Livro 2

Livro 2

Outline: Jacob, Joseph, Moses. 24 sections. It has a picture book to go along with the recording.

Script Number: 419

Language: Takwane

Theme: Sin and Satan (Deliverance, Judgement, Sin, disobedience); Christ (Jesus, Our Substitute, Sacrifice / Atonement); Eternal life (Salvation); Character of God (Nature, character of God, Word of God (the Bible)); Living as a Christian (Obedience, No other gods, idols, Forgiveness, Faith, trust, believe in Jesus); Bible timeline (Law of God, Gospel, Good News); Problems (Problems, troubles, worries)

Audience: General

Style: Monolog

Genre: Bible Stories & Teac

Purpose: Teaching

Bible Quotation: Paraphrase

Status: Publishable

Script Text

Livro 2 Alobwana alubale a Mulugu

Livro 2 Alobwana alubale a Mulugu

Muhuseliwa akwaaga. We ohumunona Mulugu ebaribari?
Onagipaganyedha wi giwoge thalako dhohiyana hiyana dha alobwana ale mwanoniliinyu. Musugwe modagarasiya dha nivuro nddi na musawo wa mararanja, vevo nyo munewigiinyu musugwe modagarasiya woharela mweewa yoruma ela.

1 Yonihelo yowambeela

1 Yonihelo yowambeela

Genesis 25:27

Addibila abiili; (Genesis. 25:27)
Addibila abiili va modagarasiyani , enasasanyavo yego emohi. Akopolo dhijinji eriwa Ezawu, vano oliye aali namasaya mulubale. Yakobo ddibile amung’onong’ono ahipiyaga yooja emohi yapama, mbwenye oliye kanvahilemo Ezawu. Vevale Yakobo ahiwoga ni ddibile wiira: Ogigulihédhe opogo waawo wowambeela .- Oliye afunesa opogo wa dhoreela okale wa ddibile. Mudhidhi olene Ezawu kapwathesa opogo wa dhoreela, dhowubuwela dhaye dhagomelege munifuni mwahaligi yego, vevale oliye ahiguliha epogo ni muziwo mmohi wa oja. Ndina na Yakobo, nnatapulela “onyengetha”, vano mukalelo waaye waali wowanyengetha athu. Yakobo ahimunyengetha babe ombala.

2 Yonihelo ya nabiili

2 Yonihelo ya nabiili

Genesis 28:10

Oroha wa Yakobo. (Genesis.28:10)
Musugwe va modagarasiyani! Volenddoni Yakobo ahikalagana yoroha emohi. Oliye ahawonaga Adaamu, vano mwemule Angero yegi ogwela ekitaga, vano omagomihedho wa elene aligi Mulugu.. Mulugu ahiwoga ni Yakobo wiira: Miyo gineere wuvaha we elabo ela, ni anamabaliwelamo aawo. Mwaha wa we, milogo dhatedhene dha elabo dhinodha dhireelihiwe. Miyo ginakalege ni we, wewo onafunigiiwe wi odhowewo.- Mulugu ahinona wi Yakobo aali namaratha, nando onfuna amusaddule. Ela yaali zelu mwaha wi ahinvaha mpaganyo dhilubale .

3 Yonihelo yanethaaru

3 Yonihelo yanethaaru

Genesis 31:1

Yakobo ni Labawu.(Genesis. 31:1)
Yakobo ahiwelela wanyengetha athu amohi, mbwenye vamohiva Yakobo aali namalaba a nabwiye Labawu. Oliye afuna amutele mwaana amung’onong’ono a nabwiye ole eriwa Rakeli, vano onfunesa vajinji, aliwa yahiwanana. Oliye Yakobo alabile yaaka tanu na biili wa Labawu, ninga yolivela. Nigafiyile nlabo nootela, Labawu amwinkile mwanaye amulubale eriwa Leya, wihina akale mwihiyanaye, vano ahimwaddela wi ola waali mukalelo, wowambelaga oteliwa amulubale, vano akala onafuna omutela Rakeli enafuneya wi olabe yaaka dhimohi tanu na biili. Yakobu ahilaba yaaka dhimohi tanu na biili, mwaha woonfuna Rakeli anniyena. Ogavirile mudhidhi olene Yakobo ahiwara makalelo wi ande oliganiha wihina amunyengethe Labawu, ahikalana dhoreela vajinji. Vevale Mulugu ahiwoga ni Yakobo wiira:
Owelele elabo ya ababo.*

