini wanga hi ta endla yini?" Elisha aku: "U nga chavi, hikuva lava va nga na hina va tele ku tlula la va nga na vona." Kutani Elisha a kombela aku Xikwembu wa nga hanyanyisa mahlo ya nandza a swi vona. Kutani nandza a languta (pfula mahlo) a vona ntshava yi tele hi mahanci ni magolonyi ya ndzilo swi rhendzele Elisha exikarhi. Xikwembu Xi rhumele leswi ku ta va sirhelela.

Vanghana! Loko malandza ya Xikwembu ma yingisa milawu ya Xikwembu, Xikwembu Xi ni matimba uyo rhangela no biyelela vana va Xona. Hikokwalaho ke, a va fanelanga ku chava nchumu kumbe munhu.

Xifaniso 4: Elisha ni Nyimpi ya mabofu

Xifaniso 4: Elisha ni Nyimpi ya mabofu

2 Tihosi 6:17-23, VaHeberu 10:30, Swivuriso 25:21

Ka ku loko vaSiria va tshinela ku ta teka Elisha, Elisha a khongela ka Xikwembu aku: "Wa nga ba mahlo ya tiko leri hi riphume!" Hi nomu lo, masocha hinkwawo a ma nga ha voni. Kutani Elisha a ya ka vona aku: "Ndzi landzeleni ndzi ta mi yisa e ka munhu loyi mi n'wi lavaka." Elisha a va rhangela a va yisa eSamaria e muti wu kulu wa Israyel. Elisha a tlhela a khongela na kambe aku: "Hosi wa nga hanyanyisa vanhu lava leswaku va ta vona." Kutani vaSiriya va swi vona leswaku va le xikarhi ka muti wa valala va vona.

Hosi ya Israyel a yi lava ku va dlaya kambe Elisha aku "Va nyike swakudya ni mata vanwa u va tshika va tlhela va muka." Hosi yi endlise leswi Elisha a nga n'wi byela swona.

Vanghana, Xikwembu xa Elisha i xi xikulukumba ku tlula nala u n'wana na u n'wana. Xikwembu Xi hi lerisile e ka Rito ra Xona leswaku hi ngati rihiseli e ka valala va hina hi kuva Xi te "Ku rihisa i ka Mina ndzi ta va rihisela ndzi ri mina."

Na swona Xikwembu Xite: "Loko nala wa wena a ri ni ndlala, n'wi nyike swakudya a dya, loko ari ni torha n'wi nyike swa ku nwa (mati) a nwa."

Xifaniso 5: Ta ku hlaseriwa ka Samaria

Xifaniso 5: Ta ku hlaseriwa ka Samaria

2 Tihosi 6:24-7:2

Mavuthu ya nyimpi ya vaSiriya mata na kambe ku ta lwa ni va Israyel. Va rhendzele muti wa Samaria nkarhi wa ku leha. Kutani va Israyel e mutini a va ri hava swa kudya.

Languta xifaniso lexi! Ku te loko hosi ya Israyel yi hundza erirhangwini ra muti, ku humelela vavasati va mbirhi va ta e ka yena, va kombela va ku ka yena hi pfune we hosi. A va khomiwile hi ndlala ngopfu va kondza va dya vana va vona. Hosi a yi swi tivanga leswaku yi nga endla yini. A hlundzukile hikuva Xikwembu a xi va ponisanga e ka vaSiria, kutani a lava ku dlaya Elisha, nandza wa hosi.

Kutani Elisha a rhumela mahungu lawa e ka hosi. "Xikwembu Xi vurisa sweswo Xiri: 'Mundzuku hi nkarhi wolowo xirhundzu xin'we xa mapa ni maxalana (barley) swi ta xavisiwa etinyangweni to Samaria.'

Xifaniso 6: Ta vanhu va mune va nhlokono

Xifaniso 6: Ta vanhu va mune va nhlokono

2 Tihosi 7:3-20

Enkarhini wolowo vavanuna va mune a va tshamile etinyangweni ta Samaria. Hinkwavo a va ri ni nhlokono. Kutani va byelana vaku: "Hikwalaho ka yini hi fanele ku tshama laha hifa? A hi yeni e ka nyimpi ya vaSiria." Nkarhinyana wolowo kasi va Siriya va twa mpfumawulo wu kulu wonge inyimpi le yi taka. Va chuhile ngopfu va suka va sukela swilo swa vona va baleka. Loko va nhlokono va fika e mixaxeni ya vaSiriya, va kume ku ri hava munhu kwalano. Kutani va nhlokono va fikile va teka swakudya ni hinkwaswo leswi va swi lavaka (rhandzaka), kutani va byelana vaku "Leswi hi swi endlaka a hi swona, namuntlha isiku ra mahungu la manene, kasi hina ho miyela na wona."

