unfoldingWord 25 - Saitan pora Jisu ke Porikha Kurise
Zusammenfassung: Matthew 4:1-11; Mark 1:12-13; Luke 4:1-13
Skript Nummer: 1225
Sprache: Nagamese
Zuschauer: General
Genre: Bible Stories & Teac
Zweck: Evangelism; Teaching
Bibelzitat: Paraphrase
Status: Approved
Skripte dienen als grundlegende Richtlinie für die Übersetzung und Aufnahme in anderen Sprachen. Sie sollten, soweit erforderlich, angepasst werden, um sie für die jeweilige Kultur und Sprache verständlich und relevant zu machen. Einige der verwendeten Begriffe und Konzepte müssen unter Umständen ausführlicher erklärt oder sogar ersetzt oder ganz entfernt werden.
Skript Text
Jisu laga baptisma hoa logote, Pobitro Aatma tai ke jongol te loijaise. Aru chalis din aru rati tok Jisu ta-te thakise. Utu homoite Jisu ekubi nakhaikena thakise, aru Saitan tu Jisu ke porikha kuribole ahise.
Poila, Jisu ke Saitan pora koise, “Jodi apuni Isor laga Chokora ase koile apuni khabole itu pathorkhanke ruti banabi!”
Hoilebi Jisu Saitan ke koise: “Isor laga kotha te ineka likhikena ase, ‘Manukhan jinda thakibole khali ruti he khaikena nohoe, hoilebi Isor taikhan ke ki kotha koiase, utu sob taikhan manikena thakibole lage!’”
Tetia Saitan Jisuke Mondir laga sobse ucha jagate loijaise. Tai Jisuke koise: “Jodi apuni Isor laga Chokora ase koile, iyate pora nijeke nichete girabi, kilekoile Isor laga kotha ineka likhikene ase: ‘Isor tai laga duthkhanke pathaikene apunike dhurilobo aru apunilaga theng pathor pora jokhom nahobo.’”
Hoilebi Saitan pora koa-a kotha Jisu ektabi kuranai. Aru Jisu tai ke koise: “Isor sob manukhan ke koi ase: “Apuni laga Isorke porikha nakuribi!”
Tetia Saitan pora Jisuke prithibi laga rajyo sob dikhaise. Itu rajyokhan sob kiman takot ase aru kiman dhuni ase itu sob dikhaise. Tai Jisu ke koise; “Ami apuni ke itukhan sob dibo, hoilebi apuni ami laga age-te jhukikena amike puja kuribi.”
Jisu jawab dise: “Ami usor pora jaijabi Saitan! Isor laga kothate likhikene ase, ‘Isor ke he puja koribi aru khali tai ke he adar dibi.”
Saitan pora Jisuke porikha korise hoilebi Jisu ta-te giri janae, aru Saitan harikena jai jaise. Itu pichete sworgoduthkhan ahikena Jisu ke modot ku rise.