4 Yonihelo ya neenayi

4 Yonihelo ya neenayi

Genesis 32:22

Yakobo onagumana ni Mulugu. (Genesis. 32:22)
Yakobo ofuna owelela vade va ababe, Mbwenye amoova ddibile Ezawu. Alene enanyengetha athu amohi enowoova mawuje eli mateene.
Wihina amalihe oludduwa wa ddibile, ahirumiha muthenga osogolo waye ni dhonvaha dhijinji. Yakobo ahinona wi ddibile onadha mowiddana ni oliye ni alobwana a koddo ajinji. Mahiyu ale, Yakobo aligi yeeka . Mulobwana mmohi ahikumelelaga wa Yakobo vano owanaga ni oliye. Yakobo ahinonaga wi onyemuleya wewu aali mungero a Nabwiya. Dhowubuwela dhaye kadhaali dhofuneya vajinji, yego yafuniliye vajinji yaali yokalana mareeliho a Mulugu. Nuwi ndo oyaga omaselo mulobwana ahimwihiddaga kasapara athabala ya Yakobo wihinano óobowe. Yakobo agoonile wi kananda owana vajinji ahiwoga wiira: Kaginohiya odhowa wahinagireelihe, vevale mulobwana ahiwogaga wiira: Ndina nawo kunadha okala Yakobo, mbwenye Ezarayeli, mwaha wi we oli owambeela owana ni Mulugu.- Okuma mudhidhi olene Mulugu ahimusaddula mukalelo wa onyengetha onvaha jiriri ya owambeela mmohi.
Ezarayeli ahigumana ni ddibile Ezawu kannaga yowoova, vano karoromele vajinji wi waali olibihedha waye, mbwenye mwa Mulugu Yakobo ahiwelela elabo yororomelihiwa yamurenddele. Oliye ahikala baabi a mulogo mulubale, womutamala Mulugu. Akwaaga hiyo ateene nihikalana koddo odheela dila ya Mulugu akala nnowanyengethani athu amohi, mbwenye Mulugu ohumuruma mulobwana mmohi wi ande onisaddula.*

5 Yonihelo ya neetanu

5 Yonihelo ya neetanu

Genesis 37:1

Oroha wa Zuuze. (Genesis. 37:1)
Yakobo anna ndina na sadduliwiye na, Ezarayeli ahikanna ahima kumi na biili. Mwaanaya a vamurimani eriwesa Zuuze. Nlabo nimohi, Ezarayeli ahinvaha Zuuze mukanjo mmohi wapama, watatamule mawogo mwa addibile ateene. Nlabo nimohi mahiyu,Zuuze ahikalagana yoroha emohi, vevale oliye ahiwoga ni addibile wiira: Hiyo ateene naalini omudda omareddelo, nipithika na tirigu naaga naali vaari. Vano eenyu mateene yapeele nipithika naaga, vano oworomelaga naaga.- Addibile yahiiwaga yoroha yaaye, vano yahinyanyuwaga vajinji ni ddibiliwa amung’ onong’ ono. Wi aliwa enodha ekokorele vamentoni va ddibiliwa. Aliwa yahimwiidda ddibiliwa vano yosayela ofwanyesesa emohi yowi emurathelena yego yabure. Ndina naye di Yesu Kiristu.*

6 Yonihelo ya neetanu nammohi

6 Yonihelo ya neetanu nammohi

Gen. 37:12

Zuuze onagulihiwa wehi mudhaari. (Gen. 37:12)
Addibile Zuuze yaaligi okokolani ejihaga anenyama ababiwa. Ezarayeli ahiwoga ni Zuuze wiira: Odhowe wawoone addibilo akala eli pama, ni anenyama akala enojihiwa pama.- Nuwi ndo addibile a Zuuze egamoonile yahiiwananaga wi empe. Aliwa yahimwakaga mukanjo waye wapama vano onvokedha mmuliddini, kamwaligi mahinje. Mmohi a aliwa ahiiraga: Nnathambilani ddi nampani ddibilihu, nimuguliheni woona mudhaari.- Mowaguva yahifwanyiwaga mpingo wa anamaguliha vano omuguliha ni korowa ya gwingwi ya mukuwa makumi meenddi, aliwa onyethiha mukanjo wa Zuuze, ni mwazi wa mwaneenyama nuwi ndo odhowana wa babiwa Yakobo, ole aali Ezarayeli, ahuubuwela wi mwanaye opiwe ni aneenyama a mukokolani, vano ahimunddela mwanaye malabo majinji.*