Hi ku hatlisa va tlhelerile e Samaria va ya byela varindzi va le nyangweni wa muti kutani vana va ya byela va yindlu ya vukosi e tsindza. Kan'we kan'we vanhu a va sungula ku xavisa swa kudya etinyangweni ta Samaria tanihi leswi Xikwembu Xi nga vula hi nomu wa Elisha.

Xikwembu Xi ponisile Israel e ka valala va vona, Xi tlhela Xi ponisa Elisha nandza wa Xona. Vaghana! Xikwembu Xi rhumerile Yesu Kriste ku ta hi chuncha eka matimba yo biha ya xidyoho na Sathan. Xikwembu a Xi swi rhandzi leswaku munhu a ya laha a nga ta biwa hila ku nga heriki. Lawa i Mahungu lamanene la wo huma eka Rito ra Xikwembu, hi fanele ku a velana wona.

Xifaniso 7: Yonasi a balekela Xikwembu

Xifaniso 7: Yonasi a balekela Xikwembu

Yonas 1:1-7

Endzhaku ka ku lova la Elisha, ku ve kona muprofeta e Israyel vaku i Yonasi. Xikwembu Xi ku ka Yonasi: "Suka u ya Ninivha muti lowu kulu u wu vulavulela hikuva ku homboloka ka wona ku tlhandlukile e mahlweni ka mina."

Vanhu va Ninivha na vona a vari valala va Israel. Yonasi anga lavanga ku ya ka vona, kutani a ringeta ku balekela mombo wa Xikwembu. Yonasi a kuma byatso lebyi yaka ematikweni ya le kule. A hakela mali ya rendzo ra kona kutani a famba. Ku nga siya kule nyana ku pfuka mheho yi kulu e lwandle. Vanhu lava a va ri byatsweni va rhurhumela va chava. Kutani va ku: "Tanani hi hlahluva hi ta tiva leswaku khombo levi ri humelele hikwalaho ka mani." Kava loko va hlahluva kutani tinhlolo ti khoma Yonasi.

Xifaniso 8: Yonasi endzeni ka hlampfi le yikulu

Xifaniso 8: Yonasi endzeni ka hlampfi le yikulu

Yonasi 1:8-2:10

Vatluti va ku ka Yonasi, "U endlile yini?" Yena ava byela leswaku u balekela mombo wa Xikwembu. Kutani va ku ka yena: "Hi ta ku endla yini leswaku lwandle leri ri hi miyelela?"

Yonasi a hlamula a ku: "Ndzi tlakuleni mi ndzi hoxa elwandle. Ndza swi tiva leswaku xihuhuri lexi kulu lexi xi mi humelela hikwalaho ka swidyoho swa mina." Vavanuna lava a va rhandzanga ku dlaya Yonasi, kambe mheho yi tlakuka hi matimba, kutani va teka Yona va n'wi hoxa elwandle.

Hambi swi ritano, Yonasi a nga fangi ematini. Languta xifaniso! Nhlampfi le yi kulu yi mitile Yonasi. U tshamile ekhwirini ra nhlampfi masiku manlaru a karhi a hanya. Kutani nhlampfi yi ya hlanta Yonasi eribuweni laha ku omeke.

Xifaniso 9: Yonasi e Ninivha

Xifaniso 9: Yonasi e Ninivha

Yonasi 3:1-10

Xikwembu Xi vulavula na Yonasi na kambe. "Suka u ya Ninivha u ya huwelela mahungu lama ndzi nga ta ku byela wona." Kutani Yonasi a yingisa Xikwembu a ya Ninivha a ya tshinya vanhu va kona a ku: "Ku ha sele masiku ya mune wa makume (40) ntsena kutani Ninivha yi ta mbundzuxiwa."

Hosi ni vanhu hinkwavo va tiko va huwelela eka Xikwembu leswaku Xi va ponisa. Va hundzukile ka tindlela ta vona to biha, kutani Xikwembu Xi va tshika ku va ba Xi va tsetselela. Vanghana, hinkwerhu hi fana na Yonasi ni vanhu va Ninivha. Hinkwerhu a hi yingisanga Xikwembu, hi endlile swidyoho.

