Languta, Yingisa, Hanya Buku 8

Languta, Yingisa, Hanya Buku 8

Raamwerk: The Young Church and Paul. 24 sections. It has a picture book to go along with the recording.

Skripnommer: 425

Taal: Tsonga

Tema: Sin and Satan (Spiritual Warfare, Deliverance); Christ (Ascension); Eternal life (Salvation); Character of God (Holy Spirit, Word of God (the Bible), Power of God / Jesus); Living as a Christian (Worship, Church, Christianity, No other gods, idols, Repentance, Faith, trust, believe in Jesus, Children of God, Spiritual Life, Christian values); Bible timeline (Gospel, Good News); Problems (Problems, troubles, worries)

Gehoor: General

Styl: Monolog

Genre: Bible Stories & Teac

Doel: Teaching

Bybelaanhaling: Extensive

Status: Publishable

Skripteks

Manghenelo

Manghenelo

A vuxeni vanghana! Ndzi lava ku mi byela hi ta Moya lowo Kwetsima wa Xikwembu le Xi Xi hanyaka. Loko miri karhi mi yingisile khasete le yi, langutani swifaniso leswi la ka buku ya mhlovo wa xivungu-vungu, U pfula u ya eka xifaniso lexi landzelaka loko u twa mpfumawulo lowu. (beep)

Xifaniso 1: Yesu U tlhelela e Tilweni

Xifaniso 1: Yesu U tlhelela e Tilweni

Mintirho 1:1-11

Languta exifaniso lexi. Hosi Yesu U suka laha misaveni U tlhandlukela tilweni hi Papa. Va landzeri va Yena va langute va tlhome mahlo va nga copeti. Yesu i Xikwembu ha kunene, U tile misaveni a huma hi le tilweni hi malembe ya Gidi mbirhi (2,000) lama nga hundza.

Yesu U tswariwile hi wa nhwanyana Maria emutini wa Betlehema. Yesu U vile Munhu ku komba leswaku Xikwembu Xi fanisiwa na Yini. Hikwalaho ka ku homboloka ka tindlela ta vanhu, vanhu a va tsakisanga Xikwembu. Va dyohile. Hakelo ya xidyoho i rifu, ku hambanisiwa ni Xikwembu. Kambe Xikwembu Xi rhandza vanhu hinkwavo. A xi lavi leswaku vanhu va ya tiheleni, endzhaweni la ha Xikwembu Xi baka vanhu kona (phanixa). Hakona, Yesu U tile ku ta teka/hakela milandzu ya swidyoho swa hina. Hakelo ya kona a ku ri rifu.

Vabihi ni vasandzi va vangerile Yesu ku dlayiwa, hi ku N'wi gongondzela mhandzini ya Xihambano. Vanhu vo tala va n'wi vonile a fa e xihambanweni xexo. Kambe vo tala va valandzeri va Yena va N'wi vonile loko a pfukile sirheni a va byela a ku "Mi ta amukela (kuma) matimba loko Moya lowo kwetsima u xikele e henhla ka n'wina kutani mi ta byela vanhu hi Mina."

Swi vula leswaku valandzeri va Yena va fanele ku famba va byela vanhu hinkwavo va matiko hinkwawo timhaka ta Yena. Endzhaku ka loko a lerisile xileriso lexi, Yesu U tlhandlukerisiwe e henhla hi papa, tani hi leswi mi swi vonaka e ka xifaniso lexi. Siku ri n'wana Yesu U ta vuya la misaveni hi ndlela leyi a nga fambisa xiswona ku ya tilweni. Kutani vanhu hinkwavo lava va pfumelaka e ka Hosi Yesu va yingisa Yena va ta kuma nyiko ya vutomi le byi nga heriki.

Xifaniso 2: Moya lowo Kwetsima U chika hi ndzilo

Xifaniso 2: Moya lowo Kwetsima U chika hi ndzilo

Mintirho 2:1-12

Ma ha tsundzuka leswaku Yesu U tshembisile ku rhumela Moya lowo Kwetsima e ka vadyondzisiwa va Yena (va landzeri va Yena). Ka ku loko Yesu a ha ku tlhandluka, vadyondzisiwa va Yena va pfumelelana leswaku va ta hlengeletana endlwini va khongela.

Kutani Moya lowo Kwetsima u chikerile ka vona. Hi nomu lo, ku twakala mpfumawulo wu kulu wu humaka hi le tilweni, tani hi moya lowu kulu. Kutani vanhu va vona leswi fanaka ni malangavi ya ndzilo. Malangavi lama ya ndzilo ma hundzuka swindzin'wana swi tshama enhlokweni ya mupfumeri un'wana na u n'wana. A va tatiwile hi Moya lowo kwetsima wa Xikwembu va sungula ku vulavula hi tindzimi hi ta mintirho yo hlamarisa ya Xikwembu.

Yesu minkarhi hinkwayo U endla tani hi leswi a nga tshembisa swona, hikuva Yesu u rhumerile Moya lowo kwetsima e ka vanhu hinkwavo lava va nga ta yingisa va tlhela va pfumela.

Xifaniso 3: Ta ku dyondzisa ka Petru eka vanhu

Xifaniso 3: Ta ku dyondzisa ka Petru eka vanhu

Mintirho 2:14-41

Moyo lowo kwetsima wa Xikwembu u chikerile eka vadyondzisiwa va Yesu e Yerusalem etikweni ra va Yuda. Enkarhini wa lowo a kuri na vaYuda vo tala e Yerusalem, va huma e matikweni yo tala yo hambanahambana tani hi leswi mi swi vonaka la xifanisweni.

A va vulavula tindzimi to tala to hambanahambana. Moya lowo kwetsima U pfunile vadyondzisiwa va Yesu leswaku va swi kota ku vulavula tindzimi leti to hambanahambana leswaku vanhu hinkwavo va ta kota ku twa no twisisa mahungu lawa ya ka Hosi Yesu.

