Varerya Wiriyana Nave Okhalemo Livuru Anapili 2

Varerya Wiriyana Nave Okhalemo Livuru Anapili 2

Outline: Jacob, Joseph, Moses. 24 sections. It has a picture book to go along with the recording.

Script Number: 419

Language: Lomwe: Mozambique

Theme: Sin and Satan (Deliverance, Judgement, Sin, disobedience); Christ (Jesus, Our Substitute, Sacrifice / Atonement); Eternal life (Salvation); Character of God (Nature, character of God, Word of God (the Bible)); Living as a Christian (Obedience, No other gods, idols, Forgiveness, Faith, trust, believe in Jesus); Bible timeline (Law of God, Gospel, Good News); Problems (Problems, troubles, worries)

Audience: General

Style: Monolog

Genre: Bible Stories & Teac

Purpose: Teaching

Bible Quotation: Paraphrase

Status: Publishable

Script Text

Mapatcherero

Mapatcherero

Moni asinthamwene. Mosuwela wi orivo Muluku mmoharu. Kihiyeni koleleni sa alopwana amusuwenle Muluku. Vareryani verukuni livuru antchalo muwiriyanaka ekaseti yela. mukhunule eruku ekina mwiwa eneneryo.

Eruku Yopatchera 1: Yakopo Ni Esau

Eruku Yopatchera 1: Yakopo Ni Esau

Genesis 25:21-34, 27:1-29

Mmoha awitchaniwa Esau ári mulipa ósaya. Yakopo munnawe (mukhani), areherya yolya yaphamasha. Esau átepa ovoliwa akokaka omasayelo anveka Yakopo yolya. Yakopo álotcha ni Esau " Vopatchera okithumiherye otokwená". Átchuna omukelampa yowo waya okhala wa munnawe. Esau honenlemo etchu omukelampawe. Yamutepenle yari etala vawi átepa ovoliwa. Vavanto áthumiha omukelampawe ni eparatho emoha ya solya. Nsina na yakopo nnataphulela "owoka" makhalelo a Yakopo yari awawoka atchu. Ahawoka apapawe.

Eruku Yanawili - 2 Oloha Wa Yakopo

Eruku Yanawili - 2 Oloha Wa Yakopo

Genesis 28:10-22

Esau ásarasareya murima anatchuna omwipha Yakopo. Yakopo átchawa elapo awe. Ámona Muluku awirimu ni ankelo a Muluku ekhuruwaka. Muluku álotcha. "Kinamovaha elapo yela okonnawevo vamoha ni anamwaná. Atchu othene a elapo ya vathi anamurelihiwa mwa weyo ni anamwaná. Miyo kinamokhapelela ni woholela mothemwene oneráwe onaviramo ophiyera kokokihenrye elapo yela. Muluku ásuwela wi Yakopo ári mulipa owoka, nave Muluku ámusivela Yakopo vawi átchuna orukunusha murimawe. Vawi hiha Muluku álakana ni yowo.

Eruku Yaneraru 3: Yakopo Ni Labão

Eruku Yaneraru 3: Yakopo Ni Labão

Genesis 29:1 - 31:55

Yakopo anáwokaru atchu, nave atchu akina yanamuwoka yakopo. Yakopo ahálapa atatawe, anaLabão. Vawi amurya mwanaya Rakeli. Alapihiwa iyakha thanu napili wi amuthele mwanaya mukhani Rakeli. Labão ámuwoka muyamuhano awe Yakopo amunnya mwanawe mutokwene yowo Yakopo ahimtchuneiye. Nave Muluku álotcha ni yakopo: "Okokele elapo yasitithiá miyo kiri ni weyo"