Hi fanele hi ku biwa (panichiwa). Kambe Xikwembu Xa hi rhandza. Xi rhumerile Yesu ku ta hi tsinya ni ku hi ponisa leswaku hi ta hundzuka swidyohweni swa hina. Yesu U fele swidyoho swa hino. U tshamile e sirheni masiku manharhu, ku kotisa Yonasi a nga tshama masviku manharhu ekhwirini ra nhlampfi. Yesu U pfukile ku feni. Kutani U ta hi nyika vutomi lebyi nga heriki eka lava va nga ta hundzuka e swidyohweni ni le tindleleni to biha ta vona va landzela ndlela ya Yesu.

Xifaniso 10: Ester ni Hosi

Xifaniso 10: Ester ni Hosi

Ester 1:1-2:18

Ester a ri nhwanyana wa mu Yuda wo huma e tikweni ra Israyel. Vatswari va yena va lovile kutani a sala a hlayisiwa hi malume (kokwana) wa kwe. Endzhaku ka nyimpi, Ester na Mordekai va khomiwile ni vanhu va Israel kutani va yisiwa e tikweni ra Peresa. Hosi ya Pereshia a ri wa nuna wa matimba swinene vanhu hinkwavo a va n'wi chava. Loko nkosikazi (nsati wa hosi) a nga n'wi tsakisanga a n'wi susa a n'wi siva hi u n'wana.

Kutani hosi yi lerisa leswaku ku vitaniwa vanhwanyana vo saseka va tisiwa endlwini ya yena yo saseka e ntsindza. Kutani eka vanhwanyana va lava hinkwavo ku hlawuriwile Ester ku va nkosikazi lon'tshwa. Kambe Ester a nga byelangi munhu leswaku hi yena mu Yuda.

Xifaniso 11: Mordekai a ala ku korhama no nkhinsamela

Xifaniso 11: Mordekai a ala ku korhama no nkhinsamela

Ester 3:1-4:17; 5:14, Johanne 3:16

Hamani a ri muchaviseki lo nkulu wa nkoka e Pershia. Vanhu hinkwavo va fanele ku korhamela no nkhinsamela Hamani ku n'wi xixima loko a karhi a hundza xikarhi ka vona. Mordekai a nga swi endlanga sweswo. Mordekai a ta gandzela Xikwembu Xin'we xa Ntiyiso. U a rile ku nkhinsamela Hamani. Hamani a hlundzuka swinene, a ti yimisela ku tirihisela e ka Mordekai. Siku rin'wana a byela hosi aku: "Ku ni vanhu va n'wana lava nga hangalakeke la va avaneke xikarhi ka vanhu va matiko hinkwawo ya ku fuma ka wena, va tlhela va nga hlayisi milawu ya wena hosi." A a vula maYuda lawa.

Hamani a tlhela a vula aku: "A ku endliwe nawu wa leswaku vanhu lava va dlayiwa, va heriswa." Hamani a nyika e hosi mali ku n'wi xava. Kutani hosi yi n'wi pfumela xikombelo xa yena kambe ayi amukelanga mali ya yena. Kutani nawu wu endliwile e tikweni ra mfumo wa Peresa (Pershia) leswaku va Yuda hinkwava va dlayiwa va tlhela va va tekela (phanga) nundzu ya vona hinkwayo hi siku ro karhi.

Hamani a dzima timhandze to leha laha ku ngata hayekiwa kona Mordekai. Mordekai a byela Ester leswaku u fanele ku ya kombelela vanhu va ka vona leswaku va nga dlayiwi (eka hosi). Kambe Ester a ku "Loko munhu aya endlwini ya hosi a nga vitaniwanga, hi yena loyi a nga ta dlayiwa." Kutani Ester a kombe la vaYuda hinkwavo leswaku va ti tsona swa kudya, va nga dyi va nga nwi masiku manharu va n'wi khongelela. A ku yena ni malandza ya yena na vona va ta endlisa xisweswo, endzhaku ka sweswo ndzi ta ya eka hosi hambi leswi nawu wu alaka, loko swi vula kufa, ndzi tafa.

Rito ra Xikwembu Ri hi dyondzisa leswaku tani hi vaKriste hi fanele ku nyiketa vutomi bya hina loko hi fanele ku fela vamakwerhu.

Xifaniso 12: Ta nkhuvo wa Ester

Xifaniso 12: Ta nkhuvo wa Ester

Ester 5:1-7:10

Xikwembu Xi hlamurile swikhongelo swa vaYuda. Hosi yi pfumelela Ester ku ta endlwini ya yena ku ta vulavula na yena. U rhambile hosi eka n'wi (Ester) rhambile ka mikhuvo mimbirhi yo hlawuleka, a tlhela a rhamba na Hamani. Enkhubyeni hosi yi vutisile leswi: "Nkosikazi Ester, u lava yini?"