Kambe vanhu vo tala va ehleketile leswaku vadyondzisiwa lava va Yesu, va pyopyiwile hi vhinyo, kutani un'wana wa va-Apostola loyi a vuriwaka Petru, a yima xikan'we ni lava va n'wana va Apostola va khume na n'we, U vulavule ni ntshungu aku: "E, e, vanuna la va a va pyopyiwanga." Lavo tala va vanhu lava va pfumerile ka leswi Petru a swi vuleke. Va khuvuriwile yiri mfungo wo nkombisa ku hlantswiwa ka vona swidyohweni. Va amukerile Moya lowo kwetsima na vona va sungula ku landzela tindlela ta Yesu.

Xifaniso 4: Kereke yo sungula ya Kriste

Xifaniso 4: Kereke yo sungula ya Kriste

Mintirho 2:42-47; Vona 1, Korinte 11

Vanhu vo tala e Yerusalem va tshemberile eka Yesu va tlhela va va valandzeri va Yena. Vanhu lava va nga amukela Moya lowo kwetsima a va hamba va hlangana swin'we va endla wonge endyangu wun'we, kasi a kuri wona masungulo ya Kereke ya Kriste.

Endzaku ka swona va vuriwile va-Kriste. Va a velane tinhundzu ta vona va tlhela va hlayisana. Siku rin'wana ni ri n'wana va yile endlwini leyi kulu ya Xikwembu e Yerusalem, le yi vuriwaka Tempele. Kwalano a va khongela va dzunisa Xikwembu swin'we.

Va Apostola (vadyondzisiwa) va va dyondzisile Rito ra Xikwembu. Va Kriste na vona va hlangane swin'we e makaya ya vona la ha va avelaneke swakudya.

Eminkarhini yin'wana a va phema xinkwa va dya va nwa e vinyo ya madiriva yi ri ku komba swifihlulo swo hlawuleka le swi vuriwaka Xilalelo xa Hosi. Yesu a lerisile vadyondzisiwa va Yena ku endla leswi. Hikuva hi vusiku byebyo Yesu a nga si vambiwa, U vile ni xifihlulo (swakudya) ni vadyondzisiwa va Yena la ha a nga ku loko a khensile u tekile xinkwa, a xi phemelela a nyika vadyondzisiwa va Yena. Xinkwa lexi a xiri mfungho wa xitsundzuxo xa leswaku Miri wa Yesu u tshoviwile (phemiwile) e Xihambanweni. Xisweswo Yesu u tekile xinwelo xa vinyo a nyika vadyondzisiwa va Yena leswaku va nwela ka xona. Xino le xi a kuri ku va tsundzuxa ngati ya Yena leyi yi nga ta halaka e xihambanweni. Yesu u lerise vadyondzisiwa va Yena ku endla leswi leswaku va n'wi tsundzuka.

Loko swi ri tano, u n'wana na u n'wana loyi a tshembaka, a yingisa Hosi Yesu Kriste u ta hlayisa Xilalelo xa Hosi hikuva Xikwembu xi te eka Rito ra Xona: "Hikuva minkarhi hinkwayo loko mi dya xinkwa lexi, ni loko mi nwela exinwelweni lexi mi vula rifu ra Hosi, yi kondza yi ta." (1 Korinto 11:26)

Xifaniso 5: Ta ku hanyisiwa ka xigono le xi kombelaka

Xifaniso 5: Ta ku hanyisiwa ka xigono le xi kombelaka

Mintirho 3:1 - 4:4

Siku ri n'wana Petru na Yohane va yile Ndlwini ya Xikwembu ku ya khongela. A ku tshamile xigono (xo kombela) e nyangweni. Hi mpfhuka a tswariwa a ri xigono a nga koti ku famba. A kombela mali eka Petru na Yohane. Kutani Petru a ku ka yena: "Silivhere ni Nsuku (mali) a ndzi na swona, kambe leswi ndzi nga na swona ndzi ta ku nyika swona. Hi Vito ra Yesu Kriste wa Nazareta ndzi ri, Famba!"

Kutani Petru a n'wi khoma hi voko ra xinene a n'wi pfuna ku yima. Hi nomu lo, mikondzo ni mahlakala ya munhu loyi swi va swi tiya. Kutani a famba a ya e Ndlwini yo Xikwembu ku nga kereke ari na Petru na Yohane. A kari a famba a tlulatlula a dzunisa Xikwembu. A ku nga ri Petru loyi a hanyiseke wa nuna loyi. Ripfumelo leri ri tiyeke e ka Yesu ni le ka matimba ya Moya lowo Kwetsima wa Xikwembu hi wona ma hanyiseke munhu loyi. U kumile nyiko yo tlula ngopfu mali.

Xifaniso 6: Wa nuna ni nsati wa yena lavo hemba

Xifaniso 6: Wa nuna ni nsati wa yena lavo hemba

Mintirho 4:32-36, 5:1-11

Wa nuna u n'wana loyi a vuriwaka Barnabas u xavisile nsimu ya yena a teka mali a nyikela e kerekeni leswaku yi ta pfuna swisiwana. Wa nuna ni wa nsati wa yena Anania na Safira na vona va ehleketa ku endla sweswo (tano). Kambe Anania u ti siyele yena ni nsati wa yena yin'wana mali. U tisile xiphemu ntsena xa mali leyi e ka Petru.

