Telling the story of Jesus in every language

Tara, Puratena & Hupa Embo 1 Komautiro Puna Ndjambi

Outline: Adam, Noah, Job, Abraham. 24 sections. It has a picture book to go along with the recording.

Script Number:418
Language:Herero
Theme:Multiple themes
Audience:General
Style:Monolog
Genre:Bible Story
Sophistication:General
Purpose:Teaching
Bible Quotation:Direct

Script Text

Omatjiukisiro
Kora panga randje Indjo u rihonge ohunga novandu ovatenga mba hupire kombanda yehi. Tji matu tara komwano Ndjambi mbuya ungura kuna wo, matu yenene okurihonga ovingi ohunga na Ndjambi Umwe woUatjiri. Tara koviperende mbi ri membo eserandu ngunda amo puratene kokasete nga. Muna omahongwa okuza mEmbo raNdjambi, Ombeipela. Tara kotjiperendero tjarwe tji wa zuu ombosiro ndji.

Otjiperendero 1: Adam Novipuka GENESIS 1:1-2:14
Otjiperendero 1: Adam NovipukaKorutenga oNdjambi erike ngwa ri ko, kapari notjinamuinyo tjarwe. Kuna Ndjambi umwe uriri. Eye Ombepo. U tjiwa avihe nu u ri apehe. Ouye otja tji matu u tjiwa ndino, ka wa ri ko. Ndjambi wa ungura ouye na avihe mbi ri mu wo na wina avihe mbi ri mevaverwa. Ndjambi rutenga wa ungurire ondjerera. Ndjambi otja ungura eyuru kuzambo ovikamba, kuzambo ehi. Ndjambi wa hana okuvare nehi ekukutu noro ra uta okuhapisa ovihape. Kuzambo Ndjambi wa ungura eyuva nomueze nozonyose. Eye wa ungura ovinamuinyo avihe kkombanda yehi nomokuvare. Omundu ngu ri motjiperendero hi o Adam. Eye ongwa ri omundu omutenga okuhupa mouye. Ndjambi wa ungura Adam poruuma rwehi. Ndjambi wa ungura omundu kosaneno Ye, kokutja omundu ma tjiwe Ndjambi (kokutja ombepo yomundu i rire imwe nombepo yaNdjambi). Omeripura womundu nozondero ze azehe i yavi i kumwe na Ndjambi neye iya ryanga puna Ndjambi. Ndjambi wa muna kutja avihe Eye mbya uta, oviwa.

Otjiperendero 2: Omukazendu Wa Adam GENESIS 1:27-28, 2:15-25
Otjiperendero 2: Omukazendu Wa AdamNdjambi wa twa Adam motjikunino otjiwa, Eden, nu e mu rakiza kutja me tji tjevere. Mwa ri nomiti otja komihokohoko na wina omuti womuinjo. Adam wa ri novihape ovingi pekepeke mbiya yenene okurya. Ndjambi wa yandjera Adam okuruka ovipuka nouzera auhe omana. Komuhoko auhe kwa ri notjitume notjikaze. Ovyo kaavi tira omundu nu kaavi tjiti otjipo ku ye. Nungwari Adam kaari nepanga. Mena ra nao Ndjambi opa ungurira Adam omukazendu otjepanga. Ndjambi wa rarisa Adam ozombotu ozondeu. Eye wa nana orupati rwa Adam na ungura po omukazendu. Ndjambi we mu yeta komurumendu. Omurumendu nomukazendu va ri muzu nu kava tire ohoni. Owo iyave hungire kuna Ndjambi otjomapanga. Ka pa ri nomuhihamwatima nondiro poo oundanndi moruveze indo oruwa.

Otjiperendero 3: Onyoka Motjiknino GENESIS 2:16-17, Genesis 3, JESAJA 14:12
Otjiperendero 3: Onyoka MotjikninoNdjambi wa rakiza Adam: "U nousemba okurya komiti avihe vyotjikunino otja pu mo vanga, posi ya komuti mbu yandja ondjiviro okutjuwa ouwa nouvi ko nokurya kovihape vyawo. Tji mo tjiti nao, mo tu. " Nungwari onyoka ya wovisa omukazendu wa Adam. Satan wa ri omuengeli waNdjambi, nungwari eye wa pirukukira Ndjambi, ngwe mu utire. Wa vanga okurira omunene pu Ndjambi. Ndjambi wa ramba Satan meyuru neye wa rira omunavita waNdjambi. Satan omuhakohoke we ri tjitukisa monyoka ombwa ne ya komukazendu. Eye we mu popa okurya kovihape mbya tjayerwa. Eye we mu wovisa kutja kamaa koka tja ri kovihape mbyo. Eye wa rya na yandja ku Adam wina. Tji va za nokurya, otji va muna kutja ve ri muzu. Owo va tjiwa kutja va kara nokuhinonduviro ku Ndjambi nokutja ongaro pokati kawo na Ndjambi kamaai kara nawa rukwao. Otji va pamba omaso womukuyumbwa kumwe nave rinambere vyo.