7 Yonihelo ya neetanu nabiili

7 Yonihelo ya neetanu nabiili

Gen. 39:1

Zuuze ni mwihiyana (Gen. 39:1)
Anamaguliha yahimuguliha Zuuze elabo ya Wigubuddu ni mulobwana mmohi oreela vajinji. Oliye ahiwelela odhaari. Mulugu omureeliha Zuuze ni dhatedhene dende dhasasanyiye mwa ela oliye ahiwelela opogo wa dhego dhatedhene dha Nabwiye. Zuuze aali muzombwe apama vajinji, ahikweliwa murogo ni mwadha nabwiye ole a wigubuddu. Nlabo nimohi oliye ahimusisaga Zuuze, wi amugonihe oliye. Zuuze ahinona wi eleya yaaligi yabure, oliye ahikooddaga. Oliye ahithawaga mba mule ohiya nikukuru na yowara yaye mmadani, mwa mwihiyana ole. Mwihiyana ole ahimurathelaga Zuuze agaali okukumuweene, mamune vafiyiligiiye.Vano Zuuze yahimuhela mukambura.*

8 Yonihelo ya neetanu nathaaru

8 Yonihelo ya neetanu nathaaru

Gen. 40:1

Zuuze agaali mukambura (Gen. 40:1)
Mulugu aali ni Zuuze, vano ahimureeliha ofiyedha mukambura mwemule . Mwa ela, Zuuze aali pogo aperezu. Pogo opiya mikaathe ni ovelela katha ya kingi yahiheliwa mukambura mohidhiveliwa vajinjivene. Nlabo nimohi yahikalagana dhoroha, nde dhahakukumulaga vajinji. Zuuze agoonile okukumuwa weewa ahawogagana wiira: Mugaddele dhoroha dhinyu, vano wi Mulugu onavuhula ele eli yowipiteya onogaddela matapulelo ya.-
Ovelela katha ole, ahiwogaga yarohiligiiye wiira: Yoroha yaaga miyo goonile mpeza wowithwa, gahiddoddela samu thaaru, miyo nuwi ndo, ofinyedhaga mukathani, giveleelaga mmadani mwa kingi.- Zuuze ahimwaddelaga wiira; yofwanafwanihedha ni yoroha yaawo eli ayi, mwa malabo maraaru, kingi onowuwoobola owelelihe vamburoni vaawo wovelela katha.- Ole apiyesa mikaathe, Zuuze ahimwaddelaga yoroha yaye wiira: mbwenye yotapulela yaawo kahuwo yapama, yaaligi yowi; mwa malabo maraaru we oneere opiwa. Oveleela katha ole ahoobowamo, opiya mikaathe ahikwa, ebaribari Mulugu ahimonihaga Zuuze mmarohoni.
Zuuze agahalile mukambura ahimalamo yaaka biili.*

9 Yonihelo ya neetanu neenayi

9 Yonihelo ya neetanu neenayi

Gen. 41:1

Oroha wa kingi. (Gen. 41:1)
Mahiyu mamohi, yaaka biili dhigavirile, Farawó kingi a wigubuddu, ahirohaga yoroha emohi yomukukumula. Yoroha ya kingi ole yaligi wi :Oliye aaligi seresere ya mwihinje weriwa Nilo, vano ng’ ombe tanu na biili dha mukolo dhoruva dhajaga seresere ya mwihinje. Ng’ ombe dhimohi tanu na biili dha mukolo dhowoondda dhakumaga mwinko, vano dhamiraga ng’ombe dha mukolo dhoruva nde. Ode ogasile kingi ahawithanaga anamanonesesa amwilaboni mwaye, mbwenye kaavo andilege otapulela yoroha ya kingi ole. Oveleela katha ya kingi ahubuwelaga dha Zuuze vano ahimwaddelaga kingi Farawó wiira; oliye oneere wanda otapulela yoroha yeenyu eyo. Kingi ahimukumihaga Zuuze mukambura oliye ahimutapulela kingi ole wiira: Mulugu ohuwaddelihani nyo kingi dhinapadduwe osogolo mwilaboni mweenyu mu mwigubuddu. Onoodha okale dhooja dhijinji mwa yaaka tanu na biili, vano ofiye mudhidhi wa dala yaaka tanu na biili.- Vevale mwene ahoona wi muneba wa Mulugu waali ni Zuuze, vano mwene ole ahinvaha othongi Zuuze wa elabo yateene ya wigubuddu.*