A hemba eka Petru a ku hi yona mali leyi hinkwayo yi helerile. Petru a swi tiva leswaku u wo hemba. Se a ku ka yena: "Anania, hikwalaho ka yini Satan a ta tile mbilu ya wena hi mavunwa u kondza u hembela Moya lowo Kwetsima? A wu hembelanga munhu kambe u hembele Xikwembu." Hi nomu lo, Anania a wela hansi, afa. Majaha man'wana va n'wi rhwarile va ya n'wi lahla. Ndzhakunyana ku nghena Safira nsati wa yena (ma n'wi vona la xifanisweni). A nga swi tivanga leswaku ku endleke yini hi Anania. Safira na yena a fika a hembela va Petru hi mali leyi. Petru a ku ka yena: "Mitwananele yini ku ringa Moya wa Hosi xana? Vona, milenge ya lava va nga lahla nuna wa wena hi leyi e nyangweni, na wena va ta ku teka;" Kutani hi nomu lo a wela milengeni ya Petru a fa.

Hi fanele ku nyika la va va nga ni vusweti kambe a hi fanelanga ku hembela Xikwembu hambi kuri un'wana munhu. Tsundzuka na kambe leswi Xikwembu xi tiva leswo saseka ni le swo biha leswi swi nga emehleketweni ya hina hinkwerhu.

Xifaniso 7: Ta ku dlayiwa ka Stefano

Xifaniso 7: Ta ku dlayiwa ka Stefano

Mintirho 6:1 - 8:3

Vona! Va bihi va n'wana hi la va ya va khandla (dlaya) Stefano hi maribye. A a tirha a ri murhangeri e kerekeni, a pfuna swisiwana e Yerusalem. U dyondzisile Rito ra Xikwembu hi xivindzi le xi kulu a endla masingita hi matimba ya Moya lowo kwetsima. Va Yuda va n'wana a va n'wi kaneta. Va yisile Stefano e hubyeni va n'wi hehla hi mavunwa va ku u rhukana Xikwembu na swona u sandza Rito ra Xikwembu.

Kambe Stefano a nga chavisiwanga hi nchumu hikuva Xikwembu Xi n'wi nyikile matimba ya Moya lowo kwetsima, Stefano a va byela vaYuda va lavo leswaku va dlayile Yesu loyi a teke ku ta nyika vanhu vutomi lebyi nga heriki. VaYuda va kwata (kariha) ngopfu va kokela Stefano e handle ka muti, va sungula va n'wi kandla hi maribye.

Loko va ri karhi va n'wi khandla a khongela a ku: "Hosi Yesu, amukela moya wa mina." Loko a karhi a fa a huwelela a ku: "Hosi u nga va hlayeli swidyoho leswi va swi endlaka." Va va nuna lava a va khandla Stefano, va vekile tinguvu ta yena e milengeni ya mujahana loyi a ri kona kwalano wa va rhangeri va Ma Yuda wo vuriwa Saul. Yena a khensa ku fa ka Stefano. Namuntlha, la va va rhandzaka ku gandzela Hosi Yesu, va ta xanisiwa hi la vo biha, Kambe Xikwembu ni Moya wa Yena lowo kwetsima u ngeke u va tshika, hambi loko vanhu va va dlaya.

Xifaniso 8: Ta wanuna wa mufambi wa Mu Etopia

Xifaniso 8: Ta wanuna wa mufambi wa Mu Etopia

Mintirho 8:4-8, 8:26-40

Saulo ni valala va Kereke ya Kriste va sungula ku xanisa vapfumeri e Yerusalem. Votala va vapfumeri lava va balekile va huma e muntini. Wanuna wu n'wana wo vuriwo Filipi u yile e mutini wa Samaria. Kona kwalano u byerile vanhu vo tala hi Mahungu la Manene ya Yesu kutani vo tala va pfumela.

Kutani Xikwembu hi ntsumi ya xona xi byela Filipi leswaku a famba hi ndlela ya managa leyi yi sukaka e Yerusalema yi kongoma e Gaza. Filipi u yingisile Xikwembu. Laha xifanisweni lexi hi vona nuna wa nkoka wo tiveka loyi a humaka tikweni ra Etopia. A famba hi xigolonyana. A hlaya Rito ra Xikwembu leri ri vulavulaka hi un'wana loyi a nga ta xanisiwa swi nga fanelanga, kambe mu Etopia loyi a nga ri twisisanga kahle e hungu leri.

Moya wa Xikwembu u susumeta Filipi leswaku a ya lahaya xigolonyaneni, kutani Filipi a hatlisa a tsutsumela kana, loko a fika a kuma wa nuna loyi ari ku hlayeni. Hi loko Filipi a sungula a hlamusela mu Etopia hi ti mhaka ta Yesu loyi a rhumiweke hi Xikwembu. Hiloko mu Etopia na yena a sungula a lava ku landzela Yesu. Loko va ri karhi va famba swin'we mu Etopia aku ka Filipi: "Vona, mati hi lawa; ku nga sivela yini leswaku ndzi khuvuriwa xana?"

Filipi u khuvurile mu Etopia loyani kutani atlhelela tikweni ra ka vona a ri ni ku tsaka lo ku kulu. Kambe Filipi a yisa mahlweni ku vula Mahungu la manene (evhangeli) lawa eka miti yo tala. Ku fana na Filipi hi fanele ku yingisa no byela va n'wana hi timhaka ta Yesu, leswaku va ta veka ku tshemba ka vona eka Yesu va ta kuma vutomi le byi nga heriki.

Xifaniso 9: Ta Petru loko a vona mahlori

Xifaniso 9: Ta Petru loko a vona mahlori

Mintirho 10:9-18

Siku ri n'wana Petru a tlhandlukela lwangweni ra yindlu ku ya khongela. (U nga vona Petru la ha xifanisweni wa khongela.) Kutani Petru a twa ndlala a la va swakudya. E nkarhini wa lowo a vona xivono xo (mahlori mo hlamarisa ma huma eka Xikwembu.