Eruku Yanesheshe 4: Yakopo Ni Muluku

Eruku Yanesheshe 4: Yakopo Ni Muluku

Genesis 32:1-32

Yakopo annova okokela owani vawi anamova Esau. Ohiyu omoha Yakopo arowaka ákumana ni mulopwana. Yowo áwanano ohiyu wothene. Oyaka nusha mulopwana owo amuntaka yakopo iparari. Vava Yakopo ásuwela wi mulopwana ola ti Muluku. Yakopo amála owaniha ii: "Nkinohiyani opwaha muhikirelinhe". Vava mulopwana owo ahi: "Horwa witchaniwa tho Yakopo nyenya Israyeli". Israyeli enataphulela ophwanya makatchamiho ni Muluku. Muluku amwera mwayini Yakopo mulipa awotha, ni otchetcheya vawi átchuna vanihikuni amurukunushe murimawe. Israyeli átchikela elapwawe ni muretchele. Akhala tithi a muloko wa Muluku. Asinthamwene, othene ninnawana ni Muluku muwotha wahu. Muluku omurumiha mulopwana onopola, Yowo ti Yesu Kristo .

Eruku Yanethanu 5: Yoloha Ya Yosefe

Eruku Yanethanu 5: Yoloha Ya Yosefe

Genesis 37:1-11

Yakopo awitchaniwa Israyeli, árino anamwane khumi neli. Mwanawe ósiveliwa ári Yosefe. Yakopo ámuthumela Yosefe yowara yorerasha. Anannawe Yosefe yanamukhalelano nrima. Ohiyu omoha Yosefe áloha. Álotcha ni anannawe ii: "Wiriyanani yolohaka. Káloha nimuhatchaka thiriku nnámmaka iretche; yáka yarimwemela, nave iretche sanyu, sarimukokhora irukurenrye eretche aka". Anannawe yasarasareya murima. Tiwi hiyo ananná atokwene nokokhorele weyo mukhani? Yápatchera omwavyavya wi emwiphe.

Eruku Yanethanu Namoha 6: Othumihiwa Wa Yosefe

Eruku Yanethanu Namoha 6: Othumihiwa Wa Yosefe

Genesis 37:12-36

Anannawe Yosefe yalyiha inama otchai ni owani. Yakopo ámuruma Yosefe ariki: "Hawe watchitche ananná otakhwani analyihayawo inama orwe okilele sa okumi aya". Anannawe yamonnaya Yosefe árwaka, yámphakanela omwipha. Yamurula sowara sawe, emurihela mulitchini. Alipa a marotcha yáthuma átchu eviraka, munnawe mmoha ahi: "Nni nlyevo sheni namwipha Yosefe? Ori waphama nimutumihe" tchiryene yamutumiha. Yákusha yowarawe etchikitchela nikhami, eveléla watitháya eriki; ophariwe mwatcho. Yakopo ahinla ekutcho etokwene.

Eruku Yanethanu Napili 7: Yosefe Ni Muthiyana Olavi-Lavi

Eruku Yanethanu Napili 7: Yosefe Ni Muthiyana Olavi-Lavi

Genesis 39:1-20

Alipa a marotcha yámutumiha Yosefe oYikuputo. Yosefe ákhala kapuro a Potifar. Potifar ári mutokwene elapo yoYikuputo. Muluku ári ni Yosefe. Yosefe ári mmiravo orerasha, nave Potifar ámukusha okhala vate vawe. Mwara a Potifar ámmutchuna Yosefe. Mwara a Potifar ámphara Yosefe wi akoneno, Yosefe ásuwela wi yonanara, amukhotcha muthiyana yola. Yosefe átchawa, nave mwara a Potifar ákusha sowara sa Yosefe avelela wa iyawe amotherya. Vava Potifar ámukusha Yosefe amvonya mukariposo.

Eruku Yanethanu Natcharu 8: Yosefe Mukariposo

Eruku Yanethanu Natcharu 8: Yosefe Mukariposo

Genesis 39:20 - 40:23

Nári mukariposo Muluku ári ni Yosefe; vahilekenle aheriwa mutokwene. Namuteko a mwene yowo anvaha yowurya mwene, vamoha ni namuteko awupa ipau yávonyiwa mukariposo opíli yala. Ohiyu omoha opíli yaloha. Hiyarino mutchu awataphulela yoloháya. Yosefe ahalotcha "Hamunasuwela wi otaphulela onarwela wa Muluku? kileleni yolohányu". Anamuteko yamuleliha Yosefe "káloha mwiri wa uva orino mirai miraru. Káloha kiwamaka osumu wa uva kinvahaka mwene". Yosefe ámutaphulela ariki: "Mmahiku mararu mwene onamókumiha mukariposo okókiherye mutekwá". Mulipa awupa ipau amulelihatho yolohawe, nave Yosefe amuléliherya ariki: Mmahiku mararu onamwiphiwa. Mwa sothesene sahereya ntoko Yosefe alélihenryeiye. Nave Yosefe ákhalaru mukariposo miyakha mili.