10 Yonihelo ya neekumi

10 Yonihelo ya neekumi

Gen. 42:5

Zuuze athongaga elabo ya wigubuddu. (Gen. 42:5)
Dhigavirile yaaka tanu na biili ya dhooja dhijinji, Zuuze ahilogolela dhooja dhijinji dhamageliwe nyuba dhilubale elabo yo wigubuddu yateene. Nuwi ndo dhigafiyile yaaka dha dala, oliye hogulihesa dhooja dhile ni nlogo natenene. Addibile kumi a Zuuze yahidhaaga wigubuddu wi egule dhooja. Aliwa kiyanonilege wi namathóngaya di ddibiliwa Zuuze, mbwenye aliwa kiyamubuwelelaga. Zuuze oliye aharathelaga wiira alena yadheele weddelela, afunaga wi anone akala nivanove enowelela okala athu odhaaliwa dhebure, naari akala yahisaddula makalelo eewa. Yigihi ewele, Zuuze ahahela mukambura. Nuwi ndho addibile ale yahiipeleka mwa wiyoobola weewa. Zuuze ahiwogaga ni aliwa wiira: Eraga wi, awoone akala yaali athu ororomeleya akala yeere omudhana ddibiliwa amung’ onong’ ono amuharele Zuuze.- Mmohi addibile kumi, Simoni ahihalaga woona yororomeliha wi enowela. Vevale yahíwelelaga elabo yowaniwa ni okubanya wene.*

11 Yonihelo ya neekumi nammohi

11 Yonihelo ya neekumi nammohi

Gen. 43:1

Zuuze onovuhulela wa addibile . (Gen. 43:1)
Odheela dhowehiwa dhigavirile, addibile Zuuze yaaligi owoveene wi ewelele wigubuddu. Mbwenye mowaguva, aliwa yofunave wi yagule dhooja dhiwa dila biili. Aliwa yahimuladda ddibiliwa mung`onomg`ono Benzhami vano owelela wigubuddu. Vano Zuuze kavuhulele yokuweyaye mwa aliwa. Oliye ahagulihedha dhooja vano ahimurumaga namalaba aaye wi alogohe yego yofuneya mu saponi mwiwa. Vano egamaruwile, Zuuze ahimurumaga mwimeleli aaye wiira: ahidde mwaha wi ehikala yiyilisu, wula yigi warathela. Addibile kumi ale yahisorihaga dha mmirimani mwiwa, mbwenye yegoya yafwanyiwege mu saponi mwa Benzhami. Ni mwaha wowi yahifwanyiwagana yego musakwini mweewa, yahawelelana wigubuddu okala aperezu oddiddiliweene, yovaga. Zuuze ahawirelaga wi Benzhami onakalege wehi mudhaari mwa oliganiha . Mujuddewu mmodha mwa addibile ahiveleela mwa thagaraga, ahiraga wi gihale miyo gikale mudhaari, vano ababa Ezarayeli enosimwela vajinji voddimela olena. Agoonile osanyeya va mentoni va ddibile, Zuuze kafunilege owoga dila biili ahawaddelaga aliwa wiira: Miyo gili ddibilinyu Zuuze olene mwamugulihiliinyu.-
Aliwa kayandilege orumedhela dende dhewiligiisu. Moteyela aliwa yahiwelelaga wa babiwa ni muthenga wapama wiira: Zuuze ukalawo, onathonga elabo ya wigubuddu di oliyene.*

12 Yonihelo ya neekumi nabiili

12 Yonihelo ya neekumi nabiili

Gen. 48:1

Ezarayeli ni Zuuze enogumana. (Gen. 48:1)
Nikolo nawale wale Ezarayeli, ni mudhi waaye ni dhatedhene dhanniyena, yahidhowa okalaga wigubuddu. Oliye ahidhiveliwa vamoniliiye mwanaye Zuuze dila biili, ahinakwe. Ezarayeli, ahareeliha ahima abiili a Zuuze, Manasi ni Eferemu wihina aliwa ewelihedhiwe okalana mpaganyo wa Abarahamu. Ezarayeli akwele elabo ya wigubuddu agawuluule.
Addibila a Zuuze yahiwelela omoovaga, aliwa yapima wi, Zuuze oneere wawiidda mwaha wa babiwa vakwiliiye, ni obure olene wasasanyiliwa. Mbwenye Zuuze ahawogana wiira: Kamoove, ebaribarene nyo mwahehiwa ni obure odheela mwa miyo, mbwenye Mulugu ohuwelihedha mwa elene yego emohi ya pama, wihi gaande osasanya makalelo a zelu dhaye dhovulusana dhigumi dhijinji.- Akwaaga, ohukalawo mulobwana mmohi odhulu pogo ohiyana ni Zuuze, ndina naye di Yesu Kiristu. Athu abure yahimpa, vano Mulugu ahiwelihedha yabure elene, mwa yego yapama emohi mwa opama wehu. Yesu ohuvenya mwa anookwa . Vano Mulugu onowanda okurumuwela dhothega dhihu dhatedhene, anivuluse mugoyini ni okwa wahomala.*