Otjiperendero 4: Adam Na Eva Pendje Notjikunino GENESIS 3:14-24
Otjiperendero 4: Adam Na Eva Pendje NotjikuninoMotjiperendero hi matu munu mbi mavi tjitwa Adam na Eva tji va zu nokukara nokuhinonduviro ku Ndjambi. Ndjambi iya sokuvera Adam, mena rokuharinonduviro kerakiza re, nungwari Ndjambi rutenga wa tja nai konyoka: "Ove tjinga awa tjiti nai, mo sengwa mokati kovinamuinyo avihe. Okuza kotjikando ho Satan otja rira omunavita wa Ndjambi no womundu. Ndjambi wa rakiza kutja ozondekurona zaAdam nomukazendu we ma kataara Satan. Jesus ihi we tji tjita indu eye tja tira ourunde wouye na penduka mondiro. Ndjambi wa tja nai komukazendu: "Ami me twa mo ozongama ozengi mombandukiro yoye, nove mo panduka ovanatje voye nomihihamo. Nu ku Adam Ndjambi wa tja nai: mena rokutja wa puratena komukazendu na ri kovihape vyomuti, ouye otji mau sengwa. Eye opa sere okuungura tjinene nga kondiro ye okutja a yandje ovikurya mbya yenene konganda ye. Ndjambi wa ramba Adam motjikunino. Adam omukazendu we we mu ruka Eva, mari hee kutja: 'omuinyo'. Eye wa kara novanatje mu ye. Novandu avehe va za mu wo. Adam na Eva novandu avehe kombunda yawo ve nourunde, nombu ve humburura ku Ndjambi na wina kovakwao. Atuhe katu nonduviro ku Ndjambi; okuhinonduviro ourunde. Tu ta, mena rokutja tu tjita ourunde. Nungwari ku nomaundjiro, mena rokutja Jesus Kristus ma yenene okutuyama kouvara wourunde na Satan.

Otjiperendero 5: Noa Notjitendeze (Oskepi) GENESIS 6:1-7:5
Otjiperendero 5: Noa Notjitendeze (Oskepi)Ovanatje va Adam na Eva nozendekurona va takavara tjinene. Owo va kongorera ozondjira zaSatan nave tjiti ouvi. Ndjambi wa hihamwa omutima ne rivere kutja wa ungura omundu. Pa ri omundu umwe uriri ngwari nonduviro ku Ndjambi. Ena re wa ri Noa. Ndjambi eyuva rimwe wa hungira ku Noa a tja: "Ami mbe ripura okuyandeka ovandu avehe, orondu indi ehi tjinga are urisiiwa nozondjito zoutwe zovandu." Ritungira otjitendeze. Otjitendeze (oskepi) okayaha/okawato okanene. Muhona wa hungire komurungu na Noa a tja: "Ami me hindi omupupo kouye okunyonaotjinamuinyo atjihe. Nungwari me tjiti omerikutiropamwe no ove. Hita motjitendeze, ove nomukazendu woye novazandu woye, auhe nomukazendu we. Hitisa wina otjipuka tjimwe otjikaze notjirume otja komuhoko auhe na wina ozondera otja komihoko vyazo, kutja ovyo vi hupe (ape ha ningi omuhoko mbu mau pandjara). Noa wa tjitire avihe Ndjambi mbye mu raera. Ngunda ama tungu otjitendeze. Noa wa kayenda komurungu okurakiza ovandu kutja Ndjambi me ve nyono, nungwari owo kava vangere okuisa ozondjira zawo ozombi.

Otjiperendero 6: Omupupo Omunene GENESIS 7:6-23
Otjiperendero 6: Omupupo OmuneneNdjambi u yenenisa omakwizikiro we. Noa nomuhoko we novipuka avihe va hita motjitendeze. Ndjambi wa pata omuvero wotjitendeze. Omayuva hambombari kombunda yanao ombura ya uta okuroka. Ombura ya roka oure womayuva omirongo vine nomautuku wawo. Otuharwi twa paturuka okuza mehi nu ouye auhe wa kutjirwa nomeva. Ovandu novipuka nozondera, avihe mbya ri pendje notjitendeze vya ta. Ovandu nga ku ndino kave ya runduruka. Ve tjita ourunde ngamba, ve kongorera Satan nave panda okupuratena ku Ndjambi. Ndjambi mEmbo re u tu raera kutja Muhona Jesus ma kotoka rukwao, okupangura ozondjo zovandu avehe. Nungwari Ndjambi u yama avehe mbe kambura nave kara nonduviro ku Ye.

Otjiperendero 7: Outa Wombura Nomakwizikiro Wandjambi GENESIS 7:24-9:17
Otjiperendero 7: Outa Wombura Nomakwizikiro WandjambiNoa nomuhoko we novipuka avihe, va ri motjitendeze oruveze ndwa kapitao ombura. Ombura tji ya zako nomeva kombanda yehi tji ya pwira, owo va pita motjitendeze. Noa otja ungurira Muhona otjipunguhiro, otja pu mamu munu mba. Ndjambi wa yakura ombunguhiro na twako outa wombura meyru. Eye wa rakiza kutja kamaa vere ovina avihe vyomuinyo nomupupo rukwao. Outa wombura otjiraisiro tji tji tu zemburukisa omakwizikiro waNdjambi. Zemburuka kutja Ndjambi ma pangura ouye rukwao. Otjikando tji matji yende Ndjambi ma nono ouye nomuriro. Ovandu mbe kambura mu Ndjambi nu mbe nonduviro ku ye kave na kuhepa okutira ombanguriro ndji. Zuva ku Muhona Jesus Kristus nu komoo yandekwa.