Eruku Yanethanu Nasheshe 9: Oloha Wa Mwene

Eruku Yanethanu Nasheshe 9: Oloha Wa Mwene

Genesis 41:1-40

Vava mwene oYikuputo áloha. Ahóna inyope thanu napili watchamela omuhitcheni. Sákhuma inyope thanu napili sawotcha imirya inyope thanu napili soneneva. Honenye owerya omutaphulela mwene yoloha yela. Nave anamuteko a mwene yámulela mwene wi, Yosefe onanwerya wotaphulelani yoloha yela. Mwene álamulela wi Yosefe akumihiwe mukariposo, arwe amutaphulele. Yosefe ámuleliha mwene yolohawe ariki: " Muluku onawoneiherya yeyo entchuna wereya; inamukhalawo iyakha thanu napili sa oréla, nave olya onamusareya oYikuputo. Ivinre miyakha sa oréla, inahala orwa miyakha mithanu namili sa etala. Vano kinnovekani mmwavye mulopwana a miruku, akhapelele olya mwa miyakha sa oréla; wi nithumiheke mmiyakha sa etala". Mwene ahóna wi munepa wa Muluku wari mwa Yosefe, nave amwéra mutokwene a oYikuputo.

Eruku Yanekhumi 10: Yosefe Mwene a Oyikuputo

Eruku Yanekhumi 10: Yosefe Mwene a Oyikuputo

Genesis 41:47 - 42:28

Mwa miyakha mithanu namili sa oréla Yosefe ahikuherya yolya yawakhwana othumiha mahiku atala. Yaphiyalaya mahiku atala Yosefe atumiha olya. Okanani tho wakhalawo etala. Anannawe Yosefe yárwa othuma olya oYikuputo. Hiyasuwenle wi mwene ári munnaya Yosefe. Yosefe awótherya wi ahiya. Evinre mahiku mararu álotcha ni yawo. " Vawi kisuwele wi mwa atchu ekhai-khai mukiruhele munninyu mukhani". Ámkusha mmoha amvoleiha mukariposo áhiya akina ovelela yolya watithiaya.

Eruku Yanekhumi Namoha 11: Yosefe Ahisuweliha Wa Anannawe

Eruku Yanekhumi Namoha 11: Yosefe Ahisuweliha Wa Anannawe

Genesis 43:1 - 45:27

Anannawe a Yosefe yanóva okókela oYikuputo nave etala yahátepela. Yámukusha munamunnaya mukhani envelela wa Yosefe. Yosefe hakunve waléla wi kamunninyu. Ahatumiherya yolya alotcha ni namuteko awe wi akókiherye ikhorowa saya, ahutche mmasakhuni mwaya; nave amukushe kópho omwene amukuhe musakhuni ya Benjamin. Aharuma anamuteko awe wi mwatchimakele, muhule isakhu saya nave muwotherye wi mohíya. Anannawe othene yákokhora vathi enveka Yosefe wi akhurumuwele, yela yahereya ntoko Yosefe álontcheiye. Yosefe ahinla, nave hawenrye wisipitiha álotcha ariki: " Miyo ka munninyu Yosefe yole mwamutuminhanyu oYikuputo". Ámphara amunula munnawe Benjamin vamoha ni akhwawe. Yosefe ahávaha yamahala, yorowano wapapawe. Yosefe ahaléla wi mukóke vamoha ni emusi yothene, apapa vamoha ni amusi akina. Anannawe yarowa yaleliherya atithaya. " Yosefe mukumi nave mwene a oYikuputo!"