U vonile yo(nceka lowu kulu wo) basa wu huma hi le tilweni wu bohiwile endzeni ka wona a kuri ni tinxaka hinkwato ta swihari leswi hanyaka la misaveni. Kutani rito rifika ka yena ri ku "Petru! suku u yima u tlhava, u dya!" Petru a a ri mu Yuda kutani nawu wa vaYuda a wu pfumeli leswaku a nga dya swihari leswi yilaka ni le swi nyamisiweke, a nga ka a nga dyi; Kutani Petru a ku: "Ha kunene Hosi, swi nga tshuki swi va tano, hikuva a ndzi si dya xilo lexi yilaka ni le xi nyameke."

Kutani Rito riku: "Swilo leswi Xikwembu Xi nga swi basisa, u nga vuli leswaku swa yila." Kutani swilo leswi swi endleke ka nharhu kutani nceka lo wu yani wu tlheriseriwa tilweni. A ha hlamarile Petru hi xivono lexi ni leswaku xi vula yini, ku fika va vanuna va nharhu e ndlwini ya yena va n'wi lava. Languta la xifanisweni u ta vona leswaku a va tela yini?

Xifaniso 10: Mahungu lamanene ya tinxaka hinkwato ta vanhu

Xifaniso 10: Mahungu lamanene ya tinxaka hinkwato ta vanhu

Mintirho 10:1-48

Loko Petru a heta ku khongela, ku nghena va vanuna va nharu va n'wi lava. A va ta va huma e ka muti u n'wana va rhumiwile hi nuna loyi va ku i Kornelio. Kornelio a a ri ndhuna ya dzana ya mavutho ya va Roma, loyi a a rhandza no chava Xikwembu. Ntsumi ya Xikwembu yi n'wi byela ku kuma Petru. Va Yuda a va teka vaRoma kuri vanhu lava nga tengangiki, kambe Xi n'wi kombile e xivonweni (Petru) leswaku a nga tshuki a vula vanhu van'wana a ku va yila kumbe a va tengangi. Xikwembu Xi amukela munhu u n'wana na u n'wana eka tinxaka hinkwato lava va chavako Xikwembu niku endla leswi lulameke. Petru u yile ni va nuna lava endlwini ya ndhuna ya dzana.

Kornelia a hlangana na Petru a ti wisela e milengeni ya yena a n'wi khinsamela, kambe Petru aku ka yena: "Pfuka na mina ndzi munhu ntsena, u ndzi vitanele yini?" Hi loko Kornelio a n'wi byela hi timhaka ta ntsumi.

Kutani Petru a byela Kornelia hi timhaka ta Yesu, loyi a hlavutelaka Xikwembu eka vanhu, ni ku va komba leswaku Xikwembu Xi njhani. Kornelio ni ndyangu wa yena va pfumerile eka Yesu, va kumile Moya wa Xikwembu kutani va va malandza ya Hosi Yesu. Xikwembu xi rhandza vanhu hinkwavo, a xiyi hi nghohe kumbe nhlonge kumbe ririmi. Yesu anga telanga ku ponisa vaYuda ntsena, U lava ku nyika vutomi lebyi nga heriki eka vanhu hinkwavo. U lava tinxaka hinkwato ti fanele ku n'wi tshemba no N'wi tirhela (gandzela).

Xifaniso 11: Ta ku khotsiwa ka Petru (Petru e khotsweni)

Xifaniso 11: Ta ku khotsiwa ka Petru (Petru e khotsweni)

Mintirho 12:1-11

Herode hosi a sungula ku xanisa va landzeri va Yesu - a xanisa Kereke ya Kriste. U dlayile mu Apostola Yakobe kutani a hoxa mu Apostola u n'wana Petru, e khotsweni. Vusiku byi n'wana Petru a etlele a bohiwile hi tipencana (tichayeni) e xikarhi ka valanguteri va n'wi langutile - Hi ku ha tlisa ntsumi ya Hosi yi fika yi ku ka Petru :Hatlisa u pfuka!" Hi ku hatlisa koloko timpecana ti wa, tinchuncheka e mavokweni ya Petru. Kutani Petru a landza ntsumi a huma ekhotsweni. Loko va fika e nyangweni ya nsimbi ya khotso nyangwa wu tipfulekela, ku va hava na munhu loyi a va sivelaka.

Petru a ehleketa leswaku inorho, ku kondza loko a ya fika emitsendzeleni kutani ntsumi yi suka ka yena yi nyamalala.

Xifaniso 12: Ta Petru ni vanakulobye (vanghana) va Xikhongelo

Xifaniso 12: Ta Petru ni vanakulobye (vanghana) va Xikhongelo

Mintirho 12:12-19

Loko Petru a ti yingisile a humile e khotsweni kongomile e ndlwini ya Maria, mana wa un'wana va va Postola. Vapfumeri vo tala a va ri kona kwalano vusiku byebyo. A va ri karhi va khongelela Petru. Petru a gongondza e nyangweni ya rikupakupa, ku ta wa nhwanyana loyi va nge i Roda ku tapfula. Ku te loko a twa rito ra Petru, a nga pfulangi, kambe u tsutsumile a ya byela van'wana, a ku: "Petru u kona la nyangweni!"

Va pfumeri loko va twa sweswo a va tshembanga va ku "U ni rihuhe nhwanyana loyi." Kambe Petru a ka rhi a gongondza. Kutani va pfula va n'wi vona. Va hlamala ngopfu. Petru a va byela hindlela leyi Xikwembu Xi hlamuleke swikhongelo swa vona hi ku n'wi tshuncha e khotsweni. Vapfumeri va fanele ku hamba va hlangana swin'we va khongela. Xikwembu Xitwa no hlamula swikhongelo swa lava pfumelaka e ka Yesu.

Yesu U te: "Ndza mi byela, loko vambirhi eka n'wina la misaveni mi pfumelelano hi nchumu kutani mi kombelo mi ta endleriwa swona hi Tatana loyi a nge Tilweni. Hikuva loko va mbirhi kumbe va nharhu va hlangana hi Vito ra Mina, ndzi ta va na vona.