Otjiperendero 8: Otjiretundu Tja Babel GENESIS 11:1-9
Otjiperendero 8: Otjiretundu Tja BabelOvandu avehe kombanda yehi, ozondekurona zovazandu vaNoa. Ndjambi we ve rakzia kutja ve kare novantje ovengi mbu mave takavara mouye. Ovandu avehe iyave hungire eraka rimwe nu ka va vangere okurimbara kombanda yehi. Va kara nokuhinonduviro ku Ndjambi na ve tye okuritungire otjihuro tjotjiretundu tjohonga tji matji tuna keyuru. Ndjambi wa muna otjihuro hi notjiretundu tjatjo. Eye wina wa muna okuhinanduviro nomutongatima wawo. Ndjambi opa tjera: "Nambano ovandu mba owo omuhoko umwe navehe ve hungira eraka rimwe... Indjeye tu heruke, nu tu pambaukise eraka rawo kutja owo ave ha zuvasana. Motjiperendero hi ovandu kave nokuyenena okuzuvasana. Owo opu va isire okutunga otjihuro nave kakara potuveze pekepeke. Mena rourunde wawo opu pa zokutakavara omaraka omengi kombanda yehi. Tji matu kara nokuhinduviro ku Ndjambi matu tjiti ourunde. Ourunde u yeta ohani pokati ka Ndjambi nomundu. Ourunde u yeta ohani pokati kovandu wina. Ngatu kare nonduviro ku Ndjambi nu tu takame mu Ye aruhe.

Otjiperendero 9: Job Me Rikotamene Ku Ndjambi JOB 1:1-12
Otjiperendero 9: Job Me Rikotamene Ku NdjambiImba matu munu omurumendu wena Job. Eye ma eta ombunguhiro ku Ndjambi. Job we rikotamena ku Ndjambi umwe wouatjire, nu ka kongorere ozondjira za Satan. Job wa ri novanatje ovazandu hambombari novakazona vetatu neye iya eta ozombunguhiro mena rawo ku Ndjambi. Eye wa ningira ondjesiro ku Muhona mokuripura kutja ngahino owo va katuka komurungu wa Ndjambi. Muhona wa suverere Job. Eye we mu sera ondaya na pwisa avihe eye mbya ungurire. Job wa ri norutumbo orwingi novakarere ovengi wina. Eyuva rimwe Ndjambi wa raere Satan kutja Job omurumendu omusemba nu Satan wa kuminina Job komurungu waNdjambi Eye we mu kuminina kutja u karera Ndjambi kutja ma tumbire po. Satan wa tjere ku Ndjambi: Ove tji wa tjitire wina omuyeka atjihe eye tje na tjo, eye me ku sengi. Ndjambi iya tjiwa kutja Satan omunavize ze nokutja Job omusemba nu u vanga okunyandisa omutima waNdjambi. Ndjambi opa za okuyandjera Job a rorwe i Satan nokumuyeka avihe mbye na vyo.

Otjiperendero 10: Job U Noruhoze JOB 1:13-22
Otjiperendero 10: Job U NoruhozeOtjiperendero hi matji tu raisire eyuva momuinyo wa Job, eye ma ri noruhoze tjinene. Ovakarere ve ve mu yetera ombuze ombi. Omukarere omutenga wa yenda ama utuka na raere Job kutja ovanavita va zepa ovakarere ovakwao. Eye wa tja orutjeno rwombura rwa vete ozondu azehe pu novarise okuzepa. Omukarere outjatatu we ya okuraera Job kutja ovapunde ve ve pundu ozongamero ze azehe. Omukarere warwe wa eta ombuze indji ombi navi: Ovanatje woye va ri nomukandi pamwe nombepo yomasa otji ya kandoma ondjuwo nai wire kombanda yawo. Avehe otji va tu. Job wa hora ozondjise azehe motjiuru tje na u ondurumika pehi nu noruhoze orunene a tja. "Muhona wa yandjere nu Muhona nambano wa yarura. Ena re ngari tangwe." Nandarire kutja pa tjitwa ovina avihe ovingi ovivi nai na Job, eye ka katukire nu ka yandjere ondjo ku Ndjambi.

Otjiperendero 11: Ouzeu Wa Job JOB 2:1-41
Otjiperendero 11: Ouzeu Wa JobSatan wa muna kutja ngunda Job noho ma yandja ondjozikiro ku Ndjambi; opa tjera nai ku Ndjambi: Nambano Ove tjita aayo wa hihamisa orutu rwe, eye me ku sengire momurungu woye. Ndjambi wa yandjera Satan okurora Job rukwao. Satan wa pitisa ovirwaro morutu rwaJob aruhe, okuza kotjiuru nga kozombaze. Job wa ya pendje na nyaa orutu rwe norutau rwonyungu. Omukazendu we wa tja nai ku ye: Yamburura Ndjambi u koke. Nungwari Job wa zira nai: Tji matu yakura otjiwa Ndjambi tje tu pe, ongwaye tji matu unauna indu tje tu pe ihi otjivi? Omayuva omengi tjinene omapanga yetatu waJob ve ya okuhungira kuna ye. Va kara nondero yokuvanga okutjiwa kutja ongwaye Job tji ma munu ouzeu nao. Owo iyave munu kutja Job wa tjita otjina otjivi punao Ndjambi opu me mu verere. Job ka ire kumwe ku noumune wawo mbwo. Nandarire kutja Job wa kumisiwa na kara nomapuriro ohunga nozondjira zaNdjambi, eye kena pa pirukira Ndjambi nokuzapo pu Ye. Mena ranao Ndjambi opa tjiukisa ounongo nounene we ku Job.