Kukuru B. Alobwana alubale a Mulugu

Kukuru B. Alobwana alubale a Mulugu

Wahikala mulobwana mmohi owiveleela ndina naye eriwa Mozezi, ole avulusile nlogo mugoyini. Oliye onanubusa dha Yesu Kiristu, olene onande wavulusa ateene alene eli vati vorabulihiwa ni mwiddani ehu Sathana. Mvuruwane nivuru, mwang’ anaga modagarasiya musugwe modagarasiya woharela mweewa yoruma ela.*

13 Yonihelo ya neekumi nathaaru

13 Yonihelo ya neekumi nathaaru

Exodo 2:1

Mwaana mmohi eriwa Mozezi. (Exodo 2:1)
Anamabaliwela a Yakobo, ale yanna ndina niwa nasadduliwe okala Ezarayeli, yahinjiva vajinji wigubuddu, mwa mahimo majinji, kingi a wigubuddu, owawoova valubale athu alene vowi, yokalana kopolo dhijinji nlabo ni nlabo. Wambeela vevale, yowarabuliha athu alene, yeeriwa Eberewu. Okukumuwa vajinji, vano yahilobela mwaha wi Mulugu awoobole mwa akadda wigubuddu. Aroni ni mwihiyana aaye Yokeddebi, yahikalana mwaana mmohi, mbwenye kiyanfunilena wi oliye akwe. Mwa ela. yahiwanana wi emulogohe. Yahimuhela mmuddangani, omudhowana seresere ya mwihinje, murogoriye Miriyawu owawing`anaga, kavaaligi vaddeedde ni vamburoni vevale, mwaana a Farawó kingi a wigubuddu, alemeelele ohaba wewule. Oliye ahinfwanyaga mwaana, vano ahinvaha ndina na Mozezi, ahithongaga vevale wi onakalege ni oliye naari agaali mu Eberewu. Mozezi onuwile vade va kingi, woona amwemule, ahisuzihiwa mukalelo wateene wa wigubuddu, ahifiyedha okala mulobwana mulubale.*

14 Yonihelo ya neekumi neenayi

14 Yonihelo ya neekumi neenayi

Exodo 3:1

Mozezi ni nikupu nohidda. (Exodo 3:1)
Nlabo nimohi Mozezi ahimoona wigubuddu muthu mmohi amurabulihilege momulibiha mudhaari mmohi a Eberewu. Afunaga amukamihedhe muthu aaye ahimpa mukadda wigubuddu ole, nuwi ndo ahimulogoha vamusengani. Mozezi obuwela wi athu aaye yowonelamo wi yofuna okamihedhiwa. Mbwenye aliwa yahonihedha wi kiyafuna, woona musogoleli kingi ahiiwa nde dheerile Mozezi, vano afuna ampe. Mozezi ahithawela elabo emohi eneeriwa Sinayi. Nlabo nimohi oliye ahoona yego yotikiniha vajinji. Oliye oonile nikupu nimohi nikarelaga munddo nahitotowaga, Ahitikinaga osusedhaga wi addamele, oone pama. Mulugu ahiwogaga ni Mozezi wiira: Miyo ginowoona orabulihiwa wa athu aaga, ni nde dhinawirisuna. Odhowe elabo ya wigubuddu, wi odhowe wawoobole, vano wadhena elabo yalibeleliimi vomuroromeliha Abarahamu.*

15 Yonihelo ya neekumi natanu

15 Yonihelo ya neekumi natanu

Exodo 7:8

Mozezi onawelela wigubuddu. (Exodo 7:8)
Mozezi ahoova vajinji owelela elabo elene yathawiliiye, mbwenye mororomela waye mwa Mulugu waali wa kopolo ejinji, ohiya woova waye. Aroni ddibila a Mozezi ahikuma odhowa ogumanela ni oliye, nuwi ndo yahidhowa abiili okumelela wa Farawó, kingi elabo ya wigubuddu, wi yafiyihe nlamulo na Mulugu mweere: Wahiye athu aaga edhowege:- Mbwenye kingi ole ahakula wiira: Miyo kagimunonile Nabwiya, vano kaginamwihiye Ezarayeli adhowege.- Vevale Mulugu ahiwoga ni Mozezi wiira: Omwaddele Aroni wi avokedhe vati mukokodho waaye, wi kingi oone etonyihedho emohi yoofuna waaga:- Aroni ahiwelela, vano mukogodho waaye ole agavokedhe vati, wahisadduwaga okala mbobo. Kingi ole ahoonaga etonyihedho ele, mbwenye kamwihiyile wi Ezarayeli adhowege.
Vevale Mulugu ahisasanya masenga otikiniha, odheela athu a wigubuddu. Mwa dhotikiniha dhijinji, wahikala osadduwa wa mahinje mateene okala mwazive elabo ya wigubuddu ele; Vano athu elabo ele kayanna mahinje wi yangwege, vano yahidha anapulwe, gulihi, kwaakwa ni thubo. Anenyama yafuwiwe ateene yahimala okwa, nuwi ndo athu ateene awigubuddu yahithukula oredda. Dhagereyeve ndo, mbwenye kingi ole kaahiyile wi athu a Mulugu ale ekume, edhowege ni murenddele.*