Ester a hlamula aku: "Ku navela kamina hi leswaku mina ni va ka hina hi tshikiwa hi hanya tani hi leswi hi xavisiweke leswaku hi dlayiwa." Hosi yi ku: "I mani munhu loyi u kwihi munhu loyi a nga tshikaka a vula no endla swo tani?" Kutani Esther a ku: "Nala wa hina hi yena mabihambilu loyi Hamani." Hosi yi hlundzuka ngopfu loko yi twile makungu yo biha ya Hamani, kutani yi endla leswaku Hamani a ya hayekiwa etimhandzeni leti a ti lungiseriwa ku ya haeyeka Mordekai, kutani va Yuda hinkwavo va pona e ku dlayiweni.

Vanghana, Ester a ti yimisele ku fa a fela va ka vona ku va sirhelela e ku dlayiweni. Kambe, tsundzukani ha Hosi Yesu, u hi rhandzile swo a kondza a hi fela leswaku hi nga tshuki hi lova hi va ni vutomi le byi nga heriki, ka si a hi fanele hi lovile hikwalaho ka swa hina.

Manghenelo

Va vanuna va mbirhi vo vuriwa Daniel na Nehemia a va sindzisiwa ku fana na Mordekai na Ester ku ya hanya e tikweni ra valala va vona. Daniel na Nehemia kambe vona va gandzerile Xikwembu Xi ri Xinwe xa Ntiyiso, hi loko va va vanhu va nkulukumba e ka Xikwembu. Languta xifaniso lexi landzelaka loko u twa mpfumawulo lowu.

Xifaniso 13: Daniel ni vanakulobye/vanghana

Xifaniso 13: Daniel ni vanakulobye/vanghana

Daniel 1:1-21

Xifaniso lexi xi kombisa Daniel ni vanakubbye va nharhu. A vari vaYuda. Va yisiwile e Babylona hi valala va vona. Hosi ya Babilona a yi lava leswaku va yi gandzela. Kutani a va fanele ku dyondza ririmi, mahanyelo ni mikhuva ya vaBabilona. Daniel ni vanghana vakwe va arile ku dya swa kudya swo xa wula swa hosi. A swiri leswi lwaka ni mikhuva ya va Yuda. A va swi tiva leswaku va fanele ku hlayisa no xixima milawu ya Xikwembu, kutani va kombela leswaku va nyikiwa matsavu ku dya wona ni ku nwa mati ntsena. Ndhuna kumbe nuna loyi a va hlayisa a fikela hi ku chava leswaku majaha lawa ma ta tsana va ondza va kondza va khomiwa hi mavabyi. Kambe Xikwembu Xi va hlayisile, a va nyunhwela va tsakisa, va tlhariha ku tlula va va nuna hinkwavo lava va tirhelaka hosi ya Babilona.

Xifaniso 14: Daniel ni hosi ya le Babilona

Xifaniso 14: Daniel ni hosi ya le Babilona

Daniel 2:1-49

Hosi ya le Babilona yi lorhile. Yi komberile vabvumbi ni vangoma leswaku va n'wi hlavutela norho lowu wa yena. Kambe a ku va nga na u n'we loyi a nga swi kota, kutani hosi yi endla leswaku hinkwavo va dlayiwa.

Daniel ni vanghana va yena a va khongela Xikwembu, kutani Xikwembu Xi hlavutela norho wa hosi eka Daniel. Daniel a ya e hosini a fika aku: "Ku na Xikwembu ematilweni le xi xi hlavutelaka swihundla hinkwaswo, Xikwembu lexi, lexi kulu Xi byela hosi leswi swi nga ta humelela emikarhini leyi taka. Daniel a byela hosi leswaku enorhweni wa yena u vonisiwile mifumo hinkwayo ya misava, ni leswaku u vone mfumo wun'we lowu kulu lowu wu heriseke mifumo hinkwayo. Imfumo wa Xikwembu lowu wu taka fuma hi laha ku nga heriki. Hosi yi tsakesiwile hi marito ya Daniel.

Tintlhari ni vangoma va pfumeleriwile ku hanya, kutani va veka Daniel ku va mufumi ni ndhuna yi kulu e hansi ka hosi e tikweni hinkwaro ra Babilona. Hinkwaswo leswi swi endlekaka la misaveni swi le hansi ka matimba ni ku fambisiwa hi Xikwembu lexi lexi kulu, le xi Daniel a vulavulaka ha Xona. Loko swi ri tano hi nga hundzukeleni ka va ngoma ni vabvumbi, kambe a hi hundzukeleni ka Xikwembu le xi kulu le xi xi hanyaka, hi Xi tshemba leswaku hi ta kota ku endla leswi nene.