Otjiperendero 12: Job Ma Pwisiwa JOB 42:1-17
Otjiperendero 12: Job Ma PwisiwaMotjiperendero hi matu munu Job kutja wa veruka nu wa tumba. Me vanga okukuserekarera kutja pa tjitwa vi. Job tja hakaena kuna Ndjambi, otja muna ounene waNdjambi neye wa hihamwa omutima tjinene mena rokutja wa kara nomapuriro omengi ohunga nozondjira zaNdjambi. Ndjambi otja hungira ku nepanga rimwe raJob evi, Elifas na tja: "Ami mbi nomazenge na ove, nomapanga woye yevari wina, tjinga amu ha hungiririre Ami ouatjiri otja omukarere wandje Job tja tjita." Ndjambi we ve raera kutja ve yende ku Job nu ve tware ombunguhiro oningiririsiwa yawo. Omukarere we Job ongwa sokuvekumbira. Ndjambi wina wa tja me ve isire. Job wa kumbira omapanga we nu Ndjambi wa zuvira ongumbiro ye. Kombunda yanai Ndjambi otja verukisa Job ne mu ningaparisa (e mu tumbisa). Omapanga nomuhoko waJob ve ya okutjita omukandi puna ye nokumuyetera oviyandjewa. Ndjambi wa pa Job ovanatje ovazandu hambombari novakazona vetatu. Eye wa hupa orure ngaa tja muna ozondekurona ze ozengi, na tu otjomukururume wozombura ozengi. Ndjambi u vanga kutja tu takame mu Ye nu tu kare nomutima omure tji tu ri mouzeu. Ndjambi u tjiwa kutja ongwaye tji tu muna ouzeu momuinyo mbwi. Eye u nouvara kombanda yaavihe mbi tjitwa. Zemburuka, Ndjambi we tu suvera tjinene, nu u vanga oviwaviwa ku avehe mbe mu yozika.

Omatjiukisiro
Panga randje, kurama mbi ku serekarere ohunga nomurumendu wena Abraham. Eye wa kara nonduviro ku Ndjambi nokuza mu ye ovandu ovengi otjiva pewa ondaya. Rongera okutara kotjiperendero tjarwe tji wa zuu kombosiro ndji.

Otjipenendero 13: Abram Ma Isa Omaturiro We
Otjipenendero 13: Abram Ma Isa Omaturiro WeMo tjiperendero hi munu omurumendu wena Abram, nomukazendu we Sarai, nomwatje werumbi re Lot pu novakarere vawo. Mave i mouyenda oure mena rokutja Ndjambi wa hungire kuna Abram. Ndjambi wa raera Abram nai: Tjinda mehi roye, u zemo movandu voye nomuhoko woye u yende kehi ndi me ku urikire. Me ku tjiti u rire otjiwana otjinene. Me ku sere ondaya ne ku tjiti kutja u rire omurumendu omunandengu ... Move oviwana avihe mouye mavi serwa ondaya. Abram wa kara nongamburiro momarakiza waNdjambi. Eye novandu avehe mba puna ye otji va kawondja nowini wawo mouyenda oure ngaa tji ve ya mehi Kanaän. Ndjambi we ri raisa ku Abram. Ndjambi wa tja: Me yandja ehi ndi kozondekurona zoye. Abram wa kawondja mehi, nu tje ya komamuho wehi, kwe ya ourumbu mehi nu ka pa ri ovikurya kuwo okurya. Abram novandu ve otji va ya rukwao ku Kanaän, mena rokutja wa kara nongamburiro ku imbi Ndjambi mbye mu raererere. Ndjambi we tu kwizikira omuinyo omupe noruveze meyuru. Otja Abram ete wina matu sokukaranonduriro ku Ndjambi kokutja tu pewe Ndjambi mbye tu kwizikira.

Otjiperendero 14: Abram Na Lot GENESIS 13:5-18
Otjiperendero 14: Abram Na LotAbram na Lot va turire mo Kanaän. Va ri novinamuinyo ovingi tjinene ngaa omaryo tji ye ha yenenene ku vyo. Ovarise wovinamuinyo va kara noviposa ohunga nomarisiro. Abram opa tjera nai ku Lot: "Ape kara nozombata pokati kandje na ove na pokati kovarise vandje novoye, ete tjinga atu ri ovazamumwe." Abram wa raera Lot okutoorora omunda wehi mbu ma vanga okutura ko. Lot wa toorora omunda imbwi omuwamuwa, na toorora munda wotjana tjondondu Jordaan ku kwa ri wina ovihuro okutura mo. Lot iya kara motjana mene yotjihuro Sodom. Ovandu vaSodom iyave tjiti ourunde tjinene va hihamisa omutima wa Ndjambi nomaurunde wawo. Abram wa tura mo Kanaän. Ndjambi wa hungira rukwao na Abram. Ndjambi wa tjere: "Ehi ndi mo munu, me ri yandja kove nozondekurona zoye nga aruhe. "Panga randje ewa: nandarire kutja pe munika aayo ovandu varwe ve na ovina oviwa momuinyo mbwi, matu sokukara nongamburiro mu Ndjambi otja Abram okuundja kutja Eye me tu tumbe poo me tu vatere.

Otjiperendero 15: Abram Ma Hakaene Nombara Yasalem GENESIS 14:1-24
Otjiperendero 15: Abram Ma Hakaene Nombara YasalemNgunda Lot aari mene yaSodom, mwe yovita mehi. Lot nomuhoko we auhe pu novandu vaSodom va kamburwa nave twarewa kwarwe movita. Abram novandu mbe noviumbe va ya okukakotora Lot. Owo va havera ovanavita nave kotora ovandu avehe novinamuinyo vyawo. Tji va kotoka okuza kotjirwa, va kakaena nombara, otja tji mamu munu motjiperendero Ena rombara o Melgisedek. Ya ri ombara yotjihuro tji tja ri Salem, mari hee kutja 'ohange'- Ndjambi wouatjiri wa kara nonyune muye. Melgisedek wa etera Abram omboroto nomavinu. Abram we rikota komurungu waMelgisedek ne mu pe oviyandjewa. Ombara ya Sodom ya vanga okuyandja oviyandjewa ku Abram mena rokutja wa yama ovandu, posiya Abram ka vangere okukambura otjina kombara ombi ya Sodom. Panga randje, ngatu kare otja Abram okuhina ku kongorera otjihorera tjovandu ovavi. Matu wire moumba natu tu tji matu horere katjihorera otjivi. Melgisedek me tu zemburukisa Muhona Jesus Kristus. Matu sokusuvera Muhona Jesus nokumukongorera, mena rokutja okutjita nao maku tu pe ohange norutjato ku Ndjambi.