Manghenelo

Manghenelo

Eka xifaniso lexi hi ta mi byela hi ta nuna loyi a vuriwa Sawulo. Sawulo loyi ar kona hi kufa ka Stefano. Sawulo a ehleketa ku famba a endzela muti wa Damaska. A lava kuya khoma vapfumeri a va yisa khotsweni. Erendzweni ra yena ku humelele swilo swo hlamarisa.

Xifaniso 13: Ku vonakala ni Rito leri humaka hi le tilweni

Xifaniso 13: Ku vonakala ni Rito leri humaka hi le tilweni

Mintirho 9:1-9

Ku vonakala loku kulu loku ku fanaka ni rihati ku huma hi le tilweni ku rendzela Sawulo kutani a wela hansi. Rito ri vulavula na yena riku: "Sawulo, Sawulo u ndzi xanisela yini?" Sawulo a vutisa, "U mani Hosi?" Kutani Rito riku: "Himina Yesu loyi u n'wi xanisaka!" Vavanuna lava a va ri na Sawulo va ri twile rito leri, kambe a va vonangi munhu. Sawulo a pfuka kambe a nga ha voni (a ri bofu). Kutani va vanuna lava a vafanele ku n'wi khoma hi voko va n'wi yisa e Damaska. Kutani a tshama masiku manharhu a nga voni, A nga dyi, a nga nwi. Sawulo a ri ni tihanyi ngopfu e ka valandzeri va Hosi Yesu. Xikwembu xa swi kota ku hundzula munhu u n'wana na u n'wana. Yingisa u twa leswaku ku humelele yini swin'wana ku ya mahlweni.

Xifaniso 14: Sawulo wa bofu na Anania

Xifaniso 14: Sawulo wa bofu na Anania

Mintirho 9:10-20

Laha hi vona nuna wa bofu Sawulo endlwini e Damaska. Xikwembu Xi rhumela wa nuna loyi va nge i Anania eka yena. Anania a ri mupfumeri ni mulandzeri (mudyondzisiwa_ wa Yesu Kriste.

A a swi tiva leswaku Sawulo u endlile swilo swo chavisa e ka vapfumeri e Yerusalema, kambe hambi swi ritano u yingisile a pfumela leswi Xikwembu Xi n'wi rhumaka swona, a famba a ya ka Sawulo. Anania a ku ka Sawulo: "Sawulo Makwerhu, Hosi Yesu loyi a tikombiseke ka wena e ndleleni leyi u nga ta ha yona, U ndzi rhumile leswaku u tlhela u vona, ni leswaku u tala hi Moya lowo Kwetsima." Kutani Anania a n'wi tlhandleka mavoko, hi nomu lo, Sawulo a tlhela a vona.

U amukerile Moya lowo kwetsima wa Xikwembu kutani a khuvuriwa kutani a komba vanhu leswaku kutani hi yena mulandzeri mudyondzisiwa wa Yesu. Kutani Sawulo a ya e ka va Yuda a va byela hinkwaswo ha Hosi Yesu.

Ku fana na Anania hi fanele ku yingisa Xikwembu hi nga chavi vanhu, Kutani Xikwembu Xi ta hi tirhisa ku byela va n'wana hi tindlela ta ku ponisiwa.

Xifaniso 15: Kereke leyi khongelaka yi rhumela Vafundhisi/Varhumiwa

Xifaniso 15: Kereke leyi khongelaka yi rhumela Vafundhisi/Varhumiwa

Mintirho 11:25-26, 13:1-3

Mutini lowu vuriwa Antioka, vapfumeri va hlengeletane swin'we va gandzela Xikwembu. Enhlangano wa vanhu lava a va ri Kereke ya Antioka. A awu vuriwa vaKriste. Sawulo u fambile na Barnaba ku ya dyondzisa vanhu kona. Siku ri n'wana va rhangeri va Kereke (vakulukumba) vati tsonile swa kudya va khongela swin'we hi matimba kutani Moya lowo kwetsima wu vula vula na vona wuku: "Ndzi hlawuleleni Barnaba na Sawulo va ya entirhweni lowu ndzi va vitaneleke wona."

Xikwembu Xi lavile leswaku Sawulo na Barnaba va ya eka vanhu lava va nga si twaka hiti mhaka ta Yesu. U nga va vona Sawulo na Barnaba va nkhisamile exifanisweni lexi.

Vakulukumba va Kereke va va tlhandlekile mavoko va va khongelela. Kutani va rhumela Sawulo na Barnaba ku ya dyondzisa Mahungu la manene ya Yesu e ka lava va nga si ritwaka e Rito kule lee ni le Antioka. Yesu U te: "Fambani mi ya emisaveni hinkwayo mi ya chumayela (vula) Mahungu la Manene eka tinxaka hinkwato, ni vanhu hinkwavo ni ka un'wana na un'wana! Ni namuntlha leswi Xikwembu Xi vitana vanhu e kerekeni leswaku va huma va famba va vula Mahungu lamanene eka munhu u n'wana na u n'wana. Kereke, vapfumeri va fanele ku va khongelela va va seketela va va rhumela handle.