Eruku Yanekhumi Napili 12: Yakopo Ni Yosefe Oyikuputo

Eruku Yanekhumi Napili 12: Yakopo Ni Yosefe Oyikuputo

Genesis 45:28 - 50:26

Yakopo amanle wuluvala atháma ni emusi awe yothene arowa oYikuputo. Yakopo amónneiye mwanawe Yosefe, opíli yahinla. Nave Yakopo aharéliha anamwane opíli a Yosefe, yala yákhala mamwene a nloko n'aIsrayeli. Yakopo ákhwa oYikuputo ari awuluvalasha. Annawe Yosefe yásareya wova vawupuwelela yonanara yamwerenlaya munnaya. Nave Yosefe ahi: "Muhove, mwatchuna okerela yonanara nave Muluku ohutusha yonanara mwaphama wi avulushe atchu antchipale". Asinthamwene, wirimu ókhalawo ómpwaha Yosefe. Nsina nawe ti Yesu Kristu. Atchu onanara mirima yámwípha. Nave Muluku ohutusha yonanara mwaphama mwa othene yawo anamuroromela Muluku. Yesu óvinya wokhwani. Nalokoha sotcheka sahu wa Muluku, ni sothene niwerenlahu akina, Muluku onamunikhurumuwela. Ori aikuru wavulusha othene anamuroromela. Murukunushe ekaseti wi muwiriyane ihanlewo.

Mapatcherero

Mapatcherero

Ákhalawo mulopwana nsina nawe Mose yowo ári óroromeleya wa Muluku. Ahavulusha atchu mokapuroni oYikuputo. Yola onnanupusherya sa Yesu Yowo ori ni ikuru sawavulusha atchu mwa minepa sonanara. Varerya eruku owiriyanaka ekaseti. Wireherye wi okhunule eruku enatcharavo wiwa oruma.

Eruku Yanekhumi Natcharu 13: Mose Ari Nikwiya

Eruku Yanekhumi Natcharu 13: Mose Ari Nikwiya

Exodo 2:1-10

Yakopo yowo itchaniwa Israyeli, mwemusi awe áyariwa mwana awitchaniwa Mose. Mose áyariwe oYikuputo, amanle okhwa Yosefe. Mwelukuluku áyariwe Mose, ánaIsrayeli yátepa watcha. Nave mwene oYikuputo anawova apatchera anákhalela opwalo wi ekhweke. Ahápaka okhala akapuro awe, avaha olamulelo wi yiphiweke anamwane aya othene a makwiya analopwana. Mose ayariweiye amannya yamutchukutchera. Yamuhela musestoni emukuha oshereshere wa muhitche. Nave munnawe Mirian, anamulipelela yowo. Mwana mwamuthiyana a mwene árwa orapa omuhitcheni. Ámona sesto orimo mwanamwane Mose. Mose ápatchera wunla, mwana a mwene ámukusha amukhapelela amwéra mwanawe. Mose ahunnuwa váte va mwene. Mose ahunnuwa ni osuwela wa malamulo othene a elapo yoYikuputo, ni makhalelo othene a mwene.

Eruku Yanekhumi Nasheshe 14: Mose Ni Makukhu Óvarela

Eruku Yanekhumi Nasheshe 14: Mose Ni Makukhu Óvarela

Exodo 2:11 - 4:17

Nihiku nimoha Mose ámphwanya muYikuputo ammanaka muIsrayeli kapuro. Mose amwákiha muIsrayeli, amwipha muYikuputo, ni wova otorihiwa ti mwene átchawa. Miyakha makhumi masheshe (40) ári mutakhwani nawitchaniwa Sinai. Nihiku nimoha ahóna sotikiniha. Ahóna makukhu evarelaka moro nnya hiyátchupa. Muluku álotcha ni Mose mmakukhuni ovarela moro. Kohóna ekoi ya atchu aka anereliwaya. Kinnoruma oya okumana ni mwene oYikuputo owópola atchu aka mwelapo yele.