Otjiperendero 16: Abram Nozonjose GENESIS 15:1-21; 17:1,5,8,15
Otjiperendero 16: Abram NozonjoseAbram tja za nokuyama Lot novandu avehe, Lot wa yaruka ko Sodom. Ndjambi otja hungira kuna Abram: "O tira Abram, Ami me kara puna ove! Ondjambi yoye mai rire onene. "Ndjambi wa raera Abram rukwao kutja me mu pe ehi mu ma ture mo. Ndjambi iya hungire ohunga nehi ndi, Kanaän. Nungwari Abram wa ri nomuhihamwatima mena rokutja Ndjambi kee mu pa omuatje omuzandu. Ndjambi ope mu pitisira pendje na tja: "Tara keyuru nu u vare ozonjose tji mo yenene okuzevara. Ozondekurona zoye otji maze takavara nao. " Abram wa kara nongamburiro momakwizikiro waNdjambi, nandarire kutja kaari nomwatje. Ndjambi wa kara nenjando na Abram. Panga randje, Ndjambi u vanga kutja ete tu kare nongamburiro nonduviro komambo wEmbo re, o Mbeipela. Eye ongu ri Ndjambi omunamasaehe Ete opu matu sora okupewa omakwizikiro otja Abram. Matu ku serekarere kombunda ohunga na imbi.

Otjiperendero 17: Okanatje Ismael GENESIS 16, 17
Otjiperendero 17: Okanatje IsmaelTara kotjirendero. Abram u nomuatje omuzandu. Abram wa tura oure wozombura omurongo mo Kanaän, nungwari eye wa kara ama undju okumuna imbi Ndjambi mbya kwizika, mena rokutja Sara omukazendu we tjingee kaa ri nomwatje. Sara wa ri nomukarere omukazendu wena Hagar. Eye wa vanga kutja Abram ma kare nomuatje puna Hagar kuzambo eye me kurise omuatje ngo otjomuatje we omwini. Inga onga ri omaunguriro moruveze ndo. Momuano mbo Hagar otja yakana omuatje waAbram, nu Sarai wa uta okuteruru ku Hagar. Eye wa uta okutatumisa Hagar ngaa tja za po ponganda. Nungwari omuengeli wa Muhona we ya ku ye ne mu huhumina. Eye we mu raera kutja ma panduka omuatje omuzandu ngu ma rukwa Ismael. Ena ndi Ismael mari hee kutja 'Ndjambi u zuva: Ndjambi wa tja ma sere Ismael ondaya. Ismael kwa za ma ru ku novandu avehe. Ismael wa kwatwa nu wa karira ihe yovaAraba. Ozombura omurongo nandatu kombunda yongwatero ya Ismael, Ndjambi wa kwizika rukwao okuyandja ehi Kanaän ku Abram nozondekurona ze nga aruhe, indu Abram nozondekurona ze tji mave kara nonduviro komambo waMuhona. Abram tja tita ozombura 99, Ndjambi we ya ku ye na tja: "Owami Ndjambi ingwi Omunamasaehe. Hupa popezu na Ami nu u rire omusemba! Me tjiti omerikutiropamwe na ove, nu move mamu zu ovandu ovengi tjinene. Inga onge re omerikutiropamwe na ove: mo rire ihe yomihoko omingi; ko nokuisanewa Abram rukwao nungwari mo rire Abraham, mena rokutja Ami me ku tjiti ihe yomihoko. "Mena rokutja Ndjambi wa yandja ena ndi ku Abraham, Abraham opa tjivirwa nawa kutja Ndjambi me mu pe ozondekurona ozengi. Muhona wina wa tja nai ku Abraham: Ehi arihe ra Kanaän me yandja kove nozondekurona zoye, nu me rere Ndjambi wawo. Ndjambi wina wa tanaura ena raSarai, a ririre Sara. Muhona wa kwizika okusera ondaya ku Sara nokuyandja omuatje omuzandu ku otja Abraham ngu ma kwatwa i Sara. Rumwe ete wina tu kondja Abraham na Sara okuungura ovina omuano wetu oveni. Ihi tji tjita kutja ovandu ovengi ve hihamwe omitima nokukara noruhoze. Ngatu kambure mu Ndjambi nu tu undje ku ye me tu tierepo ovina vyetu.