Xifaniso 16: Pawulo u vulavula ha Yesu (chumayela)

Xifaniso 16: Pawulo u vulavula ha Yesu (chumayela)

Mintirho 13:4-52

Sawulo na Barnaba va yile emadorobeni (mintini) yo tala ngopfu ni le swimintaneni swa le kule-kulee. A ku ri wona nkarhi lowo Sawulo a vitaniwa hi vito ra yena rintshwa ra Pawulo. U hlanganile ni vaYuda etindlwini ta vu-khongeni, tani hi leswi u vonaka la xifanisweni, va karhi va dyondzisa. "Xikwembu xa va Yuda Xi hlawurile va tata wa hina, ku va endla rixaka le ri kulu. Xi va nyikile vaprofeta lava kulu, varhangeri, vadyondzisi. Va va byela hi ta loyi a nga ta va ponisa e swidyohweni swa vona. I Hosi Yesu Kriste. Loko Yesu a tile, va Yuda vo tala a va pfumelangi ka Yena. A va N'wi twisisangi leswaku iMani, ni leswaku a va nga ta N'wi gandzela, loyi a rhumiweke hi Xikwembu."

Pawulo na Barnaba na vona va dyondzisile vanhu leswaku hambi leswi Yesu a nga onhanga nchumu, hambi swi ritano va N'wi dlayile. Xikwembu Xi N'wi pfuxile ekufeni. A nga ka a nga ha fi na kambe.

Kutani u n'wana na u n'wana loyi a vekaka ku tshemba e ka Yesu, u amukeriwa hi Xikwembu a endliwa lonene e ka Xikwembu. Kambe lava va kanakanaka no hleka Ntiyiso wa Xikwembu va ta biwa va panichiwa hi Xikwembu. VaYuda va n'wana vo tala ni tinxaka tin'wana ta vanhu va pfumerile e ka Mahungu lama, kutani tikereke to tala ti akiwile; kambe va n'wana a va pfumelanga. Switano ni namuntlho vanhu vo tala a va nga pfumeli loko hi va byela ha Yesu. Kambe Xikwembu Xi rhandza leswaku u n'wana na u n'wana a twa, a pfumela e ka Mahungu la Manene ya Yesu kutani a ta ponisiwa.

Xifaniso 17: Xikwembu Xitlhela Xi ti vonakarisa no rhangela Paulo

Xifaniso 17: Xikwembu Xitlhela Xi ti vonakarisa no rhangela Paulo

Mintirho 16:6-10

Endzaku ka malembe yo hlayanyana Pawulo utlhele a endzela tinhlengeletano (kereke) leti na kambe. U tlhele na kambe a famba ni va n'wana vo hlayanyana, u n'wana wa vona a kuri Silas. A va rhandzile ku ya e tikweni ra Bitinia, kambe Moya wa Yesu U va alela ku ya kwalano. Kasi vusiku byebyo Pawulo u vonile mahlori.

Eka mahlori malamo Pawulo u vonile wa nuna wo huma etikweni ra Makedonia a n'wi vitana aku: "Pelela e Makedonia u ta hi pfuna." Hi ku hatlisa Pawulo a swi twisisa leswaku Xikwembu Xi va vitanela e Makedonia. Xikwembu Xi ta rhangela la va va rhandzaka ku landzela Hosi Yesu.

Mikama (minkarhi) mi n'wana Xi ku komba hi milorho kumbe mahlori(xivono), kambe minkarhi yo tala Xi hi kombisa no hi rhangela hi Marito mo huma eka Buku ya Xona ku nga Bibele.

Vapfumeri va fanele ku kombela Xikwembu leswaku Xi va rhangela ka hinkwasvwo leswi va swi endlaka. Va fanele va Xi tshemba leswaku Xita va komba ndlela yo kota ku yingisa loko Xi va rhangela hi Moya wa Xona lowo Kwetsima.

Xifaniso 18: Pawulo na Silas eku tsekatsekeni ka Misava

Xifaniso 18: Pawulo na Silas eku tsekatsekeni ka Misava

Mintirho 16:16-35

Pawulo na Silas va yingisile Xikwembu kutani va ya e Filipia e Makedonia. Kwalano va dyondzisile vanhu hi timbaka ta Yesu. Hi Vito ra Yesu Kriste va hlongorile moya lowo biha e ka nhwanyana. Leswi swi vilerisile no karhihisa vanhu va n'wana kutani va khoma Paulo na Silas va va ba, va tlhela va va hoxa khotsweni.

Evusikwini le byi kulu ngopfu Pawulo na Silas a va khongela, va yimbelela Xikwembu tinsimu kwale khotsweni. Kambe hi nomu lo, ku tsekatseka loku kulu ka misava ku va kona. Tinyangwa ti pfuleka, timpencana hinkwato ta vabohiwa ti chuncheka. Mulanguteri wa khotso a ehleketa leswaku vabohiwa va balekile. A chuhile ngopfu kutani a lava ku tidlaya. Kutani Pawulo a n'wi vona a huwelela hi rito leri kulu aku: "U nga tshuki u ti vavisa hikuva ha ha ri kona hinkwerhu." Mulanguteri wa khotso a va humesela handle a ku ka vona: "N'wina vavanuna, ndzi nga endla yini leswaku ndzi ponisiwa?"

Vona va hlamula vaku: "Pfumela e ka Hosi Yesu Kriste kutani u ta ponisiwa - wena ni va yindlu ya wena." Mulanguteri ni yindlu ya yena (ndyangu) va veka ku tshemba ka vona e ka Hosi Yesu kutani va va ni ku tsaka loku kulu etimbilwini. Kutani mulanguteri a va hlayisa Pawulo na Silas, kutani ni mixo a va tshika va famba. Va fambile va ri la va chunchekeke. Loko minkarhi yi bihile hifanele ku dzunisa Xikwembu. Loko hi tshembele e ka Xikwembu hi yingisa Rito ra Xona, kutani hi nga Xi tirhela hinkwako laha hi nga kona.