Eruku Yanekhumi Nathanu 15: Mose Onakókela Wa Mwene

Eruku Yanekhumi Nathanu 15: Mose Onakókela Wa Mwene

Exodo 3:11 - 10:29

Mose anóva nave mu wova wawe anamuroromela Muluku, ophiyera akókenle oYikuputo. Yári vamoha ni munnawe Aroni. Yalotcha ni mwene: "Apwiya, Muluku aIsrayeli, ani; wáhiye atchu aka epwaheke wi yalye efesta mutakhwani". Mwene ahakhula: "Nkimusuwenle Muluku, nave nkináhiya atchu opwaha" Mwene asarasareya murima átchérera ekoi aya. Muluku álotcha ni Mose: "......." Ayikuputo anamukisuwela wi ka Muluku katheteya ntata naka kákusha aIsrayeli véri vaya. Muluku álotchanotho "Farão alotcha ni nyuwo mukerele yotikiniha, omulele Aroni akushe ekopo awe arihele okhoveni wa Farão, enamuthatuwa enowa". Aroni ahíwelela, nave mwene ahóna ikuru sa Muluku, nnamwi hiha hahinye atchu ovinya oYikuputo. Muluku aherano sotikiniha sohiyana-hiyana oYikuputo. Átatusha mahi ni mihitche sothene sikhala sa nikhami. Ahárumiherya anaphulu esareya elapo yothene ni vakhamani vene. Muluku áwerya omulopola mwene, ni omóniherya wi ori aikuru ompwaha yowo. Nave mwene ni wuma wawe murima háhiyale atchu a Muluku ovinya mwelapo awe.

Eruku Yanekhuminathanu Namoha 16: Wiphiwa Wa Eputcheputche

Eruku Yanekhuminathanu Namoha 16: Wiphiwa Wa Eputcheputche

Exodo 12:1-36

Muluku álotcha vanawili ni Mose ariki: " Waléle anaIsrayeli yiphe eputcheputche, ekushe nikhami nene ehike mmilakoni. Kinamviravira elapo yothene ya oYikuputo. Kiwiphe anamwane ópatchera oyariwa. Kóna nikhami vamilakoni, kini kivire vasulu nkinavolowa owipha". Muluku ahérano ntoko alontcheiye. Anamwane ópatchera oyariwa othene aIsrayeli yákhala. Nave mwene áya alotcha ni Mose ariki: Hawe! Wahiye atchu aka, weyo ni aIsrayeli, murowe mwamukokhorele Muluku ntoko ovenkáwe.

Eruku Yanekhuminathanu Napili 17: Véri Va Emaka

Eruku Yanekhuminathanu Napili 17: Véri Va Emaka

Exodo 13:17 - 14:31

Mose aháveihawo oYikuputo aIsrayeli, nave Muluku aháhólela ni neku na moro. Ayikuputo yasarasareya murima vohikhalano akapuro. Nave mwene ni anakhotcho awe yahátchimakela aIsrayeli, wi yakókihe. Aisrayeli yáphwanya emaka yahiweryaya olapuwa. Ayikuputo yárwa ewikaraka. Aisrayeli yahaléliheya. Mose álotcha ni aIsrayeli: "Muhóve. Munahála wóna ovulusha wa Muluku". Muluku áhula ephiro mmahini nave aIsrayeli yálapuwa. Ayikuputo yahererya olapuwa nave yamiryiwa ni mahi. Ayikuputo othene yákhwa nave aIsrayeli yávuluwa.

Eruku Yanekhuminathanu Natcharu 18: Yolya Ni Yowurya Mutakhwani

Eruku Yanekhuminathanu Natcharu 18: Yolya Ni Yowurya Mutakhwani

Exodo 16:1 - 17:7

Mose aháhólela atchu mutakhwani. Atchu hiyarino yolya yawakhwana, yápatchera omwápa Mose, Aroni vamoha Muluku. Ohiyu ni ohiyu Muluku anárumiherya enama yokhura. Osha ni osha Muluku anárumiherya epau yawitchaniwa Manã. Wahikhanlayavo mahi atchu yamwápa Mose. Mose ahákoha: " Munakiruwanelani? Munamweheryani Muluku?" Mose ávekela nave Muluku amwákhula. " Okushe ekopwá omaneno mwala, onahála okhumavo mahi nave atchu ananwurya. Miyakha makhumi masheshe (40) Muluku ahákhapelela ni walyiha aIsrayeli mutakhwani.