Otjiperendero 18: Sara Ma Yoro GENESIS 18:1-15
Otjiperendero 18: Sara Ma YoroAbraham tja ri nozombura 99, eyuva rimwe pu ye otji pe ya ovahindwa vetatu mba za ku Ndjambi pondanda ye. Abraham wa isana Sara okuvetunina ovikurya, neye omwini we ve pa imbi ivikurya. Ovarumendu otji va pura ku Abraham: "Omukazendu woye Sara u ri pi? "Abraham wa zira nai: "U ri mwi mondanda." Umwe wovarumendu imba vetatu wa ri Muhona omwini, nEye wa raera Abraham nai: "Ombura ndji mai yende oruveze ndwi me kotoka kove, nu Sara ma kara nomwatje omuzandu. Sara wa zuva omambo nga ne ri yorere kuye omwini, mena rokutja eye wa ri nozombura 90. Ka ri nongamburiro. Muhona wa hungira kuna Abraham a tja: "Omena ra tjike Sara tji ma yoro? Ongwaye tji me ripura kutja: "Hapo tjiri mape ya e munu omuatje ngunda a mba kurupa nai? Penotjina tji matji uru Muhona? Ombura ndji mai yende oruveze ndwi Sara ma munu omuatje omuzandu."

Otjiperendero 19: Abraham Ma Kumbire O Sodom GENESIS 18:16-19, 29
Otjiperendero 19: Abraham Ma Kumbire O SodomImba matu munu Abraham puna ovahindwa vetatu. Ndjambi wa tia okunyona ovihuro mbi Sodom na Gomora, mena rokutja ovandu mba aave tjiti ovrunde tjinene. (aave tjiti ovina ovivi komurungu waMuhona.) Owo va imbirahi ondunge yaNdjambi yongaro yorukupo oruyapuke pokati komurumendu nomukazendu. Abraham we ripurira Lot na raere Ndjambi nai: "Mo nyonene ovasemba pamwe novarunde? Omupangure wouye auhe kena ku tjita ousemba are? Abraham wa uta okuriheka ku Ndjambi kutja ma yame Sodom. Kombundo merihekero wa Abraham, Ndjambi wa tja Eye a tja yama o Sodom andaku mwa ri novandu 10 uriri mbe karera Ndjambi. Ovahindwa vaNdjambi tji ve ya moSodom, va muna ourunde wovandu. Omundu ngwa ri omusemba wa ri Lot erike. Ovahindwa va raera Lot nomuhoko we okutaura moSodom nave mu rakiza kutja ave ha taviza kombunda. Ndjambi otja hinda omuriro okuza meyuru, novandu avehe ovarunde vaSodom na Gomora va nyonwa. Ngunda Lot nomuhoko we avave taura, omukazendu we otja taviza kombunda, neye wa tjituka otjitundu tjomongwa. Abraham we riheka ku Ndjambi kutja Ndjambi ma yame ovandu ovasemba. Lot novakazona ve vevari omba yamwa.

Otjiperendero 20: Ombunguhiro Yaabraham GENESIS 21:1-22:19
Otjiperendero 20: Ombunguhiro YaabrahamSara tja ri nozombura 90, wa panduka omuatje omuzandu, otja Ndjambi pa kwizika ku Abraham. Omuzandu ngwi ve mu ruka Isak. Mari hee kutja "wa yoro". Isak tja rira omuzandona omunene, Ndjambi otja rora Abraham. Ndjambi wa vanga okutara kutja Abraham ma kara nonduviro ku Ye. Ndjambi wa raera Abraham nai: "Toora omuatje woye omusuverwa Isak, nu ke mu punguhe otjombunguhiro oningiririsiwa "Abraham wa zuva ku Ndjambi. Abraham wa kambura kutja Isak tji ma sokuta, Ndjambi me mu pendura rukwao movakoke. Motjiperendero hi mo munu eye tji ma tunu Isak otjombunguhiro. Abraham tja yere oruvyo rwe okuzepa Isak, omuengeli wa Ndjambi otja hungira kuna ye a tja: "Abraham o tjiti otjina komuzandu woye. Nambano mba tjiwa kutja u ndji karera, mena rokutja ko na pu wa pandisa omuzandu woye umwe kwami." Abraham otja muna ondwezu yondu ndja kakatere ozonya zayo momuti. Eyo ya punguhirwa moruveze rwomuatje we. Ndjambi opa tjera: "Mena rokutja wa zuva keraka randje, me ku sere ondaya (me ku tjitire ovina oviwa) nu move omihoko avihe vyouye mavi serwa ondaya."

Otjiperendero 21: Abraham Nomukarere We GENESIS 24:1-25:26
Otjiperendero 21: Abraham Nomukarere WeAbraham tja kurupa tjinene, otja isana omukarere we ingwi omunandengu a tja: Ndji kwizika kutja mo yaruka kehi randje na komuhoko wandje omuini u kapahera omuzandu wandje omukazendu. Abraham ka vangere kutja Isak ma ise ehi romakwizikiro poo ma kupe omukazendu movakazona vaKanaän. Omukarere wa zuva ku Abraham na i kotjihuro Nahor. Eye wa ningira ku Ndjambi me mu hongorere ngaa tja munine Isak omukazendu omusemba. Kona ngo pe ya omukazendu omutanda omuwa wena Rebekka okuwota omeva mondjombo. Eye wina we riyandjera okuyandja omeva komukarere waAbraham nozongamero ze omurongo. Omukarere wa tjiwa kutja Ndjambi we mu vatere kutja eye ma hakaene kuna omukazona ngwi, nokutja eye wina ongu ri omukazendu eye ngu ma paha. Eye wina wa zuva kutja omukazona ngwi owerumbi raAbraham. Omukarere wa tanga Ndjambi mena rokutja Eye wa zuvira ongumbiro ye ne mu hongorere komuhoko womuhona we. Momuano mbwi Rebekka otja rira omukazendu wa Isak. Abraham wa koka tja tjita ozombura 175. Oure wOmuinyo we auhe Abraham wa takama mu Ndjambi kutja ma yenenisa omakwizikiro we, nu mena ranao Ndjambi otje mu yakura ne mu sere ondaya. Ngaa ku ndino Ndjambi u sera ondaya ku avehe mbe takama mu Ye otja Abraham.