16 Yonihelo ya neekumi natanu nammohi

16 Yonihelo ya neekumi natanu nammohi

Exodo 12:1

Mukutho wa na biili wa pasikowa. (Exodo 12:1)
Vowelela Mulugu ahiwoga ni Mozezi, wiira: Wawaddele athu aaga, ethukule nibila nofwanelela mukutho, vano epe. Mwaziya ehele vadhulu va dhisewo dhiwa. Vano mungero aaga onovira elabo yateene ya wigubuddu, vano analobwana owambeela ateene enookwa. Akala ginoone mwazi vadhulu va dhisewo dhinyu, ginokwaranya gahuporosileni.- Nuwi ndo Mulugu ahikwakwaneliha elene yawogiliiye. Ahima owambeela ateene analobwana yahikwa, odheela ofuneya wa athu a Mulugu. Kingi a wigubuddu ahiyonihedha mowaguva mukalelo woweluziwa ni mpanddi wa Mulugu oliye ahiwoga ni Mozezi wiira: Kumamoni mwilaboni mwaaga, dhowani mwamulabege Mulugu eenyu.*

17 Yonihelo ya neekumi natanu nebiili

17 Yonihelo ya neekumi natanu nebiili

Exodo 14:5

Amwaana Ezarayeli eviraga munyaza yofiila (Exodo 14:5)
Mozezi ahasogolela athu ateene a Mulugu okuma wigubuddu, ni dhego dhiwa dhatedhene dhende dhannisuna. Mahiyu mateene Mulugu adhowa osogolo weewa ni munddo, vano akala mutana asogola ni mirabo. Athu a wigubuddu yahitakaleliwa ni mwaha wowayelela adhaari eewa, vano kingi aharumaga anyakoddo aaye waharaga athu a Mulugu, wi yawelihedhe mundduli: Athu a Wizarayeli yahifiyaga vamohi volenddoni vale vahandiliwa odhowa osogolo, ekalagahi enafiya vamusengani wa munyaza yoofiila, egali vojejihedha, yahoonaga wi Farawó ohaaruma anyakoddo aaye enonihara.
Aliwa kiyande woobowa ni otakaleliwa wa akadda wigubuddu, nuwi ndo athu yahimunddela Nabwiya. Vano Mozezi ahiwoga ni athu aaye wiira: Kamoove musugwe wooboliwa wa Nabwiya?- Mulugu ahiwoga ni Mozezi wiira: Ovenyihe mukogodho waawo vano otadeele mada munyaza, weera ndo wagawe mahinje wi athu aaga evire:- Amwaana Ezarayeli yahivira, wabuwa nhaza vano anyakoddo a wigubuddu yaharaga efiyaga vaari ni vaari, exixaga wi yabuwe, nyaza yahifugeyaga, nuwi ndo anyakoddo ale yahikwaga ni mahinje. Vano amwaana Ezarayeli yahiviraga, nyaza owelela dheriliiwa. Nuwi ndo, Mulugu ahawoobola athu aaye mudhaarini mulubale.

18 Yonihelo ya neekumi natanu nethaaru

18 Yonihelo ya neekumi natanu nethaaru

Exodo 16:1

Mulugu onaalela athu aaye mukokolani. (Exodo 16:1)
Vano athu yaali mukokolani, aliwa kiyanna yooja, vevale Mulugu ahavaha yooja. Obebehini wateene, kogolo dhinaligana ni tiriigu, dhamorela va misasani, nuwi ndo athuya yeera maná:- Ciguwo mateene, Mulugu oruma dhibuudhi, wi ekale mataba oreha athu aaye. Akala kavakala mahinje, Mulugu amwaddela Mozezi wiira ddwadha nibwe, vano addwadha vokuma mahinje, athu ongwaga. Mwa malabo makumi manayi, Mulugu ahaweddiha athu aye, mukokolani.*