Xifaniso 15: Xifaniso xa Xikwembu

Xifaniso 15: Xifaniso xa Xikwembu

Daniel 3:1-12

Hosi ya Babilona yi simekile xifaniso lexi kulu xa nsuku. Yi rhambile tihosana, tindhuna, vafumi ni vaavanyisi hinkwavo leswaku va ta vona xifaniso lexi. Nandza wa hosi a lerisa vanhu hinkwavo leswaku: "Loko mitwa mpfumawulo wa switiringo ni mhalamhala ni hinkwaswo swa ku yimba, mi ta wa hansi hi matsolo, minkhinsama mi gandzela xifaniso lexi xa nsuku, Un'wana na un'wana loyi a nga gandzeriki xifaniso lexi, u ta hoxiwa e kheleni ra ndzilo lowo kariha ngopfu."

Daniel ni vanghana va yena va Shadrack, Meshack na Abednego va arile ku nkhinsamela xifaniso lexi. Va gandzerile Xikwembu Xin'we ntsena. Vavanuna van'wanava ya ka hosi va fika va ku ka hosi: "Ku na va Yuda va n'wana eka mfumo wa wena, lava va nga yingiseriki xileriso lexi a va ku xiximi wena hosi. A va swi tirheli swikwembu leswi swa xifaniso xa nsuku a va swi nkhinsameli.

Xifaniso 16: Ekhele ra ndzilo (Onto)

Xifaniso 16: Ekhele ra ndzilo (Onto)

Daniel 3:13-28, Eksoda 20:3-5

Hosi yi rhumerile ku ya vitana vanghana va Daniel ha va nharhu. Yi ku ka vona: "Loko mi nga gandzeli kumbe ku nkhinsamela xifaniso lexi xa nsuku, mi ta hoxiwa e kheleni ra ndzilo lowo kariha ngopfu. Hi xihi Xikwembu lexi xi nga ta kota ku mi ponisa evokweni ra mina?"
Vavanuna lava va hlamula vaku: "Xikwembu le Xi hi Xi tirhelaka Xi ta hi ponisa, ni loko Xi nga endli a hi nge xi gandzeli xi faniso xa nsuku."

Hi loko Sahrack na Meshack na Abednego va hoxiwa kheleni ra ndzilo. Kutani hosi yi huwelela hi rito le ri kulu yiku: "Langutani/Vonani! ndzi vona va vanuna va mune va fambafamba endzilweni, loyi Un'wana u fana ni n'wana wa swikwembu kumbe (N'wana wa Xikwembu).

Loko va vanuna lava va nharhu va huma e ndzilweni a va nga tshwangi na swi tsanana. Hosi yiku: "A ku dzunisiwe Xikwembu xa Shadrack Meshack na Abednego, Lexi Xi rhumeleke ntsumi ya Xona ku ta ponisa malandza ya Xona ..........
hikuva a ku na xikwembu xi n'wana le xi xi nga ponisaka hi ndlela leyi."

Vanghana, Xikwembu lexi Xi lerisile tinxaka hinkwato Xiku: "U nga tshuki u va ni swikwembu swin'wana e hansi ka Mina, u nga ti endleli swifaniso swi n'wana, u swi korhamela/nkhinsamela u swi gandzela.

Xifaniso 17: Daniel u khongela Xikwembu

Xifaniso 17: Daniel u khongela Xikwembu

Daniel 6:1-13

Daniel a ri ni matimba (mfumo) ngopfu) e tikweni rero ra Babilona. Vatirhela-mfumo va n'wana a va ri ni vukwele eka yena. A va nga kumi xihoxo eka yena hikuva Daniel a yingisa hosi (Hosi). Kutani valala va Daniel va ya ka hosi vaku: "Hosi yi fanele ku humesa nawu lowu wu nge un'wana ni un'wana loyi a nga ta kumeka a khongela Xikwembu xi n'wana kumbe munhu u n'wana ku ngari wena hosi, ka masiku la wa ya makume ma nharu ma taka, a nga khongeli wena hosi, awu hosi, u ta hoxiwa e kheleni ra tinghala." Hosi yi pfumelelana ni va vanuna lava, kutani yi endla nawu wo tani lo wu ntshwa. Daniel u twile nawu lowu lo wu ntshwa wa hosi, kambe a yisa mahlweni hi ku khongela Xikwembu ka nharhu hi siku ku kotisa leswi a a endlisa xi swona na khale.