Eruku Yanekhuminathanu Nasheshe 19: Mose Omwako Wa Muluku

Eruku Yanekhuminathanu Nasheshe 19: Mose Omwako Wa Muluku

Exodo 19:1 - 20:21; Salmo 19:11; Yohane 14:15

Aisrayeli yárwa omwakoni Sinai. Muluku ákhuruwa ni etari, munekuni na warya. Mose áwela omwako nave Muluku álotcha ni yowo ariki: " Miyo ka Muluku anyu, muhikhaleno miluku mikina. Muhipakele yophwaniherya yopatcha. Muhiromole nsina na Yehova mahalene. Mupuwele nihiku nanethanu nawili wi nikhale nawéla. Watchitchimihe atithiá ni amáyá. Ohinipha. Ohinararuwa. Ohiniya. Ohinamotherya mukhwá. Ohinikusherya etchu yamukhwá." Muluku amanle olotcha, árepa malamulo yala vathápwani, nave Mose ákhuruwano malamulo ahusiha wa othene. Olelo ninnaphwanya malamulo a Muluku mPipiliyani, Muluku oni: Vokhapelela malamulo okhalawo phatamari Yesu tho ólotcha: "Mwakisivelaka munamwiwelela malamulo aka".

Eruku Yamakhumi Meli 20: Enowa Vamwirini

Eruku Yamakhumi Meli 20: Enowa Vamwirini

Numeros 21:4-9; Deuteronomio 18:18

Aisrayele yálakana okhapelela malamulo a Muluku nave hiyenreno. Atchu yápatchera omwápa Muluku ntakhara yolya Muluku avanheiye. Muluku ahálaka árumiherya inowa sasenya yonanara. Antchipale yákhwa ni inowa sáluma. Atchu yahinla wa Mose nave Mose ahávekelela. Muluku alotcha ni Mose: "Opake enowa okuhe vamwirini, yowo anawehe onarwa akhala mukumi". Mose ápaka enowa ya muthipo akuha vakoponi. Yowo álummwe onarwa akhala mukumi! Mose ári mutokwene ni mulipa-miririmo a'Israyeli. Mwa miyakha makhumi masheshe aháhólela aIsrayeli mutakhwani. Ahakunve okhwa, Muluku álotcha ni yowo. "Kinammurumiha mulipa-miririmo mukina óphwana ni weyo mwa nloko n'aIsrayeli. Yowo onarwa áléla atchu sothene kinakhwelaka".

Eruku Yamakhumi Meli Namoha 21: Yesu Onalyiha Muloko

Eruku Yamakhumi Meli Namoha 21: Yesu Onalyiha Muloko

Yohane 6:1-58

Mwa miyakha sintchipale atchu yánatchuna okhalano mulipa-miririmo ntoko Mose. Vahilekenle áhayariwa Yesu mwa elapo y'aIsrayeli. Áhusiha sa Muluku ntoko Mose enreiyeno. Nihiku nimoha atchu yávinya mukwaha oya onwiriyana Yesu alaléryaka. Yávoliwa etala, nave hiyariwo yolya vakhiviru. Ahoneya mmiravo árino ipau thanu ni ihopa pili. Yesu ákusha ipau ni asihopa athamalela. Vavo áwerya olyiha muloko wothene wathukumanne. Atchu yahi: " Pari-pari mutchu ola mulipa-miririmo!" Nihiku nikina Yesu ahi: " Miyo ka epau ni okumi, yowo onarwa wamiyo harwa avoliwa etala, nári Yowo onakiroromela harwa avoliwa ntchanana". Hankoni nrowe wa Yesu nimuroromele yowo.