Xifaniso 19: Pawulo ni Altari ya Xikwembu leXi nga tiviweki

Xifaniso 19: Pawulo ni Altari ya Xikwembu leXi nga tiviweki

Mintirho 17:16-34

Muti wa Athena a wu talele hi swikwembu swa hava, (Leswi swi vula leswo vanhu va ti endlela xilo kutani va xi gandzela, hi xona xikwembu xa hava.) Vanhu a va gandzela swikwembu swo hambanahambana. Exifanisweni lexi, Pawulo u langute e ka Altari. E ka Altari leyi le swi nga tsariwa swi vula leswaku eka Xikwembu le xi nga tiviwiki. Vanhu va le Athena va rhandzile ku tiva leswaku va Pawulo va dyondzisa hi yini, ku tani Pawulo a ku ka vona: "Vavanuna va Athena, ndzi vona leswaku mi vanhu lava tšhavaka Xikwembu ku tlurisa. Hikuva loko ndzi karhi ndzi famba ndzi languta magandzelo ya n'wina ndzi kumile altari laha ku tsariweke va ku 'Eka Xikwembu le Xi nga tiviwiki!' Sweswi ndzi lava ku mi byela hi Xikwembu, Lexi mi nga Xi tiviki." Pawulo a va dyondzisa hi Xikwembu Xa Ntiyiso le Xi Xi endleke swilo hinkwaswo. I Hosi ya Tilo ni Misava. A nga tshami e tempeleni yo akiwa hi mavoko ya munhu.

Pawulo a va byela leswaku va nga dyondza ku tiva Xikwembu Xin'we xa Ntiyiso eka Hosi Yesu, kutani va tile ku ta pfumela e ka Xona. Yesu u ta vuya ku ta avanyisa u n'wana na u n'wana. Hi Yena Muponisi a ri Yexe. A ku na Xikwembu xi n'wana ni ripfumelo ri n'wana leri ri nga ponisaka vanhu eswidyohweni. Tanihi Pawulo a hi tshembekeni eku tshembeni Hosi Yesu Kriste. Hi nga chaveni ku byela vanhu va n'wana hi Yena (Yesu) hi ta kota ku n'wi tirhela.

Xifaniso 20: Pawulo a yisiwa Hubyeni

Xifaniso 20: Pawulo a yisiwa Hubyeni

Mintirho 18:1-17

Tanihileswi mi swi vonaka la xifanisweni, Pawulo u le khombyeni na kambe. U le muntini wa Korinto. A ku ri ni vanhu va timbilu to biha ngopfu va mona e mutini lowu. Va Yuda va le Korinto na vona a va kaneta Pawulo hikuva a byela va Yuda leswaku Yesu i Kriste i Messia. Siku ri n'wana ni vusiku Hosi Yesu u vulavule na Pawulo aku: "U nga chavi, kambe, vulavula u nga miyeri, hikuva ndzi na wena, a kuna munhu loyi a nga ta ku veka voko ra yena e henhla ka wena ku ku endla swo biha, hikuva ndzi ni tiko le ri kulu e mutini lowu." Kutani Pawulo a tshamisa e Korinto a dyondzisa vanhu kutani vo tala va pfumela e ka mahungu lawa. Kambe va Yuda lava a va n'wi kaneta a va ri ni mavondzo na yena.

Siku ri n'wana va n'wi pfukerile kutani va n'wi yisa ehubyeni. A va n'wi hehla hi leswaku u dyondzisa tidyondzo leti hambaneke ni ta vona.

Hambi swi ritano, Ndhuna a yi va yingiselanga yi va hlongola hinkwavo e hubyeni. E handle le hubyeni va Yuda lava a va karihe ngopfu va khoma murhangeri wa muYuda loyi na yena a pfumela ka Yesu va n'wi ba, kambe Pawulo a baleka va nga n'wi vavisanga.

Hi nga tshikeni ku vulavula hi Yesu, hambi loko va bihi ni vasandzi va hi kaneta, Xikwembu Xi tshembisile leswaku Xi ta va ni malandza ya Xona minkarhi hinkwayo.

Xifaniso 21: Masocha ma ponisa Paulo eka valala va yena

Xifaniso 21: Masocha ma ponisa Paulo eka valala va yena

Mintirho 21:1 - 22:24

Pawulo a tlhela a endzela tikereke tintshwa leti nga sunguriwa. Pawulo u kuceterile vapfumeri leswaku va yisa mahlweni hi ku landzela Yesu. Vapfumeri va n'wana va khongoterile Pawulo leswaku a nga yi e Yerusalem. A a swi tiva leswaku valala va yena va kona na swona va lava ku n'wi dlaya. Kambe Pawulo a ku "Mina ndzi tilungisile ku ngari ku bohiwa ntsena, kambe ku ri ku fela eVito ra Hosi Yesu e Yerusalema.

Ku te loko Pawulo a tlhelele e Yerusalema, va Yuda va pfuxa madzolonga ha yena (Pawulo), vunyingi byi ringetile ku n'wi dlaya e mitsendzeleni. Va n'wana va masocha ya vaRoma va susile Pawulo entshungwini wa vanhu vo kariha swo nghasi. Pawulo a yimile e henhla endhaweni ya masocha, a vulavula ni ntshungu. Kutani va sungula va huwelela va ku: "N'wi dlayeni, A nga fanelangi ku hanya." Kutani masocha va n'wi teka va n'wi susa eka ntshungu va n'wi yise e khotsweni. Pawulo a nga chavi ku fa. A swi tiva leswaku ku ni hakelo yi kulu e tilweni leyi yi vekeriweke hinkwavo lava va nga ta xanisiwa hikwalaho ka Yesu

Xifaniso 22: Pawulo u dyondzisa eka vanhu va nkoka va matimu la makulu

Xifaniso 22: Pawulo u dyondzisa eka vanhu va nkoka va matimu la makulu

Mintirho 23:11, 25 - 26

(Tindhuna, vafumi, tihosi ni Nkosikazi)

Va n'wana va ma Yuda a va ha lava ku dlaya Pawulo. Kambe Hosi Yesu U ti vonakari sile eka Pawulo aku: "Tiyisa mbilu, Paolo, hikuva ku kotisa leswi u vuleke vumboni bya timbaka ta mina e Yerusalem, swi fanele leswaku u vula vumboni bya Mina ni le Roma." Va kulukumba va vaYuda va behla Pawulo emahlweni ka ndhuna ya vaRoma, va teka Pawulo va n'wi yisa eka Agripa hosi ya vaYuda. U nga va vona hinkwavo la xifanisweni lexi.