Loko valala va yena va n'wi vona a khongela va tsutsuma va ya ka hosi va ku: "Daniel a nga yingiseli nawu lowu wu wu endleke.

Xifaniso 18: Daniel e kheleni ra Tinghala

Xifaniso 18: Daniel e kheleni ra Tinghala

Daniel 6:14-24

Hosi a yi nga swi lavi leswaku Daniel a ya fela e kheleni ra tinghala, kambe a nga swi koti ku hundzuluxa nawu lowu. Kutani Daniel a hoxiwa kheleni ra tinghala. Kutani hosi yi pfuka ni mixo (mpundzu) swinene hi siku le ri landzaka yi tsutsumela e kheleni ra tinghala, kutani a vitana aku: "Daniel nandza wa Xikwembu le Xi Xi hanyaka, Xikwembu xa wena xi swi kotile ku ku lamulela etinghaleni xana? Daniel a hlamula a ku: "XIKWEMBU XA MINA XI RHUMERILE NTSUMI YA XONA YI SIVILE MILOMU VA TINGHALA."

Ka va loko hosi yi tsaka hi ku tlurisisa. Daniel a humesiwa e kheleni ra tinghala. Hi ku lerisa ka hosi, ku tisiwa valala va Daniel va ta hoxiwa e kheleni ra tinghala, hi nomu lo, tinghala ti va tsemelela switlupu-tlupu. Vanghana, Hi nga chaveni leswi munhu a nga hi endlaka swona loko hi tshembele e ka Xikwembu le Xi Xi hanyaka le Xi poniseke Daniel ni vanghana va yena. Hambi loko vanhu va hi dlaya, hi ni ku tshemba hikuva Yesu u humile e ka Xikwembu ku ta hi nyika vutomi le byi nga heriki eka hinkwavo lava va n'wi rhandzaka va n'wi tirhela.

Xifaniso 19: Nehemia a mahlweni ka hosi leyi kulu

Xifaniso 19: Nehemia a mahlweni ka hosi leyi kulu

Nehemia 1:1-2:7

Nehemia u hanyile e Babilona endzhaku ka nkarhi wa Daniel. Nehemia a ri mu Yuda wo tshemba Xikwembu. Nehemia a ri nandza wa hosi leyi kulu. Siku ri nwana loko a yisa e vhinyo eka hosi, hosi yi ku ka yena: "Hikwalaho ka yini mombo wa wena wu hlunamile .....?"

Nehemia a hlunamile hikuva Yerusalem muti wa va kokwa-wa-kokwa wa vona a wu onhakile wu ri marhumbi ntsena, ni va Yuda lava a va tshama kona a va ri khombyeni, ku karhatekeni lo ku kulu. Kutani Nehemia u byerile hosi hinkwaswo hi Yerusalem ni vanhu va kona, va Yuda. Kutani hosi yi ku: "Xi kona xi n'wana lexi u lavaka ku xi kombela e ka mina?" Nehemia a khongela ka Xikwembu a miyerile a ku ka hosi: "Loko hosi yi pfumela kumbe ku swi tsakela, ndzi rhume e mutini wa va tata wa hina ndzi tlhela ndzi ya wu aka." Xikwembu Xi hlamurile xikhongelo xa Nehemia, hosi yi n'wi pfumelela e ka xikombelo xa yena. Xikwembu Xi fuma e henhla ka tihosi ni vafumi hinkwavo va misava leyi, loko vanhu va Xikwembu va khongela, va endla leswi tsakisaka Xikwembu, kutani Xikwembu Xi nyika swikombelo hinkwaswo ku ya hi mpfumelelano wa ku rhandza ka Xona.

Xifaniso 20: Nehemia u kambela marhumbi ya muti-nkulu

Xifaniso 20: Nehemia u kambela marhumbi ya muti-nkulu

Nehemia 2:8-20

Hosi yi nyika Nehemia swilo swo a ka hi swona timhandze ni swi n'wana na swi n'wana ni va va nuna va ku ya ya n'wi pfuna. Nehemia ni vapfuni va yena va fambile rendzo ro leha kuya e Yerusalem. Valala va va Yuda va twile hi ta makungu ya Nehemia. Va Yuda va karhiha (kwata) ngopfu. A va nga swi lavi leswaku ku va ni munhu loyi a pfunaka va Yuda. Nehemia a nga va chavi valala va yena. U lavile ku ya kambela Yerusalem, kutani u tlhandlukele kwale a rhendzeleka ni muti a vona makhumbi hinkwawo la ma ma bundzuxiweke.