Eruku Yamakhumimeli Napili 22: Yesu Onalotcha Ni Mose

Eruku Yamakhumimeli Napili 22: Yesu Onalotcha Ni Mose

Mateyu 17:1-8; Luka 9:28-36

Mose ni Eliya yári alipa-miririmo a Muluku, yárivo Yesu ahakunve oyariwa elapo ya vathi. Nihiku nimoha Yesu áwela omwakoni ni ohuseryawe araru oya ovekela. Arikinvekelaru ethoi awe yáthatuwa ni warya. Sowara sawe sásareya warya. Mose ni Eliya yákhuruwa muntchitchimiho na Muluku . Yesu ásuwela sa okhwa wawe, Mose ni Eliya yámulela wi okhwa wawe wahatchamela. Óhuserya araru yahiwa olotcha. Néku nákhuruwa náhuruwela othene. Masu ókhuma munekuni yavuweya eriki: "Ola ti mwanaka, mwa yola kinnahakalalano. N'wiriyaneni yola". Emanle olotchiwa masu ala, óhuserya yamona Yesu ari va mekheiye.

Eruku Yamakhumimeli Natcharu 23: Yesu Ónikhwela

Eruku Yamakhumimeli Natcharu 23: Yesu Ónikhwela

Yohane 3:14-16

Atchu yámukhotcha Yesu emwipha. Asurutato yámuthomeya vamwikimanyo. Yámuthomeya vamoha ni alipa ohuhula éli. Yesu hénreru etchu yonanara. Nave nyuwo ni miyo notcheka. Nophwanela oya wolakiwani wohimala. Nave Muluku ónsivela. Muluku hanatchuna onóna niyaka omoroni. Muluku ómuruma mwanawe Yesu, oniveiheryavo ekoi ahu. Mmahiku a Mose nikhami na iputche-putche nahávulusha aIsrayeli. Yesu mwana a Muluku, ohiveléla okhala eputche-putche, ónikhwela othene. Nikhami nawe yolivela ya sotcheka sahu. Ntoko Mose áthomenye enowa ya muthipo; Yesu tho, óthomeiwa wi yowo onamuroromela ahirimele nave akhaleno okumi wohimala (Yohane.3:16).

Eruku Yamakhumimeli Nasheshe 24: Owela Wa Yesu

Eruku Yamakhumimeli Nasheshe 24: Owela Wa Yesu

Yohane 19:38; sTarummwa 1:6-11

Murutchu wa Yesu wávithiwa munihiyeni. Nihiku na neraru ávinya wokhwani. Atchu antchipale yamóna Yowo, evinre mahiku makhumi masheshe yamóna awelaka munékuni, ntoko munamonelanyu verukuni, Yesu mukumi olelo. Mose ni óroromela othene akhwile mw'Apwiya ari wirimu. Mose ári mutokwene ni mulipa-miririmo a Muluku, nave Yesu mwana a Muluku. Mutokwene ómpwaha Mose. Mose áhólela muloko ophiyerya elapunwe emaka, nave yavuluwa mwa aYikuputo. Yesu arwénle wavulusha othene anamuroromela. Nihiku nimoha nnarwa nimóna Yesu akókaka munékuni ntoko awelaka wirimu. Asinthamwene, mohireherya orwa vamoha ni Yesu. Akhweya olelo nári omelo onnakóka! Omuroromele Apwiya Yesu Kristo onarwa ovulushiwa.

Related information

Free downloads - Here you can find all the main GRN message scripts in several languages, plus pictures and other related materials, available for download.

"Look, Listen and Live" audio-visual - A set of 8 programs of 24 pictures each for evangelism and Christian teaching. The series presents Old Testament characters, the life of Jesus, and the young church.

How to use GRN Audio visual resources - 1: Sharing the Gospel made easy - This article gives an introduction to some of the many different ways the GRN audio visual resources can be used in ministry.

How to use GRN Audio visual resources - 2: Going Deeper - This article gives further explanation of how people learn from the stories, and why the stories do not have a lot of commentary.

The GRN Audio Library - Evangelistic and basic Bible teaching material appropriate to the people's need and culture in a variety of styles and formats.

Copyright and Licensing - GRN shares it's audio, video and written scripts under Creative Commons

Creating DVDs using the GRN Slide show Videos - How to burn DVDs for specific people groups you are trying to reach

Choosing the right audio or video format - What audio and video file formats are available from GRN, and which one is best to use?