Otjiperendero 22: Jesus Ma Kwatwa GAL. 4:4,5; MATTEUS 1:18-25
Otjiperendero 22: Jesus Ma KwatwaEmbo raNdjambi ouatjiri.(Ndjambi ka kora ovizeze) Ndjambi wa raerere Adam kutja Eye ma hindi Umwe ngu ma taara Satan. Eye wa rakiza Noa kutja avehe mbu mave tjiti ourunde ma nyonwa. Ndjambi wa raera Noa kutja Eye u vanga imbi oviwaviwa kwete. Neye wina wa raisa ku Abraham kutja u yenenisa omakwizikiro we. Motjiperendero hi matu munu okanatje Jesus. Eye (oruveze tji rwa yenena) wa katerwa mehi oIsrael rukuru nda ri o Kanaän. Ena ra ina ra ri Maria wa ri e hiya rara puna omurumendu, tja panduka Jesus. Jesus ka ri na ihe otja ete tji twa kwatwa i yovandu vevari. Ihe ongu ri Ndjambi Umwe Omunauatjiri. Jesus Eye umwe ngu ma eta ozondaya kouye auhe. Eye we ya okuyenenisa omakwizikiro waNdjambi inga wokutaara Satan.

Otjiperendero 23: Ondiro Yajesus
Otjiperendero 23: Ondiro YajesusJesus ngunda a ri kombanda yehi, aa hongo ovandu ozondjira zaNdjambi. Eye wina wa tjita oviungura ovihimise okuraisira ovandu kutja Eye wa hindwa i Ndjambi. Nungwari mwa ri novandu ovavi ovahakambura mbe ha vangere okukambura mu Ye. Owo ve mu zepa na ve mu papere kotjikroise tjomuti. Omusoldate wa twera orupati rwe okutjita ouatjiri kutja Eye wa koka. Pomautiro Ndjambi wa raera Adam kutja eye ma koka tja ri komuti. Atuhe twa kara nokuhinonduviro ku Ndjambi nu matu sokumuna omberero yondiro. Mo zemburuka kutja Ndjambi wa yandja ondu ku Abraham moruveze rwomuatje we Isak, a rire ndja tu. Omuano tjingewo Ndjambi otja yandja Omuna we omukwatwaerike Jesus, okuta moruveze rwovandu, otjombunguhiro kozondjo zovandu nozetu wina. Omauvi wetu ya twapo ekuma pokati ketu na Ndjambi. Jesus ongu ri ondjira okuyaruka ku Ndjambi. Zemburuka, Ndjambi wa raerere Adam kutja ma kahinda Umwe ngu me ya okutaara Satan. Jesus tja ta kotjikroise na penduka mondiro, otja taara Satan. Ku imba mbe kambura mu Jesus nu mbe zuva ku Ye, omasa yaSatan ya teyewa. Omakwizikiro tjingewo Ndjambi we ye tjita ku Abraham. Ndjambi wa raera Abraham kutja omihoko avihe mavi serwa ondaya mena re. Ondaya ndji, kutja matu hupu puna Ndjambi aruhe, i zira mu Jesus Kristus. Matu yenene okumuna Ondaya ndji tji matu kambura mu Jesus Kristus na tu kara nonduviro ku Ye.

Otjiperendero 24: Jesus U Hupa! JOHANNES 20:19-29
Otjiperendero 24: Jesus U Hupa!Kombunda yaJesus tja ta omapanga we ya toora orutu rwe nave ke mu paka meyendo. Wa kara omayuva yetatu meyendo. Kombunda yanao wa penduka meyendo. Ondiro kai yenenene okutiza Jesus Omuna waNdjambi. Jesus we ke riraisa kovahongewa ve e nomuinyo na kurama mokati ka wo. Avehe va himinwe tjinene. Umwe wovahongewa wena Thomas ka ripo Jesus tje riraisa kuwo. Thomas we ve raera kutja: "Tji mbi ha mwine omake we nga twerwa ne hweke ominwe vyandje movito vye, ne hweke eke randje morupati rwe, hi mee kambura." Kombunda yotjiveke Jesus we riraisa kuwo rukwao. Tara kotjiperendero. Jesus wa raisa ovito vyozomboha momake we ne mu raere kutja a hitise omake we morupati rwe na tja: "okara nokuhinangamburiro rukwao nungwari kara nongamburiro." Eye wina wa tja: "Ovaningandu ovandu mbe ha mwine nungwari ave kambura." Panga randje, atu kara otja Thomas ngwa keyakeya ohunga na Ndjambi. Ngatu kare otja Abraham, ngwa kambura momakwizikiro waNdjambi na kara nonduviro ku Ndjambi. Okukambura mu Muhona Jesus nokuzuva ku Ye, ku tjita kutja tu rihonge okutjiwa Ndjambi nokutja tu kambure otjiyandjewa tjomuinyo waaruhe puna Ndjambi.