U yile kona ni vusiku leswaku a nga voniwi hi munhu ni ku tiva leswaku u endla yini. Hi mundzhuku wa kona ni mixo, Nehemia a vitana va Yuda hinkwavo a ku: "Tanani hi pfuxa rirhangu ra Yerusalem, kutani hi nga ti tshama etinganeneni ni le nhlomulweni. A va byela a ku Xikwembu Xi na mina, na swona ndzi kumile mpfumelelo wo huma eka hosi ya Babilona. Kutani va Yuda va hlamula va ku: "A hi sunguleni ku aka."

Xifaniso 21: Ta ku akiwa ka rirhangu

Xifaniso 21: Ta ku akiwa ka rirhangu

Nehemia 3:1-6:19

Languta xifaniso lexi, Va Yuda va sungule ku tirha. Van'wana va susa mathyaka loko va n'wana va aka rirhangu va hoxa tinyangwa va nghenisa timbati. Valala va va Yuda va kwata ngopfu, va kariba swinene. Kutani Nehemia a kombela na kambe eka Xikwembu. A lava leswaku Xikwembu Xi n'wi kombo leswi a faneleke ku swi endla. Kutani Nehemia a veka va va nuna lava va hlomeke e rirhangwini ku rindza vatirhi.

U n'wana na u n'wana u hlomile hi matlharhi va ti lunghisela myimpi. Valala va tsandzekile ku dlaya Nehemia kumbe va Yuda va n'wana. Ntirho wu yile mahlweni. Hi nkarhi wo ringana 52 wa masiku, rirhangu a ri herile ri akiwile. Hina hi hava vutlharhi byo tiva leswi swi nga leswinene. Hi hava matimba yo endla leswi lulameke. Xikwembu Xi na matimba hinkwawo ni vutlharhi hinkwabyo. Ku fana na Nehemia, hi fanele ku khongela Xikwembu, hi Xi tshemba, hi Xi yingisa, hi yingisa Rito ra Xona, ha kona hi ta tiva leswaku Xi ta hi lwela.

Xifaniso 22: Ezra u hlaya Nawu

Xifaniso 22: Ezra u hlaya Nawu

Nehemia 8:1-13:31

Loko marhangu ma herile ku aka, va Yuda va hlengeletana e Yerusalem, Ezra muprista wa Xikwembu, u va hlayerile nawu wa Xikwembu. Wu le ka Rito ra Xikwembu ku nga Bibele. Vanhu va n'wana va sungula ku rila. Va swi tivile leswaku a va hlayisanga no yingisa milawu ya Xikwembu. Hikokwalaho Xikwembu Xi nga endla leswaku valala va vona va va dlaya va herisa ni muti wa vona. VaJuda va swi lavila ku tlhela etindleleni ta vona to biha va landzela tindlela to luluma ta Xikwembu na kambe. Nehemia a ku ka vanhu: "Mi nga hlundzuki, kumbe ku hlunama hikuva ntsoko wa Hosi imatimba ya n'wina." Vanghana, mi nawo ntsako? Xikwembu Xi hi nyika ntsako ni matimba ya Moya loko hi tiva Xikwembu, hi yingisa Rito lero Kwetsima ku nga Bibele. Yingisani ndzi mi byela leswaku mi nga xi tivisa ku yini Xikwembu le Xi xa Nehemia. Hi Xona Xikwembu Xi ri Xoxe xa Ntiyiso.

Xifaniso 23: Yesu eXihambanweni

Xifaniso 23: Yesu eXihambanweni

Yohane 19:17-30

Indlela i yin'we ntsena ya ku tiva Muvumbi-nkulu ku nga Xikwembu. Xikwembu Xi rhumele N'wana wa Xona, Yesu ku ta hi komba ndlela. Yesu U hanyile la misaveni khale ngopfu, malembe yo tala swinene la ma nga hundza. U endlile swilo swo tala ngopfu leswinene swo pfuna hina vanhu. U hi kombile ni ndlela yo hanya ya ku tsakisa Xikwembu. Kambe a hi landzelanga tindlela ta Yena. Hi dyohele Xikwembu. Xikwembu Xi ba mudyohi loyi a cukumetaka tindlela ta Xona, kutani endzaku ka rifu munhu wo tano wa hlongoriwa, a susiwa e ka Yena a yisiwa etiheleni la a nga ta tshwa hi la ku nga heriki.