19 Yonihelo ya neekumi natanu neenayi.(*)

19 Yonihelo ya neekumi natanu neenayi.(*)

Exodo 19:16

Mozezi ni malamulo kumi, omwangoni wa Mulugu (Exodo 19:16)
Amwana Ezarayeli yahifiya vamburoni vamohi vineriwa Sinayi. Mulugu ahikita ni mwango olene, ni wikahinya wulubale ni dhowooneya; palaza, dari, mirabo ni munddo. Mozezi ahigwela vamwangoni nuwi ndo Mulugu ahimuwogana wiira malamulo ya bi ala: * Miyo gili Nabwiya Mulugu aawo:= 1- Kukalena milugu dhimohi okwaranya miyo. 2- Kukokorelege milugu, 3- kuromolege ndina naaga vebeweni vene,. 4- wubuwelege weliha nlabo na sabuddu. 5- Omurihege babo ni mayo. 6- Kumpe muthu, 7- Kuraruwege. 8- Kwiyege.9-Kukalelege omboni wa oratha. 10- Kukwelege murogo dhego dhamwaddamani awo*. Mulugu alebile malamulo aaye vamatabwani menddi a mabwe, vano Mozezi wadhana vaaligi nlogo.(*)

20 Yonihelo ya makumi meenddi

20 Yonihelo ya makumi meenddi

Numer. 21:4

Mbobo a mukuwa wong`animela (Numer. 21:4)
Athu yonong’ona odheela mwa Mulugu, vano kayakwakwanelihe malamulo aaye. Mulugu aharabuliha vokumiha efuwo yaaye mwa athu, vano mbobo dhopithikelelana dhahikumelela vamburoni mmisasani, nuwi ndo walumaga athu. Ajinji yahikwa ni koloweza, odheela ni dholumiwa. Athu yahidhaaga wa Mozezi omunddelaga wi awakihedhe vano oliye ahalobelela aliwa, wi Mulugu avenyihevo yabure elene. Vano Mulugu ahiwoga ni Mozezi wiira: Osasanye mbobo mmohi wa yong`animela vano ohele vamuthamukoni. Vano onakale olumiwa, ateene esugwege, enokalawo kinakwa:- Mozezi ahisasanya woona Mulugu mwamwaddeliiye. Vano ateene ale yasugwa, yovuluwa. Mozezi aali namavuhulela mulubale a nlogo naaye, olene Mulugu amuwogiliyena ni ndhu na egumi. Mwa yaaka makumi manayi, Mozezi ahasogolela athu a Mulugu mukokolani. Mozezi ahinakwe, Mulugu ahimuwogana wiira: Miyo ginomuruma namavuhulela mmohi oligana ni we oli Zozuwe. Wi awaddelege athu dhatedhene dhedhile dhinamurumigiimi.

21 Yonihelo ya makumi meenddi ni emohi

21 Yonihelo ya makumi meenddi ni emohi

João 6:1

Yesu ajihaga athu. (João 6:1)
Mwa yaaka dhijinji dhivirile, yahimujejihedha namavuhulela olene aroromelihiwe ni Mulugu.Vano nlabo nimohi, Yesu Kiristu ahibaliwa o Betelehemu o Yuddeya, wizarayeli. Oliye ahasuziha athu woona Mozezi dheriliiye wewule yaaka dhijinji. Mbwabwadda wakumela okokolani, wi yamwiiwe. Nlabo nimohi vano agasuuzihile, Yesu ahoonaga wi aliwa kiyannaga yooja eli yateene. Muzombwe mmohi bahi, dannaga yororomela yaaye, ole ahiinonela ologolela mikaathe mitanu ni somba biili. Mukwaye mmohi a Yesu
ahimudhagana muzombwe ole vamentoni vaaye. Vevale Yesu agavahile mahala
ahipadhulanyaga mukaatheya, nuwi ndo ogawela mbwabwadda wa athu. Valigi athu macikwi matanu, ahiyana ni ahima kiyelengiwege! Athu ateene yahirubalaga oja mujinji ole. Egoonile yahitikinaga elene yowinjiviha mikaathe, athu yahiwogaga wiira: Ola di namavuhulela mulubale aroromelihiwe.
Yesu ahiwogaga wiira: Miyo gili mukaathe wegumi, olene onadha wa miyo kadha akalana dala, ni ole onagifuna miyo kadha akalana nthóna.*