Pawulo a nga chavi munhu. U byerile ndhuna, Hosi ni Nkosikazi ha Yesu. U va byerile hinkwaswo leswi Yesu a nga humelerisa xi swona e ka yena loko a ri ndleleni yo ya e Damaseka ni leswi Yesu anga n'wi lerisa xi swona leswaku a famba a byela vanhu va matiko hinkwawo hi Mahungu la manene. Hosi Agripa a ku u kusuhi ni ku ndzi khorwisa hi Yesu. A swi tiva leswaku Pawulo a nga endlanga nchumu wo biha. Pawulo a kombela ku a vanyisiwa hi Khezar ya le Roma A gripa u kphumelele Pawulo ku ya a vanyisiwa kona. Roma a wu ri muti lowu kulu ngopfu emisaveni hinkwayo nkarhi wolowo, Khezar na yona a yiri munhu lonkulu muavanyisi lo nkulu loyi a tshama kwalano. Xikwembu a Xi ri ni makungu yo karhi na Pawulo. Xi ni makungu yo hlawuleka eka munhu u n'wana ni u n'wana wa hina. Hi kuma makungu ya vutomi bya hina eka Rito ra Xikwembu. Hi fanele ku Xi yingisa.

Xifaniso 23: Xikwembu Xi na Pawulo ekhombyeni

Xifaniso 23: Xikwembu Xi na Pawulo ekhombyeni

Mintirho 27:13-44

(Ku bombomela ka Ngalava)

Masocha ma teka Pawulo ni va bohiwa va n'wana va va yisa e Roma. A va famba hi byatso ku pelela ntsungeni. Hi masiku ya khume-mune (14) ngalava yi khomiwile hi mheho yo chavisa. Vanhu lava ingi va ri ngalaveni va ehleketa leswaku va ya kufeni.

Ntsumi ya Xikwembu yi vulavula na Pawulo yi ku: "U nga chavi Pawulo; u fanele ku ya yima emahlweni ka Khezar. Xikwembu Xi ta ponisa mavutomi ya vanhu lava hinkwavo va nga na wena." Hi nkarhinyana ngalava yi fika ekusuhi ni xihlala. Ngalava yi sungula ku tsemelelekana. Vanhu va sungula ku tlulela ematini-elwandle. Va n'wana a va swi kota ku hlambela, va n'wana va khomelela e swi po mbo ndzwaneni swa ngalava. Hi mukhuva wolowo va fika e ribuweni va ponile hinkwavo. E ka mhaka leyi, hi dyondza leswaku loko Xikwembu Xi ri ni ntirho na hina leswaku hi tirha, Xa swi kota ku hi ponisa e makhombyeni ya tinxakaxaka.

Xifaniso 24: Pawulo tanihi mubohiwa e Roma

Xifaniso 24: Pawulo tanihi mubohiwa e Roma

Mintirho 28:16-31

Laha mi vona Pawulo e Roma. Laha u tshamile malembe mambirhi e khotsweni.U pfumeleriwile ku tshama endlwini ya yena yo ta hakelela, a tshama ni socha ra mu Roma ku n'wi langutela. U amukerile no tsakela hinkwavo la va a va ta ku ta n'wi vona. U va dyondzisile hi ta Mfumo wa Xikwembu na Hosi Yesu. Pawulo u tsarile mapapila ku dyondzisa tikereke leti a nga ti endzela a nga si khomiwa. Mapa pila lama ma kona e Bibeleni leswaku hinkwavo vanhu va ta dyondza tindlela ta Xikwembu. Pawulo u xaniseke ngopfu hikwalaho ka Yesu. Minkarhi mi n'wana a biwa, a khandliwa, a va hava swa ku dya a va hava ni kaya. E ku heteleleni u dlayiwile hi vaRoma. Kambe Pawulo e papileni ra yena eka vaRoma, u tsalela vapfumeri hinkwavo uri: "Ndzi tiyisile ndzi ri ku nga va rifu, kumbe ku hanya, ..... kumbe xin'wana na xin'wana e ka ntumbuluko hinkwawo lexi xi nga hi hambanisaka ni rirhandzu ra Xikwembu leri ri nga eka Kriste Yesu Hosi ya hina."

Xikwembu Xi nyika matimba e ka hinkwavo lava pfumelaka eka Yena, va tirhela Hosi ni Muponisi Yesu Kriste. A hi nyiketeni vutomi bya hina e ka Hosi Yesu. A hi n'wi tirheleni hi hangalasa mahungula manene ya Yena leswaku misava hinkwayo yi ta tiva leswaku Yesu U nyika vutomi lebyi nga heriki ni Xikwembu.

Verwante inligting

Woorde van Lewe - GRN het oudio-evangelieboodskappe in duisende tale wat Bybelgebaseerde boodskappe bevat oor verlossing en Christelike lewe.

Gratis aflaaie - Hier vind u al die belangrikste GRN boodskap skrips in verskeie tale, plus prente en ander verwante materiaal, wat beskikbaar is om af te laai.

Die GRN Oudiobiblioteek - Evangelistiese en basiese Bybelonderrigmateriaal wat geskik is vir die behoefte en kultuur van die mense in 'n verskeidenheid style en formate.

Copyright and Licensing - GRN shares it's audio, video and written scripts under Creative Commons

Choosing the right audio or video format - What audio and video file formats are available from GRN, and which one is best to use?