Rito ra Xikwembu ri hi dyondzisa leswaku Xikwembu Xi endlile munhu wo sungula hi ntshuri wa misava, na swona loko hifa miviri ya hina yi tlhelela entshurini laha hi nga huma kona. Kambe miri wa moya, lowu wu nga xiphemu xa hina, wu tlhelela ka Xikwembu le Xi Xi nga hi nyika wona laha hi nga ta kuma hakelo ya hina kumbe ku biwa hi laha ku nga heriki. Yingisani, Xikwembu Xi ponise Elisha na Daniel e ku dlayweni hi mavoko ya vanhu, Kambe Xi pfumela va bihi va dlaya Yesu. Va n'wi gongondzela e Xihambanweni e mbandzini.

Yesu u rhwele maxangu ya swidyoho swa u n'wana na u n'wana hikuva a rhandza vanhu hinkwavo. Kutani loko hi ti sola, hi hundzuka, Xikwembu Xi ta hi rivalela swidyoho swa hina leswaku hi ta n'wi tiva hi landzela tindlela ta Yena nakambe Hikuva e ka valandzeri va Yesu va ntiyiso, a ku ngavi na rifu kumbe nhlomulo, kambe va ta rhandza notirhela Yena hi la ku nga heriki.

Xifaniso 24: Yesu u komba ndlela yo ya ka vutomi lebyi nga heriki

Xifaniso 24: Yesu u komba ndlela yo ya ka vutomi lebyi nga heriki

Matt. 7:13-14, Johanne 14:6, VaRoma 3:10-23

Vanghana, loko vanhu va tshamela ku nga yingisi Xikwembu, va famba hi ndlela ya budula yo anama laha Sathan anga n'winyi wa swidyoho, Ndlela leyi yi yisa exivandleni xa nhlomulo lowu nga heriki. Un'wana ni u n'wana loyi a veleki waka laha misaveni leyi, u nghenela ndlela leyi yo anama. (Leyi intiyiso-ntiyiso eka mina na wena.) Hikuva Rito ra Xikwembu ri ri "Hinkwerhu hi dyohile....." Hikwalaho ka kuva hinkwavo vanhu hi ri vadyohi hinkwerhu hi fanele ku biwa kumbe hi nkhayi wa Xikwe mbu, Kambe Xikwembu Xi rhumerile N'wana wa Xona Yesu ku ta rhwala swidyoho a biwa ematshan'weni ya hina. Xikwembu Xi pfuxile Yesu e kufeni, kutani wa hanya ku hi komba ndlela yo tlhelela ka Xikwembu. Yesu u te: "Hi mina Ndlela ni Ntiyiso ni Vutomi a ku na munhu loyi a nga taka ka Tatana loko ku ngari hi Mina." Lava va landzelaka Ndlela ya Yesu, a va nga ngheni endzhaweni ya nhlomulo lowu wu nga heriki, kambe Sathan ni va landzeri va yena va ta ya kona. Hi fanele ku landzela ndlela ya Yesu sweswi. Indlela yo tika yo khuma. Hikwalaho ka swidyoho swa la misaveni vanhu va ta xaniseka, la misaveni.

Kambe Yesu U na lava va N'wi landzelaka minkarhi hinkwayo ku va nyika matimba. E ka va landzeri va Yesu, ku na nthsembo no langutela hikuva ndlela ya Yena Yesu yi yisa etilweni.

Etilweni a ku na nhlomulo kumbe kuxaniseka, kambe ku na ntsako ni ku rhulo hilaha ku nga heriki a ka vanhu hinkwavo lava va yaka etilweni va ta gandzela no rhandza Xikwembu va tshama na Xona hi laha ku nga heriki. Loko u lava ku tshika tindlela ta Satan u famba hindlela ya Yesu leyi yi yi saka ka Xikwembu u nga khongerisa xi leswi: Tatana Xikwembu xa le matilweni, ndzi fambile endleleni ya Satan ndzi landzela ku navela ka mina, ni mianakanyo yo biha ni tindela ta mina to biha, Ndzi kombela ku rivaleriwa mina ndzi nga mudyohi. Ndza nkhensa Hosi Yesu hikuva U file e Xihambanweni, U rhwele maxangu ya swidyoho swa mina. Inkomu hikuva Ngati ya Wena yi ndzi hlantswe e ka swidyoho hinkwaswo. Hosi Yesu ndzi ku amukela tanihi Hosi ni Muponisi wa mina. Inkomu Hosi hikwalaho ka Moya wa wena lowo kwetsima, wu ndzi nyika matimba ya kuva N'wana wa Xikwembu, ndzi ta yingisa Rito ra Xikwembu ku nga Bibele. Ndzi kombela leswi hi vito ra N'wana wa wena Hosi Yesu. Amen.

Related information