22 Yonihelo ya makumi meenddi nabiili

22 Yonihelo ya makumi meenddi nabiili

Lucas 9:28

Yesu onawoga ni Mozezi (Lucas 9:28)
Mozezi ni Eliyazi yaali anamavuhulela a Mulugu. Aliwa yahikalawo yaaka dhijinji, Yesu ahinadhe elabo ya vati. Vano nlabo nimohi, aliwa yahikumelelaga wa Yesu. Mwa araaru yowaaresesaga ni ozherima, Yesu ahinonaga wi okwa waaye ohaddamela. Nuwi ndo ahiwoga ni Mozezi ni Eliyazi, mwaha wa okwa waaye. Oosuuza araaru a Yesu; Peduru, Yakobo ni Juwaawu yahonaga dhatedhene. Ogavirile mudhidhi mmohi murabo wahakunelaga, nuwi ndo wahiweyaga ndhu nimohi neeraga: Ola di mwanaga odhivela mmwiwelelege oliye ._ Nuwi ndo ndhu nigamaalile, kiyamonilegevo mmohi, ahili Yesu bahi yeeka.*

23 Yonihelo ya makumi meenddi nathaaru

23 Yonihelo ya makumi meenddi nathaaru

João 3:14

Yesu onikwele hiyeene (João3:14)
Vamuraddini yahitomeyiwa athu amohi abiili yamagiwe mmohi aligi ndada nooja mmohi ndada nowung’oto na Yesu. Abiili ala, dhothega dheewa dhaali dhabure. Mbwenye Yesu kanna yothega eli yateene. Hiyo nihifwanelela orabulihiwa ni okwa wahomala, mbwenye Mulugu ononifuna. Oliye kanafuna wi nikwe nimalelewo, mwa ela oliye ohumuruma mwanaye Yesu, wi anaakele orabula wehu.
Mudhidhi wa Mozezi, nibila nimohi waali mukutho, vano mwaziya waheliwe va dhisewoni dha nyuba dhaamwana Ezarayeli, wi yobowe omakwelo, vano nuwi ndo yahivuluwa. Yesu ahikuthula mwazi waaye wi anivuluse mwa dhothega dhothabwa ohiya okwa wowifuthukula ojehena.
Yesu ahiwoga wiira:- Nuwi ndo woona Mozezi avenyihile mbobo mukokolani, mwana muthu oneere avenyihiwe, wi ateene alene enanfunege oliye, yahiddimeele mbwenye ekalena egumi yahomala.*

24 Yonihelo ya makumi meenddi neenayi

24 Yonihelo ya makumi meenddi neenayi

Actos 1:6-11

Yesu agwelaga odhulu. (Actos 1:6)
Vano Yesu agakwile, nningo naye nadhowiwena oheliwa munikunguni mwa nibwe natopiwe. Mbwenye vopokiha nlabo nanamaraaru oliye ahivenya mwa anookwa agaali mugumi! Athu ajinji yahiwoga ni oliye, mwa malabo makumi manayi. Ajinji yahimoona agwelaga odhulu, woona munooniinyu modagarasiya ola wa Yesu, peeno ohukalawo. Mozezi ohukalawo odhulu. Mozezi aali namasogolela mulubale ni namavuhulela a Mulugu. Mbwenye Yesu aali mwaana a Mulugu, oliye di pogo omukwaranya Mozezi:- Mozezi ahasogolela athu, odheela munyaza ni mukokolani, nuwi ndo aliwa yahivuluwa. Mbwenye Yesu oneere wavulusa ateene ale, enamuhara. Nlabo nimohi, Yesu onoodha awele adhe elabo ya vati, woona mmoneliinyu agwelaga odhulu.Oliye onoodha aarume angero aaye, wi yatugumanye malogo mateene alene enaroromela ndina Naaye, wi athukule adhowegena Odhulu. Akwaaga odhivela;-Nyooya muli owisasanyedhene wi mwagumane ni Yesu? Oliye thi wi adhe peeno, onoodha! =“Ororomele mwa Yesu Kiristu, we ni emudhi yaawo.”=gorogoddogo.*

Related information

Free downloads - Here you can find all the main GRN message scripts in several languages, plus pictures and other related materials, available for download.

"Look, Listen and Live" audio-visual - A set of 8 programs of 24 pictures each for evangelism and Christian teaching. The series presents Old Testament characters, the life of Jesus, and the young church.

How to use GRN Audio visual resources - 1: Sharing the Gospel made easy - This article gives an introduction to some of the many different ways the GRN audio visual resources can be used in ministry.

How to use GRN Audio visual resources - 2: Going Deeper - This article gives further explanation of how people learn from the stories, and why the stories do not have a lot of commentary.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?