Laetitia Roux is 'n vriendin van die bediening.
Sy het nog altyd 'n sagte plekkie gehad vir onse Tumi Tier en dit wat Tumi doen.
Toe sy en Léan, haar seun, besluit om die Tankwa Camino-staproete in die Tankwa Karoo te gaan stap, het hulle vir Tumi saamgenooi.
Hulle wil, sover soos hulle vorder, mense bewus maak van Tumi se bediening aan kinders in trauma situasies.
Hulle vra vriende en familie om elke kilometer wat hulle saam met Tumi stap, te borg.
Die geld wat ingesamel word, sal uitsluitlik gebruik word om Tumi's te skenk vir kinders in nood.
Die Tankwa Camino neem stappers deur die uitgestrekte area van die Tankwa Karoo, op die langste grondpad in Suid Afrika, wat die dorpe van Calvinia en Ceres verbind.
Tankwa Camino Reisafstand is: 256,6 km
Begin: 1 September 2023 by Calvinia.
- Calvinia (22,5 km)
- Boskloof (28,2 km)
- Kleinbrak (27,2 km)
- Witkloof (26,3 km)
- Onder-Stompiesfontein (28,3 km)
- Witwalle (29,1 km)
- Grootdam (27,3 km)
- Beukesfontein (21,3 km)
- Karoopoort (31,4 km)
- Rhodona (15 km)
Einde: 10 September 2023 by Ceres
Selfoonsein in hierdie afgeleë gebied is sporadies, maar hulle sal nuus en foto's stuur oor hul vordering soos sein dit toelaat. Hou hierdie spasie dop!
Ek wil Laetitia en/of Léan borg.
- R1/km (R256 vir 'n Tumi) met voltooiing
- R2/km (R512 vir 'n Tumi) met voltooiing
- 1x Tumi (R680) met voltooiing
- R5/km (R1,280 vir 'n Tumi) met voltooiing van die roete