Recordings of this script

GRN has recorded a version of this script in 391 languages and dialects:

AariAcheronAchodeAdangme: KroboAdele: LowerAfan MunyoyayaAf Maay MaayAfrikaansAgarabiAhantaAlbanian: KosovaAlbanian, ToskAmharicAngal Heneng: NipaAnukiApalArabic: ClassicalArabic, Sudanese Creole: JubaArabic, Sudanese: KhartoumArmenian: EasternArrernte, EasternAshaninca: SatipoAsheninca PajonalAsmat, YaosakorAta ManoboAtesoAuhelawaAwngiAyta, Mag-AnchiBahasa IndonesiaBahasa IndonesiaBalanta: NagaBambaraBandiBangalaBanglaBanglaBangla: ChittagonianBangla: SinghBannaBardiBawmBenchBijago: BubaqueBimobaBirifor, SouthernBishnupria: ManipuriBislamaBogayaBonjugiBorana: GabbraBughotuBuhutuBuliBuliBurjiBurmeseCantoneseCarrier, SouthernCebuanoChakChakma: BangladeshChichewa: ZambiaChimaneChinamwangaChin, MunCriouloCroatianDaasanech : EthiopiaDagara: WileDagariDagbaniDangbeDariDatooga: BarabayiigaDawawaDazagaDholuoDimeDinka: BorDioulaDoondoDuna GroupDurumaEnglish: AboriginalEnglish: AustraliaEnglish: CanadaEnglish: East AfricaEnglish: East AfricaEspanol America LatinaEweFanteFarefare: TalensiFrafra: NankamFrançaisFrench: AfricaFulacundaFulfuldeFulfulde: JelgooreFuuta JalonFuuta Jalon: Kabu FulaGaGaro: AbengGaro: BangladeshGhariGogo [Tanzania]Gogo [Tanzania]GonjaGourma: CentralGujiGumuzGurenne: NabtGusiiHaHaitian CreoleHajongHakka: Ho Po KahHakka: MiaoliHausaHereroHiligaynonIcibembaIlchamusIlokanoJieJola: FognyKachipoKafaKakwa: CongoKalinga, Tanudan: LuboKalinga, Tanudan, MangaliKanasiKaondeKarakalpakKasemKeapara: MakerupuKenyah: Uma LungKhasiaKhmerKhmerKhmerKhweKibaliKigiryamaKihumuKikambaKikangoKikongo: MonokutubaKikuyuKikuyu: MberreKilega: IlekaKiluba: ShabaKimeruKimwani: IboKinyarwandaKirundiKiSegejuKissi, KissidougouKisubiKisukumaKitekeKok Borok: DebbarmaKongo: LaadiKonjo, CoastalKonkombaKonniKononKono: Sierra LeoneKorankoKoya: GodavariKpelle, GuineaKrachiKrioKriolKuman!KungKunwinjkuKuranko: SengbehKuriaKusalLambaLandorgoh LokoLani: BaratLao: Luang PrabangLausahaLeleLelemiLengoLiberian Pidgin EnglishLigbiLimba, East: SouthernLingalaLingombeLomweLugandaLundaLushaiLusogaLuvaleLuyia: BukusuLuyia: LurogoliLuyia: MarachiLuyia: MaramaLuyia: WangaMaasaiMacedonianMahali: BangladeshMahatoMakhuwa: MeettoMalagasy,  MerinaMaleMaleMalo: BangladeshMampruliMandara: TabarMandarinMandarin: TaiwanMandinkaMangalaMangarayiManinka, KankanManinka, SankaranManjaco: ChurrManoManyaMarmaMe'enMelayu PapuaMendeMeyahMixtec, Apasco-Apoala: ApoalaMixteco de MetlatonocMixtec, Western Juxtlahuaca: San Martin PerasMizoMonpa, TawangMooreMotuMovimaMruchaMundari: BangladeshMurleMursiMurungNadebNáhuatl de la Huasteca OccidentalNandi: KipsigisNepaliNepaliNepali: KathmanduNgajuNorthern SothoNtchamNuniNyamweziNyaturuNyikina/MangalaNyikina/MangalaNyilambaNyishi: East KamengOkimOriya: Southern OriyaOrmaOromo: WellegaOromo: WellegaOsongomeno: OhinduOtetelaPalenqueroPangkhuPapelPasemahPijinPokomo: LowerPokot: EastPortuguesePortuguese: BrasilPortuguese: MozambiquePsohohPunjabiPunjabiQuechua, Arequipa: La UnionQuechua, MargosQuechua, S. Bolivian: CochabambaQuichua, Pastaza, NorthernRakhainRendilleRiangRomanianRunyankoleRussianSadriSaliba: LogeaSamarenyoSamburuSamo, SouthernSantali: BangladeshSaraikiSehwiSena MozambiqueSenoufo, SiciteSerawaiSerbianSesothoShanShiShimaoreShonaSiloziSinaugoro: TubugaSindhi: DukslinuSinhaleseSirionoSisaala: DebiSisaala: GelibagiliSlovakSlovenianSomaliSonghai, GaoSonghai, TombouctouSossoSossoSubaSundaSwahili, CongoSwahili: KenyaSwahili: KenyaSwahili: TanzaniaSylhetiTagalogTaitaTaiwaneseTakwaneTalise: PoleoTamajeq: East TawallemetTamashequeTamilTampulmaTangsaTawalaTchokossiTelugu: BangladeshTem: CentralTemneThai: CentralThonchongaTigrinyaTo'abaitaTok PisinTomaTombonuoTonga: MalawiTonga: PlateauTopuraTrinitarioTrinitarioTripuraTsamaiTsamaiTsongaTswanaTumbukaTuriTurkanaTurkmenTwi: AsanteUbirUmbunduUrduUrimUzbek, NorthernVaglaVendaVietnamese: SouthWaliWantoat GroupWarumunguWayuuWolaniWolaytaWolof, GambianXhosaXirimaYagariaYagaria:  HuageyaYalankaYalunka: SulimaYanyuwaYao: MalawiZandeZapotec, Coatecas AltasZarmaZulu

Find out more

RSS GRN on Google+ GRN on Facebook GRN on Twitter 5fish